30 may 23:19aktual

Aftandil Hacıyevin qarşısına hədəf qoyulmayıb

Aftandil Hacıyevin qarşısına hədəf qoyulmayıb
“Ötən mövsümlə müqayisədə büdcədə müəyyən artım olacaq”
Mövsümün gedişində sərgilədiyi oyunla heç də pis təsir bağışlamayan, buna baxmayaraq, turnir cədvəlini 7-ci pillədə tamamlayan “Səbail”də baş məşqçi dəyişikliyinin olacağını heç kim gözləmirdi. Yəni mövsümboyu Samir Əliyevlə klub rəhbərliyi arasında hansısa fikir ayrılığının olması hiss olunmurdu. Lakin çempionat bitər-bitməz masa arxasında əyləşən tərəflər Əliyevin gedişini labüd saydı. Və çox keçmədən yeni baş məşqçinin adına aydınlıq gəldi – Aftandil Hacıyev.
Məşqçilik fəaliyyəti dövründə 2016/17 mövsümündə “Qarabağ”ın əvəzedicilərini çempion etməsi ilə tanınan Hacıyevin sonuncu iş yeri də elə həmin əvəzedicilər idi. Bununla yanaşı, U-20-də və U-21-də Rəşad Sadıqova kömək edirdi. Bu, Aftandil bəy üçün premyer-liqada debüt olacaq. Maraqlıdı, o buna hazırdımı? Bu və digər suallara cavab tapmaq üçün səbəbkarla əlaqə saxladıq.
- Sizi təbrik edir, yeni komandanızda uğurlar arzulayırıq.
- Təşəkkür edirəm. Mən də sizə çalışdığınız sahədə uğurlar arzulayıram.
- “Səbail” rəhbərliyinin maraq dairəsinə düşməyiniz sizin üçün nə dərəcədə gözlənilməz oldu?
- Açığı, iki gün ərzində baş verən proseslərin yekunu idi. Nə vaxtsa premyer-liqada çalışacağımı bilirdim və buna uyğun da təklif gözləyirdim. Lakin “Qarabağ”ın əvəzedicilərində, eyni zamanda yığmada çalışa-çalışa bu cür təklif almağım ani oldu, gözlənilməz idi.
- Zəng birbaşa klub rəhbərliyindən oldu?
- Bəli. Bildiyiniz kimi, məndən öncə də bir neçə həmkarımın namizədliyi irəli sürülmüş, onlarla danışıq aparılmışdı. Sadəcə, anlaşma əldə olunmamışdı. Oturduq, söhbət etdik, görəndə ki, düşüncələrimiz müəyyən mənada üst-üstə düşür, düşünmədən razılıq verdim.
- Bildiyimə görə, Samir Abasova kifayət qədər sərfəli maliyyə şərtləri irəli sürülüb. Lakin biləndə ki, “Sumqayıt”da çalışdığı köməkçilərini “Səbail”ə gətirə bilməyəcək, o bundan imtina edib. Maraqlıdı, siz öz məşqçi dəstənizlə gələcəksiz, yoxsa rəhbərliyin təklif etdiyi köməkçilərlə işləyəcəksiz?
- Əvvəla onu qeyd edim ki, Samir Abasovla müqayisə olunmaq istəməzdim. Premyer-liqada çox böyük təcrübəsi var və öz işi ilə bacarığını ortaya qoyub. Mən isə eltada debüt edəcəm. O ki qaldı sualın əsas tərəfinə, köməkçilərimi özüm seçəcəm. Bununla bağlı qarşıma hansısa qadağa qoyulmayıb.
- Kimlər olacaq?
- Hazırda bu məsələni götür-qoy edirəm. Nəzərimdə olan namizədlər var, lakin hələ tam qərar verməmişəm. Bir neçə günə bilinməlidi.
- Ola bilməz ki, 3-4 nəfərdən heç biri haqda qəti qərar verməyəsiz...
