03 in 12:01aktual

Sənan Qurbanov “Qəbələ”nin baş məşqçisi olacağını gözləyirmiş

Sənan Qurbanov “Qəbələ”nin baş məşqçisi olacağını gözləyirmiş
“İlk dəfə üzümə dedi ki, səndə baş məşqçiyə lazım olan xarizma var və bu işi bacaracaqsan”
Roman Qriqorçukun istefasından sonra “Qəbələ”nin yeni baş məşqçisinin “Sumqayıt”dan ayrılan Samir Abasov olacağı gözlənilsə də, bu baş vermədi. Klub rəhbərliyinin mayın 28-i gecə saatlarına qədər davam edən müzakirələrindən sonra məsuliyyəti Sənan Qurbanovun daşıması qərara alındı. Həmin Qurbanov ki, Qriqorçukun dövründə ukraynalı çalışdırıcının “sağ əli” sayılırdı. Üç ilyarım birgə çalışdıqları vaxt ərzində Sənan bəy Roman İosifoviçdən kifayət qədər görüb-götürdü. Bundan sonra isə komandanın nəticələrinə cavabdehlik daşımalıdı.
Təbii, təyinata ən çox sevinən Sənan Qurbanovun özüdü. İllərdi “Qəbələ”də çalışan biri kimi o da uğur qazanmaq, adını klub tarixinə həkk etdirmək üçün alışıb-yanırdı. Elə dünənki söhbətdə də bunu hiss etmək çətin deyildi.
- Təbrik edirik. Xeyirli-uğurlu olsun. Ümid edək ki, azərbaycanlı məşqçi ən azı Roman Qriqorçukun uğurlarını təkrarlayacaq.
- Çox sağ olun. Minnətdaram. Yaxşı olması üçün çalışacağıq. Başqa yolumuz yoxdu.
- Bu təyinata hazır idiz?
- Neçə illərdi “Qəbələ”dəyəm. Ona görə də belə olacağını gözləyirdim. Sadəcə, geci-tezi var idi. İşin içindəydim, rəhbərliyin münasibətindən də bunu hiss edirdim.
- Deməli, Qriqorçukun gedəcəyi və hadisələrin sonrakı axarının buna gətirib çıxaracağı sürpriz olmadı.
- Səmimi sözümdü, Roman İosifoviçin istefa verəcəyini gözləmirdim. Çünki bu haqda nə özü demişdi, nə də hiss edirdim. Hamı kubokun qalibi olmağa köklənmişdi. Ona görə də bu haqda söhbət getmirdi. Düzü, çox təəssüfləndim. Gözümüz onu görməyə öyrəşmişdi. Həm məşqçi, həm də insan kimi möhtəşəm biri idi. Məşqçi həyatı belədi də, bu gün varsan, sabah yox.
- Sizcə, əsas səbəb kubokun finalında “Keşlə”yə məğlubiyyət idi?
- O yenilgi hamıya pis təsir etdi. Titulun biraddımlığında olarkən, bu cür şansı əldən verdik. Gizlətmirəm, hamıdan çox üzülən bəlkə də Roman İosifoviç özü idi. Hətta getmək istəyirdisə belə, bunu kuboku qazandıqdan sonra etmək istəyirdi. Məncə, finaldakı məğlubiyyət istefa qərarına təsir etdi. Uduzmasaydıq... Nə bilim...
- Qalacaqdı?
- Bu suala ən yaxşı cavabı özü verə bilər. Hər bir insanın öz düşüncəsi, öz qərarı var. Şəxsən mənimlə bu haqda söhbəti olmamışdı. Ancaq hiss etdim ki, yenilgi ona pis təsir edib. Heç cür özünə gələ bilmirdi.
- Qriqorçukun istefasından dərhal sonra baş məşqçi postuna təyinat alacağınızı bilirdiz?
- İstefadan sonra rəhbərliklə ilk görüşümüz Bakıda olmalıydı. Lakin elə alındı ki, elə həmin gecə Qəbələdə bir araya gəlməli olduq. Oturub söhbət etdik və rəhbərlik postu mənə həvalə etmək istədiyini dedi. Razılaşdım.
- Tale Heydərov da orda idi?
- Xeyr-xeyr. Rəhbərlik deyəndə vitse-prezident Fariz Nəcəfovu nəzərdə tuturam. Qəbələdə ümumi söhbət və razılıq oldu, Bakıya gələndən sonra 100 faiz bilindi ki, “Qəbələ”ni yeni mövsümə mən hazırlayacam.
