18 fev 12:00aktual

Orxan Hüseynzadə istefa verib, yoxsa göndərilib?

Orxan Hüseynzadə istefa verib, yoxsa göndərilib?
Tahir Süleymanov: “Yarım saat ərzində bir prezident gedib, başqası gəlirsə, burda istefadan söhbət gedə bilməz”
Səmədağa Şıxlarov: “Neftçi”nin prezidenti postundan kim öz xoşuyla gedər”?

“Neftçi”də tez-tez baş verən baş məşqçi və prezident dəyişiklikləri klubun imicinə zərbədən başqa bir şey deyil. Yarıtmaz rəhbərlərlə bacarıqsız məşqçilərin gördüyü işlərin nəticəsi komandanın son mövsümü titulsuz başa vurub, avrokuboklara vəsiqə qazanmaması oldu. Guya Orxan Hüseyzadənin gəlişindən sonra vəziyyət düzələcəkdi. Uzun illərdi futbolun içində olması, vaxtilə AZAL-da çalışması, ölkəmizi UEFA nümayəndəsi kimi təmsil etməsi, yad dilləri bilməsi – bütün bunlar Orxan bəyin vizit vərəqəsiydi.
Deyək ki, ötən mövsümün yarısını Elnur Məmmədovla Elxan Abdullayev boşa vermişdi. Ona görə də uğursuzluqda pay sahibi kimi prezident Hüseynzadəni günahlandırmaq insafsızlıq olardı. Lakin cari mövsümün əvvəlində də vəziyyətin pisə doğru getməsi, Elxan Abdullayevin işindən ayrılması sponsorlarda müəyyən şübhələrə yol açdı. Adamlar dərk etdilər ki, Orxan Hüseynzadə ilə Elxan Abdullayevin Kamil Məmmədovun vasitəsilə komandaya legioner cəlb etməkdə məqsədləri heyəti gücləndirmək yox, şəxsi mənafelərini düşünməkdi. Hər halda, Tərlan Əhmədovun gəlişiylə nəticələr də nisbətən yaxşılaşdı və Orxan Hüseynzadə məhz Əhmədova görə kreslosunu bərkitdi. “Neftçi” kubokun yarımfinalına adlayıb, çempionatda 5-ci pillədədi, dördüncülüyə yüksəlmək də öz əlindədi.
Uğursuzluq yaşanan vaxt Elxan Abdullayevlə birgə getməyən Orxan Hüseynzadə indi niyə istefa vermək fikrinə düşsün ki? Kreslo kürəyini qaşındırırdı, yoxsa xidməti avtomobil, isti kabinet çoxluq edirdi? Qətiyyən! Şəxsi istək, şəxsi işlərin çoxluğu – bunlar bəhanədən başqa bir şey deyil. Klub prezidenti kimi çalışan adamın hansı şəxsi işləri ola bilər ki? Ona qalsa, mənim problemlərim, dərd-sərim Hüseynzadəninkindən çoxdu. İşimi atıb getməliyəm?
İstefanın məhz “transfer pəncərəsi” bağlanandan bir neçə gün sonraya təsadüf etməsi boşuna deyil. Himayədarlar qulaqlarına çatan siqnalın səsinə inanmaq istəmirlərmiş. Bir müddət də susub, məqamını gözləyiblər. Və həmin an indi yetişib. Komandaya cəlb olunan üç yeni legionerin transferinin məhz agent Kamil Məmmədovun vasitəsilə həyata keçirilməsi bütün suallara aydınlıq gətirib. Bununla da “yuxarı”dan Orxan bəyin göndərilməsinə dair xəbərdarlıq gəlib. Belə olmasaydı, klub saytında “Orxan Hüseynzadə istefa verdi” xəbərindən yarım saat sonra “Kamran Quliyev “Neftçi”nin yeni prezidentidi” yazılmazdı.
