24 mar 13:16aktual, yigma

“Məğlub olmasaq, Azərbaycan yaxşı mənada partlayacaq”

“Məğlub olmasaq, Azərbaycan yaxşı mənada partlayacaq”
Prosineçki sürprizə ümid edir

Robert Prosineçki Almaniyanın “Kicker” jurnalına müsahibə verib. Yığmanın xorvat çalışdırıcısı bundestimlə qarşıdakı görüşdən və başqa məsələlərdən danışıb.
- Azərbaycan millisi Şimali İrlandiya ilə birgə DÇ-nin seçmə mərhələsində Almaniyanın ən yaxın izləyicisidi. Bu reallığı əks etdirir, yoxsa təsadüfdü?
- Bəzən belə fürsət ələ bir dəfə düşür. Vəsiqə qazanmaq yolunda artıq 7 xalımız var. Amma reallığı da görməliyik. Başqa ölkələrin futbolçularının harda oynadıqlarına baxsaq və bizimlə müqayisə etsək, DÇ-2018-ə çıxmağımız qeyri-mümkündü. Əsas odu ki, futbolçuların etibarını qazanmışam və biz artıq kiçik uğura da imza atmışıq. İndi Almaniya ilə matç bizim üçün ən asan görüşdü.
- Nəyə görə?
- Almaniya həmişə favoritdi. Biz yalnız mübarizə aparmağa, bacardığımızı maksimum dərəcədə etməyə çalışmalıyıq. Üçüncü ildi burdayam və inkişaf göz qabağındadı. Bəs bu kifayətdimi? Fikrimcə, Azərbaycanın final mərhələsinə çıxması üçün uzun yol qət etməliyik. Amma futbolda hər şey mümkündü.
- Almaniya ilə qarşılaşmada sürpriz mümkündü?
- Buna həmişə ümid etməliyik, amma Almaniyaya qarşı oynamaq çox çətindi. Onlar seçmə turnirdə bütün oyunlarını 3:0 və daha böyük hesabla udublar (Şimali İrlandiyaya 2:0 qalib gəliblər). Almaniya Fransada keçirilən Avropa çempionatı ilə müqayisədə indi daha güclüdü. Burda hamı dünya çempionlarını görmək istəyir, stadion tam dolacaq. Ölkə üçün tamaşa olacaq.
- Cəmi 2 qolla 7 xal toplamısız. Komandanızı müdafiəyəmeyilli adlandırmaq olar?
- Xeyr, sadəcə, belə alınıb. San Marinoda fərqlənmək şansımız çox olsa da, yararlana bilmədik. Norveç çoxlu legioneri olan güclü rəqib idi. Ən yaxşı oyunumuzu Çexiyada oynadıq və 0:0 hesablı heç-heçəyə imza atdıq.
- Ötən ilin noyabrında isə Belfastda Şimali İrlandiyaya 0:4 hesabıyla aşkar məğlub olduz.
- Xeyr, sadəcə, standart vəziyyətlərlə bağlı problemlərimiz var. Üç qolu məhz “standart”dan buraxdıq. Amma bilirik ki, hələ bu səviyyəyə çatmamışıq. Hələ çox çalışmalıyıq. İndi qarşıda 3 ev oyunumuz var. Almaniya ilə görüşü hesaba almıram.
- Dünya çempionları ilə matçda da belə bir faciənin baş verəcəyindən qorxursuz?
- Almanlarla oyunda hər şey ola bilər! Onlar dünya çempionatında Braziliya kimi komandaya 7 qol vurublar!
- Bəlkə əsas məqsədiniz bu seçmə turnirdə dünya çempionlarının qapısına ən azı ilk qolu vurmaqdı?
- Əla olardı. Amma çətindi. İstənilən halda, nəsə etməyə çalışacağıq. Bəlkə rəqib oyunçuların diqqətindən yayınıb təhlükəli əks-hücumlara çıxa bildik. Amma Almaniya həmişə öz işinə peşəkarcasına yanaşır. İstədikləri nəticəyə nail olurlar.
