26 apr 01:20aktual

“Qarabağ” Avropada tək deyil

“Qarabağ” Avropada tək deyil
BATE ardıcıl 12 ildi taxtdan düşmür
Premyer-liqanın 24-cü turunda səfərdə “Sumqayıt”ı minimal hesabla yenən “Qarabağ” ardıcıl 5-ci çempionluğunu rəsmiləşdirdi. Ağdamlıların son 5 ilə damğa vurması, hakimiyyət taxtını heç bir kluba güzəşt etməməsi futbol ictimaiyyətini iki hissəyə bölüb. Bəzilərinin fikrincə, çempionatda rəqabətin olmaması, ötən illərlə müqayisədə premyer-liqanın səviyyəsinin aşağı düşməsi ağdamlılara asanlıqla məqsədə çatmağa imkan verir. Ancaq bu fikirlə razılaşmayan, “Qarabağ”ın ardıcıl çempionluqlarının qanunauyğun olduğunu düşünənlər Avropanın aparıcı futbol ölkələrində də bir klubun ardıcıl bir neçə il çempionluq sevinci yaşadığını söyləyir. Bu polemika ətrafında dəqiq məlumat əldə etmək üçün son 10 ildə UEFA-ya daxil olan ölkələrin çempionatlarının statistikasına nəzərə salıb, ümumi mənzərəni müəyyənləşdirməyə çalışdıq.Bu məqsədlə öncə keçmiş SSRİ respublikalarına diqqət yetirdik.
Keçmiş SSRİ respublikaları
Rusiyada “Qarabağ”ın qəhrəmanlığını təkrarlayan klub yoxdu. Kurban Berdıyevin rəhbərlik etdiyi “Rubin” 2008 və 2009-cu illərdə çempion olmağı bacarıbsa, sonrakı mövsümdə uğurun davamını gətirə bilməyib. Ondan sonra estafet “Zenit”ə keçib. Ancaq Sankt-Peterburq təmsilçisinin də 5 il ardıcıl “qızıl” qazanmağa gücü çatmayıb. Şimal qonşularımızın mədəniyyət mərkəzi sayılan şəhərin komandası 2010, 2012 və 2015-də azarkeşlərini sevindirib. Gürcüstanda Tiflis “Dinamo”su 2008-dən bu yana 4 dəfə fəxri kürsünün ən yüksək pilləsinə qalxsa da, sabitlik pozulub. Gürcüstanın fəxri 2008, 2013, 2014 və 2015-ci ildə ölkəsini Çempionlar Liqasında təmsil etməyə nail olub. Ermənistan çempionatında da eyni vəziyyətdi. Düşmən ölkədə son dekadada “Pünik” hamıdan çox – 4 dəfə çempion adını qazansa da, bunları müxtəlif illərdə bacarıb. “Birlik kuboku”nda “Neftçi”nin qorxusundan turniri gecə ilə tərk edən komanda 3 il ardıcıl (2008, 2009, 2010) “qızıl” medallara sahib çıxıb. Onların sonuncu çempionluğu isə 2015-ci ilə təsadüf edib. Qalan 6 ildə ilk pillənin sahibləri fərqli klublar olub. Xəzərin o tayında, daha dəqiq desək, Qazaxıstanda azarkeşlər 4 il ardıcıl “Astana”nın şahlığına şahidlik ediblər. Paytaxtın eyniadlı komandası 2014, 2015, 2016 və 2017-də mövsümün sonunda hamıya yuxarıdan aşağı baxıb. Adını çəkdiyimiz ölkədə çempionatın “yaz-payız” sistemi ilə keçirildiyini nəzərə alsaq, “Astana”nın “Qarabağ”ın uğurunu təkrarlayacağını gözləmək olar. Onu da qeyd edək ki, söylənilənlərə inansaq, maydan sonra son 4 ilin çempionuna hazırda “Qəbələ”nin baş məşqçisi olan Roman Qriqorçuk rəhbərlik edəcək. Ukraynada çempionluq uğrunda mübarizənin iki komanda - Donetsk “Şaxtyor”u və Kiyev “Dinamo”su arasında getdiyi hamıya məlumdu. Donetsk klubu 2010-dan 2015-ə qədər çempion adına sahib çıxıb. Keçmiş SSRİ respublikaları arasında bu yöndə rekord Belarusun dəyişməz çempionu BATE-yə məxsusdu. 145 min əhalisi olan Borisov şəhərinin komandası son 10 ildə çempion adını heç bir kluba güzəşt etməyib. Ümumilikdə isə borisovlular Belarusda ardıcıl 12 dəfə qızıl medallara sahib çıxıblar.
