13 sen 00:02aktual

Pavelin zədəsinə müayinə aydınlıq gətirəcək

Pavelin zədəsinə müayinə aydınlıq gətirəcək
Ruslanın “23-lük”dən kənarda qalmasını Qurban Qurbanov istəyib
Millətlər Liqasını böyük səbirsizliklə gözləyirdik. Çünki yarışın yaradılmasının əsas məqsədi zəif yığmaların da AÇ-yə yolunu açmaq idi. Bunun üçün aşağı-yuxarı öz gücündə olan rəqiblərlə mübarizədən qalib ayrılmaq lazım idi. Lakin D divizionunun 3-cü qrupunda yer alan Qurban Qurbanovun yetirmələri Millətlər Liqasına yaxşı başlamadı. İlk turda, “doğma divarlar” arasında Kosovo ilə qolsuz “sülh”ə razılaşan yığma srağagün Malta səfərindən 1 xalla döndü. İlk iki oyunda qələbənin qazanılmaması yığmanın qrup birincisi olmaq şansına ciddi təsir etdi. Çünki əsas rəqib sayılan Kosovonun hazırda 4 xalı var. Yığmanın sərgilədiyi oyun qalan 4 matçın hamısında qalib gəlməyin mümkünsüz olduğunu göstərir. Təbii, bütün bunlar müzakirə mövzusudu. Biz isə Malta ilə oyunda diqqəti çəkən məqamlara bir daha toxunaq.
AFFA rəhbərliyi yığmanın yanında idi
Yuxarıda vurğuladığımız kimi, hər kəs Millətlər Liqasının yığma üçün şans olduğunu yaxşı anlayır. Bu fürsəti əldən buraxsaq, çətin ki, milli yaxın illərdə AÇ-nin final mərhələsində çıxış edə. Elə AFFA rəhbərliyi də sözügedən yarışın əhəmiyyətinin fərqindədi. Qurbanovun baş məşqçi postuna gətirilməsi də tarixi şansı dəyərləndirmək arzusunun təzahürü idi. Bir sözlə, federasiya rəhbərliyinin Millətlər Liqasına ümidi çox böyükdü. Yadınızdadısa, hələ Kosovo ilə oyundan öncə AFFA prezidenti Rövnəq Abdullayev komanda ilə görüşmüşdü. Bu dəfə isə assosiasiya başqanı Maltada da yığmanın yanında idi. Özü də Abdullayev tək deyildi. Federasiyanın vitse-prezidenti Elşad Nəsirov, baş katibi Elxan Məmmədov da Malta ilə matçı tribunadan izləyirdi. Sözsüz, AÇ-yə vəsiqə qazanılsa, bu ölkə futbolu üçün inqilaba bərabər bir hadisə olar. İstər Abdullayev, istərsə də Məmmədov bunu yaxşı bilir. Hərçənd qurum rəhbərliyi yarışa nə qədər həssas yanaşsa da, yığma ümidləri doğrultmur.
Paşayevin zədəsi ciddidi?
Malta ilə matçın gedişində Qurbanov üç dəyişikliyə əl atdı. Ramil Şeydayevlə Cavid İmamverdiyevin meydana çıxması oyunu gücləndirmək istəyindən irəli gəlirdisə, daha öncəki əvəzetmə məcburiyyətdən edilmişdi. Belə ki, 34-cü dəqiqədə rəqib kobud oyunla Pavel Paşayevi zədələdi. Həkim müdaxiləsi futbolçunun davam etməsi üçün yetərli olmayınca, Qurbanov müdafiəçini əvəzləmək məcburiyyətində qaldı. Paşayevin yerinə Ürfan Abbasov meydana çıxdı. Dünən Pavelin durumu ilə maraqlandıq. Yığmanın mətbuat xidmətinin rəhbəri Elman Himayətoğlundan aldığımız informasiya görə, hələ ki Paşayevin zədəsinin ciddi olub-olmadığı bilinmir. Futbolçu tibbi müayinədən keçdikdən sonra dəqiq məlumat veriləcək.
Ruslan Qurbanov harda idi?
