18 iy 18:14aktual

“Sıradan bir komanda olmadığımızı lüksemburqlulara göstərəcəyik”

“Sıradan bir komanda olmadığımızı lüksemburqlulara göstərəcəyik”
Asif Məmmədov idmanı siyasətlə qarışdırmağın əleyhinədi
“Qəbələ”nin Avropa Liqasının ilk mərhələsində Lüksemburq klubu ilə qarşılaşacağı məlum olunca, hamı bir nəfər kimi “qırmızı-qaralar”ın bəxtinin gətirdiyini, ötən mövsümün vitse-çempionunun çox asanlıqla ikinci mərhələyə adlayacağını söyləyirdi. Hətta “divan ekspertləri”, futbola mərc oyunlarına görə baxan adi vətəndaşlar belə şimallıları növbəti mərhələdə görürdülər. Bu cür fikirləşənləri də hardasa başa düşmək olar. Çünki iki dəfə Avropa Liqasının qrup mərhələsində çıxış edən komandanın qarşısına gələn il 100 yaşı tamam olan, ancaq bu günə kimi qitəmiqyaslı turnirlərdə heç nə ilə yadda qalmayan, “cırtdan” gözündə gördüyümüz Lüksemburq təmsilçisi çıxmışdı. Bəlkə də “Qəbələ”nin yeni baş məşqçisi, Roman Qriqorçukun köməkçisi kimi bir çox tarixi oyunda texniki zonada yer alan Sənan Qurbanov da rəqibin adına görə onu dəyərləndirməmiş, “Proqres”i yaxından tanımaq üçün yoldaşlıq oyunlarının videoyazısını əldə etmək üçün cəhd göstərməmişdi. Müasir futbolda isə rəqibi dəyərləndirməyən, ona yuxarıdan aşağı baxanların aqibəti həmişə acı olur. Ötən sayımızda da qeyd etdiyimiz kimi, “Qəbələ”ni qarşıda hələ cavab oyunu gözləyir. Ola bilər ki, ilk görüşdən “dərs çıxaran” vitse-çempion toparlanaraq səfərdə nəsə edə bilsin. Ancaq bu gün üçün reallıq bundan ibarətdi ki, şimallılar son iki ayda favorit qismində meydana çıxdığı oyunlarda həm azarkeşləri, həm də futbol ictimaiyyətini üzür. Mayın 28-də keçirilən ölkə kubokunun finalında “Keşlə”yə uduzmaqla imicinə ciddi zərbə vuran şimallılar iyulun 12-də “doğma divarlar” arasında “Proqres”ə boyun əyməklə ictimaiyyətin qınaq obyektinə çevrildi.
Ötən saylarımızda ilk görüşdə qeydə alınan uğursuzluqla bağlı “Qəbələ”nin baş məşqçisinin və klubun baş meneceri Zaur Əzizovun fikirlərini öyrənib sizlərə çatdırmışdıq. Bu dəfə “qırmızı-qaralar”ın təcrübəli futbolçularından biri olan, Cavid Hüseynovun yoxluğunda Qəbələdəki matçda kapitan kimi meydana çıxan Asif Məmmədovla danışmağı lazım bildik. Bəribaşdan onu da qeyd edək ki, Məmmədov səfərə məğlub durumda yollanmalarına baxmayaraq, nikbin fikirlər səsləndirdi.
- Əvvəlcə ilk oyunla bağlı fikirlərini bilmək istərdik. Cütün favoriti olan komanda öz meydanında rəqibə boyun əydi. Acı məğlubiyyəti şərtləndirən səbəbləri deyərdin.
- Xüsusi qeyd olunası məqam yoxdu ki, deyim məhz buna görə uduzduq. Ola bilsin, yeni mövsümdə ilk rəsmi oyunumuz olduğuna görə bir qədər həyəcanlandıq, istədiyimiz kimi oynaya bilmədik. Onu da nəzərə almaq lazımdı ki, baş məşqçi dəyişikliyi olub, fasilə dönəmində heyətə yeni oyunçular cəlb olunub. Qeyd etdiyim amillər istər-istəməz özünü göstərdi. İnşallah, cavab görüşündə daha uğurlu nəticə qazanacağımıza ümid edirəm.
- Yeni baş məşqçinin və futbolçuların olduğunu söyləyib, məğlubiyyəti bununla əlaqələndirdin. Bəs sənin kimi təcrübəli futbolçular... Məhz belə məqamda siz ortaya çıxıb komandanın arxanızca aparmalıydız.
- Futbol fərdi idman növü deyil ki, bir nəfər hər şeyi həll etsin. Qalib gəlmək üçün bütün kollektiv işlək mexanizm kimi çalışmalıdı. Bir də siz nə bilirsiz ki, mən heç nə etmədim?