Baş verən proseslər futbol ictimaiyyəti arasında da birmənalı qarşılanmır. Uzun illər “Neftçi”də vitse-prezident vəzifəsini daşımış, qazanılan uğurlarda müəyyən pay sahibi olmuş Tahir Süleymanov da mətbuatı diqqətlə izləyənlərdən, zaman-zaman sözünü deyənlərdəndi. Belə məqamda Süleymanovun fikirlərini dinləmək maraqlıdı: “Dediyiniz məsələdən xəbərdaram. Az öncə mətbuatdan oxudum. Təəccübləndim? “Neftçi”də son 3 ildə elə proseslər baş verir ki, nəyəsə təəccüblənməyə ehtiyac yoxdu. Hər an nəsə baş verə bilər. Eynilə bugünkü kimi. “Neftçi”dən ayrılandan sonra klubda yaşananlarla bağlı fikirlərimi açıq bildirir, təhlillər edirəm. Klubda görülən işlərlə bağlı proqnozlarımız təəssüf ki, özünü doğruldub və doğrultmaqdadı. “Neftçi” o dərəcədə acınacaqlı duruma düşüb ki, klubun əvvəlki əzəmətini qaytarmaq, qələbələri sıralamaq əvəzinə başqa işlər görülür. Klubdakı vəzifə dəyişikliklərinin sayı az qala komandanın qələbə sayını geridə qoyub. Bu qədər rəhbər dəyişikliyinin səbəbi nədi? “Neftçi” Azərbaycan futbolunun tarixidi, onunla zarafat etmək olmaz. Təəssüf ki, bəzi insanlar bunu yalnız dilə gətirir, amma əməldə icra etmirlər. Əməldə icra etməyəndə isə sonu belə olur. Hər bir komandanı pis vəziyyətdən çıxarmaq mümkündü. Necə ki, 9 il əvvəl biz “Neftçi”yə gələndə klub və komanda faciəvi durumda idi. İndiki durumdan da ağır idi. Lakin qısa zamanda başda Sadıq Sadıqov olmaqla ciddi işlər görüb “Neftçi”nin əvvəlki əzəmətini qaytara bildik. Ardıcıl çempionluqlar, ölkə kubokları, Avroliqanın qrup mərhələsi – bütün bunlar görülən gərgin işlərin nəticəsiydi. Bizi klubda saxlayan da qazandığımız uğurlar idi. Heç kim qara qaşımıza, qara gözümüzə vurulmamışdı. Deməyim odu ki, “Neftçi”də şalışırsansa, uğur qazanmalısan. Uğur yoxdusa, orda qalmaq mümkün deyil. Və ən vacibi, hər kəs bacardığı işlə məşğul olmalıdı. “Neftçi”nin taleyi ilə oynamaq olmaz! Təəssüf ki, son 3 ildə göz görə-görə klubun taleyi ilə oynanılır. “Neftçi”yə rəhbər gələn şəxs hara gəldiyinin fərqinə varmalıdı. “Orxan Hüseynzadə istefa verib, yoxsa göndərilib” sualınıza cavabım qısa olacaq: yarım saat ərzində bir prezident gedib, başqası gəlirsə, burda istefa verməkdən, şəxsi işlərin çoxluğundan söhbət gedə bilməz. Görünən kəndə bələdçi lazım deyil. Ən vacibi odu ki, klubun başında duranlar nələrin baş verdiyini əyani görürlər. Çingiz Abdullayev kimi dünyaca ünlü yazıçımız “Neftçi”nin yükünü qaldıra bilmədisə, əlavə şərhə ehtiyac yoxdu”.
