01 avq 15:58aktual

“Xəzər Lənkəran” azarkeşləri “Xan Lənkəran”a təzyiqi davam etdirir

“Xəzər Lənkəran” azarkeşləri “Xan Lənkəran”a təzyiqi davam etdirir
Prezidentə şikayət məktubu ünvanlanıb
Deyəsən, bu xamır çox su aparacaq. Söhbət “Xan Lənkəran”dan gedir. Klubun divizionda oynamaq qızğın mübarizə apardığı bir vaxtda məsələ başqa müstəviyə keçib. Obrazlı desək, “ağ-yaşıllar” arxa cəbhədən “qonşular”ı tərəfindən hücuma məruz qalıb. Hücuma keçənlər “Xan Lənkəran”ın İdarə Heyətinin sədri Rəsul Şükürsoyu hədəf alıb. Onun bir neçə il əvvəl Ukrayna futbolundakı fəaliyyəti haqda verdiyi informasiyaların doğru olub-olmamasıyla bağlı araşdırma aparılıb.
Daha öncə “Xəzər Lənkəran”ın fanatik azarkeşlərinin əvvəldən bu layihəyə qarşı olduğunu qeyd etmişik. Xüsusən də “gəmiçilər”in fanklubları bu məsələdə yaman canfəşanlıq göstərir. “Caspian Ultras”ın “feysbuk” səhifəsində yerləşdirilən yazı çox böyük olduğundan sizi yormaq fikrində deyilik. Qısaca məzmununu nəzərinizə çatdıraq. Deməli, Şükürsoyun da iştirakıyla Xmelnitski vilayətində rəhbəri Aleksandr Doşuk olan “Podolye” İdman Klubu təsis edilib. Ancaq bu klubun buna qədər orda fəaliyyət göstərən “Podolye” Futbol Klubu ilə bağlılığı yoxdu. Deyilənə görə, “Podolye” İK sonradan “Polonya” ilə birləşib. Belə ki, Xmelnitski çempionatında mövsümün ilk yarısında “Polonya”, ikinci yarısında isə “SK Polonya” kimi çıxış edərək 3-cü yeri tutublar. Özü də baş məşqçiləri Asim İbrahimov olub. Ancaq növbəti mövsümdə klubdan əsər-əlamət qalmayıb. Düzdü, Rəsul bəy şəxsi “feysbuk” səhifəsində canlı yayın təşkil edərək, bu klub yarananda yerli icra hakimiyyətinin maddi dəstək olduğunu, şəhər meri dəyişdikdən sonra isə bu dəstəyi görmədiyini deyib. Onu da əlavə edib ki, “Podolye” İK-da qurulan sistemlə “Xan Lənkəran” tam fərqli layihələrdi və bununla fəaliyyətlərinə kölgə sala bilməzlər.
Digər ittiham isə “Xan Lənkəran”ı geyimlə təchiz edəcək “Podi” şirkətiylə bağlıdı. Məlum olub ki, bu şirkət 2015-də təsis edilib. Ancaq sabiq həmkarımız bu ittihamın da cavabını verib: “Mən daha öncə bu şirkəti 2015-də qeydiyyatdan keçirdiyimi söyləmişdim. Görünür, söylədiklərimə diqqət yetirməmisiz. Sadəcə, “Pody” bu ildən formaların istehsalına başlayacaq. Ancaq məlum məsələlərə görə Türkiyə firmasıyla müqavilə hələ imzalanmayıb”.
Ən maraqlısı odu ki, narazı kütlənin suallarını ünvanlaması üçün Rəsul Şükürsoyla “Offside Pub”da görüş təşkil olunub. Ancaq Rəsul bəy təyin olunan vaxtda həmin yerdə olsa da, onu fırıldaqçılıqda ittiham edənlərdən biri də ortalıqda görünməyib. Əslində bu məqam özü çox şeydən xəbər verir.