- Qriqorçukun münasibəti necə oldu?
- Sağ olsun, həmişə məni tərifləyib, dəstək olub. Özü də rəhbərliklə görüşdə qeyd edib ki, Sənan Qurbanovun təyinatı klubun gələcəyi üçün faydalı ola bilər. Belə başa düşdüm ki, təyinatı dəstəkləyənlərdən biri elə Roman İosifoviç olub.
- Mayın 30-da klub rəsmiləri ukraynalını yola salmaq üçün şam süfrəsinə yığışmışdı. Siz də ordaydız, Qriqorçuk da. Maraqlıdı, nə dedi, hansı məsləhətləri verdi?
- İlk dəfə üzümə dedi ki, səndə baş məşqçiyə lazım olan xarizma var və bu işi bacaracaqsan. Möhkəm olmağı tapşırdı və istənilən an telefonunun üzümə açıq olduğunu dedi.
- Yəqin ki, sizə tez-tez lazım olacaq və telefonunuzda da birinci ad Roman Qriqorçuk yazılacaq.
- (gülür) 100 faiz elədi. Vaxtımızın çox hissəsini birgə keçirirdik. İstər oyunlardan əvvəl, istərsə də sonra bir yerdə olurduq. Həm yaxşı günlərdə, həm də pis günlərdə. Daim onun qayğısını, hörmətini hiss etmişəm. Ona görə də mənim üçün böyük məşqçi kimi qalacaq. Mən də öz növbəmdə köməyimi əsirgəməmişəm. Dünən özünə də dedim, nə dərəcədə yaxşı alınıb, bunu deyə bilmərəm.
- Qriqorçukdan qalan oyun modelinə üstünlük verəcəksiz, yoxsa öz fəlsəfəniz var?
- Futbola öz baxışım, fikirlərim var. Əlbəttə, Roman İosifoviçdən öyrəndiyim həddən artıq çox şey var. Onları yaxşı tərəfdən özüm üçün cəmləşdirib istifadə etməyə çalışacam. Topladığım təcrübəni öz oyun fəlsəfəmə əlavə edib ortaya yaxşı nəsə qoymaq istəyirəm.
- PRO kateqoriyanız yoxdu mən bilən...
- Xeyr, yoxumdu. İnşallah, artıq bu yöndə düşünmək vaxtıdı.
- Deyək ki, A kateqoriyası premyer-liqada baş məşqçi işləməyə imkan verir. Bildiyimə görə, Avroliqada fərqlidi.
- Düz qeyd edirsiz, Avroliqada meydana komanda çıxarmaq üçün PRO kateqoriyası vacibdi. Bununla bağlı sənədləri toplayıb, UEFA-ya göndərməliyik.
- Birdən alınmadı?
- İnşallah, həll olunmalıdı. PRO kateqoriyasını oxumaq üçün müraciət edəcəyik. O da alınmasa, sənəddə baş məşqçi yox, baş məşqçi əvəzi kimi qeydiyyatdan keçib, komandanı oyuna çıxara biləcəm. Elə bir ciddi problem görmürəm.
- Köməkçiləriniz kimlər olacaq?
- Qriqorçukun zamanındakı heyət qalır. Qapıçılarla işləyən mütəxəssis, fiziki hazırlıq üzrə çalışdırıcı və Elmar Baxşıyevlə davam edəcəyik. Əlavə bir köməkçinin cəlb olunması planda var, lakin kim olacağını hələ bilmirəm. Belə deyim, namizədləri gözdən keçiririk.
- Büdcə yəqin ki, azalacaq...
- Bu haqda dəqiq bir söz deyə bilmərəm. Çünki rəhbərliyə aid məsələdi. Onu bilirəm ki, gedənlərin əvəzinə yeni futbolçular gətiriləcək. Hazırda üç nəfərin komandadan ayrıldığı rəsmiləşib: Vitali Vernidub, Ruslan Qurbanov və Famussa Kone. Onların boşaltdığı yerlər doldurulmalıdı. Müqaviləsinin müddəti başa çatan digər futbolçularla isə yeni anlaşmanın əldə olunması istiqamətində işlər görülür. Yəni ciddi dəyişikliklərin baş verəcəyini düşünmürəm.