Uzun illər futbolçu kimi “Neftçi”də oynamış, 2004- dən ötən ilin yayına qədər fasilələrlə bu klubda işləmiş Səmədağa Şıxlarovun da mövqeyi az maraq kəsb etmir. Vaxtilə Orxan Hüseynzadənin rəhbərliyi altında işləmiş Şıxlarovun prezidentin istefasına və yeni təyinata münasibətini dinləyək: “Mən əvvəldən demişdim ki, Orxan Hüseynzadəyə vaxt vermişəm. Prezident o demək deyil ki, kresloda oturmalıdı. Bu adam işin məsuliyyətini dərk etməli, futbolun incəliklərini bilməli, idarəetmənin sirlərindən hali olmalıdı. Adi özümdən nümunə göstərim. Ötən ilin iyununda oğluma baş çəkmək üçün Almaniyaya getmişdim. Qayıdanda klubun kadrlar şöbəsindən mənə müqavilənin uzadılmayacağını, yerimə başqa adamın təyin olunacağını dedilər. Müqavilənin uzadılmamasına dair heç bir səbəb göstərilmədi. Halbuki Orxan Hüseynzadə məni yanına çağıra, bir stəkan çay içə-içə vəziyyəti başa sala, ən pis halda gələcək işlərimdə uğurlar arzulaya bilərdi. Demirəm, böyük adamam, amma mən “Neftçi”nin şərəfini qoruyan futbolçulardan olmuşam, uzun illər klubda çalışmışam. Adamı yola salmağın da qaydası var. Yoxsa sən kadrlar şöbəsinə tapşır ki, Səmədağa işdən çıxsın, vəssalam. Belə işlə uzağa gedə bilməzdi. Tez-tez prezident dəyişikliklərinin səbəbini bilmirəm. Amma inanmıram ki, kimsə öz xoşuyla istefa versin. “Neftçi”nin prezidenti postundan kim öz xoşuyla gedər? Bircə Sadıq Sadıqovu bilirəm ki, ərizəsini yazıb, cüdoya getdi. Hüseynzadə şəxsi işlərin çoxluğunu əsas gətirib. “Neftçi”də prezident olmaqdan şərəfli iş var? Sadəcə, Orxan Hüseynzadənin bacarığı bu qədər idi. Futbola gəlirlər, elə birilər, asandı. Prezident olmaqla deyil ki, futbolu bilməlisən. Açığı, mən çoxdan hiss etmişdim ki, Hüseynzadə “Neftçi”də çox duruş gətirə bilməyəcək. Kamran Quliyev görün neçə ildi “Sumqayıt”a cavabdehlik daşıyırdı. Orda duruş gətiribsə, burda da dözməlidi. Həm də klub idarəçiliyindən xəbərdardı. Kamran Quliyevə “Neftçi”də, Orxan Hüseynzadəyə isə gələcək işlərində uğurlar arzulayıram”.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 15:14 Həftənin idman proqramı Dünən, 15:08 Medianın finala biganəliyinin arxasında nə dayanır? Dünən, 15:05 “Çelsi” fanklubunun Bakıdakı üzvləri hava limanına getməyəcək Dünən, 15:03 Ayxan Abbasov “Sumqayıt”dan gedir Dünən, 15:01 Rauf Əliyev: “Top qəbul etmək, düzgün ötürmək vermək çətin idi” Dünən, 14:54 Cavid Hüseynov rəhbərliklə görüşəcək Dünən, 14:52 İnqilab Məmmədov protokolda çoxlu səhv buraxdı Dünən, 14:50 "Qəbələ": final lənətinə son və ilk titul! Dünən, 14:46 "Səbail" bir ucdan yola salır Dünən, 14:40 Alla Həsənova çempion oldu Dünən, 14:38 Fərid Kərimzadə yersiz xal itkilərini səbəb göstərdi Dünən, 14:35 Elçin Səmədli