Avqustun sonlarında təlim-məşq toplanışına start verən yığmanın düşərgəsində 25 futbolçu var idi. Hazırlıq prosesinin gedişində isə yalnız bir dəyişiklik oldu. Belə ki, Səlahət Ağayev atasının vəfatıyla bağlı millidən ayrıldı və baş məşqçi onun əvəzinə Şahruddin Məhəmmədəliyevi dəvət etdi. Kosovo ilə oyunda Namiq Ələsgərovla Bəxtiyar Həsənalızadə “23-lük”də yox idi. Əslində Namiq yeni mövsüm start götürəndən bəri premyer-liqada şans qazanmayıbsa, Həsənalızadə ilk dəfə yığmaya çağırılırdı. Bu baxımdan Qurbanovun seçimini anlamaq olardı. Lakin Malta ilə görüşdə bir qədər fərqli mənzərənin şahidi olduq. Düzdü, bu dəfə də iştirak ərizəsinə salınmayanlardan biri Bəxtiyar idi. Ancaq “23-lük”dən kənarda qalan digər oyunçunun Ruslan Qurbanov olması qəribə göründü. Çünki “Səbail”li ötən oyunda start heyətində yer almış, yalnız sonradan əvəzlənmişdi. Üç gün öncə “11-lik”də olan futbolçunun adının bu dəfə iştirak ərizəsində olmaması diqqəti çəkməyə bilməz. Halbuki oyun təcrübəsi olmayanlardan birini “23-lük”dən kənarda qoymaq olardı. Olmaya baş məşqçi hansısa hərəkətinə görə onu cəzalandırıb? Məsələni Elman Himayətoğlu ilə dəqiqləşdirdik. O, hər hansı cəzanın olmadığını bildirdi. Elman bəy onu da qeyd etdi ki, iştirak ərizəsinə 23 nəfərin adı salındığından 2 nəfər kənarda qalmalıydı və bu, sırf baş məşqçinin seçimidi.
Kimlər oynamadı?
Qurbanov Millətlər Liqasının ilk iki turunda 15 futbolçunun xidmətindən yararlandı. 10 oyunçu nə Kosovo, nə də Malta ilə matçda şans qazandı. Bunlar Emil Balayev, Şahruddin Məhəmmədəliyev, Coşqun Diniyev, Namiq Ələsgərov, Rahid Əmirquliyev, Cavid Hüseynov, Rəhman Hacıyev, Məhəmməd Mirzəbəyov, Rahil Məmmədov və Bəxtiyar Həsənalızadədi. Cavid İmamverdiyevlə Ruslan Qurbanov yalnız bir oyunun iştirakçısı oldu. Qalan futbolçular isə hər iki görüşdə mübarizə apardı. Söhbət Kamran Ağayev, Təmkin Xəlilzadə, Bədavi Hüseynov, Maksim Medvedev, Pavel Paşayev, Ürfan Abbasov, Qara Qarayev, Riçard Almeyda, Dmitri Nazarov, Emin Mahmudov, Mahir Mədətov, Rauf Əliyev və Ramil Şeydayevdən gedir.
66-cı heç-heçə
Malta ilə qarşılaşma yığmanın 242-ci matçı idi. Milli indiyədək 46 qələbə qazanıb, 66 dəfə heç-heçə edib, 130 məğlubiyyət alıb. Bu matçlarda 178 dəfə rəqib qapısına yol tapmışıq, öz qapımızda 407 qol görmüşük. “Cırtdan”la qarşılaşma yığmanın 120-ci rəsmi oyunu idi. Bu matçlarda hesabımızda 13 qələbə, 25 heç-heçə və 82 məğlubiyyət var. Top fərqində də uçurum diqqəti çəkir: 66-252. Malta ilə görüş Qurbanovun millinin “sükanı arxasında” 8-ci oyunu oldu. Yığma təcrübəli mütəxəssisin rəhbərliyi altında 2 qələbə qazanb, 4 heç-heçə edib, 2 dəfə uduzub. Bu oyunlarda 8 qol vurub, 7-ni buraxmışıq.