06 mar 18:32aktual, manset

Səbuhi Səfiyarlı Mikayıl Nərimanoğlunu yalançı çıxardı

Səbuhi Səfiyarlı Mikayıl Nərimanoğlunu yalançı çıxardı
“Heç yerdə deyilmir ki, hakimlər də söyüş söyüblər, cavab qaytarıblar”

Dünən “Qəbələ”nin meneceri Səbuhi Səfiyarlı ilə əlaqə saxladıq. Klub rəsmisi Gəncədə yaşananlara, İntizam Komitəsinin (İK) qərarlarına, eləcə də bu məsələ ilə bağlı bütün detallara aydınlıq gətirdi.
- Konkret nədən narazı qaldığınızı bilmək maraqlıdı.
- Artıq apellyasiya şikayəti vermişik. Həmçinin klub bəyanat da yayıb. Hesab edirik ki, cəzalar həddən artıq ağırdı. Nika Kvekveskiri 3 oyunluq diskvalifikasiya olunub. Özləri deyir ki, rəqibi itələyib. İtələmək nə vaxtdan 3 oyunluq cəzadı? Yaxud da deyilir ki, rəqibə əl atıb. Əl atmaqla vurmaq fərqli şeylərdi. Əliyar bildirib ki, birbaşa “qırmızı” göstərməsəydim də, ikinci “sarı”nı verib qova bilərdim. İkinci sarı vərəqənin cəzası 3 oyun deyil. Özləri də bilmirlər ki, nə deyirlər. Bu artıq başqa bir şeydi.
- Bəs başqa cəzalar haqda nə deyə bilərsiz?
- Klub rəsmiləri haqda verilən qərarlara gəlincə, hər şey orda yazılan kimi deyil. Özləri etiraf etmişdi ki, bizi vuran olmayıb. Orxan deyib ki, mənə bir nəfər təpik atdı. Bir təpik atmağa 16 min manat cərimə və 20 oyun stadiona girişə qadağa düşmür axı. Orda heç vurmaq halı qeydə alınmayıb. Bizim Namiq hakim konkret söyüş söyməyib, təhqiramiz ifadə işlətməyib. Deyib ki, bunları vurmaq lazımdı, normal oyun idarə etsinlər. Söyüş-filan deyil, ona 5 oyunluq cəza düşmür. O da əsəbi olub. Necə ki deyirlər, hakim də insandı, səhv edə bilər. Başqaları maşın deyil, biz də insanıq, bizim də əsəbimiz, emosiyamız var. Klubun hər bir işçisi əsəbləşə bilər. Belə çıxır, aranı sakitləşdirənlərə də mükafat verilməlidi? Mən qışqırmışamsa, yenə deyirəm, heç kimə söyüş söyməmişik. Sadəcə, yüksək tonda etiraz etmişik. Birinci hissədən sonra gördüyümüz qədər qırmızı vərəqə yox idi. Həmçinin qolun ofsayddan vurulması ilə bağlı şübhələr var idi. Biz də bu iki epizoda görə yüksək səslə etiraz edirdik. Yəni bilsin ki, onun idarəçiliyindən narazıyıq, heç olmasa, ikinci hissədə düzgün idarəçilik etsin. Bizə 5 oyunluq cəza nədi? Hakimə deyə bilmərik ki, normal idarəçilik et? “Bu nə “qırmızı”dı” soruşa bilmərik? Onun fikrincə “qırmızı” var, bizim düşüncəmizə görə yoxdu. Sadəcə, bir fərqimiz var, onun əlində fit var, bizdə yoxdu. O təyin edir, biz yox. Ancaq bu o demək deyil ki, o düzgün qərar verir. Başa düşürük, Əliyar Ağayevi müdafiə edirlər, aşağı qiymət yazmırlar ki, beynəlxalq oyunlara təyinat alsın. Ancaq buna görə bizə cəza vermək olmaz axı.
- İK-nın çıxardığı hansısa qərarla razısız?
- Elə bir qərar yoxdu axı. Bir daha deyirəm, orda “vurub” yazılıb, amma vurmaq olmayıb. Kimsə təpik atıbsa da, ona 20 oyunluq cəza düşmür. Tutaq ki, Səməd söyüş söyməyib. Bir kəlmə deyib ki, “özün qəbələlilsən, orda qırmızı vərəqə var idi?” Düzdü, onu bir qədər yüksək tonda deyib. Ancaq götürüb Səmədə 10 oyun cəza veriblər. Hakimlər deyir ki, bizi bir nəfər vurub. Lakin görürük ki, iki nəfər cəzalanıb. “Normal hakimlik edin” nə vaxtdan təhqir sayılır? Hə, Səməd deyib ki, adam kişi olar. Heç yerdə deyilmir ki, hakimlər də söyüş söyüblər, cavab qaytarıblar. Bir sözlə, çox sərt qərarlardı.
