04 apr 18:17aktual

Referilər təcrübə mübadiləsinin tərəfdarıdı

Referilər təcrübə mübadiləsinin tərəfdarıdı
Orxan Məmmədov: “Mənə xoş olmaz ki, biz qala-qala çempionat oyunlarını türk hakimlər idarə etsinlər”
Tahir Süleymanov: “Cüneyt Çakırın kubokun finalına dəvət edilməsi heç də zəiflik əlaməti deyil”

PFL prezidenti Ramin Musayevin ötən saylarımızdan birində müsahibəsi dərc olunmuşdu. Həmin sual-cavabda qurum rəsmisi maraqlı ideya səsləndirmişdi. Məlum olduğu kimi, Ramin bəy Antalyada keçirilən Azərbaycan – Makedoniya oyununu (1:1) canlı izləyib. Həmin qarşılaşmada videoassistent sistemi də reallaşdırıldı. Özü də bu funksiyanı Türkiyənin məşhur FİFA referisi Cüneyt Çakır yerinə yetirirdi. Musayev isə səfər çərçivəsində Çakırla görüşüb, müəyyən məsələlərlə bağlı fikir mübadiləsi aparıb.
Qeyd etdiyimiz ideyanın nədən ibarət olduğunu Ramin bəy qəzetimizə müsahibəsində söyləmişdi: “Çakırla söhbətdə ona dedim ki, ikitərəfli geniş görüş keçirək və razılıq əldə olunarsa, ildə bir neçə dəfə türk hakimlər bizim premyer-liqada, bizim referilər də superliqada matç idarə etsinlər. Bir növ təcrübə mübadiləsi olsun. Burda söhbət öz hakimlərimizə inamsızlıqdan, məsul oyunlarda onlara güvənməməyimizdən getmir. Heç qonorar söhbəti də aktual deyil. Sadəcə, istəyirik ki, ədalət təmsilçilərimiz də inkişaf etsin, aralarında sağlam rəqabət yaşansın. Bu həm də hakimlərimizin ölkədən kənarda tanınmasına xidmət edə bilər. Cüneyt bəy bu işdə böyük məmnuniyyətlə yardımçı olacağını bildirdi. Ondan başqa Türkiyə Hakimlər Komitəsinin sədri Yusuf Namoğlu ilə görüşdüm. Onunla da bu mövzuda söhbət etdik. Yusuf bəy hakimlərin təcrübə mübadiləsi ilə bağlı məsələni gələcəkdə görüşüb müzakirə etməli olduğumuzu bildirdi. Yəqin ki, gələcəkdə bu görüş baş tutacaq. Mən onları bizim kubokun final oyununa dəvət etdim. Çakır böyük məmnuniyyətlə gəlmək istədiyini bildirdi. Ancaq bildiyiniz kimi, Cüneyt bəy bu yay Rusiyada təşkil olunacaq mundiala yollancaq hakimlər arasındadı. Onlar üçün isə mayda təlim-məşq toplanışı təşkil olunub. Bu üzdən tanınmış referi Azərbaycana gələ bilməyəcək”.
Əslində maraqlı ideyadı. Təbii, Türkiyə superliqasında oyun idarə etməyin hakimlərimizə böyük xeyri dəyə bilər. Çünki qardaş ölkənin birinciliyində hansı ab-havanın yaşandığı hər kəsə bəllidi. Bundan başqa, ideya gerçəkləşərsə, FİFA və UEFA-nın diqqətini də çəkmək olar. Ancaq bu birtərəfli qaydada olmamalıdı. Yəni təkcə “türk hakimlər gəlib oyun idarə etsinlər, biz onların təcrübəsindən yararlanaq” fikri doğru olmaz. Bu bir növ öz referilərimizi zəif göstərmək anlamına gəlir. Lakin qarşılıqlı təcrübə mübadiləsi faydalı ola bilər. Təbii, gerçəkləşərsə. Görəsən, bizim hakimlər bu haqda nə düşünür? Məsələylə bağlı hazırda fəaliyyətdə olan ədalət təmsilçilərindən Orxan Məmmədovun, sabiqlərdən isə Tahir Süleymanovun fikirlərini öyrəndik. Onların Çakırın kubokun finalına dəvət olunması ilə bağlı düşüncələrini də aldıq.
