13 sen 00:01aktual

“Milli dəstə”nin üzvlərini UEFA-nın göstərişi ilə sərbəst buraxıblar

“Milli dəstə”nin üzvlərini UEFA-nın göstərişi ilə sərbəst buraxıblar
Şamil Mustafayev: “Maltanı uda bilməməyimiz kənardan faciə kimi görünür”
Yığma Maltada azarkeş dəstəyindən məhrum deyildi. “Milli dəstə” bu dəfə də komandanı tək qoymadı. Onların sayı təxminən 40-50 nəfər idi. Azarkeş qrupunun üzvləri hətta Təmkin Xəlilzadənin qolundan sonra iki dənə məşəl də yandırdılar. Təbii, yığmanın əksər matçlarında tribunada yer alan “Milli dəstə”yə təşəkkür düşür. Xaricdə yaşayan soydaşlarımızın, əsasən də tələbələrin formalaşdırdığı azarkeş qrupu yığmanın səfər oyunları zamanı sərhədləri aşaraq, öz hesabına komandanın yanında olur. Lakin onlar Ta’Qalidəki matçı heç də xoş xatırlamayacaq.
Söhbət bizim üçün uğursuz nəticənin qeydə alınmasından getmir. Doğrudu, bu məqamın hər bir azərbaycanlı azarkeş kimi, “Milli dəstə”nin üzvlərinin də qanını qaraltdığı şübhə doğurmur. Ancaq əsas məsələ oyundan sonra başverənlərdi. Belə ki, final fitindən sonra azarkeş qrupunun iki üzvü – Şamil Mustafayevlə Vüsal Əhmədov Malta polisi tərəfindən saxlanılıb. Yalnız AFFA rəsmilərinin, UEFA nümayəndəsinin müdaxiləsindən sonra onlar sərbəst buraxılıb. Ancaq proses o qədər də asan olmayıb. Əldə etdiyimiz bilgiyə görə, azarkeş qrupunun üzvlərinin saxlanılmasının səbəbi məşəl yandırmaları olub. Detalları Şamil Mustafayevin özündən dəqiqləşdirdik: “Biz şənbə günü, yığmadan öncə Maltaya çatdıq. Komandanı hava limanında qarşıladıq. Bəstələrimizi oxuduq, dəstəyimizi nümayiş etdirdik. Bundan başqa, bir gün öncəki açıq məşq zamanı da milliyə dəstək olduq. Ötən il Almaniya ilə səfər oyununda böyük Azərbaycan bayrağı açmışdıq. Üzərində də ingilis dilində “bizim ürəyimiz Azərbaycan üçün döyünür” yazısı var idi. Həmin bayrağı da aparmışdıq, üzərindəki yazılarda düzəliş etməliydik, onu da etdik. Bizə təxminən 25 nəfər müraciət etmişdi. Amma gözlənilmədən 10-a yaxın türk, həmçinin cənubi azərbaycanlı, özbək və başqa millətlərdən olan futbolsevərlər də bizə qoşuldu. Təxminən 40-a yaxın tərəfdarla tribunada öz yerimizi tutduq. Himn səslənəndə 100 kvadratlıq Azərbaycan bayrağını açdıq. Təəssüf ki, kanallarda bunu göstərməyiblər. Halbuki himn səslənəndə həmin ölkənin azarkeşlərini göstərirlər. Bundan başqa, gizli şəkildə stadiona iki məşəl keçirmişdik. Qol zamanı hər ikisini yandırdıq və polis bizə yaxınlaşıb, sənədlərimizi təqdim etməyimizi istədi. Lakin biz bundan boyun qaçırdıq. Asayiş keşikçiləri tribunaya keçə bilmədikləri üçün matçın bitməsini gözlədilər. Fasilə zamanı yenidən bizə yaxınlaşıb, onlarla getməyimizi tələb etdilər. Biz bundan da imtina etdik. Məcbur oyunun sonunu gözləməli oldular. Final fitindən sonra mənimlə Vüsal Əhmədovu stadionun yaxınlığında bir yerə