Baltikyanı ölkələrdə çempion tez-tez dəyişir. Latviya bu yöndə xüsusilə fərqlənir. Adını çəkdiyimiz respublikada 3 il ardıcıl “qızıl” qazanan komanda yoxdu. Litvada “Ekranes” 2012, 2014, 2015 və 2016-da mövsümü ilk pillədə başa vursa da, “Qarabağ” kimi ardıcıl çempion ola bilməyib. Estoniyada “Levadiya” 2010-18 aralığında 4 dəfə çempionluğu bayram edib. Ancaq bu komanda 2008 və 2009-cu illərdən sonra kölgəyə çəkilib və bir də 2013, 2014-də qalib adına sahib çıxıb. Statistikadan da göründüyü kimi keçmiş SSRİ respublikaları arasında ardıcıl çempionluq baxımından BATE-yə yaxın düşən yoxdu. “Şaxtyor” və “Qarabağ” isə qeyd etyimiz göstəriciyə görə ikincidi.
“Böyük beşlik”də “Bavariya” və “Yuventus”
Nəinki Avropanın, dünyanın ən baxımlı çempionatına malik İngiltərədə son 10 ildə 4 komanda çempion adına sahib çıxıb. “Mançestr Yunayted” 2008, 2009, 2011, 2013, “Çelsi” 2010, 2015, 2017, “Mançestr Siti” 2012, 2014, 2018-də qızıl medallara yiyələnsə də, 2016-cı ildə heç kimin gözləmədiyi halda “Lester” mövsümü ilk pillədə başa vurmağı bacarıb. İtaliyada 2012-ci ildən bu yana “Yuventus” rüzgarı əsir. Turinlilər 6 mövsüm ardıcıl çempion adına sahib çıxıblar. Almaniyada da eyni mənzərədi. “Bavariya” 2017/18 “futbol ili” də daxil olmaqla, artıq ardıcıl 5-ci gümüş camını qazanıb. Ərəb şeyxlərinin himayəsinə keçəndən sonra Fransa çempionatında PSJ “at oynadır”. Buna baxmayaraq, Paris klubu “Qarabağ” kimi ardıcıl 5 il taxtda otura bilməyib. 2013, 2014, 2015, 2016-cı illərdə ardıcıl çempion olmağı bacaran paytaxt təmsilçisi 2017-də “Monako”dan geri qalaraq mövsümü ikinci pillədə başa vurub. Birillik fasilədən sonra PSJ bu il yenidən “qızıl”a sahib çıxıb. Dünyanın ən güclü iki futbolçusunun top qovduğu çempionatda son 10 ildə “qızıl”ın 3 adaxlısı olub. Ancaq nə “Barselona”, nə “Real”, nə də “Atletiko” taxtda uzun müddət oturmağı bacarıb. 6 dəfə katalonlar, 3 dəfə “Kral klubu”, bir dəfə isə “hindular” müxtəlif illərdə azarkeşlərini sevindirib.
Uzun müddət hakimiyyətdə qalan “7-lik”
Albaniyada 2011-ci ildən 2016-ya qədər “Şkenderbü” çempion olub. Avstriyada “Zaltsburq” son 4 mövsümdə “qızl” qazanıb və 2017/18 mövsümündə də ilk pilləni tutmağa çox yaxındı. Hazırda ən yaxın izləyicisini 11 xal qabaqlayır. Bolqarıstanda son 6 ilin dəyişməz çempionu isə “Ludoqorets”di. Cari mövsümdə isə bu komanda uğursuz çıxışı ilə diqqəti çəkir. Xorvatiyada Zaqreb “Dinamo”sunun diktaturası yaşanır. Paytaxt təmsilçisi 2006-dan 2016-ya qədər ardıcıl olaraq, ilk pilləni “özəlləşdirməklə” yadda qalıb. Cənubi Kipr çempionatında APOEL “Qarabağ” kimi son 5 ildə taxtda oturub. Nikosiya təmsilçisi ardıcıl 6-cı çempionluğunu da bayram etməyə çox yaxındı. Yunanıstanda isə “Olimpiakos” azarkeşləri komandalarının son 10 ildə ardıcıl 7 çempionluğu ilə fəxr edirlər. Son 6 ildə azarkeşlərini sevindirən klublardan biri də “Seltik”di. Əzəli rəqibi “Reyncers”in zəifləməsi fonunda “yaşıllar” 2012-ci ildən bu yana çempion adını heç kimə vermirlər. İsveçrədə artıq 8 ildi “Bazel” hamıya yuxarıdan aşağı baxır. 2010-cu ildə taxta çıxan komanda hələ də hakimiyyətdən getmək istəmir.