Referilər təcrübə mübadiləsinin tərəfdarıdı
Orxan Məmmədov: “Yaxşı ideyadı. Bu təcrübədən yararlanan ölkələr var. Elə hakimlər olur ki, öz çempionatı çox aşağı səviyyədədi, xarici birinclikdə oyun idarə edir. Bunun hesabına FİFA-da reytinqi yüksəlir. Türkiyədə oyun idarə etmək hakimlərimizin daha yüksək səviyyəyə qalxmasına şərait yaradacaq. Bu baxımdan çox ağıllı ideyadı. O ki qaldı birtərəfli qaydada yalnız onların burda oyun idarə etməsinə, məsləhət belə olsa, yenə heç nə deyə bilmərik. Ancaq bir azərbaycanlı hakim kimi mənə xoş olmaz ki, biz qala-qala çempionat oyunlarını türk hakimlər idarə etsinlər. Təbii, Türkiyədə də yaxşı hakimlər var. Yalnız bir istisna ola bilər. Cüneyt Çakırın gəlməsində problem görmürəm. Gəlsin, idarə etsin, bizimkilər lap 4-cü kimi ona yardım etsin. Bizim üçün də xoş olar, nəsə öyrənmək baxımından fayda verər. Amma ordan sıradan bir hakimin, tutaq ki, mənimlə birgə FİFA referisi dərəcəsi alan ədalət təmsilçisinin gəlib burda oyun idarə etməsinə ehtiyac görmürəm. Çünki onunla mənim aramda fərq yoxdu və məndən yaxşı idarəçilik etməyəcək. Ancaq Çakır kimi hakimin gəlməsi başqa məsələdi. Hətta özüm də gedib onun oyununa baxaram. Qardaş ölkədən olan digər FİFA referilərinin isə gəlməsinin tərəfdarı deyiləm. Hansısa bir oyunu idarə etməsinə bəlkə də normal baxmaq olar. Lakin müntəzəm burdakı matçlara təyinat almaları bir azərbaycanalı kimi mənə xoş olmaz. Türk hakimlərə ehtiyac varmı? Mən ehtiyac görmürəm. Çempionat başlayandan yaxşı idarə edirik. Qarşılıqlı təyinat isə müsbət haldı. Ancaq bir məsələ də var ki, sırf elita oyunları ilə bağlı mübadilə olmalıdı. Superliqa oyununa təyinat bizim FİFA referiləri üçün reytinq baxımından çox-çox əla bir şeydi. UEFA-da da görərlər ki, Türkiyə çempionatını azərbaycanlı hakimlər idarə edir. Onu da deyim ki, qardaş ölkə hakimlərindən bir neçəsi doğrudan da yaxşıdı. Ancaq qalanlarının oyunlarında səhvlər olur. Bu da anlaşılandı”.
Referilər təcrübə mübadiləsinin tərəfdarıdı
Tahir Süleymanov: “Azərbaycan futbolunda təzadlı məqamlar çoxdu. Artıq çempionatımız da 5-6 il əvvəlki deyil. İddialı klublar dağılıb, dağıdılıb, rəqabət zəifləyib. Bunu çempionatda çıxış edən əcnəbi, yerli futbolçular, məşqçilər də etiraf edir. Çoxları qəbul etməsə də, PFL yaranandan sonra "Neftçi", "Qarabağ", "Qəbələ" futbol ictimaiyyəti üçün xəyal kimi görünən tarixi qrup uğurunu gerçəkləşdirdi. Qurum öz təbliğatını daha üst səviyyədə qurmalıdı. Avropanın aparıcı futbol ölkələrində peşəkar liqalar mövcuddu, illərdi uğurla fəaliyyət göstərirlər. PFL İngiltərə, İspaniya, İtaliya və digər futbol ölkələrinin müvafiq qurumları ilə əlaqələr yaratmalı, səfərlər etməli, liqa rəhbərlərini Azərbaycana dəvət etməli, inkişaf üçün fikir mübadilələri