Təbii, ölkəmizdə bu sistemdə heç vaxt klub təsis edilmədiyindən mühafizəkar baxışı üstünlük təşkil edir. Qısası, “Xan Lənkəran” ideyasına bir inamsızlıq var. İstər mətbuat, istərsə də Lənkəran ictimaiyyəti tərəfindən. Onsuz da yenilik öz zamanında rahat qəbul olunmur. Hər zaman tənqidlərə və təzyiqlərə məruz qalır. İndi də həmin vəziyyətdi. AFFA İcraiyyə Komitəsinin məlum qərarından sonra “Xan Lənkəran”ın böyük sponsor müqavilələri təxirə düşəcək. Ancaq burda əsas prinsipiallıq klubun fəaliyyətini davam etdirib, növbəti mövsüm ərəfəsində tam hazırlıqlı formada AFFA və PFL-ə müraciət etməkdir. Ona kimi isə akademiya kimi fəaliyyət göstərmək və klublaşma yönündə başqa boşluqları aradan qaldırmaq lazımdı.
Hərçənd “Xan Lənkəran” heç bu mövsümdən də ümidini üzməyib. Ötən sayımızda AFFA prezidenti Rövnəq Abdullayevə müraciət ünvanlandığını xəbər vermişdik. Ardınca azarkeşlər fərdi qaydada şablon mətnlə prezident İlham Əliyevə məktub ünvanlamağa başlayıb. Məktubun qısa məzmunuyla tanış olun:
“Xan Lənkəran” iyunun 1-də dövlət qeydiyyatından keçib. “Xan Lənkəran” Azərbaycanda yeni model klub strukturunun təmsilçisidi. İkiaylıq fəaliyyətimiz müddətində klub quruculuğu yönündə vacib addımlar atmış, Açıq Tipli Səhmdar Cəmiyyət kommersiya təşkilatı formasına keçidlə bağlı zəmin hazırlamışdıq. Gördüyümüz bütün işlər ictimaiyyətə açıq formada həyata keçirilir və fəaliyyətimizin hər mərhələsində bu layihənin icrasını izləyənlərdən kütləvi şəkildə müsbət rəylər alırıq.
Lənkəranda uşaq-gənclər komandalarının təsis olunması, bundan başqa, Region Liqasında təmsil olunacaq ikinci komandanın qurulması işi ilə bağlı klubumuz Cənub Regional Futbol Federasiyası ilə sıx əməkdaşlıq edir. Görmək istədiyimiz işlərlə bağlı AFFA prezidenti Rövnəq Abdullayevə də məlumat xarakterli iki məktub ünvanlamışıq. Həmin məktublarda bütün planlarımızın klubumuzun 1-ci divizionda iştirakı perspektivləri ilə həyata keçirildiyi bildirilib.
Həmçinin iyunun 15-də PFL başqanı Ramin Musayevə rəsmi müraciət ünvanlanıb və 1-ci divizionda iştirak üçün lazımı sənədləri təqdim etməyə hazır olduğumuzu bildirib, müvafiq tələblərlə bağlı cavab gözləmişik. İcraiyyə Komitəsinin iyulun 24-də çıxardığı qərara əsasən, 2018/19-cu il mövsümü üçün 1-ci divizionda ancaq ötən mövsümdə eyni yarışda çıxış etmiş 4-6 klubun iştirakının açıqlanması işlərimizə ciddi mənada zərbə vurub. Razılaşdırılmış sponsor müqavilələri, bağlanmış hissə satışı müqavilələri risk altına girib, əməkdaşlıq müqavilələri ilə işə götürdüyümüz məşqçilər, idarə heyəti üzvləri və texniki işçilərin təminatı ortadan qalxıb. Klubumuza qarşı bu haqsızlıq ictimaiyyət tərəfindən hiddətlə qarşılanıb, 2500-ə qədər vətəndaşın imzasıyla AFFA prezidentinə müraciət ünvanlanıb.
