“Qəbələ”nin narazılığı ciddiyə alınmayıb » Football-plus.az
08 avq 18:55aktual

“Qəbələ”nin narazılığı ciddiyə alınmayıb

“Qəbələ”nin narazılığı ciddiyə alınmayıb
Vaqif Sadıqov: “Ortada rəsmi heç nə yox idi ki, bununla bağlı katibliyə məlumat verək”
Ötən sayımızda “Qəbələ”nin əvəzedici heyətinin birinci divizionda iştirak etməyəcəyini xəbər vermişdik. Məsələ ilə bağlı mətbuata açıqlama verən “qırmızı-qaralar”ın vitse-prezidenti Fariz Nəcəfov imtina qərarına bir neçə səbəbin olduğunu açıqlayıb: “İlk növbədə əvəzedici komandamızın divizionda iştirakı lüzumsuzdu. Digər tərəfdən, mayda bu məsələ Klublar Komitəsinin iclasında müzakirə edildikdə məlum oldu ki, əvəzedicilərin çempionatı davam etdiriləcək. Biz də həm təşkilati, həm də büdcə məsələlərini buna uyğun formalaşdırdıq. Lakin AFFA İcraiyyə Komitəsi əvəzedicilərin çempionatının aşağı dəstə ilə birləşdirilməsinə qərar verdi. Divizionda iştirak üçün daha böyük büdcə lazımdı. Çünki "Qəbələ"də əvəzedici heyət U-19 və əsas komandada heyətə düşə bilməyən futbolçulardan ibarətdi. Amma indiki vəziyyətdə məcburuq ki, 22-25 yaşlı əlavə futbolçunu daim qalmaq və digər məsələlərlə təmin edək. Bakıda bunu etmək çox rahatdı. Bölgədə isə 2-3 dəfə artıq büdcə lazımdı. Amma divizionda iştirakdan imtinamız təkcə büdcə ilə bağlı deyil. Birinci dəstə ayrıca çempionat, fərqli təqvim, fərqli stadionlar deməkdi və bunun üçün ayrı komanda lazımdı. Bu səbəbdən 2018/19 mövsümü üçün komandamızın bu çempionatda çıxışını mümkün hesab etmədik və bununla bağlı AFFA və PFL-ə məlumat verdik".
“Qəbələ” əksər elita təmsilçiləri kimi AFFA-dan asılı olmadığından müstəqil qərar qəbul edən tək-tük klublardan biridi. Şimallıların vitse-prezidentinin də açıqlamasından belə başa düşmək olar ki, İcraiyyə Komitəsi birinci divizionla bağlı qərar qəbul edərkən onların mövqeyini öyrənməyib. Ancaq İK-nın iyulun 24-nə təsadüf edən son toplantısının ardından birifinq keçirən AFFA-nın baş katibi Elxan Məmmədov fərqli fikirlər səsləndirib: “İki ay əvvəl İcraiyyə Komitəsinin iclasında birinci divizionun məsələsi də müzakirə olunmuşdu. Həmin vaxt AFFA Klublar Komitəsi və Məşqçilər Komitəsi adından aşağı dəstə və əvəzedicilərin çempionatının yeni konsepsiyasını təqdim etmişdik. Lakin İK üzvləri əlavə tapşırıq vermişdilər ki, yenidən bu məsələyə baxaq, bütün qurumlarla bir daha görüşlər keçirək və yenidən detallı konsepsiya təqdim edək. İki ay ərzində Məşqçilər Komitəsi, Klublar Komitəsi, PFL, AFFA və birinci diviziondakı bəzi klubların nümayəndələri ilə görüşlər keçirdik. Nəticədə yeni konsepsiya hazırlandı”.
Belə çıxır ki, Elxan bəyin adını çəkdiyi komitələrin üzvləri yeni konsepsiya ilə bağlı heç bir klubun rəsmiləri ilə görüş keçirməyiblər və ya görüş olubsa da, orda ciddi müzakirələr aparılmayıb. Əks halda, onlar “Qəbələ” rəhbərliyinin yeniliklə bağlı mövqeyini bilər, vaxtında bu haqda aiddiyatı qurumlara çatdırardı. Daha çempionatın startına sayılı günlər qalmış “qırmızı-qaralar”ın əvəzedici komandasının birinci diviziondan imtinası bu qədər söz-söhbətə səbəb olmazdı.
Məsələ ilə bağlı Məşqçilər Komitəsinin sədri Vaqif Sadıqovla əlaqə saxladıq: “Sözügedən məsələ ilə bağlı biz klubların, o cümlədən “Qəbələ”nin nümayəndələri ilə görüşmüşük. Həmin tədbirdən sonra klubun baş meneceri Zaur Əzizov ayaqüstü söhbət zamanı əvəzedicilərin birinci divizionda çıxış etməsinin onlara problem yaradacağını bildirdi. Açığı, inanırdım ki, ölkə futboluna bu qədər fayda verən, bu günü yox, sabahı fikirləşən klub rəhbərliyi yeni layihəyə də dəstək verəcək. Çünki bu həm gənclərin inkişafı, həm də aşağı dəstənin şəffaflığını təmin etmək üçün atılan addımdı”.
“Həmin vaxt Zaur bəyin fikirlərini yuxarı instansiyalara çatdırdız” sualımıza Vaqif bəy belə cavab verdi: “Bu öz aramızda olan söhbət idi. Ortada rəsmi heç nə yox idi ki, bununla bağlı katibliyə məlumat verək”.