aparılmalı, beynəlxalq səviyyədə inkişaf üçün əməli işlər görülməlidi. Bunun tərkib hissəsi kimi hakimlərin mübadiləsi ola bilər. Türk hakimlər hər həftə 20-30 və ya 40-50 min azarkeş qarşısında oyunlar idarə edirlər. İndiki rəqabətsiz, azarkeşsiz çempionatımız onlar üçün 2-3-cü liqalar səviyyəsindədi. Bizim hakimlərin Türkiyədə idarəçiliyi müsbət məqam olar. Klublarımızın indiki durumu elədi ki, heç kim əcnəbi hakim haqda düşünmür. Bir-iki müstəqil klub qalıb. Başqalarının durumunu, idarəçiliyini hər kəs bilir. Onların müstəqil fikir bildirmək səlahiyyəti yoxdu. Belə durumda hakimlik mövzusu aktual ola bilməz. Klublar 200-300 azarkeş qarşısında başlarını aşağı salıb oyunlarını keçirirlər. Türkiyə ilə əməkdaşlıq, əlaqələrin qurulması müsbət effekt verə, hakimlərimizə xeyri dəyə bilər. Bir daha xüsusi vurğulayıram, Avropada onlarla peşəkar liqalarla əməkdaşlıq PFL-ə, ümumilikdə Azərbaycan futboluna, klublara, qurumun özünə daha çox fayda verə bilər. Təbii, əsasən FİFA referilərinə üstünlük verilməlidi. Təyinat alan hakim ilk növbədə ölkəsini təmsil edir. Türkiyə çempionatında rəqabət yüksəkdi və hər xal uğrunda amansız mübarizə gedir. Turnir cədvəli öz yerində, hər qazanılan xal kluba vəsait gətirir. Çempionat hakimlərin eksperiment məkanı deyil. Bilirsiz ki, Türkiyədə hər turdan sonra televiziyada, mətbuatda hakimlik mövzusu, idarəçilik saatlarla müzakirə olunur, incələnir. Oyunların çəkiliş səviyyəsi, hər xırda epizod belə ciddi müzakirə olunur. Azərbaycandakı kimi deyil, hakimlər böyük diqqət mərkəzində olurlar. Əməkdaşlıq olarsa, hakimlərimiz çox məsuliyyətli olmalıdılar. O ki qaldı Cüneyt Çakırın kubokun finalına dəvət edilməsinə, bu heç də zəiflik əlaməti deyil. Qeyd etdiyim kimi, çempionatda rəqabət, klubların vəziyyəti elə durumdadı ki, istənilən hakimimiz final görüşünü idarə edə bilər. Əksinə, Çakırın gəlməsi finala marağı daha da artıra bilər və əks-sədası Türkiyəyə də gedib çıxar. Bir daha vurğulayıram, əməkdaşlıq olarsa, bu amil daha çox bizim hakimlərə xeyir verə bilər. Türkiyə çempionatının oyunlarının idarə olunması əlavə təcrübə deməkdi”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
9-12-2018, 14:15 Katiblik sistemi ilə bağlı təklifi “Qarabağ” rəsmisi irəli sürüb 9-12-2018, 14:14 Klublar maliyyə hesabatını açıqlamaqda problem görmür 9-12-2018, 14:12 Yığma üçün yoxlama oyunları planlaşdırılmayıb 9-12-2018, 14:10 “Neftçi” üç yoxlama oyunu planlaşdırıb 9-12-2018, 13:55 Mikayıl Nərimanoğlu yeni işdə 9-12-2018, 13:54 Ölkə xaricində çıxış edənlər Vüqar Məmmədin dəvətini qəbul etmir 9-12-2018, 13:42 Lider autsayderlərə rəhm etmədi, "Şərq" oyuna gəlmədi 9-12-2018, 13:40 İlk dueli “Xəzər Cənub” qazandı 9-12-2018, 13:38 2018-in son turunda “qütblərarası savaş” 