apardılar və bizimlə müstəntiqin gəlib söhbət edəcəyini bildirdilər. Gördük ki, AFFA rəsmiləri, baş katib Elxan Məmmədov Malta Futbol Federasiyasının nümayəndələri ilə söhbət edirlər, onlara nəyisə başa salmağa çalışırlar. Bu müzakirələr təxminən 1 saat davam etdi, daha sonra polkovnik rütbəli bir şəxs gəldi və bizi sərbəst buraxdı. O bizə dedi ki, “ağlınızı başınıza yığın, bəxtiniz gətirib ki, Almaniya və ya Fransada deyilsiz. Bu ölkələrdən birində olsaydız, sizi məhkəməyə aparar, cəzalandırar və həbs edərdilər”. Təbii, sərbəst buraxılandan sonra nələrin müzakirə edildiyi ilə maraqlandıq. Dedilər ki, bizim nəzarətə alınmağımızla bağlı AFFA rəsmiləri Malta Futbol Federasiyasına müraciət edib. Lakin qarşı tərəf problemə yaxın durmayıb, bunun onların səlahiyyətinə aid olmadığını bildiriblər. Belədə AFFA rəhbərliyi UEFA ilə əlaqə saxlayıb. Qitə futbol qurumundan gələn xüsusi göstərişdən sonra azad olunduq. Buna görə də həqiqətən AFFA-ya böyük “çox sağ ol” düşür. Elxan Məmmədovla və federasiyanın başqa işçiləri ilə qısa söhbətimiz də oldu. Hər halda, bizi xilas etmək asan başa gəlməmişdi. Biz də bunun məsuliyyətini anlayırıq. Odu ki, gələn dəfə daha diqqətli olmağa çalışacağıq. Qarşılaşmaya gəlincə, təəssüf ki, yığmamız ürəkaçan nəticə əldə edə bilmədi. Oyun da bizi qane etmir. Futbolçulara da etirazımızı fərdi şəkildə bildirdik. Artıq 2 matçımız geridə qaldı və qarşıda 4 oyunumuz var. Ümid edirik ki, qalan görüşlərdə milli daha yaxşı nəticələr qazanıb qrupda 1-ci yeri tutacaq. Buna inanırıq. Tuta bilməsələr, ona uyğun hərəkət edəcəyik. Hazırda isə mövqeyimiz belədi ki, yığmanı dəstəkləyirik və dəstəkləməkdə də davam edəcəyik. Çünki düşünürük ki, uğursuz nəticələrə görə bəlkə də bizdən çox üzülən azarkeş yoxdu. Bunu səmimi qəlbdən deyirik. Min kilometrlərlə məsafəni qət edib yığmanın oyununa gedirik, komandanı dəstəkləyirik və nəticə belə olanda ən çox bizə təsir edir. Bəziləri bunu başa düşmür və fikirlərşirlər ki, etiraz etməyə gücümüz yoxdu. Ancaq inandırım ki, etirazımız olanda həm federasiyaya, həm futbolçulara, həm də baş məşqçiyə şəxsən edirik. Yeri gələndə bunu ictimai şəkildə də edəcəyik. Sadəcə, hələ buna lüzum görmürük. Düzdü, Maltanı uda bilməməyimiz kənardan faciə kimi görünür. Ancaq onlar da bizim kimi ölkələrdi ki, futbolu aşağı səviyyədədi. Azərbaycan futbolu heç də yaxşı yerlərdə deyil. Oyunçuların təcrübəsizliyi, qıtlığı kimi məqamlar var. Hərdən emosiyalara qapılıb reallıqları nəzərə almırıq. Malta ilə oyunda da komandaya dəstək olduq. Yəni üzərimizə düşəni etdik. İnanırıq ki, komanda gələcəkdə əziyyətimizin qarşılığını verəcək ”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:32 “Federasiyanı şahmatın inkişafı yox, öz piarı maraqlandırır” Dünən, 17:31 Rusiya yığması Sumqayıta gəlir Dünən, 16:24 Oqtay