- Azərbaycanda pul və idman ambisiyası var. Bəzən komandanıza qarşı olan gözləntiləri, necə deyərlər, boğmaq məcburiyyətində qalırsız?
- Mən gəlməmişdən əvvəl futboldan çox danışılmırdı. Əsasən ona görə ki, nəticələr yox idi. Amma indi vəziyyət fərqlidi, 7 xalımız var və hamı eyforiyaya qapılıb. Əksər azarkeşlər artıq Rusiyadakı final mərhələsinə çıxdığımızı düşünür. Amma biz hələ orda deyilik.
- Sizdən əvvəlki baş məşqçi Berti Foqtsun gördüyü hansı işlərdən faydalana bilirsiz?
- Berti burda yaxşı işlər görüb. Azərbaycanda 7 il çalışıb və yaxşı nəticələri olub. O, müdafiə baxımından çox iş görüb və bundan yararlana bilərəm. Amma biz həmçinin hücum barədə də düşünməliyik. Mən oynamağı bacaran komanda formalaşdırmaq istəyirəm. Biz artıq inkişafa nail olmuşuq.
- Almaniyanın ikinci divizionunda çıxış edən “Ertsgebirge”nin futbolçusu Dmitri Nazarov sizin üçün nə dərəcədə vacib oyunçudu?
- Yaxşı oyunçudu və mən bura gələndə “Karlsrue”də çıxış edirdi. Düşünürdüm ki, daha yaxşı kluba keçə bilər. Yaxşı yarımmüdafiəçidi, yaxşı zərbələri var, cərimə zərbələrini yaxşı yerinə yetirir. Bizim üçün vacib futbolçudu.
- Komandanızda legioner futbolçuların azlığı da sizin üçün maneədi?
- Əlbəttə, amma təkcə bu deyil. Çempionatda cəmi iki komanda – “Qarabağ” və “Qəbələ” çempionluq uğrunda mübarizə aparır. Rəqabətin güclü olmaması da bizim üçün problemdi. Millinin futbolçuları əsasən ən yaxşı klublarda oynayırlar və klublarını dəyişmək fikirləri yoxdu. Yaxşı qazanırlar. Hər halda, qeyd etdiyim iki klub müntəzəm Avropa Liqasında çıxış edir, amma növbəti mərhələyə çıxa bilmir.
- Azərbaycan FIFA reytinqində 89-cu yerdədi. Bununla dünya çempionatının final mərhələsinə çıxmağa ümid etmək olarmı?
- Mən işə başlayanda biz 135-ci idik. İrəliyə doğru böyük addım atmışıq. Bu inanılmazdı.
- 89-cu pilləyə yüksəldiyiniz kimi, final turnirinə də yüksəlməyiniz mümkündü?
- Əlbəttə, hamı bunu istəyir. Bir məşqçi olaraq bunu bacaracağımızı deyə bilərəm. Amma çətin işdi və sona kimi də belə olacaq.
- Vaxtilə dünyanın ən yaxşı futbolçularından biri olmusuz. İstedad baxımından sizdən zəif olan oyunçuları çalışdırmaq çətin deyil?
- Karyeranızı başa vurandan sonra futbolçu kimi düşünməməlisiz. Heç vaxt fikirləşməməlisiz ki, bu və ya başqa hərəkəti özünüz necə edərdiz. Bəzi oyunçuların bacarığının yüksək olmadığını bilməlisiz. Çünki daha az istedadlı oyunçularla da işləmək məcburiyyətində qalırsız və bu asan deyil.
- “Srvena Zvezda” və “Kayserispor”da işləmisiz, indi də Azərbaycan millisində çalışırsız. Daha böyük komandaların məşqçisi olmaq hədəfiniz varmı?