- Hər halda, qarşılaşmanı canlı izləyən biri kimi sənin də oyunu üzərinə götürdüyünü görmədim...
- Oyun alınmırsa, nə istəyirsən elə, xeyri yoxdu. Həmin gün bizdə heç nə alınmadı. Sanki ilk dəfə komanda şəklində futbol oynayırdıq.
- Sənə elə gəlmir ki, uğursuzluğun bünövrəsi yoldaşlıq oyunlarında qoyulmuşdu? Sloveniyada keçirdiyiniz yoxlama oyunlarının heç birində qələbə qazana bilmədiz.
- Yoxlama görüşlərində qələbə qazana bilməsək də, heç birində zəif oynamamışdıq. Yoldaşlıq oyunlarında sərgilədiyimiz oyunu “Proqres”lə qarşılaşmada ortaya qoya bilsəydik, Lüksemburq təmsilçisinə ən azı 4 top vurardıq. Sloveniyada keçirdiyimiz matçlarda komanda daha yaxşı təsir bağışlamışdı.
- Ancaq yoxlama görüşlərində də “Qəbələ” qol vurmaqda çətinlik çəkdi. Düzdü, komanda qol vəziyyətləri yaradırdı, ancaq son nöqtəni qoymaqda problemlə üzləşirdiz.
- Bu bizim çoxdankı “xəstəliyimizdi”. Yalandan deyə bilmərəm ki, komandada bu problem yoxdu. Amma çalışacağıq ki, Lüksemburqdakı cavab görüşündə ələ düşən fürsətlərdən maksimum yararlanaq.
- İlk suala cavabında bildirdin ki, “alınmadı”. Bəlkə bir qədər də dərinə gedək. Peşəkar kimi oyunu təhlil edib nəyin alınmadığını deyə bilərsən?
- Fikrimi necə izah edim ki, siz də məni başa düşəsiz. Həmin gün bizdə heç nə alınmadı. Nə müdafiədə, nə də hücumda istədiyimiz kimi çıxış edə bildik. Halbuki matçdan öncə başqa şeylər haqda düşünürdük. Bəlkə də yeni komanda kimi formalaşa bilməmişik. Düşərgəyə yeni qoşulanlar Qəbələdə ilk dəfə meydana çıxırdılar. Meydana, mühitə uyğunlaşmaq amili futbolda böyük önəm daşıyır. Adam istirahət üçün belə bir neçə günlük başqa ölkəyə gedəndə yerli iqlimə, ab-havaya uyğunlaşmağa bir neçə gün sərf edir. Adi bir misal çəkim. Elə bilirsiz biz Sloveniyaya toplanışa yollananda ilk gündən hər şey yüksək səviyyədə olur? Belə düşünürsüzsə, yanılırsız. Ən azı iki gün əziyyət çəkirik. Adi saat fərqi orqanizmə təsir göstərir, o ki qaldı iqlim. Təsadüfi deyil ki, ilk turda Azərbaycana səfər edən klubların futbolçuları kəskin istilərdən və rütubətdən şikayətçi oldular.
- Oyununuz alınmadısa, nəyə görə hesab 0:2 olandan sonra “Qəbələ” rəqibin qapısı önündə təhlükəli qol vəziyyətləri yaratmaqla yanaşı, meydanda ağalıq edən tərəf oldu? Bəlkə ilk dəqiqələrdən qorxaq oyun sərgilədiyinizə görə cəzalandız?
- Bu məsələ mənə də maraqlıdı. Hesab 0:0 olarkən bəlkə də arxayınlığın qurbanı olduq. Oyundan öncə əmin idik ki, “Proqres”i evə məğlub yola salacağıq. Hesabda geri düşdükdən sonra sanki yuxudan ayıdlıq və rəqibi öz qapısına doğru sıxışdırdıq. Qol vura bilməsək də, bir məqama sevinirəm ki, komandada özünə əminlik yarandı. Futbolçularımız başa düşdü ki, Lüksemburq klubu nə “Barselona”dı, nə “Real”, nə də “Bavariya”. Bir qədər toparlanıb, bacardığımız futbolu oynasaq, onları məğlub edə bilərik. Səfər ərəfəsində bu haqda öz aramızda söhbət etmişik. Və inanıram ki, səfərdə çətin olsa da, növbəti mərhələyə adlamaq missiyasının öhdəsindən gəlməyi bacaracağıq.
- Oyun üslubuna görə “Proqres”i premyer-liqada çıxış edən hansı klubumuzla müqayisə edə bilərsən?
- Müqayisə aparmaqda çətinlik çəkirəm.
- Mövsümlərarası fasilədə komandaya qoşulan yeni legionerlər haqda nə deyə bilərsən?
