14 fev 00:04aktual

Adil Mahmudov Gürcüstan futbolundakı islahatlardan danışdı

Adil Mahmudov Gürcüstan futbolundakı islahatlardan danışdı
“Bu, onların inkişafı naminə atılan addımdı”
Veteran futbolçu Levan Kobiaşvili Gürcüstan Futbol Federasiyasının (GFF) rəhbəri seçilər-seçilməz qonşu ölkənin futbol həyatında canlanma yaşandı. Yeni prezident ölkə rəhbərliyi ilə müzakirələr apararaq gürcü futbolunun əvvəlki şan-şöhrətini qaytarmaq üçün dövlət büdcəsindən klublara maliyyə ayrılmasına müvəffəq oldu. Elita təmsilçiləri ilə yanaşı, birinci və ikinci divizionda çıxış edən komandalar da bu imtiyazdan yararlanmaq şansı qazandı. Futbolda kütləviliyi, gənc nəslin “idmanın şahı”na marağını artırmaq, infrastrukturu yaxşılaşdırmaq üçün Gürcüstan hökuməti “kisənin ağzını açmağı” lazım bildi. Hökumətin bu addımından sonra istər qonşu ölkədə, istərsə də Azərbaycanda gənc gürcü futbolçuların yenidən adından söz etdirəcəyini düşünənlərin sayı xeyli artmışdı. Ancaq bugünlərdə məlum oldu ki, GFF rəhbərliyi elita təmsilçilərinin nəzdində fəaliyyət göstərən aşağı yaş qruplarının sayının azaldılmasına qərar verib. Bundan sonra cəmi üç yaş qrupu üzrə çempionat təşkil olunacaq. Bundan başqa, klubların əvəzedicilərdən ibarət komandaları arasında təşkil olunan yarış da ləğv olunub.
Bunun nədən qaynaqlandığını, GFF-nın addımının arxasında nəyin durduğunu bilmək üçün qonşu ölkənin birinci dəstəsində çıxış edən “Qardabani”nin baş məşqçisi Adil Mahmudovla danışdıq. Həmyerlimiz bunları söylədi: “Federasiya rəhbərliyi ötən ilin nəticələrini təhlil etdikdən sonra belə qərar qəbul edib. Onların fikrincə, 10, 11, 12, 13, 14 yaşlı uşaqlar arasında ayrıca çempionat təşkil etməyin mənası yoxdu. Bu izafi xərcdi. Kiçik yaşlı uşaqlardan formalaşdırılan komandalar öz aralarında istədikləri vaxt yoldaşlıq oyunları keçirə bilərlər. Eynilə İngiltərədə olduğu kimi. Çempionat isə U-15, U-17 və U-19 komandaları arasında təşkil olunacaq. Çünki yığmalar məhz bu yaş qruplarından formalaşır. Əvəzedici komandalar arasında təşkil olunan çempionatın ləğvinə gəlincə, “ikincilər” növbəti mövsümdən ikinci dəstədə çıxış edəcək. Bu da onların inkişafı naminə atılan addımdı. Çünki ikinci dəstədə daha yaşlı və təcrübəli futbolçulardan formalaşdırılan komandalar var. Bir var gənc yaşıl meydanda öz həmyaşıdı ilə qarşı-qarşıya gəlsin, bir də var bərkə-boşa düşmüş, hətta legioner həyatı yaşamış oyunçuya qarşı oynaysın. Təbii ki, ikinci variant daha faydalı olacaq. Bugünlərdə federasiya ölkədə uşaqlar üçün yeni təbii örtüklü 10 meydanın salınmasına qərar verib. Bununla yanaşı, rəsmilər ölkə ərazisində süni örtüklü meydanların otla əvəz olunması işlərinə başlayıb. Layihələrin həyata keçirilməsinə isə birbaşa federasiya prezidenti Levan Kobiaşvili nəzarət edir”.
