08 in 23:20aktual

Futbol Lənkərana qayıdır

Futbol Lənkərana qayıdır
“Bu layihə “Xəzər Lənkəran”ın qayıdışına çağırış aksiyasıdı”
Ölkəmizdə yeni klub təsis edilib. Bir neçə gün əvvəl “Xan Lənkəran” fəaliyyətə başlayıb. “Xəzər Lənkəran” kimi bayrağının rəngi ağ-yaşıl olan yeni klub müasir idarəçilik üsuluyla seçilməyi hədəfləyib. Dünən “Xan Lənkəran”ı daha yaxından tanımaq, görülən və bundan sonra görüləcək işlərlə bağlı məlumat almaq üçün klubun yaranmasının ideya müəllifi olan sabiq həmkarımız Rəsul Şükürsoyla danışdıq.
- Belə klub modeliylə bağlı uzun müddət yazılar yazırdım. Fikrim belədi ki, ölkəmizdə bütün klubların modeli etibarsızdı. Çünki bir nəfərin iradəsindən, onun futbola həvəsindən asılıdı. Ukraynada bu işin içində olmuşuq, beynəlxalq təcrübəni araşdırırıq. Cənub bölgəsində bunun üçün yaxşı resurs var. Burda da əsas məqam azarkeş amilidi. Həmişə Lənkəranda tribunalar dolu olub. Bu klubu formalaşdırmaq da ictimaiyyətə hesablanıb. İlk təşəbbüs elə azarkeşlərdən gəldi. Onlar bu işdə öncüllük etməyimizi təklif etdilər. Əvvəlcə Təşəbbüs Qrupu yaratdıq. Daha sonra bu qrup Təşkilat Komitəsinə çevrildi. Lənkəranda - Gənclər və İdman İdarəsində görüşümüz oldu. Cənub Regional Futbol Federasiyasının prezidenti Sakin Məmmədzadə ilə müzakirələr apardıq. Gördük ki, maraq böyükdü. Sadəcə, bir az təbliğata və maarifləndirməyə ehtiyac var. Bu tədbirləri davam etdirə-etdirə yolumuza davam etdik. Sabah (bu gün) Lənkəranda növbəti görüşümüz olacaq. Klubun mülkiyyətçilərinin yerli insanlardan olmasını planlaşdırmışıq. “Xan Lənkəran”ın hissələrinə sahib olanlar həm də klubun mülkiyyətçiləri olacaq. Bunu da ianə formasında başlayırıq. Ancaq biz ianəylə klub saxlamağı planlaşdırmırıq. Əslində bu ianələr klubun səhmdarlarını müəyyənləşdirən vasitədi. Bu ianələr kapital qoyuluşuna çevriləcək və hissələrə bölünəcək. İlk mərhələdə 10 min hissəni təklif etməyi düşünürük. Bunun 4 minini qarşıdakı 15-20 gün ərzində paylaşdırmaq istəyirik. Qalan hissələri qarşıdakı 3 ayda paylaşdırmağı hədəfləmişik. Holoqramlı hissə sənədləri veriləcək.
- Klubun loqosu da müəyyənləşib. Üzərində Lənkəran qalasının və bəbirin təsvir olunduğu rəmzi Təşkilat Komitəsi, yoxsa azarkeşlər seçib?
- Komitə əvvəlcə loqoyla bağlı təklifləri topladı. Müxtəlif dizaynerlərin variantları səsverməyə qoyuldu. Komitənin hər üzvü rənglərlə bağlı iki variant təqdim etdi. Bunu da səsverməyə qoyduq. Sosial şəbəkədə azarkeşlərin səsverməsinə əsasən ağ-yaşıl rəng və həmin loqo seçildi. Qarşıda duran məsələlərdən biri də klubun İdarə Heyətini müəyyənləşdirməkdi. Gələn həftə bununla bağlı addımlar atılacaq. Hazırda namizədlərin müzakirəsi gedir. Bunu Lənkəran camaatının ümumi rəyinə əsasən formalaşdıracağıq. Çalışacağıq ki, İdarə Heyətində onların tanıdığı adamlar yer alsın. Ancaq bu müvəqqəti İdarə Heyəti olacaq. Hissədarlar bəlli olduqdan sonra seçkili sistemlə yeni rəhbərliyi müəyyənləşdirəcəklər.
- Məndə olan məlumata görə, ianələr “E-Manat” və “Milli Ön” aparatlarından ödəmələr vasitəsilə qəbul ediləcək...