İK məlum qərarla AFFA-nın nizamnaməsində göstəriən səlahiyyətlərini aşıb. Eyni zamanda bu qərar Peşəkar Futbol Klublarının təmsil olunduqları ölkənin müvafiq müsabiqələrinə müraciəti ilə bağlı hüquqlarının kobud pozulması faktıdı. AFFA rəsmiləri müxtəlif səviyyələrdə açıq şəkildə etiraf edirlər ki, İK qərar verərkən “Xan Lənkəran”ın müraciətinə məhəl qoyulmayıb. Ümumi vəziyyət bizi UEFA-nın futbol klubları ilə bağlı nizamlayıcı qaydalarının, eyni zamanda bir futbol klubunun maliyyə “feyr-pley”i – özünütəminetmə potensialının risk altına atılması, AFFA-nın müqaviləli əsaslarla işlədiyi İctimai Birliyin – PFL-in hüquqlarını pozması, ictimai nüfuzuna zərbə vurması kimi ciddi faktlarla üz-üzə qoyub. AFFA-nın rəsmi şəxləri də etiraf edirlər ki, İK-nın iclası keçirilməzdən əvvəl “Xan Lənkəran”ın hüquqları tapdanıb. Lakin bu məsələyə xırda məsələ kimi baxdıqlarından “AFFA prezidenti və Baş katib səlahiyyətlərindən istifadə edib məlum qərarla bağlı növbədənkənar toplantı çağıra bilməz” deyirlər. Səbəb kimi göstərilir ki, həmin toplantıda nüfuzlu şəxlər bir araya gəlməlidi və buna onların vaxtları yoxdu. AFFA-nın bütün bu qanun pozuntuları və hüquqsuz addımları haqda beynəlxalq futbol qurumlarının peşəkar futbol klublarına verdiyi hüquqlar çərçivəsində də mübarizə aparmaq imkanlarındayıq. Lakin bunun nəticəsində AFFA-nın müəyyən sanksiyalara məruz qalmaq perspektivlərindən narahatıq. İstəmirik ki, qərarlarda yol verilmiş qanun pozuntularına görə ölkəmizin ali futbol qurumu cəzalansın. Lakin minlərlə insanı futbolla əlaqəli yeni və inkişafa yol açan işlərlə bağlı ümidləndirən bir layihənin məhvinə səbəb olan İK qərarı var.
Çıxışlarınızda hər zaman Azərbaycanda yeni özəl sektor təşəbbüslərinə dəstək verilməsinin zərurətini qeyd etmisiz. Bildiyiniz kimi, əksər klublar SOCAR-ın resursları hesabına maliyyələşir. Bu vəsitlər bir istiqamətli sərf edilsə də, geri dönüşü yoxdu. Hesab edirik ki, tədricən proses özünümaliyyələşdirən futbol təssərüfatı obyektlərinin formalaşdırılmasına keçməlidi. “Xan Lənkəran” layihəsi sırf özünümaliyyələşdirmə, maliyyə qaynaqlarını formalaşdırmaq prinsipləri əsasənda qurulmuş bir modeldi. Artıq ictimai rəydən də bəllidi ki, bu modelin icrası başqa bölgələrimizdə də eyni formalı futbol klublarının yaradılmasını stimullaşdırır. Bununla da ölkə futbolunun maliyyə asılılığı getdikcə azala bilər və onlar qazanan, qazandıran, yeni iş yerləri, bölgə əhalisinin sosial rifah səviyyəsinin yüksəldilməsinə, bütün regionlarda idman və sağlamlığın bərqarar olunmasına xidmət edə bilər. “Xan Lənkəran” modeli klublar layihəsi nəticəsində Azərbaycan futbol klubları da özəl şirkət şəklində fond birjasına daxil ola və getdikcə də dünya birjasının seqmentlərinə çevrilə bilərlər. Sizdən xahiş edirik ki, AFFA-ya müvafiq istiqamət verəsiz və “Xan Lənkəran”ın 1-ci divizionuna buraxılması məsələsində bizə kömək göstərəsiz”.