- Gözaltı etdiklərim var, sadəcə, ad çəkmək istəmirəm. Açığı, daha çox bu sahədə təcrübəsi olanlarla işləmək istəyirəm. Aralarında gənclərin olması da qaçılmaz deyil.
- Əsas sual: “Səbail”in, eləcə də sizin qarşınıza qoyulan hədəf nədi?
- Rəhbərliyin istəyi ilk növbədə sağlam, mehriban kollektivin formalaşdırılmasıdı. Seçəcəyimiz, güvənəcəyimiz futbolçulardan çox şey asılıdı. Ona görə də futbolçu seçiminə həssas yanaşacam, yanaşıram. Oyunu ilə yanaşı, insani keyfiyyətləri də prinsiplərimizə uyğun gəlməlidi.
- Hədəf nədi, hədəf?
- Qarşımıza xüsusi hədəf qoyulmayıb. Yəni “mütləq avrokuboklara vəsiqə qazanmalıyıq” deyə bir şey yoxdu. Bacardığımız qədər ən yaxşı nəticəni əldə etməyə çalışacağıq.
- Rahid Əmirquliyevlə Ağabala Ramazanovun transferi hədəfsiz komandanın planlarına uyğun gəlmir axı. Aydın məsələdi ki, büdcə artımı olacaq. Rahidlə Ağabala 3-5 minə oynamağa razılıq verəcək futbolçular deyil.
- Ötən mövsümlə müqayisədə büdcədə müəyyən artım olacaq. Amma artım nə qədər olacaq – bu haqda məlumatım yoxdu.
- Kəskin artım gözlənilir?
- Bu gün üçün bizi qane edə biləcək məbləğdə olacaq. Fikrimcə, maraqlandığımız futbolçuları heyətə qatmağa gücümüz çatacaq. Əsas diqqəti futbolçu sayına yox, keyfiyyətə ayıracağıq.
- Rahidlə Ağabalanın transferi sırf sizin istəyiniz əsasında gerçəkləşdi?
- Bəli. Hər ikisi azad agent statusuna sahib idi və bu imkandan istifadə etdik.
- “Qarabağ”dan ayrılan oyunçulardan sırf bu iki nəfəri “Səbail”də görmək istəyirdiz, yoxsa yalnız adları çəkilənlər gəlməyə razılıq verdi?
- Kimləri nəzərdə tutursuz, bilmirəm. Amma bizə lazım olanlar “Səbail”lə anlaşdı.
- Əfran İsmayılov, Arif Daşdəmirov, Elvin Yunuszadə...
- Büdcəmizi də nəzərə alırıq. Bu gün birdən-birə bu qədər yüksək ödənişli futbolçu ala bilmərik.
- Legionerlərlə bağlı planlarınız nədən ibarətdi?
- Limitin imkan verdiyi qədər, yəni təxminən 6 əcnəbi ilə anlaşa bilərik. İstədiyimiz futbolçuları tapa bilməsək, say bundan da az ola bilər. Çalışacağıq ki, yerli bazardan istədiyimiz futbolçuları əldə edək. Bu baş verməsə, legionerlərii nəzərdən keçirəcəyik.
- Gözaltı etdiyiniz yerli futbolçular arasında əsas yığmanın üzvləri var?
- Bu dəqiqə ən çətin işimiz yerli bazarda oyunçu seçimi etməkdi. Əksəriyyətinin klubu ilə müqaviləsi var, bir çoxu da mövsümün sonuna yaxın yeni komandası ilə danışıb, razılaşıb. Əsasən azad agent statusuna sahib olanlarla danışırıq. Ad çəkməyəcəm, amma keyfiyyətli futbolçular var.
- Mövsüm başa çatandan sonra müqaviləsinin müddəti başa çatan 10 futbolçu ilə yeni anlaşma əldə olunmadı. Onlardan bəzilərinin yenidən “Səbail”də olması mümkündü?
- Düz qeyd edirsiz, onlar göndərilməyib. Sadəcə, klubla anlaşma müddəti başa çatıb. Ola bilsin, bəziləri ilə yeni anlaşma əldə olunsun.