- Özünüz qeyd etdiz ki, klub rəsmisi təpik atıb. Bu vurmaq deyil?
- Təpik atarsan, adamın ciyəri dağılar, düşər xəstəxanaya. Biri də var, təpik atırsan, çəkilir, heç dəymir. Hər halda, bunların bir fərqi olmalıdı. Qanunla da bunların fərqi var. Xəsarət yoxdu, təpik heç ona dəyməyib. Düzü, həmin epizodu yada sala bilmirəm. Hamı əsəbi idi. Səbuhidən soruşdum, bildirdi ki, mən onu vurmamışam.
- Bütün klub rəsmiləri həmin anda bir yerdə idi?
- Demək olar, hə. Mən bir qədər sonra gəldim. Bizim hakimi vurmaq fikrimiz olsaydı, indiyədək edərdik. Hansı ki, “Zirə” ilə görüşdə qapımıza aşkar ofsayddan qol vurdular. Həmin oyunda hakim Əliyar idi. Onda etiraz edərdik. Artıq boğaza yığılmışıq. Zirədəki qarşılaşmada Rasim Ramaldanova göstərilən qırmızı vərəqə mübahisəli idi. Vardı, yoxdu demirəm, amma mübahisəliydi. Elə Nikaya göstərilən “qırmızı” da mübahisəli idi. “Kəpəz”in oyunçusuna göstərilən qırmızı vərəqəyə heç kim etiraz etmir. Çünki hər şey aşkar görünürdü. Amma Nikaya verilən “qırmızı”nı kimi deyir var, bir başqası deyir yoxdu. Deməli, mübahisəli qərardı. Mübahisəli qərarları da Əliyar həmişə əleyhimizə verir. Belə təmizdi, düzdü, “Zirə” ilə oyunda ofsayddan qapımıza qol vurulanda saxlayardı da. Yaxud da lasyman bayrağını qaldırardı. Bizim qapımıza qol olanda deyirlər “insandı, səhv edir”. Ancaq burda çox çətin vəziyyətdə qolu qeydə aldı. Burda da səhv edərdi, verməzdi qolu.
- Yəni problem sırf Ağayevlə bağlıdı?
- Bəli, Əliyarın idarə etdiyi bütün oyunlarda belə hallar olur. Özünə də demişəm, pis hakim deyil, perspektivi var, Avropada bizi təmsil edir. Bir şəxsiyyət kimi, hakim kimi heç bir etirazımız yoxdu ona. Amma bizim oyunlarda həmişə mübahisəli qərarlar verir.
- Sizcə, o “Qəbələ”yə qarşı qərəzlidi?
- Bilmirəm, qərəzdi, bəxtsizlikdi. Belə baxanda, qərəzli insana oxşamır. Yaxından da tanıyıram, xasiyyətcə də pis biri deyil. Lakin fakt ortadadı. Ötən mövsüm “Neftçi” ilə kubokun yarımfinalında Rəşad Sadiqova verdiyi qırmızı vərəqə yadınızdadı? Əliyarı döyən olsaq, onda döyərdik. Bundan başqa, həmin matçda Aleksey Qaya qarşı qayda pozuntusuna görə penalti təyin etmədi. Sonra çıxıb üzr istədi. “Qarabağ”la 2:2 hesabıyla bitən görüşdə yenə də Sadiqova “qırmızı” göstərdi, halbuki şübhəliydi. Özü görməmişdi, yan xətt hakiminin sözü ilə verdi. Laysman Zeynal Zeynalov idi. Həmin Zeynal ki, “Qarabağ”la 1:1-lik heç-heçə zamanı Əfran İsmayılovun ofsayddan vurduğu qolu qeydə aldı. Həmin Zeynal ki, Ramaldanova qırmızı vərəqə verdirdi, aşkar ofsaydı qeydə almadı, nəticədə qapımızda qol gördük. Bunlar hamısı üst-üstə yığılır. Biz də hər halda, daş, divar, maşın deyilik. Onlar insandı, biz də insanıq. Oyuna baxanda adamın yadında olur ki, səninn komandana qarşı bu cür səhvlər ediblər. Görəsən, bu dəfə də edəcək, ya yox? Bunlar hamısı insanın beynində qalır. Bir mübahisəli qərar olan kimi özündən asılı olmadan əsəbləşirsən.
