15 iy 15:12aktual

“Sabah” Cavid İmamverdiyevə görə “Sumqayıt”a 150000 manat ödəyib

“Sabah” Cavid İmamverdiyevə görə “Sumqayıt”a 150000  manat ödəyib
AMADA-nın nümayəndələri 6 futbolçunu “qaraladı”
Həftəiçi Cavid İmamverdiyevi “Sabah”a satan “Sumqayıt” yeni mövsüm üçün transfer çalışmalarını davam etdirir. “Kimyaçılar” dünən daha bir oyunçu ilə münasibətləri rəsmiləşdirib. Qvanzav Maqomedov qarşıdakı bir ili “ağ-göylər”in düşərgəsində keçirəcək. Son mövsümdə “Sabah”ın şərəfini qoruyan Maqomedov yeni komandasında “44” nömrəli formada çıxış edəcək.
Qeyd edək ki, Qvanzav karyerası ərzində “Sabah”la (14 oyun, 1 qol) yanaşı, “Şahdağ” (27 oyun, 4 qol), “Zirə” (12 oyun, 2 qol), AZAL (28 oyun), "Səbail" və “Znamya Truda”nın (13 oyun) şərəfini qoruyub.
Yuxarıda qeyd etdiyimiz kimi, srağagün “kimyaçılar” aparıcı futbolçularından Cavid İmamverdiyevi elitanın debütantına satıb. Etibarlı mənbədən əldə etdiyimiz bilgiyə görə, “Sabah” Cavidin transferinə 150 min manata yaxın vəsait xərcləyib. Bu isə müstəqillik illərində premyer-liqada azərbaycanlı futbolçunun bir klubdan digərinə keçidinə görə ödənilən ən böyük transfer parasıdı.
Məsələ ilə bağlı “gənclik şəhəri” təmsilçisinin mətbuat katibi Rəşad Məmmədovla əlaqə saxladıq. Rəşad bəy konkret məbləği açıqlamasa da, deyilənləri təkzib etmədi: “Cavid İmamverdiyevin keçidinə görə “Sabah” klubun hesabına transfer haqqı ödədikdən sonra yarımmüdafiəçini sərbəst buraxdıq. Kommersiya sirri olduğuna görə məbləği açıqlaya bilməyəcəm. Söylənilənlərə də münasibət bildirməyim düzgün çıxmaz”.
Artıq 12 gündü ki, “kimyaçılar” Nazim Süleymanovun rəhbərliyi altında yeni mövsümə hazırlığı davam etdirir. “Ağ-göylər” Bakıda keçirdiyi toplanış dönəmində dünən ikinci yoxlama görüşünə çıxıb. İyulun 11-də “Sabah”la qarşılaşan və 2:0 hesabıyla qalib gələn “Sumqayıt”ın budəfəki rəqibi əvəzedici heyəti olub. ADBTİA-nın məşq meydanında baş tutan qarşılaşma 18.30-da başlayıb. Matça keçməmiş onu bildirək ki, “kimyaçılar”ın bu yay heyətinə qatdığı Dmitri Nağıyev artıq düşərgəni tərk edib. İkiillik müqavilə bağlayan sağ cinah müdafiəçisinin Portuqaliyaya yollandığını öyrəndik. Oyuna gəlincə, ilk dəqiqələrdən üstünlüyü ələ alan əsas komanda tezliklə hesabı açmağa müvəffəq oldu. Yusif Nəbiyev “ikincilər”i meydanın mərkəzinə dəvət etdi. Hissənin ortasında artıq hesab arasındakı fərq 3 topa çatdı. Nəbiyev və Ülvi İsgəndərov fərqləndi. İkinci yarıda heyəti demək olar ki, tam dəyişən Nazim Süleymanov ehtiyatda olan bütün futbolçulara meydana çıxmaq şansı yaratdı. Fasilədən sonra oyunda tempin aşağı düşməsinə baxmayaraq, Nicat Qurbanov 4-cü qolu Elbrus Məmmədovun yetirmələrinin qapısından keçirdi. “İkincilər” buraxılan qollardan yalnız birinin əvəzini çıxmağı bacardı.