- Aftandil Hacıyev məşqçi kimi premyer-liqada işləməyə hazırdı?
- İstəyim və həvəsim var. Premyer-liqanın başlamasını gözləyirəm. Sonra necə olacağını zaman göstərəcək.
- Sələfiniz Samir Əliyevlə danışmısız?
- Samir Əliyevlə vaxtilə birgə futbol oynamışıq. Əvəzediciləri çalışdıranda dəfələrlə bir-birimizə rəqib olmuşuq. Münasibətimiz yaxşıdı. Ona görə də təklif alan kimi Samirə zəng etdim. Lakin həmin vaxt cavab vermədi. Sonradan öyrəndim ki, ölkə xaricindədi. Buna baxmayaraq, sonradan telefonda danışa bildik. Dost münasibətimiz qalır, bundan sonra lazım olsa, Əliyevin məsləhətlərindən faydalanacam.
- “Qarabağ”ın əvəzedici komandası ilə vidalaşdığınızı bildik. Bəs U-20 və U-21-də Rəşad Sadıqovla işbirliyinizin aqibəti necə olacaq?
- Paralel şəkildə həm klubda, həm yığmada çalışmaq mümkün olmayacaq. Çünki elitada debüt mövsümümdü, daha çox diqqətli olmalıyam. Artıq yığmalardan da ayrılmışam. Hətta bu gün axşam Makedoniya ilə oyunu kənardan izləyəcəm.
- Rəşad Sadıqovun aldığınız təklifə münasibəti necə oldu?
- Rəşad Sadıqovla söhbətim oldu. Mənim üçün daha yaxşı olmasını istəyir.
- Futbolçu kimi “Qarabağ”da oynamısız, məşqçilik fəaliyyətinə də burda başlamısız. Belə deyim, Qurban Qurbanov məktəbində dərs alanlardansız. Maraqlıdı, “Səbail”in oyun üslubu “Qarabağ”ınkına yaxın olacaq, yoxsa başqa planlarınız var?
- Hər məşqçi kimi mənim də öz oyun fəlsəfəm var. Ağlımda olanları futbolçulara yeritməyə çalışacam. “Qarabağ”ın oyun modelinə oxşaya da bilər, oxşamaya da. Buna siz jurnalistlər, azarkeşlər, futbol biliciləri qərar verəcək.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
15-06-2018, 14:55 Yığmanın daha bir üzvü A seriyasında 15-06-2018, 14:53 “Neftçi”də oynamaq Turalın uşaqlıq arzusu imiş 15-06-2018, 14:51 Türk Hava Yolları “Neftçi”nin sponsoru olacaq 15-06-2018, 14:50 Əsgər Abdullayev yenidən “Araz Naxçıvan”da 15-06-2018, 14:48 Maksimov dörd yeni legioner tələb edir 15-06-2018, 14:14 “Kəpəz”də maaş gecikməsi və dağılmaqda olan uşaq komandaları 15-06-2018, 14:12 “Qarabağ” Qurban Qurbanovsuz başladı 15-06-2018, 14:11 Eldəniz Yusifov "Keşlə"də 15-06-2018, 14:10 Yığmanın sabiq baş məşqçisi İtaliya çempionu oldu 15-06-2018, 14:09 “Heydər Əliyev kuboku”na start verildi 15-06-2018, 14:07 Legionerlərimizin 2017/18 mövsümü 15-06-2018, 14:04 Yeni mövsümün ilk püşkü atıldı 15-06-2018, 14:03 Nail Kərimov U-15 və U-17-nın çıxışını dəyərləndirdi 15-06-2018, 14:00 “Sumqayıt” “Şaxtyor”un futbolçusunu icarəyə götürdü 15-06-2018, 13:58 Ötən mövsümün “dil pəhləvanları” 15-06-2018, 13:54 “Çaynataun” mundial üçün şərhçiləri bir araya gətirdi 15-06-2018, 13:52 “Xan Lənkəran”ın Direktorlar Şurası yaradıldı 15-06-2018, 13:50 “Qəbələ” Qəbələdə hazırlığa başladı 14-06-2018, 00:18 Taekvondo yığmamızın əcnəbiləri böyük pullar qazanır 14-06-2018, 00:15 “Neftçi” yeni təyinatları açıqladı 14-06-2018, 00:13 “Keşlə” Kamranla Vaqifi də razı saldı 14-06-2018, 00:04 Şəmsəddin Abbasov səfər təəssüratını bölüşdü 14-06-2018, 00:02 Yığma Millətlər Liqasına nə dərəcədə hazırdı? 14-06-2018, 00:00 Mütəxəssislər favoritlərini açıqladılar 13-06-2018, 23:59 FİFA iyuldan yenilik edəcək 13-06-2018, 23:58 “Qəbələ” Sloveniyaya yollanacaq 13-06-2018, 23:56 Nazim Süleymanov özünə köməkçi tapa bilmir 13-06-2018, 23:54 Kərim Diniyev son 6 ayı özü üçün itirilmiş sayır 13-06-2018, 23:53 Samir Əliyev Ukraynadan döndü 13-06-2018, 23:51 Elnur Həmidov “Sabah”ın mətbuat katibi oldu 13-06-2018, 23:50 "Səbail" Ruslan Qurbanovu transfer etdi 13-06-2018, 23:49 Yığma üzvü İtaliya klubuna keçir 13-06-2018, 23:48 Yana DÇ-də millinin əsas heyət üzvü olmaq istəyir 13-06-2018, 23:47 Sponsorların havaya sovrulan pulları rəqəmlərin gözündə 13-06-2018, 23:45 Daha 6 iştirakçı müəyyənləşdi 13-06-2018, 23:44 "Zirə" Bolunu seçdi 13-06-2018, 23:42 Ramin Musayev kubokun finalına çəkilən xərci “Futbol+”ə açıqladı 12-06-2018, 00:29 Famil Ağayev Sofiyada qazanılmayan setə görə təəssüflənir 12-06-2018, 00:25 Zəkiyyə Həsənovadan növbəti rekord 12-06-2018, 00:24 Samir Abasov iki elita klubunun təklifini geri çevirib 12-06-2018, 00:21 “Keşlə” iyunun 23-də Türkiyəyə gedəcək 12-06-2018, 00:19 Patelaynen yetirmələrinin qüsurlarını sadaladı 12-06-2018, 00:18 Yığma qazaxlara məğlubiyyəti Riqada unutdurdu 12-06-2018, 00:16 Vüqar Əsgərovu məşqçisi və komanda yoldaşları təbrik edib 12-06-2018, 00:14 “Milli dəstə” yığmadan razı, bəzi futbolçulardan narazı qalıb 12-06-2018, 00:06 Doroşev yığmamızı “Real”a bənzətdi 12-06-2018, 00:04 “Mən özüm də kiminsə yerinə gəlmişdim” 12-06-2018, 00:03 Slavik Alxasov millidə oynamamasının səbəbini bilmir 11-06-2018, 23:50 "Traktorsazi"də Toşak dönəmi başladı 11-06-2018, 23:44 “Haqlı hesab etmirdisə, topu çölə vurmaq olardı” 11-06-2018, 23:42 Rəşad Sadıqov toplanışa yekun vurdu 11-06-2018, 23:40 Şehiç Türkiyə superliqasında? 11-06-2018, 23:39 Nazarov əlavə vaxt istəyəcək 10-06-2018, 13:39 Avropa Liqasından çıxan nəticə 10-06-2018, 13:37 Ramil Quliyev Norveçdə hamını qabaqladı 10-06-2018, 13:35 Eldəniz Yusifov da "Neftçi"dən getdi 10-06-2018, 13:34 “Neftçi” Bordini ictimaiyyətə təqdim etdi Bütün xəbərlər
Ən çox oxunanlar