- Necə düşünürsüz, “Kəpəz”lə oyunda Əliyar yox, başqa bir hakim olsaydı, bu olaylar yaşanacaqdı? Nəzərə alaq ki, fasilədən sonra sizin həm lehinizə, həm də əleyhinizə qərarlar verilib...
- Bəlkə də olmazdı. Xeyrimizə qərarlar o qədər də çox olmayıb. Fasilədən sonra iki dəfə bu baş verib. İndi düşünürük ki, bəlkə də bizi sakitləşdirmək üçün ediblər. “Neftçi” və AZAL-la oyunları nəzərdə tuturam. Amma əksəriyyəti əleyhimizə olub.
- Bu qədər cəza və cərimədən sonra rəhbərlikdən sizə irad bildirildi?
- Bir az irad tutuldu ki, bu səviyyədə etiraz etmək olmaz. Hər şeyin daha sivil forması var. Amma başa düşürlər ki, biz də insanıq, daşdan deyilik. Bizim də səbr kasamız dola bilir.
- Apellyasiya və Ekspert Komitəsinin xeyrinizə qərar çıxaracağına, yaxud da cəzaları və cərimələri yüngülləşdirəcəyinə inanırsız?
- Nə bilim, vallah. Hər halda, bizim fikrimizi dinləməyiblər. Ən azı bizi də dinləyib, fikirlərimizi nəzərə alarlar. Protokol gec yazıldı. Vaxtında yazılsaydı, biz də etirazımızı orda qeyd edərdik. Mən Nikaya görə etirazımı protokola qeyd edərkən onlar yazılmamışdı.
- Axı bu mümkün deyil...
- Əlbəttə, elə bir şey mümkün deyil. Dedim ki, etirazımız var. Çağırdılar ki, gəl yaz. Fikirləşdim ki, yəqin protokol hazırdı. Gələndə gördüm ki, hələ hazır deyil. Soruşdum ki, niyə hazır deyil? Bildirdilər ki, eybi yox, sən yaz, biz sonra yazarıq. Ancaq bilmədim ki, onlar nə yazacaq. Ağlıma gəlmədi ki, protokola belə şeylər qeyd edərlər. Səməd özü də açıqlamasında demişdi ki, oyundan sonra Orxanla söhbət etdik, uşağını soruşduq. Normal tərzdə danışdıq. Lakin sonradan protokola bu qeydləri ediblər.
- “Kəpəz”in Müşahidə Şurasının üzvü Mikayıl Nərimanoğlu “Qəbələ” rəsmiləri də yaxşı bilirlər ki, fasilədə polis klubun 4 əməkdaşını tutub bölməyə aparmaq istəyərkən, polis rəisi ilə danışıb onları buraxdırmışam” söyləyib. Bu nə məsələdi?
- Xeyr. Özünüz fikirləşin, Mikayılın sözü ilə aparmayıblarsa, o necə aparmaqdı? Niyə aparsınlar, xəsarət alan yox, şikayət edən yox. Aydın məsələdi ki, orda hakimləri qoruyan polislər var idi. Etiraz edən tərəf biz idik və bizi sakitləşdirmək istəyirdilər. Ancaq polis aparırdı-filan, bu olmayıb. Nərimanoğlu polislərimizə şər atır. Heç bir qanun pozuntusu yoxdusa, xəsarət alan yoxdusa, polis bizi niyə aparsın ki?! Hüquqi dövlətdə yaşayırıq və asayiş keşikçiləri də haqqın tərəfindədi.
- Bəs Nərimanoğlunun belə deməsinə səbəb nədi?
- Dəqiq deyə bilmərəm.
- Bəlkə sizin xəbəriniz olmayıb, klubun başqa əməkdaşlarını aparırmışlar?
