FİFA referisi U-17-nin üzvlərinə dərs keçdi

Əliyar Ağayev Bakıda təlim-məşq toplanışında olan U-17-nin üzvlərinə seminar keçib. FİFA referisi futbolçulara oyun qaydaları haqda məlumat verib, onların suallarını cavablayıb. Sonda Ağayevə millinin forması hədiyyə edilib. Qeyd edək ki, iyunun 20-dən Bakıda təlim-məşq toplanışında olan U-17 İranın müvafiq yaş qrupundan ibarət yığması ilə iki yoldaşlıq oyunu keçirəcək. Komandalar iyulun 7-də “Dalğa Arena”da, 10-da isə Bakı Olimpiya Stadionunda üz-üzə gələcək. Hər iki oyun saat 20.00-da başlayacaq.