13 mar 11:31aktual, manset

Lənkəranlıları ölkə futboluna bəxş edə bilməyən “Xəzər Lənkəran”

Lənkəranlıları ölkə futboluna bəxş edə bilməyən “Xəzər Lənkəran”
Bir Elnur Cəfərovdu, o da ki...

2003-cü ilin dekabrında yaşanan inqilabdan sonra ölkə futbolunda əməlli-başlı canlanma yarandı. Yeni “körpələr doğuldu”, sponsorlar bu idman növünə ciddi yatırım etməyə başladı. “Bakı”, “Xəzər Lənkəran”, “İnter”, “Karvan”, “MKT Araz” məhz inqilabın “meyvələri” idi. Həmin siyahıya pullanan “Turan”ı da əlavə edə bilərik. Ardınca “2005-15-ci illərdə ölkə futbolunun inkişafına dair Dövlət Proqramı”nın da təsdiq olunması imkanlı şəxslərin iştahını artırmaya bilməzdi. Məqsəd məlum idi: pul gücünə bahalı legioner futbolçuları və məşqçiləri Azərbaycana dəvət etməklə uğura nail olmaq. “Karvan”, “MKT Araz”, “Turan” kimi klublar imtahandan üzüağ çıxmağı bacarmadı. Nəticədə aşağı dəstəyə yuvarlandılar, bəziləri tarixin yaddaşına köçdü. Qarşıya qoyulan bir başqa hədəf gənc futbolçuların inkişafına çalışmaq və ən yaxın gələcəkdə onları milliyə qazandırmaq idi.
Bir çox klublar bu işdə özünü doğrultmağı bacardı. Yəni həm nəticə verməyi, paralel olaraq uşaq futbolunun inkişafına nail olmağı özləri üçün prioritet seçmişdilər. Həmin illərdə “Turan”ın uğurları üçün çalışan gənclər – Elvin Məmmədovla Cavid Hüseynov bu günə qədər yığmanın şərəfini qoruyur. “İnter” son 10 il ərzində ölkə futboluna Səlahət Ağayev, Coşqun Diniyev, Abbas Hüseynov kimi milli oyunçularını bəxş edib. Fuad Bayramov, Mirsahib Abbasov, İlqar Ələkbərov artıq neçə illərdi premyer-liqa təmsilçilərinin sıralarındadı. “Qarabağ” bu siyasi xətti seçəndə Rauf Əliyev, Maksim Medvedev, Əfran İsmayılov, Qara Qarayev, Təmkin Xəlilzadə, Kamil Hüseynov kimilərin üzə çıxmasına nail oldu. “Neftçi” məktəbində Araz Abdullayev, Mirhüseyn Seyidov, Amit Quluzadə, Cavid İmamverdiyev, Tərlan Quliyev, Elvin Yunuszadə, Emil Balayev, Məqsəd İsayev, Fəhmin Muradbəyli kimi istedadlar yetişdi. “Qəbələ” ölkə futboluna Tellur Mütəllimovu, Sadiq Quliyevi, Kamal Mirzəyevi, Elvin Camalovu verdi. “Bakı”dan danışmaq isə bir başqa söhbət mövzusudu: Aqil Məmmədov, Mahir Mədətov, Namiq Ələsgərov, Rəhman Hacıyev, Nurlan Novruzov, Şəhriyar Əliyev, Vüqar Bəybalayev, Vadim Abdullayev, Vüqar Mustafayev kimi futbolçular bu gün premyer-liqada üzdə olan isimlərdi (Vadim Abdullayev xaric – H.). Yəni vaxtilə milyonlar xərcləyən sponsorların yetişən gənclərə baxıb qürrələnməsi üçün əlində fakt var. Həmçinin “mən Azərbaycan futbolu üçün nə etmişəm” sualına verməyə cavabı. Bəs “Xəzər Lənkəran”? Bəs Mübariz və Mais Mənsimovlar, o cümlədən Tuyqun Nadirov? Onların bu məsələdə dili nə qədər uzundu?