- Yox, inanmıram. Bir yerdə olmuşuq. Bir dənə təpiyə görə adam aparırlar? Özü də Orxan deyir dəyib, amma dəyməyib.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 18:38 Əvəzediciləri “Neftçi”nin təsəlli yeridi Bu gün, 18:37 Qol vuran qələbə qazandı Bu gün, 18:35 “Qəbələ” 3 xal qazandı, Qriqorçuk hakimlikdən narazı qaldı Bu gün, 18:33 “İmarət Avropa”dan “Vətən”ə cavab gəldi Bu gün, 18:32 Azərbaycanlı azarkeşlərin idmançısının yanında olmaq hüququ yoxdu! Bu gün, 18:31 “Zirə” bostanlıqda “Kəpəz”in dərsini verdi Bu gün, 18:29 Futzal çempionatına iddialı debütantlar gəlir Bu gün, 18:29 Rauf Əliyev “Kukesi”də debüt etdi Bu gün, 18:24 1 yaşlı uşaqdan 80 yaşlı qocaya sillə Bu gün, 18:21 “İnter” 88 dəqiqə dözdü Bu gün, 18:17 “Qarabağ”ı böyük ekranda izləmək üçün 500 nəfər müraciət edib Bu gün, 18:15 Futbol ictimaiyyəti “Neftçi”ni “asıb-kəsdi” Bu gün, 18:14 “Kopenhagen”dən əzmkar qələbə... Bu gün, 18:09 Samit Nuruzadə yenə səbr etməyi məsləhət görür Bu gün, 18:07 Faiq Həsənov susdu! Bu gün, 18:06 Qısa xəbərlər Bu gün, 18:04 Belfor pula qaçır... Bu gün, 18:03 “Şüvəlan” MOİK-i darmadağın etdi 20-08-2017, 15:30 Ramil Quliyevin ilk məşqçisi onun geri dönməsini istəyir 20-08-2017, 15:26 TRANSFER DOSYESİ 20-08-2017, 15:25 Şarples mərkəzi arenada gördüyü işin sirrini açıqladı 20-08-2017, 15:23 Vaif Əsədov Sadiqovun ittihamları ilə razılaşmadı 20-08-2017, 15:19 “Qəbələ” əvəzedicilərinə qalib gəldi 20-08-2017, 15:18 Ayxan Abbasov “Kəpəz”in qərarının səbəbini anlamayıb 20-08-2017, 15:15 “Neftçi” yeni kartların satışına başladı 20-08-2017, 15:14 “Parken”də anşlaq gözlənilir 20-08-2017, 15:12 “Qarabağ” mövqeyini ortaya qoydu 20-08-2017, 15:11 Danimarkadakı “Vətən” Cəmiyyətinin sədrindən şok vəd 20-08-2017, 15:10 Dima qol hesabını açdı 20-08-2017, 15:09 Yığma “cırtdan”la “Bakcell Arena”da qarşılaşacaq 20-08-2017, 14:13 Höccət Hacıyev Lənkəran stadionunda dondurma satır? 20-08-2017, 14:08 Azərbaycanlı agentlər Rauf Əliyevlə bağlı danışdı 20-08-2017, 14:01 Ən güclü gimnastlar müəyyənləşdi 20-08-2017, 14:00 Almaniyaya səfər ərəfəsində görüş 20-08-2017, 13:59 Bu dəfə Sloveniyaya uduzdular 20-08-2017, 13:58 Ruslan bir pillə irəlilədi 20-08-2017, 13:56 Tofiq Heydərov fikrindən daşınıb? 20-08-2017, 13:55 AMKF yeni sponsorun yolunu gözləyir 20-08-2017, 13:54 “Turan” rəsmisi PFL-in iradları ilə razılaşdı 20-08-2017, 13:52 Norveç səfirliyi viza vermədi, "Qarabağ" azarkeşləri piket keçirəcək 20-08-2017, 13:50 "Traktorsazi" ilk qələbəsini qazandı 20-08-2017, 13:49 Ölkə çempionu Şahmat Federasiyasına etiraz edir 19-08-2017, 19:46 Yığma üzvü zədələnib 19-08-2017, 19:44 Yığmanın baş məşqçisi mətbuat konfransı keçirəcək 19-08-2017, 19:41 “Xəzər Lənkəran” mərkəzi stadionu “Masallı”ya verildi 19-08-2017, 19:39 Yığmamız mövqeyini qorudu 19-08-2017, 19:36 Federasiya klublarla çempionatı müzakirə etdi 19-08-2017, 19:32 “Qarabağ” rəsmisi qazondakı problemləri problem saymır 19-08-2017, 19:30 “Qarabağ” rəhbərliyi ilə AFFA prezidenti arxa qapıdan yararlanıb 19-08-2017, 19:27 AFFA-nın gözü yol çəkir, Prosineçki vətənindən əl çəkmir 19-08-2017, 19:25 Yol polisi Rəşadın maşınını əlindən alıb 19-08-2017, 19:22 “Qəbələ” “Qalatasaray”la oynayacaq? 19-08-2017, 19:16 “Mil-Muğan”da köhnə-yeni baş məşqçi 19-08-2017, 19:13 Elmar Vəliyev stadiona görə Yevlaxın icra başçısına zəng vurub 19-08-2017, 19:11 Yeni yaradılan “Xəzər” birinci divizionda çıxış edəcək 19-08-2017, 19:07 “Qarabağ” “Parken”də dəstəksiz qalmayacaq 19-08-2017, 19:02 Şehiç yığmaya dəvət aldı Bütün xəbərlər
Ən çox oxunanlar