30 noy 15:26aktual, idman

Mariana Vasilyeva istedadlı gimnastları necə “məhv edir”?

"Bütün səlahiyyətlər ondadı, federasiya müdaxilə etmir”

 

Gimnastika Federasiyasında baş verənlər nöqsanlar haqda geniş yazını diqqətinizə çatdırmışdıq. Mariana Vasilyeva və ona dəstək verən bəzi federasiya rəsmilərinin qeyri-leqal yollarla əldə etdikləri gəlirlərin bir qismini ifşa etmiş, yerli mütəxəssisləri və idmançıları bu sahədən didərgin saldıqlarını vurğulamışdıq. Əlbəttə, mövzunu bununla yekunlaşdırmaq insafdan olmaz. Bu, elə ciddi məsələdi ki, davamlı şəkildə işıqlandırmaq və mümkün qədər ictimailəşdirmək lazımdı. Araşdırmanı davam etdirdikcə yeni-yeni tükürpədici faktları aşkarlayırıq. Dünən "Spartak”ın məşqçisi Nurlana Əlizadəni danışdırdıq. Onun sözlərini diqqətlə oxuyun və görün ki, gimnastikamızı bolqar məşqçi hansı kökə salır: "Mingəçevirdəki yarışda iştirakla bağlı bildiriş aldıq. Orda yazılmışdı ki, qalmaq və qida xərclərini qarşılamalıyıq. Bu da adambaşına 60 manat edirdi. 100 manat isə lisenziyanı almaq üçün tələb olunur. Lisenziya pulu hardasa mart-aprel aylarından ortaya atılıb. Bu qayda çıxandan federasiyanın keçirdiyi yarışlarda iştirak etmirik. Bununla həm valideynlər razılaşmır, həm də həmin turnirlərdə iştiraka ehtiyac duymuruq. Deyirlər ki, bu idman növünün kommersiya maraqları bunu tələb edir. Guya bu vəsait tibbi sığorta üçün alınır. 2014-cü ildə yetirməm Ruqiyyə Səttarova yığmada olarkən qolundan ağır zədə aldı (şəkillərini göstərir). Bakıda keçirilən Avropa çempionatında ehtiyat gimnast kimi əsas komandaya cəlb edilmişdi. Çiynində dartılma olsa da, yığmanın məşqçiləri ilboyu onu məşq etdirib. Halbuki bizə deyilmişdi ki, ilin əvvəlində Səttarovaya bir az istirahət vermək lazımdı. Buna məhəl qoyulmadı. Nəticədə elə zədə aldı ki, hətta qolunda çürümə gedirdi. Biz onun Türkiyədə əməliyyat olunmasını istədik. Ancaq federasiya onu Belarusa göndərdi. Orda isə əməliyyat düzgün aparılmadı. Çox pis vəziyyətdə idi. Daha sonra İsrailə göndərildi. Orda da həkimlər dedi ki, bundan sonra tam sağaltmaq çətin məsələdi. Anası Jalə Mustafayeva AGF-nin prezidenti Mehriban Əliyevaya məktub ünvanladı. Ancaq şikayətinə baxılmadı. Axırda başqa şəxslərin yardımıyla Ruqiyyə Avstriyada əməliyyat olundu. İndi əvvəlkiylə müqayisədə daha yaxşı vəziyyətdədi. Hazırda Mariana Vasilyevanın yanında 18-21 yaşlı məşqçilər çalışır. Böyük təcrübələri olmayanlar necə əsas komandada məşqçi kimi işləyə bilər? Sonra da deyirik ki, idmançı bu günə düşür.

Vasilyeva 2008-də gələndə demişdi ki, yığmada yerli gimnastların olmasını istəyirəm. Ancaq indi bundan əsər-əlamət yoxdu. Qrup komandamızın 5 üzvündən 4-ü legionerdi. Natalya Nərimanova yığmada baş məşqçi olanda Pekin-2008-ə maksimum sayda – 2 fərdi və 1 qrup lisenziyası əldə olunmuşdu. Ancaq Olimpiadaya bir neçə ay qalmış zəng edib dedilər ki, sizinlə müqaviləyə xitam veririk. Onun yerinə Mariananı gətirdilər. Dəyişiklik üçün heç bir səbəb göstərmədilər.