- Özüm də onlar kimi meydana çıxıb baş məşqçinin tapşırıqlarını yerinə yetirirəm. Mən nə deyim? Bu suala baş məşqçi və köməkçiləri cavab verə bilər. İstənilən halda, mən onlar haqda mətbuata mənfi fikir səsləndirə bilmərəm. Bu etik cəhətdən də düzgün çıxmaz.
- Oyundan bir gün öncə təşkil olunan mətbuat konfransında baş məşqçiniz Sənan Qurbvanov rəqibin yoldaşlıq görüşlərini izləmədiyini söylədi. Sənə elə gəlmir ki, “Proqres”i yaxından tanımadığınıza görə uduzduz?
- Məncə, ilk mərhələdə rəqibi tanıyıb-tanımamağın elə də böyük önəmi yoxdu. Güclü olsaydıq və öz oyunumuzu sərgiləyə bilsəydik, 90 dəqiqəni qalib kimi başa vura bilərdik. Sadəcə, təkrarçılıq olmasın, oyunumuz alınmadı. Futbolda bəzən belə olur. Kağız üzərində favorit göstərilən komandanın oyunu getmir. Rəqibdə isə özü də gözləmədən hər şey alınır.
- “Proqres”in üstün cəhətini deyə bilərsən? Rəqibin heyətində kimi xüsusi fərqləndirərdin?
- Buna üstün cəhət demək olarsa, müdafiədə çox sıx oynamalarını qeyd edə bilərəm. Hiss olunur ki, intizamlı komandadı. Ancaq özünüz də gördüz ki. biz bir qədər sürəti artırınca, arxa xətdə boşluqlar yaranmağa başladı. Kimisə fərqləndirməyə gəlincə, xüsusi qeyd olunası futbolçu görmədim. Ümumi ansambl kimi yaxşı idilər, ancaq fərdi seçilən oyunçuları yoxdu.
- Onu da nəzərə almaq lazımdı ki, komandanın “vuran ayağı” olan Aleksandr Karapetyan ilk oyunda məlum səbəblərdən Qəbələyə gəlməmişdi. “Proqres”in aparıcı oyunçularından olan Mətin Karayer isə cəza səbəbindən ilk oyunu buraxmalı oldu. Cavab görüşündə onlar da meydanda olacaq...
- Bu bizi qorxutmur. Tam səmimi deyirəm, biz onlardan üstün komandayıq. Ancaq təəssüf ki, birinci görüşdə bunu meydanda göstərə bilmədik. Adı çəkilən futbolçuların cavab qarşılaşmasında meydana çıxmasından da çəkinmirik.
- Karapetyan Lüksemburq mətbuatına açıqlamasında təxminən “inanıram ki, azərbaycanlı futbolçular mənə qarşı aqressiv oyun nümayiş etdirməyəcək” kimi fikir səsləndirib. Necə düşünürsən, o bununla özünü “sığortalamağa” çalışıb, yoxsa oyundan öncə təxribat yaratmaq üçün bu fikirləri səsləndirib?
- Onun səsləndirdiyi fikirlər mənim üçün maraqlı deyil. İdmanı siyəsətlə qarışdırmaq düzgün deyil. Bizim əsas məqsədimiz meydana çıxıb sərfəli nəticə qazanmaqdı.
- Karapetyan cavab görüşündə qol vursa, bir ağdamlı kimi bu sənə necə təsir göstərəcək?
- Bundan əvvəlki sualda bildirdim axı, idmanı siyasətə qatmaq düzgün deyil. Bu günə kimi bir çox idman növlərində həm bizim, həm də onların idmançıları qalib gəliblər. Çalışacağıq Karapetyanın qol vurmasına imkan yaratmayaq. Ancaq qol vursa da, bunu faciə kimi qiymətləndirmək düzgün deyil. Bu futboldu, hər şey ola bilər. Bu gün yaşıl meydanlarda bir-birinə düşmən olan ölkələrin yığmaları üz-üzə gəlir. Sizin sözünüzdən belə çıxır ki, həmin görüşlərdə məğlub olan millinin və ya klubların üzvləri ölkələrində dar ağacından asılmalıdı? Ancaq sizə və “Qəbələ” azarkeşlərinə söz verirəm ki, sona qədər var qüvvəmizlə mübarizə aparıb mərhələ adlamağa çalışacağıq. Sıradan bir komanda olmadığımızı lüksemburqlulara göstərəcəyik.