14 may 00:52aktual

İcraiyyə Komitəsi “Kəpəz”ə rəhm etmədi

İcraiyyə Komitəsi “Kəpəz”ə rəhm etmədi
Əvəzedicilərin diviziona qoşulması məqsədəuyğun sayılmadı
Dünən AFFA-nın inzibati binasında İcraiyyə Komitəsinin (İK) növbəti iclası keçirildi. Tədbir səhər saat 10-da start götürdü. Ancaq İK tam tərkibdə yığışmamışdı. Elmar Məmmədyarov, Mahir Məmmədov və Zaur Axundov toplantıda iştirak etmirdi. Yeri gəlmişkən, AFFA prezidenti Rövnəq Abdullayevin toplantısonrası brifinqə qatılmadığını da qeyd edək. Onun əvəzinə qurumun baş katibi Elxan Məmmədov jurnalistlər önünə çıxdı. Yadınızdadısa, martdakı Hesabat Konfransının ardınca təşkil olunan İK-nın iclasından sonra da eyni hal yaşanmışdı.
Əslində hər kəsi marqlandıran məsələ növbəti mövsüm elitada komanda sayının artırılıb-artırılmayacağı idi. Öncə onu qeyd edək ki, 2018/19 mövsümündə də premyer-liqada 8 komanda iştirak edəcək. Bundan başqa, “Kəpəz”in elitada qalacağını proqnozlaşdıranlar yanıldı. Gəncə təmsilçisi premyer-liqanı tərk edəcək. Çox güman, onun yerini aşağı dəstədə lisenziya tələblərinə cavab verən yeganə komanda – “Sabah” tutacaq. Onu da qeyd edək ki, iclasda yığmanın baş məşqçisi Qurban Qurbanovun qısa hesabatı dinlənilib. Lisenziyalaşdırma prosesi ilə bağlı hesabat təqdim olunub.
Qalan məsələlərə gəlincə, İK-nın iclasında aparılan müzakirələrdən sonra aşağıdakı qərarlar qəbul edilib:
1. Əvəzedicilər arasında keçirilən çempionat davam etdirilsin. 2018/19 mövsümündən etibarən əvəzedicilərin matçları əsas komandanın oyunundan 1 gün əvvəl keçirilsin.
2. Premyer-liqada gənc futbolçularla bağlı limit aşağıdakı qaydada tətbiq olunsun: 1996-97 təvəllüdlü futbolçu start heyətinə, 1998-99 təvəllüdlü futbolçu oyunun protokoluna daxil olunsun.
3. AFFA-nın baş katibliyi birinci divizionla bağlı İcraiyyə Komitəsinə yeni konsepsiya təqdim etsin.
4. AFFA-nın Apellyasiya və Arbitraj Tribunalının sədri Muxtar Babayevin istefası qəbul olunsun. Assosiasiyanın növbəti Konfransına qədər Apellyasiya və Arbitraj Tribunalının sədri vəzifəsi Ziya Babayevə həvalə olunsun.
Təbii, əsas məsələ birinci divizionun qalibi “Xəzər”in elitaya buraxılmamasıdı. Klub faktiki Lisenziyalaşdırma Komissiyasına bank təminatı təqdim etməyib. Məlum olduğu kimi, bu, əsas meyarlardan biridi. “Kəpəz”in elitanı tərk etməsi isə daha bir bölgə təmsilçisinin sıradan çıxarılması deməkdi. “Qarabağ”ın da oyunlarını Bakıda keçirdiyini nəzərə alsaq, növbəti mövsüm, demək olar, paytaxt çempionatına şahidlik edəcəyik. Təkcə “Qəbələ” bu baxımdan istisnadı. Bu komanda özü də məşqlərini Bakıda keçir və yalnız hər ev oyundan öncə Qəbələyə yollanır. Bir sözlə, bölgə komandaları bir-bir sıradan çıxdı və bu futbol idarəçiliyində olan qüsurların təzahürüdü. Fakt budu ki, həm komanda sayı artırılmadı, həm də Qubanı təmsil edəcəyini söyləyən “Xəzər” yox, başqa bir Bakı klubu - “Sabah” premyer-liqaya gəlir. Düzdü, heç kim süni say artımının tərəfdarı deyil. Tutaq ki, elitadakı 5 yox, 7 komandanın sponsorunun SOCAR olmasını heç kim istəməz. Ancaq adı çəkilən şirkət Bakını təmsil edən klublardansa, bölgə komandalarının dirçəlməsinə diqqət ayırsa, daha yaxşı olar. Söhbət birinci diviziondan yox, elitadan gedir. Bundan başqa, “Xəzər”in bank təminatı göstərməməsi də çox qaranlıq məsələdi. Axı, bu klub iddialı şəkildə premyer-liqaya can atırdı. Məhz “Xəzər”in yox, “Sabah”ın tələblərə cavab verməsi isə yetərincə gözlənilməz oldu.