9-12-2018, 13:32 Baş məşqçilər uçurumun səbəblərini açıqladı 9-12-2018, 13:30 “Birincilər” bu dəfə də 1/8-dən “sağ çıxmadı” 9-12-2018, 13:19 Limit dəyişdirilsə, Rəhman bombardir olacaq 9-12-2018, 13:13 “Qəbələ”nin iki rəqibi məlumdu 9-12-2018, 13:12 “Qarabağ” oteli dəyişdi 9-12-2018, 13:10 “Frans Futbol”un seçiminə fərqli yanaşma 9-12-2018, 13:06 İki klubumuz eyni oteldə qalacaq 8-12-2018, 01:42 Ağır Atletika Akademiyasında üç saat 8-12-2018, 01:33 U-19 üç gündə iki oyuna çıxacaq 8-12-2018, 01:32 Derbini "Araz" qazandı, "Neftçi" üçüncü pilləyə gerilədi 8-12-2018, 01:31 “Sumqayıt” məşqçilərini “Altınordu”ya göndərir 7-12-2018, 22:45 Avropa Liqasında noyabr ayının qalibi açıqlandı 7-12-2018, 17:21 Ozobiç yığmamızı xorvatlar üçün incələdi 5-12-2018, 13:22 “Red Black Army” 3 yaşını qeyd etdi 5-12-2018, 13:21 Bakı İdman Sarayında zirvə savaşı 5-12-2018, 13:18 “Alyans” zirvədə möhkəmləndi 5-12-2018, 13:15 UEFA zəiflər üçün yeni turnir yaradır 5-12-2018, 13:12 "Atletiko Baku" "Ajara Cup 2018"də qalib oldu 5-12-2018, 13:05 Yığmanı gözləyən 8 ay 5-12-2018, 13:02 Slovakiyalılar iddalı və ehtiyatlıdı 5-12-2018, 12:59 Tounkara: “İnanıram ki, layiq olduğumuz yeri tutacağıq” 5-12-2018, 12:56 Sənan Qurbanov Adeniyinin yoxluğunu qabartdı 5-12-2018, 12:53 Qəbələdə iki günə qol vurulmadı 5-12-2018, 12:51 Tərlan Əhmədov hamıdan narazı qalıb 5-12-2018, 12:49 “Qarabağ” “Sportinq”in acığını “Keşlə”dən çıxdı 5-12-2018, 12:47 “Olimpik Star”da başladı, Bakı İdman Sarayında bitəcək 5-12-2018, 12:45 Qurban Qurbanovun oğlu növbəti qolunu sabiq komandasına vurdu 5-12-2018, 12:44 Gələcəyə hesablanmış layihə 5-12-2018, 12:42 “Zirə”nin şikayəti rədd olundu 5-12-2018, 12:41 Olaylar və qollar ilə zəngin nəhs tur 3-12-2018, 22:17 Yığmamız 5 komandalı, DÇ-nin finalçısının yer aldığı qrupda! 3-12-2018, 22:11 Dabo simulyasiya etmədiyini deyir 3-12-2018, 22:07 “Əlincə savaşı”nı “Neftçi” qazandı 3-12-2018, 22:04 U-19 – 9:1! 3-12-2018, 21:54 “Neftçi” hakimdən şikayət etdi 3-12-2018, 21:53 “Əlincə Arena”da 150-yə yaxın oturacaq sındırılıb 3-12-2018, 21:51 "Neftçi" bəyanat yaydı, azarkeşlərinə səsləndi 3-12-2018, 21:49 PFL-dən yeni dəb: çempionat xeyir-şər liqasına çevrilir! 3-12-2018, 21:48 “Sumqayıt” “yuva”ya dönüşünü qələbə ilə “yudu” 3-12-2018, 21:32 Həftənin idman proqramı 3-12-2018, 21:31 “Sumqayıt” ölkə xaricində çıxış edən üç azərbaycanlı ilə maraqlanır 3-12-2018, 21:29 Şəhriyar mövqeyini qorudu 3-12-2018, 21:28 AMADA-dan növbəti cəzalar 3-12-2018, 21:26 Yığma 8-ci, Eltac birinci oldu 3-12-2018, 21:25 Qəbələ dumana “təslim oldu” 3-12-2018, 21:22 BKFF payız-yaz birinciliyinə start verir 3-12-2018, 21:21 “Qarabağ” 10 milyona yaxın qazanıb 3-12-2018, 21:18 Dəniz Yılmaz coşdu Bütün xəbərlər
Ən çox oxunanlar