UEFA-da Murad Məmmədovu əvəzlədi Dünən, 14:32 “Xəzər Cənub” dağıldı! Dünən, 14:28 “Baku Fire” yüksək liqaya iddialıdı Dünən, 14:27 ADBTİA “gümüş”ü “Standard”dan “oğurladı” Dünən, 14:23 Şengen vizasının yoxluğu Kamal Bayramovu yığmadan edib Dünən, 14:21 Emil qayıtdı, “Tobol” darmadağınla qazandı Dünən, 14:18 “Bu ailənin bir üzvü olduğum üçün qürur hissi keçirirəm” Dünən, 14:10 UEFA bilet qiymətlərini açıqladı Dünən, 14:03 Delarj da getdi... Dünən, 14:02 “Azneft” dairəsində “yanan top” quraşdırılıb Dünən, 14:00 Tapmaca kimi bilet satışı 19-05-2019, 15:06 Kikboksinq Federasiyasında Zaur Yusifov adlı dünya çempionu yoxdu 19-05-2019, 15:05 Zöhrə Ağamirova finala vəsiqə qazandı 19-05-2019, 15:04 Teymur heç-heçə etdi, Şəhriyar uduzdu 19-05-2019, 15:03 Yığma üç həftədən artıq toplanış keçəcək 19-05-2019, 15:01 Marko Rossi Şeydayevlə İsrafilovu fərqləndirdi 19-05-2019, 15:01 “Zirə” 9 futbolçu ilə vidalaşdı 19-05-2019, 14:56 Futbol ictimaiyyəti üçün Avroliqaya kimin getməsinin önəmi yoxdu 19-05-2019, 14:55 Rauf Əliyev də PFL-dən narazıdı 19-05-2019, 14:53 Finalçı çalışdırıcılar qələbəyə kökləniblər 19-05-2019, 14:50 "Xəzər Cənub" Mehman Mahmudovu Allaha tapşırdı 19-05-2019, 14:49 Futzal mövsümü qalmaqalla bitdi 19-05-2019, 14:46 Tünzalə Ağayeva finalçılardan heç birinə azarkeşlik etməyəcək 19-05-2019, 14:43 Naxçıvanda ölüm-qalım savaşı 19-05-2019, 14:41 Bütün medalçılar müəyyənləşdi 19-05-2019, 14:39 Xətai Bağırov Tayland çempionatında top qovacaq 19-05-2019, 14:35 “Səbail”in məşqçisindən narazıların sayı artır 19-05-2019, 14:33 Platellas Bakını “kiçik Dubay” adlandırdı 19-05-2019, 14:31 Mövsümü qələbəsiz başa vurdular… 19-05-2019, 14:29 Erməni futbolçu Bakıya gəlməyəcək 19-05-2019, 14:28 “Səbail” futbolçulara borcunu ödədi 19-05-2019, 14:27 “Sabah” Haqverdiyevli sabaha ehtiyac duymadı 19-05-2019, 14:03 “Məktəblərdə futbol dərsi” bitdi 19-05-2019, 13:56 Kaprara Azərbaycan yığmasında? 19-05-2019, 13:54 Ay sizin başınız haqqı... 19-05-2019, 13:50 “Finalçılar hərəyə 10 min bilet də ala bilər” 19-05-2019, 13:49 “Keşlə” 13 futbolçuya “qapını göstərdi” 19-05-2019, 13:47 “Qəbələ” Gürcüstandan qayıtdı 19-05-2019, 13:46 Veteranların konfransı söz-söhbət doğurdu 17-05-2019, 21:50 Toğrul Əsgərova Avropa Oyunlarında şans veriləcək 17-05-2019, 21:48 Əliyar Ağayev 2019-da mərkəzi oyuna həsrət qalıb 17-05-2019, 21:47 “Neftçi” Çingiz Abdullayevin də medalını göndərib 17-05-2019, 21:45 Azarkeşlər finala xüsusi hazırlaşır 17-05-2019, 21:43 “Sumqayıt”ın “vuran ayağı” məşqlərdən kənarda qalıb 17-05-2019, 21:38 Naxçıvan stadionu son “döyüş”ə hazırdı 17-05-2019, 21:24 “Sabah” qalibə 960 manat təqdim etdi Bütün xəbərlər
Ən çox oxunanlar