Sonda onu da qeyd edək ki, bu müraciət də bir fayda verməyəcəyi halda UEFA-ya hüquqi əsaslarla şikayət ünvanlanması nəzərdə tutulub.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-09-2018, 23:17 Tomaş Ayan EOC-dan narazıdı 21-09-2018, 23:14 "Arsenal"la oyuna maraq böyükdü 21-09-2018, 23:13 U-17 yenə darmadağın oldu 21-09-2018, 23:10 Stadiona 9-cu mərtəbədən baxış, portəgiz jurnalistin təəccübü və 27 azarkeş... 21-09-2018, 23:07 Yenilgidə hakim izi olmadı 21-09-2018, 23:06 Üzücü başlanğıc 21-09-2018, 23:04 Vitali Borisovun imtinası absurd faktı üzə çıxardı: liqa peşəkardı, futzalçılar yox! 21-09-2018, 23:02 Baba Rzayev Mingəçeviri futbolsuz qoydu 21-09-2018, 23:01 AFFA 10 min manata görə özünü hörmətdən salır 21-09-2018, 22:52 Sabiqlər yerli sədrin tərafdarıdı 21-09-2018, 22:50 Babək Quliyev Vüsal Əliyevi nişan verdi 21-09-2018, 22:48 “Sumqayıt-2” zirvəyə darmadağınla yüksəldi 21-09-2018, 22:46 “Turan” adının yaradıcısı dünyasını dəyişdi 21-09-2018, 22:44 Dünya çempionatına yaxşı başlamadıq 21-09-2018, 22:42 “Sumqayıt”ın “qırmızı” problemi 21-09-2018, 22:39 Adil Məmmədov 60-ı geridə qoydu 21-09-2018, 22:24 İsgəndər Cavadov doğum günündə tarixi vərəqlədi 21-09-2018, 22:23 İkinci tur 2 günə sığacaq 21-09-2018, 22:21 Mik Benet təqdim olundu 21-09-2018, 22:20 Qurban Qurbanov gözləmədiyi sualı eşitdi 20-09-2018, 22:07 “Bayıl Arena”da Əliyar Ağayevin də səhvi olub 20-09-2018, 22:05 Stuxlik Xaqani Məmmədovun otağında oturur 20-09-2018, 22:04 Emin Ağayev yığmada potensial görür 20-09-2018, 22:02 “CBC Sport” DÇ-ni yayınlamaq istəyir 20-09-2018, 22:01 Cüdo yığmamızda məcburi dəyişiklik 20-09-2018, 22:00 Dünya çempionatının püşkü atıldı 20-09-2018, 21:56 “1982-ci il” ilə Lissabona 7 saatlıq səfər 20-09-2018, 21:54 Uğurun bünövrəsi Lissabonda qoyulsun! 20-09-2018, 21:52 "Arsenal"la oyunun biletləri satışda 20-09-2018, 21:24 Vaqner "Qarabağ"ı portəgizlərə təriflədi 20-09-2018, 21:22 Qurban Qurbanov: “Rəşad oynamayacaq, Miçelin meydana çıxıb-çıxmayacağı sabah bilinəcək” 20-09-2018, 21:04 Alesio yığmanın heyətini açıqladı 20-09-2018, 21:03 “Xəzər Cənub” qalmaqal yaratdı, klubun rəhbəri Zaur Axundovdan üzr istədi 20-09-2018, 21:00 Mundialda üzümüzü kim(lər) güldürəcək? 20-09-2018, 20:58 Məmmədyarova “qaralar”la xal qazana bilmir 20-09-2018, 20:55 Sənan Qurbanov “Qəbələ”nin problemlərini açıqladı 20-09-2018, 20:53 “Kəpəz” ilk qol və ilk xal axtarışında 20-09-2018, 20:52 Anar Salmanovun reaksiyası gecikmədi 20-09-2018, 20:51 Azarkeşlər ÇL oyunları zamanı çətinliklə üzləşir 20-09-2018, 00:29 Almaniyada Ömər Paşayevin səhhətində ciddi problem aşkarlanmayıb 20-09-2018, 00:27 Heç bir klub mətbuat katibinə protokol doldurmağı tapşırmır 20-09-2018, 00:26 Xaqani Məmmədovun düşmənləri sosial şəbəkədə “at oynadır” 20-09-2018, 00:23 Voleybolçular dünya çempionatına inamlı yollanır 20-09-2018, 00:21 Alesio yığmanın heyətini bu gün açıqlayacaq 20-09-2018, 00:19 “Sportinq” qrup mübarizəsinə uğursuz başlayır 20-09-2018, 00:05 Turun oyunçusu 20-09-2018, 00:04 TURUN SİTATI 20-09-2018, 00:02 Məhsuldarlıq rekord vurdu 20-09-2018, 00:01 Turun statistikası 19-09-2018, 23:59 TURUN MƏŞQÇİSİ 19-09-2018, 23:58 Turdan məqamlar 19-09-2018, 23:56 16 medalın izi ilə... 19-09-2018, 23:54 Xala və qola həsrət “Kəpəz”in baş məşqçisi məmnundu 19-09-2018, 23:53 İntizam Komitəsi “Zirə”yə texniki məğlubiyyət verdi 19-09-2018, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi Bütün xəbərlər
Ən çox oxunanlar