27 in 13:21aktual

Lənkəranda yeni yaranmış kluba əngəl törədirlər

Lənkəranda yeni yaranmış kluba əngəl törədirlər
Bir həftə ərzində 3195 manat toplanıb
Yeni təsis edilən “Xan Lənkəran”ın hissələrinin satışa çıxarıldığını bilirsiz. İyunun 18-də startı verilən kampaniya iyulun 3-dək davam edəcək. Bu müddət ərzində satışa çıxarılan 10 min hissənin satılması planlaşdırılır. Hər bir hissənin dəyəri isə 100 manatdı. Ancaq növbəti mərhələlərdə satışa çıxarılacaq hissələrin dəyəri yüksək olacaq. Bundan əlavə khanlankaran.com saytında yerləşdirilən “Kapital Bank” hesabına ianə ödənişləri qəbul edilir. Bu prosesin bir həftə əvvəl start götürməsinə baxmayaraq, yığımlar yüksək deyil. Hər halda, portalda yerləşdirilən onlayn hesablama sisteminə əsasən bunu deyə bilərik. Dünən axşama qədər fonda cəmi 3195 manat toplanmışdı. Göründüyü kimi, hələ vəziyyət ürəkaçan deyil. Hərçənd bu klubun yaranmasında əsas pay sahibi olan Rəsul Şükürsoy bu yaxınlarda forma üçün sponsorun tapıldığını və şifahi razılıq əldə olunduğunu deyib.
Bununla belə, Lənkəran İcra Hakimiyyəti ilə aparılan danışıqlar dalana dirənib. Daha doğrusu, icra nümayəndəsi klubun qarşısında süni əngəllər qoyur. “Xan Lənkəran”ın bununla bağlı yaydığı bəyanatı müəyyən ixtisarla nəzərinizə çatdırırıq:
“Xan Lənkəran”ın idarə heyətinin üzvləri ötən həftənin əvvəlində Lənkərana səfər edib. Səfərin əsas məqsədi Lənkəran rayon İcra Hakimiyyətinin Hüquq Şöbəsinin rəisi Emin Quliyevlə görüşmək, fəaliyyətimiz haqda məlumat vermək idi. Bundan əvvəl bir sıra mətbuat oraqanları klubumuzun fəaliyyəti ilə bağlı İcra Hakimiyyətindən münasibət öyrənmək istəmiş, qarşı tərəf isə onlara rəsmi müraciət olunmadığını bildirib. “Xan Lənkəran”ın mətbuat xidməti Lənkəranın icra başçısı Taleh Qaraşova ünvanlanmış iki müraciəti rəsmi “feysbuk” səhifəsində yayınlamağa məcbur qalıb. Bu paylaşımdan 15 dəqiqə sonra Emin Quliyev klubun idarə heyətinin sədr müavini Cəmil Şirvanova zəng edərək, görüş üçün Lənkərana gəlməyimizi istəyib.
Bu görüşə böyük ümidlərlə yollandıq. Çünki “Xan Lənkəran”ın hələ qurulma təşəbbüsü müzakirə edilərkən, həmin vaxt fəaliyyət göstərən Təşəbbüs Qrupunun da Lənkərana birinci səfərimiz zamanı ilk dayanacağı məhz Lənkəran Rayon İcra Hakimiyyəti olmuşdu. Lakin qurumun qərargahının qapısında dayanan mühafizəçilər heç bir məsul şəxsin yerində olmadığını, bu üzdən Lənkəran rayon Gənclər və İdman İdarəsinə yollanmağımızın daha məqsədəuyğun olduğunu bildirmişdilər. Gənclər və İdman İdarəsinin rəisi də həmin gün Bakıda olduğundan, idarənin əməkdaşı Mehman Əliyevlə 1 saata qədər söhbət etmiş, layihəmiz haqda məlumat vermişdik. Bütün bu cəhdlərimizə baxmayaraq, əvvəlcə iyunun 8-də Lənkəran şəhər Gənclər Mərkəzində keçirmək istədiyimiz futbolsevərlərlə görüş əngəlləndi. Ardınca şəhərin ictimai xadimləri tərəfindən qurulmuş Direktorlar Şurası üzvlərinə təzyiqlər edildi, şura dağıdıldı.
