06 in 19:16aktual

Elşən Qəmbərov illərdi gizli saxladıqlarını “Futbol+”ə danışdı

Elşən Qəmbərov illərdi gizli saxladıqlarını “Futbol+”ə danışdı
“ABŞ-da irəli getməyimdə, tanınmağımda o kitabın da rolu oldu”
“Fuad Musayev dedi, “Kəpəz”ə keçsən, səni siləcəm”
- Bildiyimə görə, Vaqif Sadıqovun xətrini çox istəyirsən. Onunla görüşmürsən?
- Bu dəfə yox, amma əvvəlki səfərimdə görüşmüşdük. Mənim kitabım çıxmışdı, onu Vaqif müəllimə bağışlamışdım. Vaqif müəllimi istəməmək olar? Lixtenşteynlə oyundan əvvəl idi, indiyə qədər yadımdadı, Fuad Musayev Sadıqova “filan-filan futbolçuları heyətə sal” deyəndə, Vaqif müəllimin beyni çöndü. Dedi, mən bilirəm kimləri oynadacam. Mənə “11-lik”də şans verdi. 20 il yox e, 50 il də keçsə, Vaqif Sadıqovun o əməlini unutmaram. Əsl kişilik göstərdi. Yoxsa Fuad Ənvəroviçin qabağında söz demək olardı?
- Nə kitabdı elə?
- ABŞ-da ən tanınmış kitab dükanı var – “Barsen Nobels”, orda satılırdı, 52 dollara. Heç özüm də bilmədim o kitab necə dərc olunub. Müəllif internet qaynaqlarında haqqımda olan məlumatları qələmə alıb. Azərbaycan və Özbəkistan karyeramdan, qazandığım uğurlardan bəhs edib. Açığı, ABŞ-da irəli getməyimdə, tanınmağımda o kitabın da rolu oldu. Həmin kitabdan birini Vaqif Sadıqova vermişdim.
- Sənə elə gəlmir ki, Özbəkistandakı inamı Azərbaycanda sənə bəsləsəydilər, daha artığını edə bilərdin?
- Əlbəttə, bayaq onu işarə vururdum da. Məni milliyə necə dəvət etdiklərini bilirsən?
- Necə?
- Deməli, Azərbaycan və Özbəkistan yığmaları oynamalı idi. Matçdan əvvəl AFFA rəhbərliyi qarşı tərəfdən hansısa oyunun diskini istəmişdi. Özbəkistan tərəfi də səhvən “Paxtakor” – “Novbahor” oyununun kasetini göndərib. Onda “Paxtakor”un “mənəm-mənəm” deyən vaxtları idi. Buqalo, Qasımov kimi futbolçular oynayırdı, məşqçiləri braziliyalı idi. Üstəlik, Braziliyadan üç futbolçu çıxış edirdi. Həmin oyunda 50 min azarkeşin qarşısında başla qol vurmuşdum. AFFA-da oturanlar, yığmaya rəhbərlik edənlər həmin kasetə baxandan sonra məni milliyə çağırdılar. Halbuki buna qədər üç dəfə seleksiya xarakterli toplanışa çağırıb, geri qaytarmışdılar. Meydanda canımı qoyurdum, xeyri yox idi, götürmürdülər. Sizi inandırım, o vaxtkı söz-söhbətlər olmasaydı, millidə 10 il oynayardım.
- Başına gələn bu qədər hadisədən sonra soyuqluğun yaranması normaldı...
- Var, gizlətmirəm. Əməyim yüksək qiymətləndirilmədi, lazım olan diqqəti vermədilər mənə. Vallah, dəfələrlə iynə vurdurub meydana çıxmışam, təki komandama kömək edim. “Neftçi”nin parçalanması yadına gəlir?
- Əlbəttə. “Neftçi” çempion olmuşdu, qızıl medalları “Qarabağ”a vermişdilər.
- Ay sağ ol... Rəhmətlik Ruslan Abdullayev yeni “Neftçi” yaradanda, bazadan hamı çıxıb getdi. Məni isə “Kəpəz”ə çağırırdılar, yaxşı da maaş təklif edirdilər. Vidadi Rzayev getdi, mənə dedi ki, “Elşən, gəl “Kəpəz”ə, seyfin ağzı açıqdı, nə qədər istəsən, prezident verəcək”. Rza müəllimin yaxşı vaxtları idi onda. Həmin dönəmdə yığmaya cəlb olunurdum. Fuad Musayev məni yanına çağırdı, dedi, “Kəpəz”ə keçsən, millinin qapıları birdəfəlik üzünə bağlanacaq, səni siləcəm”. Oqtay Abdullayevi çağırıb, göstəriş verdi. Əl çəkmədi ki, sən yeni yaranan “Neftçi”yə keçməlisən. Dağılan komandada 5 manat alırdımsa, orda 20 manat təklif edirdilər. Kazbek Tuayevi atıb getmədim. İndi fikirləşirəm ki, kaş, “Kəpəz”ə gedəydim. Bütün “qaymaqlar” “Kəpəz”də yığışmışdı.