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:32 “Federasiyanı şahmatın inkişafı yox, öz piarı maraqlandırır” Dünən, 17:31 Rusiya yığması Sumqayıta gəlir Dünən, 16:24 Oqtay Abdullayev Nazim Süleymanovu ittiham etdi Dünən, 16:23 “Qəbələ” azarkeşləri üçün xüsusi tədbir hazırlayıb Dünən, 16:22 Mirbağır İsayev “Neftçi”dən ayrıldı Dünən, 16:20 Əliyar Ağayev Fransaya gedəcək Dünən, 16:19 Mirabdulla Abbasov "Neftçi"dən ayrılacaq? Dünən, 16:18 Ruslan Qurbanov "Visla"ya keçə bilər Dünən, 15:59 Tərlan Əhmədov Rəşad Sadiqovu futbola qaytarır, Raili istəyir Dünən, 15:56 “Arsenal”ın Mxitaryanla bağlı qərarı Bakıdakı azarkeşlərinin fikirlərini haçalayıb Dünən, 15:56 Haqq davamız davam edir Dünən, 15:53 Agentlər fasilə dönəmini dəyərləndirdi Dünən, 15:51 “Sumqayıt”dan ikisi getdi, ikisi yeni müqavilə imzaladı Dünən, 15:50 Gerye “Qarabağ”a “qiymət oxuyur” Dünən, 15:20 “Xəzər Cənub”un prezidentindən səs-küylü müsahibə Dünən, 15:18 “Şüvəlan” Heydər Əliyev kubokunun qalibi oldu Dünən, 15:17 “Ekol” kubokun sahibi oldu Dünən, 15:15 Paşayev “bürünc” qazandı, Emil ən yaxşılaran biri oldu Dünən, 15:14 “Sabah” gələcəyin futbolçularını seçəcək Dünən, 15:12 Agenti Petrovu “Dinamo” səviyyəsində görür Dünən, 15:11 AFFA UEFA-ya müraciət etdi, biletlər geri qaytarıldı 24-05-2019, 17:14 Gülağa Cabbarov Stuxlikə məktub yazdı 24-05-2019, 17:13 Riad Rəfiyev əvvəlcə sponsorla, sonra baş məşqçi ilə görüşəcək 24-05-2019, 17:11 “Qəbələ”də qeyri-müəyyənlik davam edir 24-05-2019, 17:09 Renat Dadaşov U-21-dən imtina etməyib 24-05-2019, 17:07 Qara Qarayev daha iki il “Qarabağ”da 24-05-2019, 17:06 Azərbaycanlı futbolçular Mxitaryanı “qorxaq” adlandırdı 24-05-2019, 17:04 Avroliqanın kuboku Cocuq Mərcanlıda 24-05-2019, 15:28 Yığma 17 nəfərlə hazırlaşır 24-05-2019, 15:25 Yurçeviç “çərçivə”ni Səlahət Ağayevə tapşıracaq 24-05-2019, 15:22 "Ayntraxt"ın azarkeşləri azərbaycanlı cocuqları sevindirdilər 24-05-2019, 15:17 UEFA İcraiyyə Komitəsi Bakıda yığışacaq 24-05-2019, 15:14 Çempion üç günə iki qələbə qazandı 24-05-2019, 15:12 “Araz”ın ÇL-dəki rəqibləri nə vaxt məlum olacaq? 24-05-2019, 15:10 Joze Alesio limitin tərəfdarıdı 24-05-2019, 15:08 Hər iki finalçı cəzalandırıldı 24-05-2019, 14:03 “Dəyişikliklər vacibdi, amma belə yox” 24-05-2019, 14:01 “Keşlə” Salahlı ilə anlaşdı, hədəfdə Əfrandı 24-05-2019, 13:59 U-21 xorvatlarla “sülh bağladı” 24-05-2019, 13:54 Səfir jurnalistlər önünə çıxacaq 24-05-2019, 13:53 Nə tez ayıldın, Özil?! 24-05-2019, 13:51 Naxçıvan turniri: xəbəri kimdən alaq? 24-05-2019, 13:47 Kamal Bayramov “Səbail”də 24-05-2019, 13:44 Emil Balayevli "Tobol"dan önəmli qələbə 24-05-2019, 13:40 “Neftçi”nin Mirabdullanı satmaq fikri yoxdu 24-05-2019, 13:25 Ayxan Abbasov Riad Rəfiyevlə son görüşü gözləyir 24-05-2019, 13:20 AZAL “Qəbələ” və “Sumqayıt”ın futbolçularına zülm etdi 24-05-2019, 13:18 “Topaz” mayın 28-də festivala başlayır 24-05-2019, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır Bütün xəbərlər
Ən çox oxunanlar