- Filip Ozobiçin “Qarabağ” yolunda olduğu deyilir.
- Ola bilər. Azad agent statusuna sahib futbolçudu. Kimisə nəyəsə məcbur etmək olmaz. Mən bildiyim budu ki, rəhbərlik anlaşma müddəti başa çatanlarla danışıq aparır.
- Voislav Stankoviç, Baqali Dabo... Bu cür yüksək ödənişli əcnəbiləri saxlamaq mümkün olacaq?
- Məndə olan məlumata görə, Stankoviç və Bezotosnı ilə razılıq əldə olunub. Dabo ilə söhbət gedir. Məncə, problem olmayacaq.
- Yerli futbolçular arasında gözaltı etdikləriniz var, yoxsa əsasən akademiyada yetişənlərə üstünlük verəcəksiz?
- Komandanı tərk edənlər arasında yerli futbolçu Ruslan Qurbanovdu. Yəni elə də çox itki olmayıb. Son mövsümü icarə əsasında başqa komandalarda keçirən Bəhlul Mustafazadə ilə Roman Hüseynovu geri qaytarmaq haqda düşünürük. Hacıağa Hacılı, Yusif Nəbiyev, Qismət Alıyev kimi gənclərimiz var. Limitlə bağlı hansısa çətinlik görmürəm.
- Elvin Yunuszadə, Əfran İsmayılov?
- Adlarını çəkdikləriniz yaxşı futbolçulardı. Amma bu gün bizdə yetərincə yerli oyunçular var.
- Keçək əsas məsələyə. Rəhbərliyin qarşınıza qoyduğu hədəf nə oldu?
- “Qəbələ” hər zaman iddialı olub, bundan sonra da o cür qalacaq.
- Çempionluq?
- Komandaya hər cür şərait yaradılırsa, rəhbərlik deməsə belə, özümüz bunu istəməliyik. Məzmunlu oyun və ən yaxşı nəticələr üçün çalışacağıq. Rəqibin adından asılı olmayaraq, hər oyunda məqsədimiz qələbə qazanmaq olacaq.
- Komandanın Qəbələni təmsil edib, Bakıda məskunlaşması ciddi narazılıqlara səbəb olurdu. Və bu məsələdə yerli azarkeşlər Qriqorçuku qınayırdı. Siz bu haqda nə düşünürsüz?
- Bu dəqiqə əsas məqsədimiz komandanı komplektləşdirmək, avrokubok mövsümü başlayana qədər planlarımızı qurmaqdı. Dediyiniz məsələ əsasən çempionat dönəminə aiddi ki, o vaxta qədər zamanımız var. Elə etməliyik ki, hamının ürəyincə olsun. Həm azarkeşlərimizin, həm də bizim.
- Baş məşqçi kimi siz hansı variantın tərəfdarısız?
- Bu suala konkret cavab vermək çətindi. Ümumi müzakirələrdən sonra hansısa qərar qəbul olunacaq.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-01-2019, 22:41 MOK rəsmisi ilə görüş də nəticəsiz qaldı 21-01-2019, 22:40 Rəcəbov qələbə hesabını parlaq oyunla açdı 21-01-2019, 22:38 “Araz” “Neftçi”ni darmadağın etdi 21-01-2019, 22:36 AFFA bolqar mütəxəssisi “hədəfə alıb” 21-01-2019, 22:35 Veteranlar “Kəpəz”in xilası üçün hərəkətə keçir 21-01-2019, 22:34 Ağasəlim Mircavadov on gündü müalicə olunur 21-01-2019, 22:32 Külək “Tofiq Bəhramov”un dam örtüyünü qoparıb 21-01-2019, 22:26 “Qarabağ” “Bohemians”ı “kəllələdi” 21-01-2019, 22:23 “Sabah” Antalyada məğlubiyyətin nə olduğunu bilmir 21-01-2019, 22:21 Məşqçilər Komitəsinin iki üzvü Antalyadadı 21-01-2019, 22:19 Aftandil Hacıyev Avropa çempionunu sınayır 21-01-2019, 22:17 “Sürix” “Səbail”in əlindən zorla qurtuldu 21-01-2019, 22:16 Bosniyalıların bəhanələri “Sumqayıt”ın “başında