09 okt 19:01aktual

“Araz”ı döyüb yola saldılar

“Araz”ı döyüb yola saldılar
Araz – Luçeneç (Slovakiya) 2:5 (2:2)
Araz: 12. Rövşən Hüseynli, 7. Ramiz Çovdarov, 9. Oqtay Rüstəmli, 10. Nihad İsmayılov, 13. Samir Həmzəyev; 1. Emin Kürdov, 8. Rizvan Fərzəliyev (k), 18. Adil İsmayılov, 20. Kənan Manafov.
Baş məşqçi: Joze Alesio da Silva.
Luçeneç: 1. Riçard Oberman, 6. Atilla Fehervari (k), 10. Ribeyro Fereyra, 13. Anton Brunovski, 14. Rikardo Kamara; 19. Peter Mikus, 20. Erik Klema, 9. Peter Petik, 12. Peter Koçis, 15. Robert Qresko, 17. Kuxaydik Juray, 18. Adrian Xristov.
Baş məşqçi: Marian Berki.
Qollar: N.İsmayılov, 5 (1:0). R.Çovdarov, 6 (2:0). R.Qresko, 19 (2:1). A.Fehervari, 20 (2:2). R.Kamara, 30 (2:3). A.Fehervari, 34 (2:4). A.Fehervari, 36 (2:5).
Vərəqələr: O.Rüstəmli, 10. K.Juray, 28 – sarı.
Hakimlər: Sven Ayxler (Almaniya), David Şerli (İsveçrə), Kamil Çətin (Türkiyə).
6 oktyabr. Luçeneç. Sportova hala Arena.
Futzal üzrə Çempionlar Liqasında çıxış edən “Araz”ın mübarizəni dayandırdığı ilk iki turdan sonra bəlliydi. Sadəcə, şənbə günü yerli “Luçeneç”lə görüş təsəlli xarakteri daşıyırdı. Slovakiya çempionunu məğlub etməklə qrup ikincisi olmaq mümkün idi. Çünki qrupun digər oyununda Malta “Valetta”sını 5:0 hesabı ilə məğlub edən Litva “Vytis”i elit mərhələyə vəsiqəni maksimum nəticə ilə təmin etmişdi. Belədə Alesio və yetirmələrinin bəhanəsi olacaqdı: “Gördüz, biz yalnız büsbütün braziliyalılardan qurulan kollektivdən geri qaldıq”. Ancaq “Araz” bunu da bacarmadı.
Oyuna Rövşən – Ramiz – Oqtay – Nihad - Samir “5-liy”i ilə start verən Naxçıvan təmsilçisi “qırmızı” cəzalıları – İsa Atayevlə Adəm Həbibovun və ilk iki turda aldığı sarı vərəqələrə görə komandaya kömək edə bilməyən Xətai Bağırovun, eləcə də zədəli Rizvanın xidmətindən məhrum idi. Düzdü, kapitanın adı protokola daxil edilmişdi. Ancaq Alesio formal oyunda onu sonadək meydana buraxmadı.
Əslində “Araz” oyuna pis başlamadı. Daha doğrusu, 5 dəqiqə 2 saniyə sonra tabloya 2:0 həkk olunmuşdu. Avrokuboklarda ilk qolun sevincini yaşayan Nihad İsmayılovun fərqlənməsindən 53 saniyə sonra Ramiz 2-ci topu rəqib qapısından keçirdi. Hissənin yarısı normal keçdi. Ancaq ilk “5-lik” yorulandan sonra problemlər özünü göstərməyə başladı. Ehtiyatda cəmi iki meydan oyunçusu var idi ki, Alesio vaxt udmaq və yetirmələrinə dinclik vermək üçün tez-tez qapıçını meydan oyunçusu ilə əvəzləyirdi. Amma bu da kömək etmədi. Slovakiyalılar birinci hissənin sonuna 1 dəqiqə 50 saniyə qalmış fərqi azaltdılar, qonq səsinə az qalanda isə bərabərlik qolunu vurdular. Beləliklə, tərəflər fasiləyə 2:2 hesablı bərabərliklə yollandı.
İkinci hissənin ortalarında “Luçeneç” hesabda önə keçdikdən sonra Alesio yenə riskli taktikaya əl atdı. Bu isə “ölüm”ü yaxınlaşdırdı. Boş qapıya daha iki qol vuran meydan sahibləri görüşdən 5:2 qalib ayrıldı. Nəticədə “Araz” ardıcıl ikinci qitə turnirini elit mərhələyə yüksəlmədən tərk etdi. Naxçıvan təmsilçisinin yarışı qələbəsiz başa vurması fiaskodu. Komanda son 10 ildə ilk dəfəəsas mərhələni qalib gəlmədən bitirdi. Sözsüz ki, kimsə bu uğursuzluğa görə hesabat verməlidi.