“Mənə Qurbanla bağlı elə bir söz dedilər...”
- Azərbaycan yığmasının oyunlarına baxırsan?
- Həm vaxt olmur, həm də Azərbaycanla ABŞ arasında saat fərqi var axı. Yığma axşam oynayanda, mən işdə oluram. Amma videogörüntülərə baxıram, nəticəni öyrənirəm.
- Uzun ayrılıqdan sonra yığma, nəhayət, azərbaycanlı mütəxəssisə tapşırıldı – Qurban Qurbanova.
- Eşitmişəm, bilirəm. Amma iki yerdə işləmək çətin olacaq. Həm də problem təkcə iki yerdə işləməklə bağlı deyil. Klubla milli arasında yerlə-göy qədər fərq var. “Qarabağ”da elədi ki, futbolçular gecə-gündüz baş məşqçinin gözünün qabağındadı. Bütün futbolçuları beş barmağı kimi tanıyır. Taktiki çalışmaları başa salmaq üçün vaxt çoxdu. Ona görə də 1-2 ilə nəticə vermək olur. Yığmada isə tam fərqlidi. İldə 3-4 dəfə yığışırlar, onda da 5-10 gün. Kollektivin baş məşqçinin istədiyini verməsi üçün zamana ehtiyac var. Qurban bacaracaq, amma ona vaxt lazımdı. İndidən üstünə gedib təzyiq etmək olmaz. Nə siz, nə rəhbərlik, nə də azarkeşlər. İmkan versinlər, başını aşağı salıb işini görsün. Postunda qalsa, baxarsız, 3-4 ilə yığma nəticə verəcək. Mənə Qurbanla bağlı elə bir söz dedilər, onda dedim ki, o, böyük məşqçi olacaq.
- Nə söz idi elə?
- “Neftçi”yə baş məşqçi təyin olunanda futbolçulara tapşırıq verib ki, mənə müəllim deməyin... Bu, bir məşqçinin böyüklüyüdü, dünyagörüşüdü.
- Azərbaycana qayıtmaq haqda düşünmürsən?
- Sözün düzü, yox. Özüm üçün hər cür şərait yaratmışam. İşimə qarışan yoxdu, öz əlimdi, öz başım. Komanda 10-cu yeri tutdu, yoxsa 1-ci yeri – mənə heç kim söz demir, rahatam. Həm də bura niyə qayıdım? Tərlan Əhmədovu “Neftçi”dən uzaqlaşdırdılar. Niyə? Neçə ildən sonra komandaya medal qazandırdı, ona görə? Yoxsa yaxşı komanda formalaşdırdığına görə? Tərlan Əhmədov getdi, İqor Getman, Novruz Əzimov, Rauf Salamov da işsiz qaldı. İlboyu əziyyət çək, söz götür, stress keçir, komandanı avrokuboklara daşı, yayda sənə desinlər ki, yaxşı yol. Mən bu cür haqsızlıqlara dözə bilmərəm e. Paxıllıq, qısqanclıq, simiclik yoxdu məndə. Amma haqsızlığı qəbul edə bilmirəm.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-01-2019, 22:41 MOK rəsmisi ilə görüş də nəticəsiz qaldı 21-01-2019, 22:40 Rəcəbov qələbə hesabını parlaq oyunla açdı 21-01-2019, 22:38 “Araz” “Neftçi”ni darmadağın etdi 21-01-2019, 22:36 AFFA bolqar mütəxəssisi “hədəfə alıb” 21-01-2019, 22:35 Veteranlar “Kəpəz”in xilası üçün hərəkətə keçir 21-01-2019, 22:34 Ağasəlim Mircavadov on gündü müalicə olunur 21-01-2019, 22:32 Külək “Tofiq Bəhramov”un dam örtüyünü qoparıb 21-01-2019, 22:26 “Qarabağ” “Bohemians”ı “kəllələdi” 21-01-2019, 22:23 “Sabah” Antalyada məğlubiyyətin nə olduğunu bilmir 21-01-2019, 22:21 Məşqçilər Komitəsinin iki üzvü Antalyadadı 21-01-2019, 22:19 Aftandil Hacıyev Avropa çempionunu sınayır 21-01-2019, 22:17 “Sürix” “Səbail”in əlindən zorla qurtuldu 21-01-2019, 22:16 Bosniyalıların