Əvvəlcə AGF-nin vitse-prezidenti Altay Həsənovu görüb, problemlərimizi ona deyirdik. Artıq bu şansımız da qalmayıb. 2009-dan bütün işlərə nəzarət Vasilyevanın əlinə keçib. 2010-da Avropa çempionatına hazırlaşırdıq. Fevralda yarış oldu. Yetirməm Aişə Mustafayeva 1-ci yeri tutdu. 3-4 gündən sonra "Miss Valentina” turnirinə getməliydik. 30 nəfərlik heyət – idmançılar, məşqçilər getdi. Ancaq mən kənarda qaldım. Qalan gimnastların şəxsi məşqçiləri yollansa da, mənə orda yer tapılmadı. Sonrakı yarışlarda da bu hal təkrarlandı. Marianadan səbəbini soruşanda mənim getməyimə ehtiyac olmadığını söylədi. Axı səhər-axşam onunla hazırlıq keçən, idmançımın nəyə qadir olduğunu bilən mənəm. Necə kənarda qala bilərəm? Baş məşqçi mənə dedi ki, Mustafayeva ancaq Avropa çempionatına yollansa, o zaman sən də gedəcəksən. O zaman sonuncu dəfə Altay müəllimin yanına gedib, problemi dedim. Qulaq asdı və məsələni həll edəcəyini dedi. Ancaq heç bir dəyişiklik olmadı. Onsuz da Mariana mənə söyləmişdi ki, "mən nə deyirəmsə, o da olacaq”. Bütün səlahiyyətlər ondadı, federasiya müdaxilə etmir.

Həm Aişə, həm Nilufər Niftəliyeva, həm Lalə Yusifova yığma məşqçiləriylə problemlər yaşayaraq bu idmandan uzaqlaşdılar. Halbuki hamısı yeniyetmələr arasında Avropa çempionatının medalçılarıdı. Onsuz da seçim şansımız çox deyil. Biz Rusiya deyilik ki, idmançıları belə rahat uzaqlaşdıraq. Onu bilirəm ki, gimnastlarla yaxşı davranmırlar. Bu da idmançıların küsüb uzaqlaşmasına səbəb olur. Nə qədər uşaq yığmada hazırlıq keçərkən zədə alıb. Yaxşı idmançıların "Ocaq Sport”a cəlb edilməsi prosesi də gedir. Mingəçevirdə bütün medalçılar bu klubdan oldu. Sonra da Vasilyeva müsahibə verəndə deyir ki, "Ocaq Sport”dan razıyam, onlar mənim tələblərimə cavab verir. Daha demir ki, bu klubun yarısı başqa klubların yetirmələridi.

Yanvardan məşqçi kursları başlayacaq. Kursda iştirak üçün 200 manat ödəməlisən. Kursda iştirak etməsən, yarışlarda məşqçi kimi iştirak edə bilməzsən. Mən əvvəl beynəlxalq dərəcəli məşqçi idim. 4 ildən bir dərəcəni qorumaq üçün beynəlxalq seminarda iştirak etməlisən. Federasiya məni göndərmədiyindən dərəcəm əlimdən alındı.

Əvvəllər bədii gimnastikaya böyük axın var idi. Amma indi gedənlərin sayı, gələnlərdən çoxdu. Maraqlıdı ki, bu durum heç kimi maraqlandırmır. Federasiya hansısa iclas, hesabat konfransı keçirmir ki, problemləri səsləndirək.

Əslində mənim Vasilyevayla şəxsi problemim olmayıb. Amma ona elə gəlir ki, kimsə ona qarşı nəsə etmək istəyir. Mən yetirməmi orda AÇ-yə hazırlaşdıranda bir gün mənə salam verirdi, bir gün yox. Anidən siması dəyişirdi. Hamıya qarşı elə idi.

"Spartak”ın uşaqları daxili yarışlarda sıxışdırılır. Beynəlxalq yarışlarda 12-13 bal alan qızlarımıza burda 7-8 bal verilir. Bu üzdən uşaqların yarısı çempionata qatılmaq istəmir. Deməli, hansısa yetirməmiz yığmaya keçəndən sonra yarışlarda ballarını qaldırırlar. Guya 3-4 ay ərzində gimnastı inkişaf etdirirlər. Bizdə çox yaxşı uşaqlar var idi. Məsələn, onlardan biri Leyli İbrahimova idi. Ancaq Vasilyeva prinsip aparırdı, ona daxili yarışlarda az bal verdirirdi”.

Qeyd edək ki, növbəti saylarımızda başqa yerli mütəxəssislərin də fikirlərini diqqətinizə çatdırmağa çalışacaq.