1. Vytis 3 3 0 0 9-2 9
2. Luçeneç 3 2 0 1 11-8 6
3. Araz 3 0 1 2 3-7 1
4. Valetta 3 0 1 2 4-10 1

Reaksiyalar
Joze Alesio da Silva: “Bu gün daha yaxşı oynadıq. Heyətlə bağlı problemlərimiz var idi. Üç futzalçımız cəzalı, biri isə zədəli olduğuna görə bizə kömək edə bilmədi. Meydana buraxdığım oyunçuların əksəriyyəti arxada qalan 2 qarşılaşmanı əsasən ehtiyatda keçirmişdi. Qarşılaşmanın əvvəlində həyəcanlı olsalar da, bunu tez dəf etdilər. Birinci hissədə daha yaxşı çıxış etdik. Heyətlə bağlı problem fasilədən sonra özünü göstərdi. Oyunu cəmi 6 futzalçı ilə keçirməyimiz yorğunluğa səbəb oldu.
Turnirə gəlincə, indi kiçik klub anlayışı qalmayıb. İlk gündən qrupun favoritinin “Vytis” olduğunu demişdim. Nəticələr fikrimdə yanılmadığımı göstərdi. Qrup mərhələsini 3 xal qazanmadan başa vurmağımız yaxşı hal deyil. Ancaq hər üç oyunda qələbə qazanmağa yaxın idik. Problemimiz qol epizodlarından düzgün istifadə edə bilməməyimizlə bağlıdı. Uşaqlar mübarizə apardı. Yekun hamımız üçün üzücüdü”.
Nihad İsmayılov: “Oyuna yaxşı başladıq. Heyətlə bağlı problemimiz var idi. Üç oyunçumuz cəza, biri isə zədə üzündən meydana çıxmamışdı. Əvvəlki qarşılaşmalarda meydanda az olsam da, bu dəfə ilk dəqiqələrdən komandama kömək etməyə çalışdım. Bir neçə futzalçımız var ki, bu cür yarışlarda ilk dəfə iştirak edir. Bunu da nəzərə alsaq, birinci hissədə pis oynamadıq. Hətta avrokuboklarda ilk qolumu vurdum, bunun davamlı olmasını arzulayıram. İkinci yarıda yorğunluq sözünü dedi. Əslində turnirə yaxşı hazırlaşmışdıq. Sadəcə, idman xoşbəxtliyi bu dəfə rəqiblərimizin tərəfində oldu".
Samir Həmzəyev: "Oyunçuların sayı az idi ki, nəticədə meydandakı futzalçılar yoruldu. Heyətimizdə gənc futzalçılar da var. Bir qədər ustalıq istənilən səviyyədə deyildi. Çünki bu komandada hər zaman legionerlər çıxış edib və onlar ustalıq səviyyəsinə görə seçilib. Bu dəfə həmin ustalıq səviyyəsi çatmadı. Nəticədə yaratdığımız qol epizodlarını realizə edə bilmədik”.
Oqtay Rüstəmli: “Çətin vəziyyətdə idik. Uşaqların bir neçəsi məlum səbəblərdən meydana çıxa bilmədi. Ona görə də meydanda olan oyunçulara çox yük düşdü. Yorulduq, ardıcıl qollar sayəsində qazandığımız üstünlüyü qoruya bilmədik. Təsəvvür edin, rəqib dörd-dörd əvəzetmə edirdi, bizdə isə bir oyunçu çıxır, digəri daxil olurdu. Rəqibin say üstünlüyü hesaba təsir edən başlıca məqam idi. Təbii ki, bu nəticə üzücüdü. Ardıcıl ikinci mövsümdü ki, elit-raunda yüksələ bilmirik. Turnir göstərdi ki, daha çox məşq etməli, çalışmalıyıq”.
MİRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 15:46 “Bakı”nın bazasına nəzarət Vaqif Heydərliyə tapşırılıb Dünən, 15:42 Ölkə kubokunda yenilik olacaq Dünən, 15:34 Adalılarla görüşdə xeyrimizə olan məqamlar Dünən, 15:26 Farer adaları erkən və itki ilə gəldi Dünən, 15:22 Foqts Rüfəti təriflədi Dünən, 15:21 Orxan Sadıqlı: “Kim edibsə, Allah bəlasını versin” Dünən, 15:19 Nə Maksimov, nə də Çixradze: “Sumqayıt” Ayxan Abbasova tapşırıldı Dünən, 15:17 Media nümayəndələri üçün “İntellektual kubok” keçiriləcək Dünən, 15:12 U-19 ilk oyunda darmadağın oldu Dünən, 15:09 “Zirə” apellyasiya şikayəti verəcək Dünən, 15:02 U-19: Gürcüstandan sonra şərikli lider Dünən, 15:00 Bakı İdman Sarayında dramatik sonluq Dünən, 14:58 Dedov hücum haqda düşünür Dünən, 14:57 Stuxlik “Zenit”in oyununda Dünən, 14:55 “Sabah” MOİK-i sınağa çəkəcək Dünən, 14:54 UEFA “Vorskla”nın işinə dekabrın 13-də baxacaq Dünən, 14:52 “Qəbələ” rəsmiləri UEFA-nın tədbirinə qatıldı 13-11-2018, 18:49 Azər Mirzəyev məktubla “Futbol+”ə müraciət etdi 13-11-2018, 18:48 Namiq Əliyev DÇ-də fərqlənənləri mükafatlandırdı 13-11-2018, 18:46 Qurban Qurbanovdan ideal seçim 13-11-2018, 18:45 Nazim Süleymanov getdi, yerinə iki yerli, iki əcnəbi namizəd var 13-11-2018, 18:43 İddialıların duelində qalib müəyyənləşmədi 13-11-2018, 18:41 Sabah kubokun püşkü atılacaq 13-11-2018, 18:37 “Lex” Qriqorçukla maraqlanır 13-11-2018, 18:36 Tovuz futbolunun 100 illiyi ilə bağlı kitab nəşr olundu 13-11-2018, 18:29 Rəşad Sadıqov “Beşiktaş”ın futbolçularını U-21-ə cəlb etdi 13-11-2018, 18:27 Riçard “Qarabağ”a qayıtmaq haqda düşünmür 13-11-2018, 18:25 “İmarət”in uşaqları pirotexniki vasitələri Kiyevdən 160 manata alıb 13-11-2018, 18:21 Qonaqlar özünü ev sahibi kimi apardı, bombardir dəyişdi 13-11-2018, 18:19 Turun oyunçusu 13-11-2018, 18:19 Turun sitatı 13-11-2018, 18:18 Turdan məqamlar 13-11-2018, 18:16 “Rəvan”ın rəqibi oyuna gəlmədi, “pərdə enmədi” 13-11-2018, 18:14 Lider başlayacaq, çempion bitirəcək 13-11-2018, 18:13 Vüqar bombardir oldu, komandası elitaya yüksəldi 13-11-2018, 18:11 Yığma AÇ-də mübarizəyə başlayır 11-11-2018, 15:01 Qurban Qurbanov yeni ofisin faydasından danışıb 11-11-2018, 14:59 Ölkə kuboku biabırçı vəziyyətə salınıb 11-11-2018, 14:40 Elnar Kərimov Türkiyədən qayıdıb “od püskürdü” 11-11-2018, 14:37 Yığma “Keşlə”ni darmadağın etdi 11-11-2018, 14:35 “Qarabağ”dan ilk qələbə və bayram hədiyyəsi 11-11-2018, 14:27 “Yadımdadı, konyak içməkdən ayıq vaxtımız olmadı” 11-11-2018, 14:15 Həyati əhəmiyyətli oyuna 8 gün qalarkən... 11-11-2018, 14:05 Asif Məmmədov Olimpiada ilə bağlı proqnoz verməkdən çəkindi 11-11-2018, 13:44 U-21-in rəqibi heyəti açıqladı 11-11-2018, 13:33 “Bizdə heç vaxt maliyyə ilə bağlı problem olmayıb” 8-11-2018, 22:24 “Məni öz içimdən vurdular” 8-11-2018, 22:20 PFL daha jurnalistləri Qəbələyə aparmayacaq 8-11-2018, 22:19 Kosovonun qapıçısı tarixi şans yaxaladıqlarını düşünür 8-11-2018, 21:34 Qalmaqallı “böyük oyun”dan 7 il ötdü 8-11-2018, 21:31 Poltava döyüşü 8-11-2018, 21:29 Çətin eniş, problem yaradan polkovnik, “Qa-ra-bağ” qışqıran tələbələr... 8-11-2018, 21:26 Qurbanov “Vorskla”nın qrupdan çıxmaq şanslarından danışdı 8-11-2018, 21:24 Gəncə futbolu şanlı tarixiylə ayaqlaşa bilmir 8-11-2018, 21:22 Bir oyun təxirə salındı 8-11-2018, 21:21 Ozancanın üzülməsinə Dəniz sevindi 8-11-2018, 21:19 Hakimlərə hücum çəkən futbolçuya 5 oyunluq cəza Bütün xəbərlər
Ən çox oxunanlar