- İanələr ancaq onlayn qaydada qəbul ediləcək. Məqsəd azarkeşlərin xoş niyyətindən yararlanmaq istəyən mənfur insanların düşüncələrini puça çıxarmaq, həmin vəsaitin təhlükəsizliyini və şəffaflığı təmin etməkdi. Çünki bu, çox ciddi məsələdi.
- Hansı bankda hesab açmağı planlaşdırırsız?
- “Yapı Kredi Bank”la əməkdaşlıq etmək fikrindəyik. Ancaq “Kapital Bank”da da hesab aça bilərik. “Paypoint” və ya hesablar üzərindən ödəmə mümkündü. Bankların xidmətləriylə tanış olduqdan sonra seçimimizi edəcəyik.
- Əsas problem baza və stadiondu. Bu məsələni necə həll edəcəksiz?
- Ümumiyyətlə, bu layihəmiz “Xəzər Lənkəran”ın qayıdışına çağırış aksiyasıdı. Bu məsələni hər zaman gündəmdə saxlayırıq. “Xəzər Lənkəran” rəhbərliyi ilə görüşəcəyik. Onlarla stadion məsələsini müzakirə edəcəyik. İcarə əsasında “Fırtınalar meydanı”ndan yararlanmağımız mümkündü. Alternativ variant kimi Lənkəran Olimpiya Kompleksinin stadionundan yararlana bilərik.
- Bu ianələrə etibar edib, klub saxlamaq olmaz. Mövsümün gedişində yığımlar azala bilər...
- Biz bununla klub saxlamaq fikrində deyilik. Bu, kökündən avantüradı. Fikirləşirik ki, ianə yığımı kapitalçıları müəyyənləşdirsin. Ondan sonra sponsor planlarımızı həyata keçirəcəyik. Bizə sponsorluqla bağlı müraciət edənlər var. Onların arasından seçim edəcəyik. Forma, tibbi xidmət, təhlükəsizlik sponsorlarımız olacaq. Üstəlik, şirkətləşməyə doğru addımlar atacağıq. Futbolçu transferində Latın Amerikası metodikasını tətbiq etmək istəyirik. Orda futbolçuların mülkiyyəti klubda yox, ayrı şirkətdədi. Bundan başqa, Lənkəranda futbol təmayüllü peşə məktəbi açmağı planlaşdırırıq. Bunların hamısını ilk növbədə kapitalçılarla müzakirə edəcəyik. Bütün ictimaiyyətə açıq layihə olacaq. Futbolsevərlərlə ortaq biznes fəaliyyəti qurub, həm onlara qazandırmaq, həm də maliyyə bazamızı formalaşdırmaq fikrindəyik. Ola bilər, illik yığımlar kapital bazamızın 5 faizi dəyərində olmasın. Yəni biz sırf yığımlara etibar etmirik. Səhmdarlar yatırdıqları kapital fonunda gəlir əldə etməlidi. Deyək ki, klubun 4 min səhmdarı var. Bir səhmi 100 manata satacağıq. Ancaq növbəti ay bir səhm 200 manata olacaq. Bunun da iqtisadi əsası var. Bütün gəlirlər əvvəl nizamnamə fondunda toplanacaq. Bu zaman avtomatik klubun səhmlərinin dəyəri artacaq. Daha sonra xərclənəcək.
- Sabahki görüş kiminlə olacaq?
- Təşkilat Komitəsi olaraq lənkəranlı futbol veteranları ilə görüşəcəyik. 1968-ci ildə ilk dəfə Lənkəranın “Xəzər”i ölkə çempionatında iştirak edib. Onların mənəvi varisi kimi bu işi davam etdirmək istəyirik. Bu da bütün veteranları bizə bağlayır. Onların da sosial vəziyyətinin yaxşılaşdırılması, Lənkəran futbol tarixinin araşdırılması ilə bağlı da planlarımız var. Bu görüşdə futbol ictimaiyyətinin başqa nümayəndələri də iştirak edəcək.
- “Xan Lənkəran” gələcəkdə “Xəzər Lənkəran”a çevrilə bilər?
- Bu, “Xan Lənkəran”ın üzvlərinin qərarı əsasında mümkündü. Biz müvəqqəti idarəçiyik. Maksimum 1-2 illik idarəçilikdən sonra ictimaiyyətin öhdəsinə verəcəyik. Onların gələcəkdə verəcəyi qərardan asılıdı bu məsələ.
- Belə başa düşdüm ki, prezident də hər dəfə klubdaxili seçki üsuluyla müəyyənləşəcək.