Oyun başa çatandan sonra Nazim Süleymanova yaxınlaşıb, toplanışın birinci mərhələsini dəyərləndirməsini istədik: “Bu oyunla hazırlığın ilk mərhələsini başa vurduq. Əsasən fiziki hazırlıq üzərində çalışdıq. Əvəzedici heyət üzərində qazanılan böyükhesablı qələbəyə baxmayaraq, açığı, oyundan narazı qaldım. Futbolçular sanki matça barmaqarası yanaşırdılar. Bu da hardasa anlaşılandı. Həmişə əsas komandanın oyunçuları əvəzedicilərlə görüşə arxayın çıxırlar. Ola bilsin, uzunmüddətli hazırlıq da psixoloji cəhətdən oyunçulara təsir göstərib. Yeni gələnlərdən narazılığım yoxdu. Ancaq bir qədər də “artırıb”, komandaya uyğunlaşmalıdılar. Hələ ki yetərincə çatışmazlıqlar var. Çalışacağıq Türkiyə toplanışında onları aradan qaldıraq və çempionata hazır vəziyyətdə başlayaq. Türkiyədə keçirəcəyimiz yoldaşlıq görüşlərindən sonra komandanın çempionata hazır olub-olmadığını müəyyənləşdirmək mümkün olacaq. Cavid İmamverdiyevin “Sabah”a transferinə gəlincə, bu haqda rəhbərliklə söhbətimiz oldu. Əvəzolunmaz oyunçu yoxdu. Çalışacağıq onun itkisini tezliklə “sığortalayaq”. Tezliklə düşərgəyə iki yeni futbolçu qoşulmalıdı. Axsayan mövqeləri gücləndirməsək, bizə çətin olacaq”.
“Kimyaçılar”ın yeni transferi Elvin Məmmədov da Türkiyə səfəri ərəfəsində komandanın durumu barədə fikirlərini bölüşdü: “Hələ ki məşqlərimiz plan üzrə davam edir. Gələn həftə Türkiyə toplanışı başlayacaq. Toplanışın ilk mərhələsi həmişə çətin olur. Toplu çalışmalarla yanaşı, fiziki hazırlıq üzərində də işlədik. Baş məşqçimiz sürətli oyun sərgiləməyimizi istəyir. Bəlkə də onun istəyini hələ ki tam yerinə yetirə bilmirik. Bu da başadüşüləndi. Fiziki hazırlıq dönəmində futbolçular çox yükləndiklərindən meydanda sürətli görünmürlər. Vaxt ötdükcə hər şey qaydasına düşəcək”.
Yeri gəlmişkən, məşqin sonunda “Sumqayıt”ın düşərgəsinə gözlənilməz qonaqlar baş çəkdi. Belə ki, AMADA-dan olan qonaqlar “kimyaçılar”ın 6 futbolçusunu dopinq-testdən keçirəcəklərini bildirərək, onları həkim otağına dəvət etdilər. Yoxlamanın nəticələrinin nə vaxt açıqlanacağı isə sonradan kluba bildiriləcək. Həkimdən söz düşmüşkən, onu da nəzərinizə çatdıraq ki, Ehtiram Şahverdiyev diz bağlarının qırılmasına görə ən azı 3 ay yaşıl meydanlardan kənarda qalacaq. Gənc yarımmüdafiəçi əməliyyat olunmaq üçün gələn həftə Almaniyaya yollanacaq.
Sonda onu da bildirək ki, bununla da “ağ-göylər”in təlim-məşq toplanışının birinci mərhələsi başa çatıb. Birgünlük istirahətin ardından komanda bazar ertəsinə keçən gecə Türkiyəyə yollanacaq.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
20-03-2019, 13:41 AFFA xəbərləri 20-03-2019, 13:32 “Taxta oğrusu” Ayxan, papaq atıb məyus olan Aslan... 20-03-2019, 13:30 Favoritlər büdrəmədi 20-03-2019, 13:28 Eltac “sülh”lə başladı 20-03-2019, 13:27 Büdrəməyən iki komanda var 20-03-2019, 13:23 Rəşad yığmaya çağırılmayacağını hiss edibmiş 20-03-2019, 13:20 Ağasəlim Mircavadov U-19-la Krasnodardadı 20-03-2019, 13:18 Ədalət təmsilçilərimizə təyinat gəldi 20-03-2019, 13:16 Elxan Abdullayev Velebitin köməkçisi oldu 20-03-2019, 13:15 Əvvəl Rusiya, sonra İrlandiya və Rumıniya 20-03-2019, 13:13 Litva ilə üçüncü duel 20-03-2019, 13:10 Bayram axşamı qanımız qaralmasın! 20-03-2019, 13:06 Yığmanın mümkün “11-liy”i 20-03-2019, 13:04 Yurçeviç Zaqrebdə sürpriz etmək istəyir 20-03-2019, 13:02 U-21-in heyətində iki dəyişiklik 20-03-2019, 12:55 U-19-un rəqibi əvvəl qalib gəldi, sonra uduzdu 20-03-2019, 12:52 “FC Baku”dan “feyr-pley” və darmadağın 20-03-2019, 12:51 Mütəxəssislər yığmadan maksimum heç-heçə gözləyir 20-03-2019, 12:46 Bombardirlərin turu 20-03-2019, 12:45 Tərlan Əhmədov sınaq matçı planlaşdırıb 20-03-2019, 12:33 “Neftçi” yoxlama oyunu keçirməyəcək 20-03-2019, 12:30 Essyenlə bağlı soruşduq, fikirlər haçalandı 20-03-2019, 12:28 “Sabah” yoldaşlıq görüşü keçirəcək 20-03-2019, 12:27 “Sumqayıt” Əfran İsmayılovu itirdi 20-03-2019, 12:25 “Qarabağ” yarımcan heyətlə “Zirə”ni sınağa çəkəcək 20-03-2019, 12:23 Fərid “Slaviya”ya qələbə qazandırdı 19-03-2019, 15:11 Aleksey İsayev yığmadan ayrıldı 19-03-2019, 15:07 “Maksimir”də yığmaya 20 fanat dəstək verəcək 19-03-2019, 15:05 Essyen ilyarım “Səbail”ə xidmət edəcək 19-03-2019, 15:02 "Neftçi"nin legioneri Seneqalla oyuna çağırıldı 19-03-2019, 14:58 Emeqara zədəyə görə kənarda qalıb 19-03-2019, 14:56 Aqolli azarkeşlərlə bizim dildə sağollaşdı 19-03-2019, 14:55 “Sabah” Çalanı yola saldı 19-03-2019, 14:52 Kamran Ağayev “Keşlə”də yox, dostları ilə oyunda zədələnib 19-03-2019, 14:50 Boyükağa Hacıyevin ölümündən bir il ötdü 19-03-2019, 14:47 “O qədər məyusam ki, danışmağa, müsahibə verməyə həvəsim yoxdu” 19-03-2019, 14:46 Ayxan Abbasov Atillanın “qələmini qırdı” 19-03-2019, 14:44 İlk "üçlük"də yerdəyişmə oldu 19-03-2019, 14:42 Adam sabiq köməkçisini unutmayıb 19-03-2019, 14:41 Bojoviç: “Ramil son vaxtlar möhtəşəm oynayır, afərin!” 19-03-2019, 14:37 “Azərsun Holdinq” “Qarabağ”a lazım olan vəsaiti ayırır 19-03-2019, 14:35 Turun statistikası 19-03-2019, 13:08 Turun məşqçisi 19-03-2019, 13:07 Hakimlərin mühakiməsi 19-03-2019, 13:04 Üçüncü dövrənin lideri “Qarabağ”dı 19-03-2019, 13:01 Eddi və Rüfət “fərqləndi” 19-03-2019, 12:59 Turun oyunçusu 19-03-2019, 12:57 Turun sitatı 19-03-2019, 12:54 Turdan məqamlar 19-03-2019, 12:50 Lider izləyicisini xalsız qoydu, U-19 uduzdu 19-03-2019, 12:47 Layiq olmadığımız yenilgi 17-03-2019, 14:50 Marinadan tarixi addım və finala vəsiqə 17-03-2019, 14:49 “Boykotçular”ın turniri apreldə keçiriləcək 17-03-2019, 14:48 “Neftçi” debütantı üstələdi, “Yasamal” İSK “zirzəmi”dən qurtuldu 17-03-2019, 14:34 Mütəxəssislər Səlahətin “1 nömrə” olacağını düşünür 17-03-2019, 14:32 Essyenin “Səbail”dən heç bir xüsusi tələbi olmayıb 17-03-2019, 14:30 Essyenin transferi ölkə futboluna nə qazandıracaq? Bütün xəbərlər
Ən çox oxunanlar