Digər qərarlar haqda uzun-uzadı şərhə ehtiyac yoxdu. Əvəzedici komandaların birinci divizionda iştirakı məqsədəuyğun sayılmayıb. Bu məsələyə daha öncə toxunmuşduq. Doğrudu, Avropada həmin təcrübədən istifadə olunur. Fakt budu ki, bizdə “ikincilər”in mübarizəsi o qədər də ciddi rəqabət fonunda getmir. Rəqabət yoxdusa, inkişafdan, gənc futbolçuların “artırmasından” söhbət gedə bilməz. Ancaq birinci divizionun imicinin korlanması bu iki çempionatı birləşdirmək ideyasını əngəllədi. Təbii, klublar əvəzedicilərinin xoş olmayan proseslərdə adının hallanmasını istəməz. Elə Klublar Komitəsinin son iclasında qurumun sədri, “Neftçi”nin prezidenti Kamran Quliyev də buna işarə etmişdi. KK sədri bunları demişdi: “Bir məqam var ki, divizionda problemlər çoxdu. Söhbətin nədən getdiyini yaxşı bilirsiz. Böyük tarixi olan klubun həmin problemlərin tərkib hissəsi olması yaxşı hal deyil. Bu, bizim üçün də risklidi”. Həmin açıqlamadan sonra əvəzedici komandaların birinci divizionda iştirakının mümkünsüzlüyünü proqnozlaşdırmaq çətin deyildi. Yeri gəlmişkən, qərarlardan biri də budu ki, AFFA-nın baş katibliyi birinci divizionla bağlı İcraiyyə Komitəsinə yeni konsepsiya təqdim etməlidi. Həmin konsepsiyanın detalları maraq doğurur.
Toplantıda Apellyasiya və Arbitraj Tribunalının sədri Muxtar Babayevin istefası da qəbul olunub. Xatırladaq ki, Babayev ekologiya və təbii sərvətlər naziri təyin olunandan sonra “Sumqayıt”ın Müşahidə Şurasından da ayrılmışdı. Hə, sonda bir məqama da toxunaq. İclasda verilən qərarlar arasında ən sevindiricisi bir sıra stadionların qazonunun dəyişdirilməsidi. Düzdü, yuxarıda sadaladıqlarımız arasında bu bənd yoxdu. Sadəcə, bu haqda AFFA prezidenti baş katibliyə tapşırıq verib. Yığmanın və “Qarabağ”ın baş məşqçisi, İK-nın üzvü Qurban Qurbanov jurnalistlərə açıqlamasında həmin məsələ ilə bağlı müzakirələrin getdiyindən bəhs etdi. Onu da qeyd edək ki, “Zirə”, “Keşlə” və “Sumqayıt”ın stadionlarının qazonu dəyişdiriləcək. Hər üç arenada təbii ot örtüyü salınacaq. Artıq növbəti mövsümə qədər adı çəkilən arenalarda qazon dəyişdirilməlidi.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 21:06 BOS-a çipsi, peçenye və rəngli içkilər buraxılmır Bu gün, 21:04 Naci Şensoy yığmamızdan yana bədbin danışdı Bu gün, 21:01 “Qəbələ” U-19 komandasını darmadağın etdi Bu gün, 20:59 Eddi və Renat qələbəyə sevindi Bu gün, 20:58 UEFA Nazarovun qolunu bərpa etdi Bu gün, 20:57 Priştinada həqiqət anı Bu gün, 20:55 "Neftçi" gözləyəcək, "Araz" liderlik üçün savaşacaq Bu gün, 20:53 U-19-un son sınağı Bu gün, 20:51 AFFA FİFA və UEFA-ya müraciət edəcək Bu gün, 20:49 Tərlan Əhmədov gələcəyə ümidlə baxır Bu gün, 