20 sen 20:55aktual

Sənan Qurbanov “Qəbələ”nin problemlərini açıqladı

Sənan Qurbanov “Qəbələ”nin problemlərini açıqladı
“Artıq növbəti turdan bizi tənqid edənləri susdurmağa çalışacağıq”
Son illər ölkə futbolunun liderlərindən biri sayılan “Qəbələ” 2018/19 mövsümünə uğurlu start verməyib desək, yanılmarıq. Avropa Liqasında iki oyunun nəticəsinə görə Lüksemburq “Proqres”inə uduzaraq mübarizəni dayandıran “qırmızı-qaralar”ın bütün diqqətini premyer-liqaya yönəldib çempionluğa əsas namizədlərdən biri olacağı gözləniləsə də, hələ ki gözləntilər özünü doğrultmur. 4 turdan sonra hesabında cəmi 4 xal olan şimallılar “Sumqayıt”la eyni xala malik olsa da, başqa göstəriilərə görə 5-ci pillədə qərarlaşıb. Yeri gəlmişkən, onu da qeyd edək ki, ötən mövsümün gümüş mükafatçısı son 5 ildə premyer-liqaya belə bərbad start verməmişdi. Komanda 2017/18 mövsümündə 4 tura 7 xal, 2016/17 “futbol ili”ndə 10, 2015/16-da 7, 2014/15-də isə 9 xal toplamaqla ilk “üçlük”də qərarlaşıb.
Mövsümlərarası fasilədə bəzi aparıcı oyunçuları ilə vidalaşmaq məcburiyyətində qalan “qırmızı-qaralar”ın zəifləyəcəyi gözlənilən idi. Ancaq Sənan Qurbanovun baş məşqçisi olduğu kollektivin 8 komandalı çempionatda 4 turdan sonra 5-ci pillədə qərarlaşacağını heç ən bədbin qəbələli azarkeş belə düşünmürdü. Son illərin dəyişməz çempionu “Qarabağ”ın, yayda heyətini gücləndirən “Neftçi”nin şimallılardan öndə olacağını hardasa ehtimal etmək olardı. Ancaq heyət baxımından heç də “Qəbələ”dən üstün olmayan “Səbail”in, elitanın debütantı “Sabah”ın “qırmızı-qaralar”a yuxarıdan aşağı baxması bir qədər sürpriz oldu desək, yanılmarıq. Elə 4-cü turda Sənan bəyin yetirmələrinin “tələbələr”ə boyun əyməsi də turun sensasiyası kimi qəbul olundu. Düzdü, oyun planında bölgə təmsilçisi Elşad Əhmədovun komandasından daha yaxşı təsir bağışladı, rəqib qapısı önündə daha çox qol vəziyyəti yaratdı. Ancaq 90 dəqiqənin tamamında sevinən tərəf meydan sahibləri oldu.
Bu gün “Qəbələ”nin ən böyük çatışmazlığı məhsuldarlıqla bağlıdı. 4 tura cəmi 5 qol vuran şimallılar bunun üçünü ilk turda “Səbail”in qapısından keçirib. Qalan 3 qarşılaşmada isə Qurbanovun komandası rəqibi cəmi iki dəfə məyus edib. Komandanın əsas qol silahı olan Rauf Əliyev geridə qalan turlar ərzində yalnız bir dəfə adını tabloya yazdırıb. “Qırmızı-qaralar”ın daha bir çatışmazlığı say üstünlüyündən maksimum istifadə edə bilməməsidi. İstər “Sumqayıt”, istərsə də “Sabah”la görüşlərdə “Qəbələ” oyunun son 15-20 dəqiqəsində say baxımından rəqibdən üstün durumda olsa da, bunu hesabda əks etdirə bilməyib. Şimallıların məşqçilər korpusu vaxtında komandanı toparlaya bilməsə, növbəti turlarda “Qəbələ”ni turnir cədvəlinin zirzəmisində görəcəyik. Elə komandanın baş məşqçisini də narahat edən bu məqamdı.
Sənan Qurbanov dünən bizimlə söhbətdə yaşananlara belə münasibət bildirdi: “Sabah”la oyunda, demək olar ki, bütün göstəricilərdə rəqibi üstələdik. Ancaq təəssüf ki, bunu hesabda əks etdirə bilmədik. Futbolçu 1 metrdən boş qapıya düşə bilmirsə, bu artıq bəxtsizlikdi. Komanda meydanda normal oyun sərgiləməsə, qol vəziyyətləri yarada bilməsək və ya oyunçular əzmkarlıq nümayiş etdirməsə, düşünmək olar ki, klubda iş getmir. Ancaq söylədiklərimin hamısı var, sadəcə, son nöqtəni qoya bilmirik. Ən pisi isə odu ki, belə məğlubiyyətlər futbolçulara çox pis təsir göstərir, psixoloji cəhətdən “sınırlar”. İndi mənim əsas vəzifəm “Qarabağ”la oyun ərəfəsində düşərgədə ab-havanı yüksəltmək, futbolçularda özünəinam yaratmaqdı. “Sabah”la oyunun ertəsi məşqimiz oldu, futbolçuları bir araya gətirib üzülməmələrini, məğlubiyyətdən nəticə çıxarıb yolumuza davam etməli olduğumuzu bildirdim. Qarşılaşmanın təhlili də göstərdi ki, komanda normal oyun göstərdi. Bəli, müəyyən çatışmazlıqlarımızın olduğunu etiraf edirəm. Ancaq “Sabah”la matçda bunların heç biri görünmədi”.