“Xan Lənkəran”ın idarə heyəti bütün bu xoşagəlməz prosesləri təmkinlə qarşılayıb, İcra Hakimiyyəti ilə mümkün dialoq yolları axtarıb. İyunun 20-də hüquq şöbəsinin rəisi ilə görüş baş tutub. Görüşdə Quliyevə klubun rəsmi sənədlərinin surəti təqdim olunub.
Emin bəy “Xan Lənkəran”ın nizamnaməsindən 3.1 maddəsini oxuyaraq, futbol klubu kimi fəaliyyət göstərməyimiz üçün lisenziya almalı olduğumuzu iddia edib. Şirvanov bütün cəhdlərlə futbol sahəsində fəaliyyətin Azərbaycan Respublikası qanunvericiliyi ilə lisenziyalaşdırılmış fəaliyyət növlərindən biri olmadığını izah etməyə çalışsa da, bu mümkün olmayıb. Emin bəy AFFA-nın rəsmi internet saytından yüklədiyi premyer-liqa və UEFA yarışlarında iştirakla bağlı lisenziyalaşdırma normativlərini göstərərək, həmin lisenziyanı gətirməyimizi istəyib. İdarə heyətinin sədri Rəsul Şükürsoy bu sənədin fəaliyyət növünün lisenziyalaşdırılmasına aidiyyatının olmamasını, UEFA normativləri olduğunu, Azərbaycan Qanunvericiliyinin tələblərinə aid edilmədiyini, ötən il 1-ci divizionda çıxış etmiş klubların da həmin lisenziyalaşdırmadan keçəmədiyini bildirsə də, məntiqi nəticəyə gəlmək mümkün olmadı. Yekunda Quliyev “gedin, AFFA-dan qeydiyyatdan keçin, gəlin” təkrarçılığında qaldı. Belə qeydiyyatın ancaq püşkatma ərəfəsində yarışa daxil olmaq olduğunu izah etmək mümkün olmadı.
“Xan Lənkəran” rəhbərliyinin məqsədi çözüm, iş, quruculuq olduğundan, idarə heyətinin sədri dünən də planlar üzrə PFL prezidenti Ramin Musayevlə görüşüb, İcra Hakimiyyəti nümayəndəsinin tələbləri haqda müzakirələr aparılıb. Musayev Lənkəranda futbolun bərpası, klubun fəaliyyəti ilə bağlı hər cür dəstək verməyə hazır olduqlarını bildirib. “Xan Lənkəran”ın 1-ci divizionda iştirakı ilə bağlı texniki məsələlər müzakirə edilib.
Dünən idarə heyətinin nümayəndələrinin forma sponsorluğu ilə bağlı keçirdiyi görüşdən də müsbət nəticə əldə edilib. Bu gün səhər saatlarında isə idarə heyətimizin digər üzvü Ramil Abdullayevə Emin Quliyev zəng edərək, onların bizim fəaliyyətimizə hələ icazə vermədiklərini, ona görə də Lənkəranda tanıtım xarakterli “flayer”lər paylanılmasının düzgün olmadığını, bizim özbaşınalıq etdiyimizi bildirib. Məlumatla bağlı Rəsul Şükürsoy Emin Quliyevə telefon edib, məsələni aydınlaşdırmaq istəyərkən, qarşı tərəf, bu dəfə Gənclər və İdman Nazirliyindən icazə gətirməli olduğumuzu, Ədliyyə Nazirliyindən qeydiyyatdan keçməli olduğumuzu əlavə edib və Şükürsoyu məhkəməyə verəcəyi ilə hədələyib, telefonu qapadıb.