- Hamının ambisiyaları var. Bir peşəkar mütəxəssis kimi ən yaxşı komandalarda çalışmaq istərdim. Bu normaldı. Təbii ki, məşqçi kimi inkişaf etmək istəyirəm. Avropanın aparıcı liqaları haqda düşünürəm. Amma baxarıq, bu menecerimin işidi. Heç Azərbaycanda çalışacağım da ağlıma gəlməzdi.
- Yeniyetmə vaxtlarınızda Almaniyada “Ştutqarter Kikers” komandasında oynamısız. Bu klubla əlaqələriniz varmı?
- Ailəm Almaniyada yaşayırdı - Nürtingendə. Sonra anam məni Degerloxa apardı və mən o klubda 6 yaşımdan 10 yaşıma kimi çıxış etdim. Sonra biz Yuqoslaviyaya köçdük və Zaqreb “Dinamo”sunda oynamağa başladım. İndi “Ştutqarter Kikers”lə heç bir əlaqəm yoxdu. Lakin komandanın nəticələrini izləyirəm.
- Almaniyada işləməyi xəyal edirsiz?
- Bundesliqa çox maraqlıdı. Hamı orda işləmək istəyər. Böyük klublar var və onların lap çox azarkeşi var. Almaniyada futbolu İngiltərə və ya İspaniyada olduğu kimi sevirlər. Əlbəttə, nəyisə hədəfləyə bilərsiz, amma necə olacağını əvvəlcədən bilmək olmaz. Onu da deyim ki, mən alman dilini unutmamışam.
- Almaniya ilə qarşılaşmada sizi hansı nəticə qane edər?
- Məğlub olmasaq, Azərbaycan yaxşı mənada partlayacaq. Amma açığı, bu, bizim üçün çox çətin işdi. Adətən, Almaniya gəlir və işini peşəkarcasına həll edir. Bəxtimiz gətirə, bizim üçün uğurlu, Almaniya üçün uğursuz gün ola bilər və nəticədə heç-heçə qeydə alınar. Ancaq mən həmişə realistəm. Desəm ki, biz qalib gələcəyik, o zaman qapımızdan 5 top da buraxa bilərik. Ən yaxşı o olardı ki, almanlar oyundan sonra “bizim üçün çox çətin oldu” desinlər.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 16:53 Ziya Əzizov Tərlan Əhmədov haqda heç nə bilmirmiş… Dünən, 16:51 “İdman Azərbaycan” yalnız “Qarabağ”a, “CBC Sport” hamısına müraciət edib Dünən, 16:49 Oqtay Abdullayev Vidadi Rzayevə mesaj verib Dünən, 16:25 Stankoviç “Sperantsa”nı zəif rəqib saymır Dünən, 16:22 “Azərbaycanı bu cür təsəvvür etmirdim” Dünən, 16:20 “Sperantsa” ilə səfər oyununa getmək üçün 150-160 dollar lazımdı Dünən, 16:19 Efros “Neftçi”ni “Şerif” səviyyəsində görür Dünən, 16:15 “Biz sürgünük, qardaş, sürgün” Dünən, 16:12 “Qarabağ”ın Romerosu gəldi Dünən, 16:08 Slavçev iddialı həmyerlilərinə yenilgidən danışdı Dünən, 15:37 AFFA rəhbərliyi üçün ideal “23-lük”... Dünən, 15:34 “Zirə” hücumçu və müdafiəçi ilə danışıq aparır Dünən, 15:29 Həftənin idman proqramı Dünən, 15:25 “Səbail” Bilalın keçidini rəsmiləşdirdi Dünən, 15:19 “Traktorsazi” adını dəyişdi? Dünən, 15:17 AFFA yığma üzvlərini xarici klublara