20:47 “Bild” Kosovo – Azərbaycan oyununa yer ayırdı Bu gün, 20:46 Yığma qalib gəlsə, “Çaynataun” 20 faiz endirim edəcək Bu gün, 20:45 Kosovonun Avropaya səpələnmiş legionerləri Bu gün, 20:42 U-21 yenə uduzdu Bu gün, 20:39 Şalland: “Azərbaycan favoritdi, təcrübə baxımından da müqayisəyə gəlmirik” Bu gün, 20:32 İsgəndər Cavadov qələbəyə inanır Bu gün, 20:29 Dedov oynadı, Koçuk baxdı Bu gün, 17:46 "Milli dəstə" yığmanı tək qoymayacaq Bu gün, 17:45 Elvin Məmmədov hədəfin dəyişmədiyini deyir Bu gün, 17:41 Rauf Cabbarov Region Liqasında oyun idarə etdi Bu gün, 17:40 Liderlərdən maksimum nəticə Bu gün, 17:35 “Futbol+” Mübariz Mənsimovu məhkəməyə verdi Bu gün, 00:38 Vəli Qasımovun ispan qonağı yığmamızı bəyənməyib Bu gün, 00:26 UEFA-nın ayırdığı milyonu hara xərcləyəcəklər? Bu gün, 00:24 Nizamiylə Mirhüseynin cinayət işinə xitam verilib Bu gün, 00:22 Yunan hakimin ciddi qüsuru olmadı Bu gün, 00:21 Kamran Ağayev heyətdən çıxarıldı Bu gün, 00:20 Olsen: “Priştinada oynamaq Azərbaycan üçün çətin olacaq” Bu gün, 00:17 Yığma üzvlərinin qiymətləndirməsi Bu gün, 00:15 Yığma “final”ı Priştinaya daşıdı Bu gün, 00:13 Missiyasını unudan azarkeşlər... Bu gün, 00:12 15-ci qələbə, 229-cu futbolçu Bu gün, 00:10 Həftənin idman proqramı Bu gün, 00:09 Yığmadan əzmkar qələbə Bu gün, 00:05 “Milli dəstə” qeyri-müəyyənlik içindədi Bu gün, 00:03 Lider yığmanı çətinliklə yendi Bu gün, 00:01 Ayxan Abbasovun debütü uğurlu alındı Dünən, 23:59 “Keşlə” gücünü divizion təmsilçisinə göstərdi Dünən, 23:57 Gəncə derbisində darmadağın 18-11-2018, 13:12 Könül Nurullayevanın təklifi qəbul olundu 18-11-2018, 13:09 Manolova da himnimizi səsləndirə bilmədi 18-11-2018, 13:06 Kosovoyla xalımız eyni olsa, pley-offa kim yüksələcək? 18-11-2018, 13:06 “Standard” xal itirdi 18-11-2018, 13:02 Vüqar Məmməd İsrailə yenilgini unutduqlarını deyir 18-11-2018, 13:00 UEFA-dan müjdə: klublarımızın büdcəsi zənginləşdi 18-11-2018, 12:41 Foqts UEFA-nın layihəsinə qarşı çıxdı 18-11-2018, 12:40 Yığma üzvlərinin son oyunlarının xarakteristikası 18-11-2018, 12:38 Bakıda “çörəyinə yağ sürtdüyümüz” “cırtdanlar” 18-11-2018, 12:36 4-cü səbət əldən çıxdı 18-11-2018, 12:27 Rövlanın “Slaviya”da qalmasına limit mane olub 18-11-2018, 12:22 Mehman Yunusov yığmanın iki oyunda 6 xal qazanacağına inanır 18-11-2018, 12:21 Kosovo biletləri satışa çıxardı 18-11-2018, 12:08 Bir oyun təxirə salındı, məkan dəyişdi 18-11-2018, 12:07 “Sulduz” yarışdan çəkildi 16-11-2018, 15:46 “Bakı”nın bazasına nəzarət Vaqif Heydərliyə tapşırılıb 16-11-2018, 15:42 Ölkə kubokunda yenilik olacaq 16-11-2018, 15:34 Adalılarla görüşdə xeyrimizə olan məqamlar Bütün xəbərlər
Ən çox oxunanlar