Bütün bunlardan sonra “Xan Lənkəran” məlum məsələni ictimailəşdirməkdən başqa çərə görmür. Hesab edirik ki, Lənkəran Rayon İcra Hakimiyyəti ilə Hüquq şöbəsinin rəisi səviyyəsində danışıqların heç bir perspektivi yoxdu. İnanırıq ki, Taleh Qaraşov şöbə rəisinin “qanunçoxaltma”, “qanunkəşfetmə” qabiliyyətlərindən məlumatlı deyil. İrəli sürülən tələblər birbaşa qanunlarımıza ziddi, əngəlləmə, süründürməçilik xarakterlidi. Tələblərin heç bir hüquqi qarşılığı yoxdu. Qaraşovdan xahiş edirik ki, fəaliyyətimiz üçün şərait yaradılsın. Bütün dövlət strukturları, eləcə də Lənkəran Rayonu İcra hakimiyyəti ilə də sıx əməkdaşlıq etmək, bölgədə futbolun, əhalinin rifah halının yüksəldilməsi yönündə töhfə vermək istəyirik. Lakin Emin Quliyev kimi məmurların münasibəti bizi Lənkərandan qovmaq mahiyyəti daşıyır. Vəziyyət o həddə çatıb ki, klubu yaratmışıq, Bakıda azad şəkildə fəaliyyət göstəririk, işlərimiz ictimaiyyət, dövlət qurumları və AFFA tərəfindən müsbət qiymətləndirilir, lakin Lənkəranda adi bir toplantı keçirə bilmirik. Bu çox təəssüf doğuran vəziyyətdi və belə münasibət davam edərsə, “Xan Lənkəran” komanda şəklində Bakıda məskunlaşmağa, oyunlarını paytaxtda keçirməyə məcbur olacaq”.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:14 Gülağa Cabbarov Stuxlikə məktub yazdı Dünən, 17:13 Riad Rəfiyev əvvəlcə sponsorla, sonra baş məşqçi ilə görüşəcək Dünən, 17:11 “Qəbələ”də qeyri-müəyyənlik davam edir Dünən, 17:09 Renat Dadaşov U-21-dən imtina etməyib Dünən, 17:07 Qara Qarayev daha iki il “Qarabağ”da Dünən, 17:06 Azərbaycanlı futbolçular Mxitaryanı “qorxaq” adlandırdı Dünən, 17:04 Avroliqanın kuboku Cocuq Mərcanlıda Dünən, 15:28 Yığma 17 nəfərlə hazırlaşır Dünən, 15:25 Yurçeviç “çərçivə”ni Səlahət Ağayevə tapşıracaq Dünən, 15:22 "Ayntraxt"ın azarkeşləri azərbaycanlı cocuqları sevindirdilər Dünən, 15:17 UEFA İcraiyyə Komitəsi Bakıda yığışacaq Dünən, 15:14 Çempion üç günə iki qələbə qazandı Dünən, 15:12 “Araz”ın ÇL-dəki rəqibləri nə vaxt məlum olacaq? Dünən, 15:10 Joze Alesio limitin tərəfdarıdı Dünən, 15:08 Hər iki finalçı cəzalandırıldı Dünən, 14:03 “Dəyişikliklər vacibdi, amma belə yox” Dünən, 14:01 “Keşlə” Salahlı ilə anlaşdı, hədəfdə Əfrandı Dünən, 13:59 U-21 xorvatlarla “sülh bağladı” Dünən, 13:54 Səfir jurnalistlər önünə çıxacaq Dünən, 13:53 Nə tez ayıldın, Özil?! Dünən, 13:51 Naxçıvan turniri: xəbəri kimdən alaq? Dünən, 13:47 Kamal Bayramov “Səbail”də Dünən, 13:44 Emil Balayevli "Tobol"dan önəmli qələbə Dünən, 13:40 “Neftçi”nin Mirabdullanı satmaq fikri yoxdu Dünən, 13:25 Ayxan Abbasov Riad Rəfiyevlə son görüşü gözləyir Dünən, 13:20 AZAL “Qəbələ” və “Sumqayıt”ın futbolçularına zülm etdi Dünən, 13:18 “Topaz” mayın 28-də festivala başlayır Dünən, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır 23-05-2019, 19:19 Renat Dadaşov Portuqaliyada medal qazandı 23-05-2019, 19:17 Azərbaycan səfirindən sərt sual 23-05-2019, 19:15 Gürcü Azərbaycanı bəyənmir... 23-05-2019, 19:13 “Qarabağ”ın 16 mümkün rəqibindən 13-ü bəllidi 23-05-2019, 19:11 Rəhimin “Sabah”, Əliyarın “Qarabağ” “sevgisi” 23-05-2019, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” Bütün xəbərlər
Ən çox oxunanlar