Nəticə
Statistikadan da görünür ki, “köhnə qitə”də “Qarabağ” kimi ardıcıl 5 dəfə və ya daha çox çempion olan yetərincə komanda var. Onların arasında Avropa futbolunda xüsusi iz qoymuş klublar da az deyil. Yəqin ki, heç kim Almaniya, İtaliya, Yunanıstan, Şotlandiya və İsveçrə çempionatlarının səviyyəsinin bizdən üstün olduğuna şübhə ilə yanaşmaz. Buna baxmayaraq, həmin ölkələrdə də azarkeşlər artıq neçə ildi bir aktyorun ifasında tamaşa izləməkdə davam edirlər. Odu ki, “Qarabağ”ın ardıcıl çempionluqlarına ağız büzüb, “Azərbaycan çempionatı maraqsızdı” deyib, yanlış düşüncələrə qapılmayın.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 18:47 Həftənin idman proqramı Dünən, 18:46 Rüstəm Orucov çempion oldu Dünən, 18:45 Anar Salmanova təhsil məsələləri tapşırılıb Dünən, 18:43 “Forza Neftçi” bir müddət stadionlara getməyəcək Dünən, 18:41 İlin futbolçusunu birlikdə seçək! Dünən, 18:39 Xanım hakimdən Elçin Məmmədova şok ittihamlar Dünən, 18:36 “Traktorsazi” ağır zərbə aldı Dünən, 18:32 “Neftçi”də baş məşqçi dəyişikliyi Dünən, 18:28 “Sumqayıt”dan “Neftçi”yə növbəti zərbə Dünən, 18:12 “Qəbələ” avtoqolla sevindi Dünən, 18:06 ADBTİA yenidən zirvədədi! Dünən, 18:05 Püşk atıldı, yüksək liqa ilə bağlı qərar verildi Dünən, 18:03 Renat qələbə qolunu vurdu Dünən, 18:00 Emil “dənizçilər”in “Dalğa”da boğulmasına” imkan vermədi Dünən, 17:51 Ceyhun Sultanovun cəzası yarıbayarı azaldıldı Dünən, 16:24 Yığma uduzdu, Rusiyadan oyunçu gəldi Dünən, 16:21 UEFA “Arsenal”ı fevralda cəzalandıracaq Dünən, 16:19 Gerye özünü ilin yaxşı legioneri sayır Dünən, 16:17 “Keşlə” cavab oyunu üçün ümid yeri saxladı 16-12-2018, 14:53 "Keşlə"nin Türkiyə planı təsdiqləndi, amma... 16-12-2018, 14:51 “Bakı yox, bölgə seçiminin olması da təqdirəlayiqdi” 16-12-2018, 14:50 “Qarabağ” təxribatçı erməni ilə bağlı UEFA-ya müraciət edib 16-12-2018, 14:49 “Elxan Məmmədovla görüşmək istəyirəm” 16-12-2018, 14:46 Beşinci dəfə 1/16 finala qədər uzanmayan marafon 16-12-2018, 14:44 “Emireyts”də 21 minə yaxın azarkeş olub 16-12-2018, 14:43 Mövsümü 26-cı yerdə başa vurduq! 16-12-2018, 14:41 Tribunadakı gərginlik Mehini ağladıb 16-12-2018, 14:38 Yarımfinala gedən yol: üçü Bakıda, biri bölgədə 16-12-2018, 14:36 AFFA-nın namizəd siyahısı genişdi 16-12-2018, 14:34 “Liman” - “Neftçi” üçün dərman! 16-12-2018, 14:17 Baş məşqçilər ehtiyatlı danışdı 16-12-2018, 14:16 Lider dəyişdi 16-12-2018, 14:14 Türk mütəxəssis yığmaya təqdim olundu 16-12-2018, 14:09 “Qurban Qurbanov bir il əvvəl, yığmanı çalışdırmaq təklifi alanda seçim etməliydi” 16-12-2018, 14:06 Ümummilli sorğu start götürür! 16-12-2018, 14:05 Kərim Ağayev Şəmkirdə top payladı 13-12-2018, 00:02 “FC Baku” qoldan doymur 12-12-2018, 23:59 Səfirlik “İmarət”in dörd üzvünə viza verməyib 12-12-2018, 23:58 Reynaldo “Qarabağ”a qayıdır 12-12-2018, 23:56 "Keşlə" "Mirakl"a getmir 12-12-2018, 23:54 Ruslan şirniyyat həvəsinə qurban gedib 12-12-2018, 23:49 “Qurbanov azı üç tsikl millinin başında olacaq” 12-12-2018, 23:45 Elman Himayətoğlu da vəzifəsindən ayrıldı 12-12-2018, 23:43 Turun statistikası 12-12-2018, 23:41 Turun məşqçisi 12-12-2018, 23:40 Turun oyunçusu 12-12-2018, 23:39 Turun sitatı 12-12-2018, 23:38 Hakimlərin mühakiməsi 12-12-2018, 23:36 BKFF dünən püşk atdı, həftəsonu başlayır 12-12-2018, 23:34 Turdan məqamlar 12-12-2018, 23:26 Ölkə kubokunun püşkü atılacaq 12-12-2018, 23:19 “Bədr Xocalı”ya texniki məğlubiyyət veriləcək 12-12-2018, 23:17 MOİK uduzdu, "Sumqayıt-2" "qış çempionu" oldu 12-12-2018, 23:15 "Neftçi" Ömər Buludovla müqavilə müddətini uzatdı 12-12-2018, 23:13 Adil Nağıyev etdiyi səhvlərin səbəbini tapa bilmir 11-12-2018, 17:05 Həftənin idman proqramı 11-12-2018, 17:03 Nazarov darmadağını izlədi, Şeydayev cəzalandı Bütün xəbərlər
Ən çox oxunanlar