çatladı” 21-01-2019, 21:59 İlk yarının uğursuz legioner “11-liy”i 21-01-2019, 21:57 AFFA üç yığmanı ləğv etdi 21-01-2019, 21:56 "Sabah" "Zirə"nin stadionunda oynayacaq 21-01-2019, 21:54 Samir Əliyev ilk qələbəsini qazandı 21-01-2019, 21:53 Həftənin idman proqramı 21-01-2019, 21:51 Klublar 20 Yanvar şəhidlərinə biganə qalmadı 21-01-2019, 21:50 Ufuk “fərqləndi”, Ziya və Eddi kənarda qaldı 21-01-2019, 21:48 "Neftçi” "İstiqlal"la oyundan imtina etdi 21-01-2019, 21:46 “Qəbələ” qələbəni əldən verdi 21-01-2019, 21:45 “Keşlə” Serbiyanın autsayderinə uduzdu 21-01-2019, 21:42 "Zirə"nin hər iki rəqibi dəyişdi 20-01-2019, 22:16 Samit Nuruzadə danışmaqdan çəkindi 20-01-2019, 22:14 “Keşlə”dən qolsuz “sülh” 20-01-2019, 22:07 Fevralda UEFA-nın nümayəndə heyəti Bakıya gələcək 20-01-2019, 22:05 “Neftçi”nin futbolçuları faciədən “Qalatasaray”la oyundan sonra xəbər tutub 20-01-2019, 22:03 “Bundan sonrakı karyeram hakim-inspektorluqla bağlı olacaq” 20-01-2019, 22:02 Azərbaycanlı təşkilatçı Antalyadakı vəziyyəti şərh etdi 20-01-2019, 22:00 “Növbəti toplanışlara “Zaqatala”, “Qaradağ Lökbatan” və başqa komandalardan da çağırılanlar olacaq” 20-01-2019, 21:58 Tahir Süleymanov BTFİ-yə niyə getməyib? 20-01-2019, 21:55 Yoxlama oyunu ləğv olunan U-19 Antalyaya yollandı 20-01-2019, 21:53 "Zirə" yenə "Voluntari"dən güclü oldu 20-01-2019, 21:52 "Neftçi" rumınları darmadağın etdi 20-01-2019, 21:50 Amit Quluzadə yenə xaricdə oynamaq arzusundadı 20-01-2019, 21:48 Delarj əvəzedici komandaya göndərilməsindən narazı deyil 20-01-2019, 21:47 TRANSFER DOSYESİ 20-01-2019, 21:46 Rahid Əmirquliyevə “atan” dələduzlara hökm oxundu 20-01-2019, 21:44 Əvvəl çempionat, sonra kubok 20-01-2019, 21:43 “Araz”ın yeni transferinin debütü gecikəcək 20-01-2019, 21:41 “Yasamal” İSK yenilənib 20-01-2019, 21:39 “Kəpəz”in çalışdırıcısı mətbuat katibinin göstərişi ilə hərəkət edir 20-01-2019, 21:37 PFL rəsmiləri “Uypeşt”in təklifini geri çevirib 20-01-2019, 21:34 Pits: “Azərbaycan reallıqlarından həqiqətən də təsirləndim” 20-01-2019, 21:33 Tovuzda danışılmış oyunlarla bağlı seminar 19-01-2019, 17:52 Petrov çempion olmaq istəyir 19-01-2019, 17:47 Elşad Əhmədov futbolçulardan razı, küləkdən narazı qalıb 19-01-2019, 17:45 Hikmət Abdullayev oyun təcrübəsizliyini qabartdı 19-01-2019, 17:41 Divizion məşqçiləri Obradoviçin siyahısından narazıdı 19-01-2019, 17:39 Küveyt millimizlə görüşdən imtina etdi 19-01-2019, 17:36 “Azərbaycanlı olduğuma görə fars təmsilçilərinin təklifini geri çevirdim” 19-01-2019, 17:31 Hacıağa zədəyə görə kənarda qalıb 19-01-2019, 17:27 Qurban Qurbanov Delarjı əvəzedici komandaya göndərdi 19-01-2019, 17:20 Sayt rəhbəri Qazaxıstandakı pullardan danışdı 19-01-2019, 17:10 Adil Şükürov “Zirə”dən ayrılmasının səbəbini açıqladı 19-01-2019, 17:04 "Zirə" afrikalıların yolunu gözləyir Bütün xəbərlər
Ən çox oxunanlar