Deməli, Məşqçilər Komitəsinin üzvləri yeni konsepsiyanın hazırlanması ilə bağlı klublarla görüşlər keçirib. Hətta həmin görüşdə “Qəbələ” rəsmisi klubun mövqeyini bildirib. Ancaq nədənsə heç kim onların söylədiklərini ciddiyə almayıb. Bütün bunlardan sonra belə qənaətə gəlmək olar ki, baş katibin güvəndiyi şəxslər işlərinə səhlənkar yanaşıblar.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
16-08-2018, 19:11 Bəhruz Salehli razıdı 16-08-2018, 19:10 Yığma İsveç sindromunu möhtəşəm geridönüşlə qırdı 16-08-2018, 19:06 Kosovo ilə oyunun bilet satışı yubanır 16-08-2018, 19:05 “Panionios” Arazın “Mattersburq”a keçidinə əngəl yaradır 16-08-2018, 19:04 Samir Məsimov azərbaycanlı kimi getdi, rus kimi döndü 16-08-2018, 19:03 “Keşlə” Orxan Sadıqlını “Sumqayıt”a icarəyə verdi 16-08-2018, 19:02 Qələbəyə əngəl olan səbəblər 16-08-2018, 19:00 ÇL ilə vida “feysbuk”u coşdurdu 16-08-2018, 18:58 Belarus jurnalist “Qarabağ”ı incələdi 16-08-2018, 18:56 Rəşad Sadıqov azarkeşlərdən üzr istədi 16-08-2018, 18:55 Heç-heçə ilə bir addım irəli 16-08-2018, 18:54 Borisovdakı oyun “CBC Sport”a 20 min avroya başa gəlib 16-08-2018, 18:53 “Qarabağ” bir gecədə 8 milyon avro itirdi 16-08-2018, 18:51 Hansı münasibdi: “Şerif”, yoxsa “Valyur”? 16-08-2018, 18:49 Mütəxəssislər AL-in qrupunu nişan verdi 16-08-2018, 18:46 Vasif Haqverdiyev futbolçuların həyata baxışından narazıdı 16-08-2018, 18:45 PFL “AZAL Arena”da problem aşkarlamayıb 16-08-2018, 18:43 Vurğun Rauf Cabbarovun sərt qərar verdiyini düşünür 15-08-2018, 23:57 Faiq Qarayevin yetirmələri vətənə qayıdır 15-08-2018, 23:56 Ramil Quliyev Ərdoğana söz verib 15-08-2018, 23:54 Yeni limit divizion klublarına başağrı olub 15-08-2018, 23:53 Fərhad Vəliyev karyerasını bərpa etdi 15-08-2018, 23:52 Millinin oyunları eyni saatda başlayacaq 15-08-2018, 23:40 “Hakimin beynəlxalq təcrübə sarıdan axsadığı hiss olundu” 15-08-2018, 23:37 Çempionlar Liqası ilə vidalaşdıq, qrup ümidimiz yaşayır 15-08-2018, 23:33 “Xan Lənkəran”ın yeni İdarə Heyəti seçiləcək 15-08-2018, 23:29 Tural Axundov “Sumqayıt”la oyunda ilk yaşayıb 15-08-2018, 23:28 200 manatlıq start 15-08-2018, 23:26 “Sabah” “Qaradağ Lökbatan”a qalib gəldi 15-08-2018, 23:25 Premyer-liqada start təəssüratı 15-08-2018, 23:23 “Keşlə” daha iki keçidi rəsmiləşdirdi 15-08-2018, 23:22 Fərid Nəbiyevdən növbəti qol 15-08-2018, 23:21 “Zirə” “AZAL Arena”da oynayacaq 15-08-2018, 23:20 BATE-nin baş məşqçisi və oyunçuları “Qarabağ”a tərif yağdırdı 14-08-2018, 19:38 Kubalı legioner AÇ-də “gümüş”ə sevindi 14-08-2018, 19:33 Yeni mövsümümüz mübarək! 14-08-2018, 19:32 Fariz Nəcəfov əvəzedicilərlə bağlı məsələyə nöqtə qoydu 14-08-2018, 19:30 “Neftçi” iki aya üç tərcüməçi dəyişib 14-08-2018, 19:28 “Qarabağ” möcüzə axtarışında 14-08-2018, 19:27 Ramil Şeydayev “Mattersburq”la anlaşdı 14-08-2018, 19:25 Stamenkoviç Azərbaycan himni üçün darıxıbmış 14-08-2018, 19:23 İki oyun, iki məğlubiyyət 14-08-2018, 19:16 “Pressbol” Halldorssonu danışdırdı 14-08-2018, 19:14 Qurban Qurbanov üçün ideal “11-lik” 14-08-2018, 19:13 Borisova nə “İmarət Avropa”, nə də “Milli Dəstə” gedir 14-08-2018, 19:00 “Zirə” “Qarabağ”dan güclü oldu 14-08-2018, 18:59 Kamran Quliyev istədiyi oyunu görə bilməyib 14-08-2018, 18:57 Qalib narazı, məğlub razı qaldı 14-08-2018, 18:55 Debütant “Keşlə”ni cəzalandırdı 14-08-2018, 18:52 Toşak “Traktorsazi”də qələbəyə həsrətdi 14-08-2018, 18:51 Ağabala əməliyyat olundu, “Səbail” bolqar yarımmüdafiəçi aldı 14-08-2018, 18:49 “Qəbələ” Aftandil Hacıyevin debütünü korladı 14-08-2018, 18:47 “Qarabağ” Borisova getmədi 14-08-2018, 18:46 Baqa bu dəfə ehtiyatlı danışdı 13-08-2018, 19:24 Zədə epidemiyasının qurbanları… 13-08-2018, 19:22 Belaruslular artıq BATE-yə inanırlar... 13-08-2018, 19:20 İki pillə də gerilədik... Bütün xəbərlər
Ən çox oxunanlar