- Bəli. “Qalatasaray”ı misal çəkim. Azərbaycanda filan klubun yiyəsi var. Amma bunu “Qalatasaray” haqda deyə bilərsizmi? Sahibi yoxdu, klub ictimaiyyətindi. Biz də bu modelə uyğun klub formalaşdırırıq.
- Səhv etmirəmsə, gələn həftə saytınız işə düşəcək.
- Bəli. Ya bazar ertəsi, ya da çərşənbə axşamı saytımız istifadəyə veriləcək. Sosial reklam çarxları çəkirik. Sabah ilkini təqdim edəcəyik. Saytın da ilkin versiyası hazırdı. Yığımların şəffaf şəkildə təqib edilməsi üçün bir vasitə olacaq.
- Klubun strukturu müəyyənləşib?
- Əvvəl Direktorlar Şurasını müəyyənləşdirməliyik. O da İdarə Heyətinin sədrini seçəcək. Həmin şəxs də strukturu quracaq. O cümlədən də mətbuat katibi müəyyənləşəcək.
- Növbəti mövsüm 1-ci divizionda oynamağı planlaşdırırsız. Görüləcək iş isə xeyli çoxdu. Çatdıra biləcəksiz?
- Bu, ictimaiyyətin nə dərəcədə operativ reaksiya verməsindən asılıdı. Biz uzun müddətdi təbliğat aparırıq. Bu layihə qarşıdakı 15-20 gündə nəticə verəcək. İlkin kapital yığılsa, deməli, hər şey ciddidi və cəmiyyətə sözümüzü deyə bilmişik. Bundan sonra təşkilati işləri yekunlaşdırıb, komandanın qurulmasına start verəcəyik.
- Bu ideya yarananda lənkəranlı futbolsevərlər arasında fikir ayrılığı yarandı. Bu nədən irəli gəlirdi?
- Bu mənə də qaranlıq qaldı. Bu layihəni davam etdirib-etdirməməyi də səsvermə yoluyla müəyyənləşdirdik və çoxluq müsbət cavab verdi. Hətta layihənin davam etməsini istəməyənləri də toplantımıza dəvət etdik. Onlardan mənfi reaksiyanın səbəbini soruşmaq istədim. İnsanıq da, hansısa səhvimiz ola bilər. İqtisadi və hüquqi baxımdan nəyisə düzgün etməyə bilərik. Buna real layihə gözüylə baxmayanlardan heç biri ortaya səbəb qoymayıb. Mən narazı tərəfi 3 qrupa bölürəm. Biri, ümumiyyətlə, layihəni başa düşməyən qrupdu. Onlar zamanla başa düşəcək. Sadəcə, maarifləndirməyə ehtiyac var. İkincisi, oxumadan mənfi rəy yazanlardı. Onları başa düşmürəm. Üçüncü qrup isə qərəzlilərdi. Müəyyən şəxslər tərəfindən idarə olunurlar. Bunu da normal qarşılayırıq.
- Bu klubun gələcəkdə AFFA-nın himayəsinə keçəcəyindən narahat olan insanlar var.
- Onlar ya layihəni başa düşmür, ya da oxumayıblar. “Qalatasaray”ın TFF-nin nəzarəti altına keçməsini təsəvvür edə bilirsiz? Bunun nəticəsi nə olar? Abramoviçi “Çelsi”nin sahibi sayırıq. Əslində o klubun səhmlərinin sahibidi. “Çelsi” özü bir markadı. Sabah klubun strategiyasına uyğun olmayan siyasət yeritsə, hüquqi qaydada onun səhmləri əlindən alınıb, satışa çıxarıla bilər. Bütün bunları başa düşmək lazımdı.
SƏRXAN
Люди кто желает играть в современные игры на высоких настройках с динамичными теняими
даже на самых слабых ПК или ноутах. Без лагов и фризов (Но нужен более менее нормальный интернет).
Читайте статья по настройке компа здесь.
Видео по установке и настройке смотрите тут.
Играю уже пол года на ведре 2005 г. Буду рад кому помог разорить буржуев игровой индустрии!!!

Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 14:25 2020-də Bakıda CEO konfransı keçirilə bilər Dünən, 14:13 “Neftçi” daha üç futbolçu ilə yolları ayırır Dünən, 14:09 Mirbağır İsayev “Neftçi”də çalışacaq Dünən, 14:06 "Neftçi" azarkeşləri üçün cəlbedici təklif Dünən, 14:02 “Xəzər”in ölkədən qaçdığı deyilən sahibi tutuldu Dünən, 13:59 Futzalçılarımız Qazaxıstanda 3 min dollar qazandı Dünən, 13:36 Rəqiblər üzərində üstünlüyümüz var Dünən, 13:33 Şehiç “Ərzurumspor”a verdiyi sözü tutmadı Dünən, 13:31 Zeynal Zeynalov iddialı danışdı, ancaq… Dünən, 13:27 Avropa Liqası bu gün start götürür Dünən, 13:22 “Sumqayıt” Bakıya köçür Dünən, 13:07 Şərhçilər niyə özünü “feysbuk”da reklam edir? Dünən, 13:04 “Qarabağ” Fiorilloya görə “Peskara”ya 600 min avro təklif edir Dünən, 13:00 “Keşlə” Sezarın yolunu gözləyir Dünən, 12:57 “Qəbələ”nin oyununun yeri dəyişdirildi Dünən, 12:52 Azərbaycan futbolu daha bir veteranını itirdi Dünən, 12:50 Fransızlar futbolumuzdan xəbərsizdi Dünən, 11:31 AFFA “Cəsur ürəklər”i sevindirdi 22-06-2018, 15:04 “Keşlə” Maksimovsuz başladı 22-06-2018, 15:02 Kintana daha iki il "Qarabağ"da 22-06-2018, 15:01 “Sabah” da fasiləyə son qoydu 22-06-2018, 14:55 “Neftçi” Dabonu “Qəbələ”dən cəlbedici təkliflə qoparıb 22-06-2018, 14:50 Nail Kərimov araşdırmanı başa çatdırıb 22-06-2018, 14:49 “Bu yay işimiz daha çətin olacaq” 22-06-2018, 14:47 "Neftçili Yay Futbol Düşərgəsi” davam edir 22-06-2018, 14:45 Rəşad Abdullayev Mahmud Qurbanovun köməkçisi oldu 22-06-2018, 14:33 Eminlə Ruslan yeni transferlərdən razıdı 22-06-2018, 14:28 “Neftçi” sabah Bakını Türkiyəyə dəyişəcək 22-06-2018, 14:06 “Olimpiya”nın baş məşqçisini itkilər və vaxt azlığı narahat edir 22-06-2018, 14:05 Rəqiblərimiz müəyyənləşdi 22-06-2018, 13:54 “Xan Lənkəran” ictimaiyyətə təqdim olundu 22-06-2018, 13:51 “Xəzər”in prezidenti ölkədən qaçıb 22-06-2018, 13:50 Yığma İranla qarşılaşacaq 22-06-2018, 13:48 Bordin bəyənmədi, “Səbail”də qaldı 22-06-2018, 13:46 Səmədova gəldi, Poznyak getdi 22-06-2018, 13:40 Federasiya prezidentindən sərt mesaj 22-06-2018, 13:39 Şəhriyar blitsdə də ümidləri doğrultmadı 22-06-2018, 13:33 İngiltərə vətəndaşı Bakıda klub açıb 22-06-2018, 13:30 Yığma üzvü Rumıniya klubunda 22-06-2018, 13:28 “Dalğa Arena” avrokubok mövsümünə hazırdı 22-06-2018, 13:27 Amil Yunanov “Keşlə”də 22-06-2018, 13:25 Mahmud Qurbanov hədəfləri açıqladı 22-06-2018, 13:24 Bordin Moldovada necə xatırlanır? 22-06-2018, 13:23 Əcnəbi mütəxəssislərin “Neftçi” sərgüzəştləri... 22-06-2018, 13:16 Qurban Qurbanov “Qarabağ”a görə narahatdı 22-06-2018, 13:13 Rahil Məmmədov “Milli Dəstə”nin iradını haqlı sayır 22-06-2018, 13:11 “Sabah”ın məşqçilər korpusu formalaşdı 22-06-2018, 13:08 Ölkənin ilk idman brendi - “İl’Azero” yaradılıb 22-06-2018, 13:07 “Qaradağ Lökbatan”da qeyri-müəyyənlikdi 22-06-2018, 13:06 Nəbiyev “Slaviya”ya qoşuldu 22-06-2018, 13:05 “Qarabağ” Aqollini saxladı 22-06-2018, 13:03 Bordin Rusiyaya azarkeşlik edir 22-06-2018, 13:01 Say artsa da, ümid artmır... 22-06-2018, 12:59 İran yığmasında iki soydaşımız oynayır 22-06-2018, 12:54 TRANSFER DOSYESİ 15-06-2018, 14:55 Yığmanın daha bir üzvü A seriyasında 15-06-2018, 14:53 “Neftçi”də oynamaq Turalın uşaqlıq arzusu imiş Bütün xəbərlər
Ən çox oxunanlar