yerləşdirir Dünən, 15:13 “Kəpəz”dən ayrılan Etibar İbrahimov ölkə xaricinə yollana bilər Dünən, 15:08 Bezotosnı “Qəbələ”nin qərarını anlaya bilmir Dünən, 15:05 “Tobol” potensial liderdi Dünən, 15:04 Qəbələ turnirində görünənlərdən təkcə Yoviç parlamayıb Dünən, 15:02 Banişevskini Ələsgərovdan xəbərsiz əməliyyat ediblər 23-06-2019, 16:11 “Sabah”dan 2000 manatlıq növbəti müsabiqə 23-06-2019, 15:46 “Qarabağ” rəqiblərini “Dalğa Arena”da qəbul edəcək 23-06-2019, 15:40 Mirabdulla Abbasovun məsələsinə nöqtə qoyuldu 23-06-2019, 15:33 Nicat Qurbanov karyerasını bitirmək istəmir 23-06-2019, 15:17 Eddi İsrafilov üçün 500 min avro 23-06-2019, 15:15 Xətai Bağırovun Taylandda maaşı 2500 dollar olub 23-06-2019, 15:14 Minskdə yarışacaq güləş yığmalarının heyəti açıqlandı 23-06-2019, 15:12 Sevinc Bünyatova-Yusubova Mikayıl Cabbarovla görüşmək istəyir 23-06-2019, 15:10 “Hər şey ikitərəfli əlaqələr, razılıq sayəsində baş tutdu” 21-06-2019, 13:44 “Coca-Cola Məktəbli Kuboku”na yekun vuruldu 21-06-2019, 13:38 Ayxan Abbasov Müşahidə Şurasının qərarını gözləyir 21-06-2019, 13:37 Zaur Hidayətov “Sumqayıt-2”ni çalışdıracaq 21-06-2019, 13:34 Nazim Süleymanov Buzovnada veteranlarla görüşdü 21-06-2019, 13:28 Avrokubok təmsilçilərimiz rəqiblərini tanıdı 21-06-2019, 13:25 Tanıtma 21-06-2019, 13:24 Avrokubok iştirakçılarının yoxlama oyunlarını izləyə biləcəyik? 21-06-2019, 13:21 Çingiz Abdullayevlə Kamran Quliyev hədiyyə verdi 21-06-2019, 13:19 “Gurultulu bəyanatlar verməyəcəm” 21-06-2019, 13:18 "Neftçi"nin Mirabdulla ilə bağlı əlavə tələbləri var 21-06-2019, 13:16 Tanıtma 21-06-2019, 13:15 “Səbail” Koçuku razı saldı 21-06-2019, 13:12 Tanıtma 21-06-2019, 13:07 Ramos getdi, Məhəmməd gəldi 21-06-2019, 13:06 “Keşlə” bu gündən başlayır 21-06-2019, 13:05 Etibar İbrahimov “Kəpəz”dən ayrıldı 21-06-2019, 13:01 “Zirə”nin planı açıqlandı 21-06-2019, 12:59 “Qəbələ”nin sabiq məşqçisi Sənan Qurbanovu təriflədi 21-06-2019, 12:57 “Qarabağ”, “Neftçi” və “Qəbələ”nin üzü gülür 21-06-2019, 12:54 Emil Balayevli “Tobol” sonda “yıxıldı” 20-06-2019, 22:50 Yayın ilk “xarici” qələbəsi “Neftçi”dən 19-06-2019, 15:05 Kaprara özünü də batırdı, yığmamızı da... 19-06-2019, 15:03 Mirabdulla Abbasovun məsələsi məhkəməyə qədər gedə bilər 19-06-2019, 15:00 Stiven Jozef-Monroz da “Neftçi”li oldu 19-06-2019, 14:57 Samir Əliyev 0:4-ə görə özünü suçladı 19-06-2019, 14:56 Əliyarı finala layiq görmədilər 19-06-2019, 14:20 Qurban Qurbanov Yurçeviçə cavab vermək istəmədi Bütün xəbərlər
Ən çox oxunanlar