Abdullayev Nazim Süleymanovu ittiham etdi Dünən, 16:23 “Qəbələ” azarkeşləri üçün xüsusi tədbir hazırlayıb Dünən, 16:22 Mirbağır İsayev “Neftçi”dən ayrıldı Dünən, 16:20 Əliyar Ağayev Fransaya gedəcək Dünən, 16:19 Mirabdulla Abbasov "Neftçi"dən ayrılacaq? Dünən, 16:18 Ruslan Qurbanov "Visla"ya keçə bilər Dünən, 15:59 Tərlan Əhmədov Rəşad Sadiqovu futbola qaytarır, Raili istəyir Dünən, 15:56 “Arsenal”ın Mxitaryanla bağlı qərarı Bakıdakı azarkeşlərinin fikirlərini haçalayıb Dünən, 15:56 Haqq davamız davam edir Dünən, 15:53 Agentlər fasilə dönəmini dəyərləndirdi Dünən, 15:51 “Sumqayıt”dan ikisi getdi, ikisi yeni müqavilə imzaladı Dünən, 15:50 Gerye “Qarabağ”a “qiymət oxuyur” Dünən, 15:20 “Xəzər Cənub”un prezidentindən səs-küylü müsahibə Dünən, 15:18 “Şüvəlan” Heydər Əliyev kubokunun qalibi oldu Dünən, 15:17 “Ekol” kubokun sahibi oldu Dünən, 15:15 Paşayev “bürünc” qazandı, Emil ən yaxşılaran biri oldu Dünən, 15:14 “Sabah” gələcəyin futbolçularını seçəcək Dünən, 15:12 Agenti Petrovu “Dinamo” səviyyəsində görür Dünən, 15:11 AFFA UEFA-ya müraciət etdi, biletlər geri qaytarıldı 24-05-2019, 17:14 Gülağa Cabbarov Stuxlikə məktub yazdı 24-05-2019, 17:13 Riad Rəfiyev əvvəlcə sponsorla, sonra baş məşqçi ilə görüşəcək 24-05-2019, 17:11 “Qəbələ”də qeyri-müəyyənlik davam edir 24-05-2019, 17:09 Renat Dadaşov U-21-dən imtina etməyib 24-05-2019, 17:07 Qara Qarayev daha iki il “Qarabağ”da 24-05-2019, 17:06 Azərbaycanlı futbolçular Mxitaryanı “qorxaq” adlandırdı 24-05-2019, 17:04 Avroliqanın kuboku Cocuq Mərcanlıda 24-05-2019, 15:28 Yığma 17 nəfərlə hazırlaşır 24-05-2019, 15:25 Yurçeviç “çərçivə”ni Səlahət Ağayevə tapşıracaq 24-05-2019, 15:22 "Ayntraxt"ın azarkeşləri azərbaycanlı cocuqları sevindirdilər 24-05-2019, 15:17 UEFA İcraiyyə Komitəsi Bakıda yığışacaq 24-05-2019, 15:14 Çempion üç günə iki qələbə qazandı 24-05-2019, 15:12 “Araz”ın ÇL-dəki rəqibləri nə vaxt məlum olacaq? 24-05-2019, 15:10 Joze Alesio limitin tərəfdarıdı 24-05-2019, 15:08 Hər iki finalçı cəzalandırıldı 24-05-2019, 14:03 “Dəyişikliklər vacibdi, amma belə yox” 24-05-2019, 14:01 “Keşlə” Salahlı ilə anlaşdı, hədəfdə Əfrandı 24-05-2019, 13:59 U-21 xorvatlarla “sülh bağladı” 24-05-2019, 13:54 Səfir jurnalistlər önünə çıxacaq 24-05-2019, 13:53 Nə tez ayıldın, Özil?! 24-05-2019, 13:51 Naxçıvan turniri: xəbəri kimdən alaq? 24-05-2019, 13:47 Kamal Bayramov “Səbail”də 24-05-2019, 13:44 Emil Balayevli "Tobol"dan önəmli qələbə 24-05-2019, 13:40 “Neftçi”nin Mirabdullanı satmaq fikri yoxdu 24-05-2019, 13:25 Ayxan Abbasov Riad Rəfiyevlə son görüşü gözləyir 24-05-2019, 13:20 AZAL “Qəbələ” və “Sumqayıt”ın futbolçularına zülm etdi 24-05-2019, 13:18 “Topaz” mayın 28-də festivala başlayır 24-05-2019, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır Bütün xəbərlər
Ən çox oxunanlar