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-05-2019, 15:06 Kikboksinq Federasiyasında Zaur Yusifov adlı dünya çempionu yoxdu 19-05-2019, 15:05 Zöhrə Ağamirova finala vəsiqə qazandı 19-05-2019, 15:04 Teymur heç-heçə etdi, Şəhriyar uduzdu 19-05-2019, 15:03 Yığma üç həftədən artıq toplanış keçəcək 19-05-2019, 15:01 Marko Rossi Şeydayevlə İsrafilovu fərqləndirdi 19-05-2019, 15:01 “Zirə” 9 futbolçu ilə vidalaşdı 19-05-2019, 14:56 Futbol ictimaiyyəti üçün Avroliqaya kimin getməsinin önəmi yoxdu 19-05-2019, 14:55 Rauf Əliyev də PFL-dən narazıdı 19-05-2019, 14:53 Finalçı çalışdırıcılar qələbəyə kökləniblər 19-05-2019, 14:50 "Xəzər Cənub" Mehman Mahmudovu Allaha tapşırdı 19-05-2019, 14:49 Futzal mövsümü qalmaqalla bitdi 19-05-2019, 14:46 Tünzalə Ağayeva finalçılardan heç birinə azarkeşlik etməyəcək 19-05-2019, 14:43 Naxçıvanda ölüm-qalım savaşı 19-05-2019, 14:41 Bütün medalçılar müəyyənləşdi 19-05-2019, 14:39 Xətai Bağırov Tayland çempionatında top qovacaq 19-05-2019, 14:35 “Səbail”in məşqçisindən narazıların sayı artır 19-05-2019, 14:33 Platellas Bakını “kiçik Dubay” adlandırdı 19-05-2019, 14:31 Mövsümü qələbəsiz başa vurdular… 19-05-2019, 14:29 Erməni futbolçu Bakıya gəlməyəcək 19-05-2019, 14:28 “Səbail” futbolçulara borcunu ödədi 19-05-2019, 14:27 “Sabah” Haqverdiyevli sabaha ehtiyac duymadı 19-05-2019, 14:03 “Məktəblərdə futbol dərsi” bitdi 19-05-2019, 13:56 Kaprara Azərbaycan yığmasında? 19-05-2019, 13:54 Ay sizin başınız haqqı... 19-05-2019, 13:50 “Finalçılar hərəyə 10 min bilet də ala bilər” 19-05-2019, 13:49 “Keşlə” 13 futbolçuya “qapını göstərdi” 19-05-2019, 13:47 “Qəbələ” Gürcüstandan qayıtdı 19-05-2019, 13:46 Veteranların konfransı söz-söhbət doğurdu 17-05-2019, 21:50 Toğrul Əsgərova Avropa Oyunlarında şans veriləcək 17-05-2019, 21:48 Əliyar Ağayev 2019-da mərkəzi oyuna həsrət qalıb 17-05-2019, 21:47 “Neftçi” Çingiz Abdullayevin də medalını göndərib 17-05-2019, 21:45 Azarkeşlər finala xüsusi hazırlaşır 17-05-2019, 21:43 “Sumqayıt”ın “vuran ayağı” məşqlərdən kənarda qalıb 17-05-2019, 21:38 Naxçıvan stadionu son “döyüş”ə hazırdı 17-05-2019, 21:24 “Sabah” qalibə 960 manat təqdim etdi 17-05-2019, 21:10 “Sabah” beş futbolçuya qapını göstərdi 17-05-2019, 21:09 "Neftçi" üç futbolçu ilə vidalaşdı 17-05-2019, 21:08 Renat Dadaşov U-21-dən imtina etdi 17-05-2019, 21:07 İnqilab Məmmədovun ayağı "Qəbələ"yə düşərlidi 17-05-2019, 19:52 150 min manatlıq təsəlli 17-05-2019, 19:51 Kitanovski "Səbail"ə lazım olmadı 17-05-2019, 19:50 Slavik Alxasov "Keşlə"də qaldı 17-05-2019, 19:48 "Neftçi" Benetlə müqavilə müddıtini uzatdı 17-05-2019, 19:47 Medallar şənbə günü paylanacaq 17-05-2019, 19:46 Finalda Naxçıvan – Lənkəran dueli 17-05-2019, 19:44 Cüdo Federasiyası təxribata münasibət bildirdi 17-05-2019, 19:42 Jezniçakın yolunu gözləyirmişlər… 17-05-2019, 18:58 Abdullayevlə Nikolovdan “tikanlı” sözlər 17-05-2019, 18:57 Fiqu könüllülərə səsləndi 17-05-2019, 18:56 “Futbol və Biznes” sammiti keçirildi 17-05-2019, 18:53 Son turun qiyməti 3520 manat oldu 17-05-2019, 18:50 “Sumqayıt” Atilla Yıldırımı yola saldı 17-05-2019, 18:49 Ziyalılar “Qəbələ”yə baş çəkdi 17-05-2019, 18:43 “Traktorsazi” Çempionlar Liqasında olmayacaq 17-05-2019, 18:42 “Arsenal” Mxitaryanın xüsusi şəkildə qorunmasını istəyir 17-05-2019, 18:39 Oqtay Abdullayev hesabat verəcək 15-05-2019, 14:17 “Səbail” “bürünc”ü “Şur”da “yudu” Bütün xəbərlər
Ən çox oxunanlar