bəhanələri “Sumqayıt”ın “başında çatladı” 21-01-2019, 21:59 İlk yarının uğursuz legioner “11-liy”i 21-01-2019, 21:57 AFFA üç yığmanı ləğv etdi 21-01-2019, 21:56 "Sabah" "Zirə"nin stadionunda oynayacaq 21-01-2019, 21:54 Samir Əliyev ilk qələbəsini qazandı 21-01-2019, 21:53 Həftənin idman proqramı 21-01-2019, 21:51 Klublar 20 Yanvar şəhidlərinə biganə qalmadı 21-01-2019, 21:50 Ufuk “fərqləndi”, Ziya və Eddi kənarda qaldı 21-01-2019, 21:48 "Neftçi” "İstiqlal"la oyundan imtina etdi 21-01-2019, 21:46 “Qəbələ” qələbəni əldən verdi 21-01-2019, 21:45 “Keşlə” Serbiyanın autsayderinə uduzdu 21-01-2019, 21:42 "Zirə"nin hər iki rəqibi dəyişdi 20-01-2019, 22:16 Samit Nuruzadə danışmaqdan çəkindi 20-01-2019, 22:14 “Keşlə”dən qolsuz “sülh” 20-01-2019, 22:07 Fevralda UEFA-nın nümayəndə heyəti Bakıya gələcək 20-01-2019, 22:05 “Neftçi”nin futbolçuları faciədən “Qalatasaray”la oyundan sonra xəbər tutub 20-01-2019, 22:03 “Bundan sonrakı karyeram hakim-inspektorluqla bağlı olacaq” 20-01-2019, 22:02 Azərbaycanlı təşkilatçı Antalyadakı vəziyyəti şərh etdi 20-01-2019, 22:00 “Növbəti toplanışlara “Zaqatala”, “Qaradağ Lökbatan” və başqa komandalardan da çağırılanlar olacaq” 20-01-2019, 21:58 Tahir Süleymanov BTFİ-yə niyə getməyib? 20-01-2019, 21:55 Yoxlama oyunu ləğv olunan U-19 Antalyaya yollandı 20-01-2019, 21:53 "Zirə" yenə "Voluntari"dən güclü oldu 20-01-2019, 21:52 "Neftçi" rumınları darmadağın etdi 20-01-2019, 21:50 Amit Quluzadə yenə xaricdə oynamaq arzusundadı 20-01-2019, 21:48 Delarj əvəzedici komandaya göndərilməsindən narazı deyil 20-01-2019, 21:47 TRANSFER DOSYESİ 20-01-2019, 21:46 Rahid Əmirquliyevə “atan” dələduzlara hökm oxundu 20-01-2019, 21:44 Əvvəl çempionat, sonra kubok 20-01-2019, 21:43 “Araz”ın yeni transferinin debütü gecikəcək 20-01-2019, 21:41 “Yasamal” İSK yenilənib 20-01-2019, 21:39 “Kəpəz”in çalışdırıcısı mətbuat katibinin göstərişi ilə hərəkət edir 20-01-2019, 21:37 PFL rəsmiləri “Uypeşt”in təklifini geri çevirib 20-01-2019, 21:34 Pits: “Azərbaycan reallıqlarından həqiqətən də təsirləndim” 20-01-2019, 21:33 Tovuzda danışılmış oyunlarla bağlı seminar 19-01-2019, 17:52 Petrov çempion olmaq istəyir 19-01-2019, 17:47 Elşad Əhmədov futbolçulardan razı, küləkdən narazı qalıb 19-01-2019, 17:45 Hikmət Abdullayev oyun təcrübəsizliyini qabartdı 19-01-2019, 17:41 Divizion məşqçiləri Obradoviçin siyahısından narazıdı 19-01-2019, 17:39 Küveyt millimizlə görüşdən imtina etdi 19-01-2019, 17:36 “Azərbaycanlı olduğuma görə fars təmsilçilərinin təklifini geri çevirdim” 19-01-2019, 17:31 Hacıağa zədəyə görə kənarda qalıb 19-01-2019, 17:27 Qurban Qurbanov Delarjı əvəzedici komandaya göndərdi 19-01-2019, 17:20 Sayt rəhbəri Qazaxıstandakı pullardan danışdı 19-01-2019, 17:10 Adil Şükürov “Zirə”dən ayrılmasının səbəbini açıqladı 19-01-2019, 17:04 "Zirə" afrikalıların yolunu gözləyir Bütün xəbərlər
Ən çox oxunanlar