Birvaxtlar Kazım Kazımlı vardı, Lənkəran futbolunun xoş gələcəyi sayılırdı. Rəhbərlik də hər dəfə klub məktəbindən söhbət düşəndə onun adını çəkirdi. Amma çox çəkmədi ki, Kazımın böyük futbolçu olmayacağı təsdiqini tapdı. Bahalı legionerlərin, nəticə verməyə gələn məşqçilərin əlinin altında itib-batdı. Çünki rəhbərlik heç bir məşqçinin qarşısına “bu uşağı əsas milliyə qazandırmalısız” tələbi qoyulmamışdı. Hər kəsin başı yüksəködənişli gəlmələrin müqavilələrinə və onlarla yaşanan problemlərə qarışmışdı. Sonradan Lənkəranda Elnur Cəfərov, Tərlan Qasımzadə, Kamran Abdullayev kimi gənclər dəbə mindi. Onlar haqda da xoş sözlər söylənilir, fantastik gələcəkdən dəm vururdular. Bircə Cəfərov əsas yığmaya qədər gedib çıxdı ki, hazırki durumu göz qabağındadı. Xorvatiyanın aşağı dəstəsində mübarizə aparan “Duqopolye”nin şərəfini qoruyur. Buna “şərəf qorumaq” demək olarsa. Adam əsas heyətdə yer alanda gözlərinə işıq gəlir. Yəni Kazımdan sonra Elnur da məhv oldu. “Xəzər Lənkəran” vaxtında öz yetirməsinə sahib çıxa bilmədi, düzgün yol göstərəni, futbol tərbiyəsi verəni olmadı.
Bilirəm, kimlərinsə başında sual yaranacaq: məgər “Xəzər Lənkəran”ın yetirmələri elə bunlardı? İbrahim Qədirzadə, Xaqani Sadıqov, İlyas Səfərzadə, Elşən Rzazadə, Zaman Mirzəzadə, Elvin Mirzəyev... Bəli, bu uşaqlar da Lənkəran futbolundan çıxanlardı, onları futbola “Xəzər Lənkəran” qazandırdı. Amma nə vaxt? İndi hardadılar? Hə, bax, bu sualın cavabını Tuyqun Nadirov cənablarından eşitmək maraqlı olardı. Amma indiki vəziyyətdə mümkün deyil. Odu ki, cavabını biz deyək. Vaxtdan danışırıqsa, yaxın keçmişə səyahət edək. Xatırlayırsızsa, hələ “Makkabi” faciəsindən (0:8) sonra birbaşa “yuxarı”dan mesaj gəlmişdi. Ki, legionerlər qovulsun, onların əvəzinə yerli gənclərə şans verilsin. Düzdü, bundan sonra əcnəbilərin sayı müəyyən qədər azaldı, tədricən büdcə də tükəndi. Və belə vəziyyətdə klub rəhbərliyinin yeganə çıxış yolu bu gəncləri meydana atmaq, başqa cür desək, “yandırmaq” idi. Yəni birdən-birə 5-10 gəncə əsas heyətdə yer verib, “çıxın, “Neftçi”yə, “Qarabağ”a qarşı oynayın” dedilər. Özlərini təmizə çıxarmaq, Mübariz Mənsimovun qabağında “görün nə qədər futbolçu yetişib” şəklində bəraət qazanmaq üçün. Və həmin gənclər uduza-uduza premyer-liqanı tərk edib, sonradan heç kimə lazım olmadılar. Halbuki həmin uşaqları ölkə futboluna qazandırıb, əsas yığmaya qədər yüksəlmələrinə nail olmaq mümkün idi. Təbii ki, adi futbol siyasəti və savadı ilə. Pul tükənəndən, sponsor krantı bağlayandan sonra yox, vaxtında – Mirça Redniki, Karles Bakesi, Mustafa Dənizlini, Con Toşakı dəvət edəndə düşünmək lazım idi Lənkəran futbolunun gələcəyini. Amma həmin vaxt lənkəranlı balalar kimin yadına düşürdü? Adamların başı dollar bağlamalarını saymağa, xaricə işgüzar səfərlərə, menecerlərlə telefon danışıqlarına qarışmışdı. Gənclər isə tribunada oturub həsrətlə əsas komandanın heyətində meydana ayaq basacağı günü gözləyirdi. Bəli, həmin vaxt belələrinə şans verilmədi, klubun gələcəyi düşünülmədi. Bu həm də ölkə futbolunun gələcəyinə tüpürmək idi.