 

SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 13:40 İradə Aşumova Olimpiya Komitəsindən 275 min manat alıb Dünən, 13:38 Ramil Diniyev “şərəfsiz” sözünə görə Hüseyn Cəbrayıloğlunun cavabını verdi Dünən, 13:36 “Heydər Əliyev kuboku”nun iştirakçıları müəyyənləşdi Dünən, 13:34 “Qarabağ” Qurbanovla vidalaşdı, Aqollini saxladı Dünən, 13:24 “CBC Sport” yayın hüququna görə klubların pulunu niyə ödəmir? Dünən, 13:22 Sponsor olmadan telekanallarda futbol verilişlərinin yayını mümkünsüzdü Dünən, 13:21 “Qarabağ” Avstriyada çempion oldu Dünən, 13:16 Toğrul Erat çempionluq sevinci yaşadı Dünən, 13:15 Nurlan “Zirə”də əsəbləşirmiş 21-05-2017, 13:56 Natalya Məmmədova yenidən yığmaya qayıdır 21-05-2017, 13:53 Azərbaycan yenidən liderliyi ələ keçirdi 21-05-2017, 13:51 Əsgər Abdullayev AFFA-dan inciməyib 21-05-2017, 13:49 “Şəmkir”in prezidenti premyer-liqa iddiasından əl çəkdi 21-05-2017, 13:48 “Neftçi”yə yaxın duran yoxdu 21-05-2017, 13:47 Vidadi Rzayev Diniyevin köməkçisi oldu 21-05-2017, 13:22 Yeni mövsümün təqvimi yığmanın maraqlarına uyğun hazırlanacaq 21-05-2017, 13:17 Rəmiş Malıyev AFFA ilə vidalaşdı, yerinə xanım gəlir 21-05-2017, 13:16 Tural Qürbətov Türkiyə klubunda 21-05-2017, 13:14 Yığma üzvləri azarkeşləri finala səsləyir 21-05-2017, 13:11 Yığma üçün həlledici an 21-05-2017, 13:09 Turan Makedoniyanı cəzalandırdı 21-05-2017, 13:08 Reaksiyalar 21-05-2017, 13:04 Rəşad Sadıqov və komandası mükafatlandırıldı 21-05-2017, 12:51 Vəkil zərərcəkəni və məhkəməni qınadı 21-05-2017, 12:49 Kvekveskiri təklif bolluğunda “üzür” 21-05-2017, 12:48 Renat Dadaşov “Ayntraxt”la peşəkar müqavilə imzaladı 21-05-2017, 12:47 Qriqorçuk “Qəbələ”də qalacaq 21-05-2017, 12:43 Qurban Qurbanov Kintananın tezliklə sıraya dönəcəyinə ümid edir 21-05-2017, 12:42 Yığma bu gün vətəni tərk edir 21-05-2017, 12:39 Final mərhələsi başladı 21-05-2017, 12:37 Şəhriyar şərikli liderliyi davam etdirir 19-05-2017, 20:07 Daha bir dopinq şoku: bu dəfə Toğrul Əsgərov cəzalandı 19-05-2017, 20:05 Şahmatçılarımız "sülh bağladı” 19-05-2017, 20:04 Elxan Abdullayev: “Kim var, kimi alaq, namizəd var ki?” 19-05-2017, 20:01 “Kəpəz”dən ayrılanlar səbəb göstərdi 19-05-2017, 19:59 AZAL-lılar bu gün maaş alacaq 19-05-2017, 19:58 Kamran Quliyev AFFA-da iclas keçirəcək 19-05-2017, 19:52 Əlcəzairin baş məşqçisi də hakimlikdən gileyləndi 19-05-2017, 19:47 Yığma Əlcəzairə “2 verib” finala adladı 19-05-2017, 19:43 “Qəbələ” fanatı tribunaları coşdurdu 19-05-2017, 19:42 Rəşad Sadıqov məşqlərdən kənarda qalıb 19-05-2017, 19:41 U-23-ü AFFA da mükafatlandıracaq 19-05-2017, 19:39 “Oynamaq istədiyimiz komandalar Avstriyada olmayacaq” 19-05-2017, 19:37 U-19 qazaxları yendi 19-05-2017, 19:35 İslamiadada mübarizə qızışdı 19-05-2017, 19:32 2016/17 mövsümündən seçmələr 19-05-2017, 19:31 Rəhbərlik “Neftçi”ni mükafatlandıracaq 19-05-2017, 19:28 Qurbanov gəldi, Şemonayev qaldı 19-05-2017, 19:26 AFFA ölkə futbolunu inhisara alıb? 19-05-2017, 19:25 “Qəbələ” təlim-məşq toplanışını Avstriyada keçəcək 19-05-2017, 19:23 PFL “Qaradağ Lökbatan”ın futbolçusunu mükafatlandırdı 18-05-2017, 18:52 İslamiadada qazanılan medallar adamlarda ikrah hissi doğurur 18-05-2017, 18:50 Batumidən iki medalla 18-05-2017, 18:48 İstirahətə “sülh”lə çıxdılar 18-05-2017, 18:46 “Qəbələ”, “Neftçi” və Qarabağ” 18-05-2017, 18:44 Samir Əliyev getdi, aləm bir-birinə dəydi 18-05-2017, 18:43 Mübariz Mənsimov Bursada dava-dalaş saldı Bütün xəbərlər
Ən çox oxunanlar