Uğursuz start Sənan bəyin kreslosunu da laxladıb. Mətbuatda yazılanlara inansaq, birinci dövrənin sonuna kimi “Qəbələ” “qara zolaq”dan çıxa bilməsə, rəhbərlik “sükan arxasına” başqa mütəxəssis dəvət edə bilər. Ancaq bizimlə söhbətdə Qurbanov söylənilənləri təsdiq etmədi, əksinə, rəhbərliyin ona güvəndiyini dedi: “Son matç da göstərdi ki, biz düzgün yoldayıq və komanda turdan-tura oyununu daha da mükəmməlləşdirir. 3 xallıq sistemdə hazırkı fərqi aradan qaldırmaq o qədər çətin deyil. Bizə bir qələbə lazımdı ki, futbolçular özlərinə gəlsinlər, psixoloji təzyiqi üzərlərindən atsınlar. Növbəti turda bizi “Qarabağ”la çətin oyun gözləyir. Qurban Qurbanovun komandasının bəlli oyun sistemi var. Heyətdə səviyyəli futbolçular yer alıb. Ancaq bütün bunlar bizi qorxutmur. Çalışacağıq həmin oyundan qələbə ilə ayrılaq. Mətbuatda yazılanlara, “Qəbələ” azarkeşlərinin fikirlərinə hörmətlə yanaşıram. Bilirəm ki, hamı bizdən daha yaxşı nəticə gözləyir. Artıq növbəti turdan bizi tənqid edənləri susdurmağa çalışacağıq”.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 20:04 AFFA hakimə kəllə atan “Laçın”ın məşqçisini cəzalandıracaq Bu gün, 20:03 Mirheydər Səfiyevin istədiyi məbləğ AFFA-nı heyrətləndirib Bu gün, 20:01 Çempion və mükafatçı qələbəylə başladı Bu gün, 19:52 Qurban Qurbanovun “cırtdan”a qarşı gedişləri Bu gün, 19:50 Qələbəyə mane olan səbəblər Bu gün, 19:48 Mahirə çıxış yolları göstərdilər... Bu gün, 19:45 Maltalılar bayram edir Bu gün, 19:39 "Sektor 11" BOS-da niyə varlığını göstərmədi? Bu gün, 19:37 Vaxtilə məhbus həyatı yaşayanlar Kokorinlə Mamayevdən danışdı Bu gün, 19:34 Erkin İbrahimov Skandinaviyaya aparmaq üçün futbolçu axtarır Bu gün, 19:30 AÇ-2020 ilə bağlı tədbir 16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü 14-10-2018, 16:02 Vaqif Sadıqovla Şakir Qəribov U-21-i tək qoymadı 14-10-2018, 16:00 “Araz” “Liman”a “bərk çırpıldı” 14-10-2018, 15:57 “Həmişə milliyə dəvət alıb, oynamağı düşünürdüm” 14-10-2018, 15:54 Üçgünlük səfər, hər gün üçün bir qol 14-10-2018, 15:51 Mütəxəssislər oyunu yox, nəticəni qabartdı 14-10-2018, 15:47 Kiril Petrov ilk dövrədən razıdı 12-10-2018, 22:56 Vüqar Əsgərli U-19-un çıxışını dəyərləndirdi 12-10-2018, 22:54 “Uğur” Region Kubokunda zəif heyətlə oynayıb 12-10-2018, 22:53 Atilla Türkiyədə keçirdiyi 7 mövsümü itirilmiş sayır 12-10-2018, 22:51 “Sumqayıt” Orxan Əliyevlə gücləndi 12-10-2018, 22:50 Kobaxidze bərpa dövrü keçir, Vasin isə meydana çıxmağa can atır 12-10-2018, 22:48 Çəlikəl akademiyanın məşqçiləri ilə nələri müzakirə edib? 12-10-2018, 22:27 Rusiyalı hakimlər obyektivlikdən kənara çıxmadı 12-10-2018, 22:25 Bebek 5-ci dəfə Bakıya gəlir 12-10-2018, 22:25 Maltanın baş məşqçisi və qapıçısı nikbindi 12-10-2018, 21:51 Yığma üzvlərinin qiymətləndirməsi Bütün xəbərlər
Ən çox oxunanlar