Çətinə düşəndə özlərindən başqa hamını günahkar bilən klub rəsmiləri 12 il ərzində gördüyü işləri, verdikləri nəticələri unudub deyə, zamanla bir-bir yadlarına salmaqdayıq. Nəticə baxımından “İnter”lə “Bakı”nın “kölgəsində yatan” klub həm də legionerlərlə lotu prinsipləri ilə davranmaqla xaricdə Azərbaycan futbolunun adına ciddi zərbə vurub. Bu da sizə uşaq futbolunun inkişafı yönündə görülən işlər. İmkanlı vaxtlarda gəncləri bir kənara atıb əcnəbilərin ayaqları altına xalça sərənlər, öyünə biləcəyiniz bircə Elnur Cəfərovdu. O da ki ... Nəticəsini özünüz bilirsiz. 12 ildə Mübariz Mənsimovun milyonlarını hansı uğur, hansı inkişaf üçün xərclədiyinizi müəyyənləşdirəndə deyin, biz də ictimaiyyətə təqdim edək.
Rahid Əmirquliyevlə Kamran Ağayevin adını çəkməyiniz günah olar. Hər ikisi futbol məktəbi keçmiş hazır futbolçular idi. Sadəcə, pulla alıb, gətirib oynatmısız. Söhbət “Xəzər Lənkəran”ın yetişdirdiklərindən gedir.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
24-05-2019, 17:14 Gülağa Cabbarov Stuxlikə məktub yazdı 24-05-2019, 17:13 Riad Rəfiyev əvvəlcə sponsorla, sonra baş məşqçi ilə görüşəcək 24-05-2019, 17:11 “Qəbələ”də qeyri-müəyyənlik davam edir 24-05-2019, 17:09 Renat Dadaşov U-21-dən imtina etməyib 24-05-2019, 17:07 Qara Qarayev daha iki il “Qarabağ”da 24-05-2019, 17:06 Azərbaycanlı futbolçular Mxitaryanı “qorxaq” adlandırdı 24-05-2019, 17:04 Avroliqanın kuboku Cocuq Mərcanlıda 24-05-2019, 15:28 Yığma 17 nəfərlə hazırlaşır 24-05-2019, 15:25 Yurçeviç “çərçivə”ni Səlahət Ağayevə tapşıracaq 24-05-2019, 15:22 "Ayntraxt"ın azarkeşləri azərbaycanlı cocuqları sevindirdilər 24-05-2019, 15:17 UEFA İcraiyyə Komitəsi Bakıda yığışacaq 24-05-2019, 15:14 Çempion üç günə iki qələbə qazandı 24-05-2019, 15:12 “Araz”ın ÇL-dəki rəqibləri nə vaxt məlum olacaq? 24-05-2019, 15:10 Joze Alesio limitin tərəfdarıdı 24-05-2019, 15:08 Hər iki finalçı cəzalandırıldı 24-05-2019, 14:03 “Dəyişikliklər vacibdi, amma belə yox” 24-05-2019, 14:01 “Keşlə” Salahlı ilə anlaşdı, hədəfdə Əfrandı 24-05-2019, 13:59 U-21 xorvatlarla “sülh bağladı” 24-05-2019, 13:54 Səfir jurnalistlər önünə çıxacaq 24-05-2019, 13:53 Nə tez ayıldın, Özil?! 24-05-2019, 13:51 Naxçıvan turniri: xəbəri kimdən alaq? 24-05-2019, 13:47 Kamal Bayramov “Səbail”də 24-05-2019, 13:44 Emil Balayevli "Tobol"dan önəmli qələbə 24-05-2019, 13:40 “Neftçi”nin Mirabdullanı satmaq fikri yoxdu 24-05-2019, 13:25 Ayxan Abbasov Riad Rəfiyevlə son görüşü gözləyir 24-05-2019, 13:20 AZAL “Qəbələ” və “Sumqayıt”ın futbolçularına zülm etdi 24-05-2019, 13:18 “Topaz” mayın 28-də festivala başlayır 24-05-2019, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar