10 iy 17:38aktual

Samir Abasov Burundidən aldığı təklifə “yox” deyib

Samir Abasov Burundidən aldığı təklifə “yox” deyib
“Belə qərara gəldik ki, iyulun ikinci yarısında yenidən danışaq”
10 gündən artıq idi onunla danışmaq istəyirdim. Lakin telefonuna zəng çatmadığından əlaqə saxlamaq mümkün olmurdu. Olmaya Samir Abasov Azərbaycanı tərk edib, xəbərimiz yoxdu? Onsuz da son vaxtlar onun xaricdən iş təklifi aldığı ilə bağlı söhbətlər dolaşırdı. Lakin srağagün təsadüf nəticəsində “Sumqayıt”ın sabiq baş məşqçisi ilə üz-üzə gəldik. Fürsətdən istifadə edib, ötən mövsüm adından söz etdirən 40 yaşlı mütəxəssislə söhbətləşdim.
- Neçə gündü sizinlə əlaqə saxlamaq istəsəm də, telefonunuza zəng çatmırdı. Hardasız, niyə telefonunuz sönüb?
- Məni tez-tez yada saldığınıza görə təşəkkür edirəm. Media, jurnalistlər işsiz məşqçini axtarırsa, deməli, az da olsa, işimlə onların diqqətini cəlb etməyi bacarmışam ki, buna görə çox şadam. Harda olduğuma gəlincə, ailəmlə birgə rayonda istirahət edirəm. Kəndimiz hər tərəfdən dağlar və meşə ilə əhatə olunduğundan mobil rabitə orda bir qədər zəif tutur. Kənddə müəyyən yerlər var ki, danışmaq istəyəndə ora çıxmalısan. Əks halda, əlaqə olmur. Ancaq onu da etiraf edim ki, özümü çox yaxşı, gümrah, hətta deyərdim ki, xoşbəxt hiss edirəm. Elə bir mühitdəyəm ki, dünyanın bütün dərd-sərini unudub, təbiətdə dincəlirəm.
- Bəlkə bu ərəfədə hansısa klub sizə iş təklifi ilə müraciət etmək istədi. Telefonunuza da zəng çatmır. Belə olan halda onlar sizinlə necə əlaqə yarada bilərlər?
- Necə deyirlər, axtaran tapar. Hər halda, Azərbaycandayam və yaxın ətrafım dəqiq ünvanımı bilir. Kimsə mənimlə əlaqə saxlamaq istəsə, onların vasitəsilə tapa bilər.
- Nə vaxta kimi təbiət qoynunda, kobud desək, sivilizasiyadan uzaq qalmağı planlaşdırırsız?
- Premyer-liqada yeni mövsüm və məktəblərdə yeni tədris ili başlayana yaxın yenidən Sumqayıta qayıdacam.
- Dağlara çəkilsəz də, yəqin ki, futbol aləmində yaşananları yaxından izləyirsiz. “Sumqayıt”ın mövsümlərarası fasilədə reallaşdırdığı transferlər barədə fikirlərinizi bilmək istərdik.
- Ötən dəfə də sizə demişdim ki, istər klub rəhbərliyinin, istərsə də yeni baş məşqçinin “minimum hədəf avrokuboklara vəsiqə qazanmaqdı” açıqlamasını həddən artıq cəsarətli və iddialı açıqlama kimi dəyərləndirirəm. Bu sözlərin arxasında durmaq lazımdı. Belə fikirlər səsləndirilirsə, ya “Sumqayıt” çox güclənib, ya da klub rəhbərliyi, baş məşqçi gözdən pərdə asmaq üçün cəmiyyətə belə mesajlar ötürürlər. Transferlər barədə isə indi geniş danışa bilmərəm. Çünki sonuncu dəfə mən Sumqayıtda olanda, komandaya Elvin Məmmədovla Əfran İsmayılovu cəlb etmişdilər. Onlardan sonra kimlərlə anlaşıblar, xəbərim yoxdu. Açıq deyirəm, kəndə gələndən rabitənin zəif olması səbəbindən mətbuatı da izləyə bilmirəm. Nəinki “Sumqayıt”da, ümumilikdə Azərbaycan futbolunda nələrin yaşandığından xəbərsizəm.
- Əfranla Elvindən başqa sabiq komandanız “Zenit-2”dən Aleksey İsayev, U-21-in sabiq üzvü Dmitri Nağıyev ilə münasibətləri rəsmiləşdirib. Onu da qeyd edim ki, iki il öncə “Zenit” Alekseyə görə “Yenisey”ə 500 min dollar transfer haqqı ödəyib. Bu adlar sizə nəsə deyir? Vaxtilə sizin “Sumqayıt”dan uzaqlaşdırdığınız Ruslan Tağızadə və Tofiq Mikayılov da düşərgədə baxışdadı.
- Əvvəlcə Ruslanla Mikayılın məsələsinə toxunmaq istəyirəm. Mən nə vaxtsa onları komandadan uzaqlaşdırmışam deyə, bu futbolçuların karyerası başa çatmayıb ki? Ola bilsin, yeni gələn baş məşqçinin adını qeyd etdiyiniz oyunçular barədə fikri başqa olacaq, onlar Nazim Süleymanovun oyun fəlsəfəsinə uyğun gələcəklər. Hər bir mütəxəssisin futbola öz baxışı var. Nağıyevlə İsayevi isə, ümumiyyətlə, tanımıram. Dmitri U-21-də çıxış etsə də, oyununu izləməmişəm. Ötən mövsümün sonuna bir neçə tur qalmış klub rəhbərliyi mənə “istəsən, yeni mövsüm üçün Dmitrini komandaya gətirə bilərik” demişdi. Ancaq həmin vaxt da “onu tanımıram, oyununu görməmişəm. Baxışa gələr, etimadı doğrultsa, müqavilə bağlayarıq” demişdim. Ola bilsin, yeni gələnlərin potensialı çox yüksəkdi və buna görə də “Sumqayıt” rəsmiləri mövsüm başlamamış iddialı açıqlamalar verir. Açığı, mənim üçün də “Sumqayıt”ın çıxışı maraqlı olacaq.
- Artıq bir neçə gündən sonra təmsilçilərimiz Avropa Liqasında mübarizəyə qoşulacaq. Onların şanslarını necə dəyərləndirirsiz?
- Məncə, klublarımız arasında ən çətin rəqib “Neftçi”yə düşüb. Hər halda, Macarıstan təmsilçisini Lüksemburq və Malta klubu ilə müqayisə etməz düzgün olmaz. Macarıstan futbolunun ənənəsi var. “Neftçi”nin yeni çalışdırıcısının işini izləmək maraqlı olacaq. Düzdü, bir-iki oyuna görə baş məşqçini qiymətləndirmək, “o yaxşıdı və yaxud pisdi” söyləmək düzgün olmaz. Ancaq ən azı komandanın oyununa görə Roberto Bordinin “Neftçi”də hansı dəyişikliklər etdiyini görmək mümkündü. Bilirsiz, hələ də bizim bəzi klubların yürütdüyü siyasət mənə çatmır. İstənilən komanda premyer-liqada ona görə çıxış edir ki, mövsümün sonunda qitəmiqyaslı turnirlərə vəsiqə qazansın. 9 ay zəhmət çəkirsən, qarşıya qoyulan məqsədə çatmaq üçün min cür əziyyətə qatılaşırsan. Mövsüm başa çatanda komandanı uğura daşıyan məşqçi ilə yollar ayrılır və əvəzinə yenisi dəvət olunur. Yeni gələn də elə ilk mərhələdəcə mübarizədən kənarlaşan kimi şablon açıqlama - “komandaya təzə gəlmişəm, mənim zamana ehtiyacım var” deyib, günahı başqasının boynuna yıxır. Belədə kim itirir? Klub və azarkeşlər. Yaxşı olardı ki, belə boş bəhanələrə rəvac verməmək üçün klub rəhbərləri vaxtında düşünülmüş addım atsınlar. Fikrimcə, “Qəbələ” və “Keşlə” çətinlik çəkmədən ikinci mərhələyə adlamalıdı.
- PRO kateqoriyası ilə bağlı dünya çempionatını da yaxından izləyirsiz. Bildiyim qədər kurslar çərçivəsində sizə mundialla bağlı müəyyən tapşırıqlar verilib, oyunları təhlil etməlisiz. Rusiyada keçirilən dünya çempionatı ilə bağlı fikirlərinizi də bilmək maraqlı olardı.
- Həddən artıq maraqlı turnir izləyirik. Şəxsən mənim üçün bəzi oyunlarda qeydə alınan nəticələr təəccüblü oldu. Dünya çempionatı ərəfəsində məhz elə sizin qəzetinizə açıqlamamda Fransanın favorit olduğunu bildirmişdim. “Xoruzlar” yarımfinala vəsiqə qazansalar da, çox təəssüf ki, Didye Deşamın komandası baxımlı, onlardan gözlədiyim oyunu sərgiləmir. Bu yığmanın potensialı daha yüksək səviyyədə futbol oynamağa imkan verir. Ancaq nədənsə fransızlar bir qədər qorxaq oyuna üstünlük verirlər. Bəlkə də bu sırf nəticəyə hesablanmış addımdı. Onu da bildirmişdim ki, Cənubi Amerika futbolunun fanatıyam. Bunun da səbəbi bu qitənin yığmalarının şən, açıq futbola üstünlük verməsidi. Onlar rəqibin kimliyindən asılı olmayaraq, meydana yalnız qələbə qazanmaq üçün çıxırlar. Kolumbiyanın, Perunun oyunlarını izləmisizsə, söylədiklərimi təsdiq edə bilərsiz. Argentinaya görə də üzüldüm. Sampaolinin rəhbərlik etdiyi yığma ulduzlar toplusu olsa da, komanda deyilən bir şey yox idi. Xorvatlar yaxşı təsir bağışlayır. İngilislər də tarixlərində ikinci dəfə dünya çempionu olmağa yaxındılar. Belçika isə ayrı mövzudu. Aazar və yoldaşları məhz komanda kimi formalaşmağın necə vacib olduğunu mundialda göstərməyi bacarır. Belçika yığması bir saat mexanızmi kimi işləyir. Arada hansısa detal sıradan çıxırsa, onu əvəzləməyə yenisi o dəqiqə tapılır. Yaponiya və Braziliya ilə matçlar bunu göstərdi.
- Məndə olan məlumata görə, bu yaxınlarda iş təklifi almısız. Nə qədər qəribə səslənsə də, Burundinin aparıcı klublarından biri sizi “sükan arxasında” görmək istəyir. Dünyanın ən zəngin ölkələrindən biri olan Burundi Sultanlığından gələn təklifi dəyərləndirəcəksiz?
- O ölkə ilə əlaqəsi olan futbol funksionerlərindən biri təxminən 15 gün öncə mənimlə əlaqə saxlayıb belə təklifin olduğunu bildirdi. Açığı, bu bir qədər gözlənilməz oldu mənim üçün. Həmin şəxs onu da söylədi ki, Burundidə futbolun inkişafı üçün dövlət səviyyəsində böyük vəsait ayırmağı düşünürlər və klublara əcnəbi məşqçilər dəvət etmək istəyirlər. Hardansa mənim CV-im onların əlinə keçib və həmin adamla əlaqə saxlayıblar. O da məni aradı. Ancaq “yox” dedim. Mən bu yaşda pulu yox, karyeramı düşünürəm. Qarşıma başqa məqsədlər qoymuşam. Burundi kimi ölkələrə daha çox yaşlı, Avropada ehtiyac duyulmayan mütəxəssislər yollanır. Açığı, başqa bir ölkədən də maraqlananlar var.
- Sirr deyilsə, adını çəkərdiz.
- Burda gizlətməli heç nə yoxdu. Pis iş görmürəm ki, bunu sirr kimi saxlayım. Təxminən iki həftə öncə Rusiyadan da mənimlə əlaqə saxladılar. Bu ölkənin birinci divizionunda çıxış edən klublardan birinin idman direktoru ilə telefonla danışdıq. O mənə qarşılarına qoyduqları məqsəd, klubun imkanları barədə məlumat verdi. İlk danışıqdan sonra belə qərara gəldik ki, iyulun ikinci yarısında yenidən danışaq. Ancaq bu dəfə telefonla yox. Üz-üzə oturub söhbət edəcəyik. Şərtləri və şərtlərə uyğun klubun yürütdüyü siyasəti bəyənsəm, böyük ehtimalla şimala yollanacam. Hər dəfə deyirəm və deyəcəm də: ölkə xaricində çalışmaq istəyirəm.
- Azərbaycan futbolundan bu qədər küsmüsüz?
- Buna küsmək demək olmaz. Şükür Allaha, hara getmişəmsə, ölkəmlə həmişə fəxr etmişəm. Sadəcə, bir qədər aralı qalmaq istəyirəm. Özümə və savadıma əminəm, hiss edirəm ki, xaricdə işləyə bilərəm. Bəlkə də buna görə mövsümlərarası fasilədə aldığım iki təklifi geri çevirdim. Ola da bilsin, bir qədər yüklənmişdim və ona görə razılaşmadım. Zaman hər şeyi göstərəcək. Bayaq dedyim kimi, indi çox rahatam. Uzun illərdən sonra ailəmlə birgə ilk dəfə belə uzunmüddətli tətilə çıxırıq.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
17-02-2019, 16:02 Yığma üzvləri darmadağından danışdı 17-02-2019, 16:00 Fərid Nəbiyevə Slovakiya və Sloveniyadan təkliflər olub 17-02-2019, 15:59 “Qarabağ” Dedanı “Karpatı”ya satmağa hazırlaşır 17-02-2019, 15:58 PFL divizionun oyunlarını canlı yayınlayır 17-02-2019, 15:56 Moldova yığmasının üzvü "Neftçi"də 17-02-2019, 15:55 "Bayıl Arena"da 10 qol vurulsa da... 17-02-2019, 15:53 “Qarabağ”dan qorxmuruq, çəkinmirik” 17-02-2019, 15:52 Cavid Hüseynov “Qarabağ”la oyunda 1 xala razıdı 17-02-2019, 15:50 "Qəbələ" həvəslə hazırlaşır 17-02-2019, 15:42 Yurçeviçli millinin nağıl arzuları bəllidi 17-02-2019, 15:40 10 saatlıq tur 17-02-2019, 15:38 “Keşlə” yığmanın marağını klub marağından üstün tutub 17-02-2019, 15:37 Sürprizsiz tur 17-02-2019, 15:35 “Qaranın yerini silkələmək üçün çox çalışdım, alınmadı” 17-02-2019, 12:54 BMM “Futbol+”ə yer verməkdən çəkindi 17-02-2019, 12:53 Azərbaycanın idman ictimaiyyətinə müraciət 17-02-2019, 12:51 “Sumqayıt” “Keşlə”nin aqibətini yaşadı 17-02-2019, 12:48 Türkiyənin heyəti və yoldaşlıq görüşlərinə təyinatlar açıqlandı 17-02-2019, 12:47 Miloş Velebit kimdi? 17-02-2019, 12:45 “Yumşaq” Yurçeviç xaricdə fiasko vəd edir 17-02-2019, 12:44 Musa Qurbanlıdan poker, U-19-dan darmadağın 17-02-2019, 12:40 Sansone “Neftçi”də 600 min manat qazanacaq 17-02-2019, 12:39 Stuxlikin yeniliyinə fərqli münasibət 17-02-2019, 12:37 Klublar Komitəsinin rəhbərsiz qalması AFFA-nın ürəyincə deyil 17-02-2019, 12:36 “Səbail”də argentinalı forvard: 13 ildə 13 (?!) klub dəyişib 17-02-2019, 12:27 Qış fasiləsinin diqqəti çəkən 5 olayı 17-02-2019, 12:25 Stuxlik Xorvatiyaya gedəcək 17-02-2019, 12:23 “Red Black Army” narahatdı 17-02-2019, 12:22 Prinsipial rəqiblərin 50-ci dueli 17-02-2019, 12:18 “Çempionatda limiti ləğv etmişdilər, hamı legioner gətirib, pul “yeyirdi” 17-02-2019, 12:13 Amit Quluzadə “Çelik”də 22 gün qalıb və geri qayıdıb 14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası 13-02-2019, 13:21 Aqil Məmmədov zədələnib Bütün xəbərlər
Ən çox oxunanlar