Adil bəy bizimlə söhbətdə qonşu ölkənin futbol təsərrüfatından danışmaqla yanaşı, vətəndə üzləşdiyi haqsızlığa da toxundu: “Azərbaycanda futbolla məşğul olan uşaqların sayı çoxdu. Ancaq kəmiyyəti keyfiyyətə çevirə bilmirik. Gürcüstanda isə vəziyyət fərqlidi. Burda uşaqlar sanki topla doğulublar, hamısı vergilidi. Buna görə də gürcülərə hər zaman tələbat olub. Ölkə müstəqillik qazanandan bu günə kimi 785 gürcü oyunçu dünyanın müxtəlif ölkələrində legioner həyatı yaşayıb. Bunu mən yox, federasiya rəsmiləri deyir. Mənə burda işləmək üçün hər cür şərait yaradılıb. Gürcülər hələ də təəccüblənirlər ki, nəyə görə PRO kateqoriyam yoxdu. Daha onlara deyə bilmirəm ki, Azərbaycanda məni istəməyənlərin sayı çoxdu. Bernard Lippert özü məni çağırıb PRO kurslarına qatılmalı olduğumu dedi. Mən də sənədlərimi hazırlayıb AFFA-ya təqdim etdim. Lakin sonradan bəzi qüvvələr adımı siyahıdan çıxarıb başqasını əlavə etdilər. İndi gürcülər çalışır ki, PRO kateqoriyası almaq üçün kurslara qatılım. Bizim bəzi mütəxəssislər danışanda heç kimi bəyənmirlər, özlərini hamıdan savadlı sayırlar. Bu qədər güclü mütəxəssisdilərsə, niyə ölkə xaricinə çıxmırlar? Niyə Bakıda işsiz qaldıqları halda xaricdə çalışmaqda maraqlı deyillər? Ancaq mən özümə və bacarığıma güvəndiyimə görə Gürcüstana üz tutdum. Heç nədən çəkinmədən işə başladım və şükür Allaha ki, bu gün burda hamı işimdən razıdı. Hətta deyirlər ki, daha sən bizimkisən, səni heç hara buraxmayacağıq. Ancaq mənim ürəyim Azərbaycanla döyünür. Böyük məmnuniyyətlə aşağı yaş qrupları üzrə yığmaların birində çalışaram. Lakin nə edək ki, vətəndə mənim kimi mütəxəssislərə qiymət verən yoxdu”.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 23:44 Azərbaycan DÇ-də üç jurnalistlə təmsil olunacaq Dünən, 23:41 PFL kubokun finalıyla bağlı “Kəpəz”ə müraciət etməyib Dünən, 23:38 PFL yığmaya görə təqvimi dəyişdi Dünən, 23:29 “Neftçi”nin bazası 2019-un sonunda hazır olacaq Dünən, 23:24 Ceyhun Sultanov da “Sumqayıt”ı “Neftçi”yə dəyişdi Dünən, 23:17 Vaqif Ömərov “Sumqayıt”a müvəqqəti prezident təyin olundu Dünən, 23:14 “Neftçi” Mujekdən də qurtuldu Dünən, 23:11 Fanklublar da Qəbələ variantına etiraz etmir Dünən, 23:02 “Darmadağınçı” qonaqlar Dünən, 22:59 İntizam Komitəsi “Qəbələ” ilə “Zirə”ni 16 min cərimələdi Dünən, 22:56 “Qəbələ” apellyasiya şikayəti verməyəcək Dünən, 22:48 Natalya Məmmədova rəqabətsizlikdən narazıdı Dünən, 22:45 Ən güclü yeniyetmə “klassiklər” müəyyənləşdi Dünən, 22:42 Ölkə çempionatı başladı Dünən, 22:39 Rauf Məmmədovdan uğursuz başlanğıc Dünən, 22:37 Cənubi Kipr mətbuatından Araza yüksək qiymət Dünən, 22:30 Meydanda huşunu itirən iranlı yenidən qayıtdı Dünən, 22:23 “Ekol” 8 dəqiqəyə çökdü Dünən, 22:18 “Traktorsazi” ərəblərlə bacarmır Dünən, 22:16 Bədavi Almaniyada müalicə alır 21-02-2018, 15:00 Şəhriyar xatirə turnirində iştirak edəcək 21-02-2018, 14:58 Milli Belarusa yollandı 21-02-2018, 14:57 Braxner diqqətini slaloma ayırıbmış... 21-02-2018, 14:56 Soydaşımızın şərəfinə Rusiyada yarış keçirilib 21-02-2018, 14:54 Yığmanın baş məşqçisi tennisin problemlərindən danışdı 21-02-2018, 14:52 “Forza Neftçi”nin Kamran Quliyevdən bir istəyi var 21-02-2018, 14:51 Ramil Şeydayevin ehtiyatda “çürüməsi” futbolumuza ziyandı 21-02-2018, 14:50 Klublar Komitəsi “Sumqayıt”ın prezidentini gözləyir 21-02-2018, 14:49 Yarımfinalçılar Qəbələ variantına etiraz etmir 21-02-2018, 14:48 PFL Gəncədən imtina etdi 21-02-2018, 14:47 AFFA-da Region Liqası klublarının nümayəndələri ilə görüş 21-02-2018, 14:45 Namiq Ələsgərov futbolçu xanımla ailə qurdu 21-02-2018, 14:43 Araz Abdullayev dirəyi nişan almaqda Messi ilə yarışa bilər 21-02-2018, 14:41 Ağabala ötən tur lideri, bu dəfə izləyicisini çökdürdü 21-02-2018, 14:40 Hallidey “Qəbələ”yə görə hələ də özünü qınayır 21-02-2018, 14:39 “Hakimlər axırda məni dəli edib, çöllərə salacaqlar” 21-02-2018, 14:38 Ruslan Qurbanov söyüş söyməsinin səbəbini açıqladı 21-02-2018, 14:31 Turun statistikası 21-02-2018, 14:29 Turun məşqçisi 21-02-2018, 14:28 HAKİMLƏRİN MÜHAKİMƏSİ 21-02-2018, 14:26 Turun oyunçusu 21-02-2018, 14:25 Turun sitatı 21-02-2018, 14:24 TURDAN MƏQAMLAR 21-02-2018, 14:03 Bakıda türkmənlər sevindi 21-02-2018, 14:02 Polina “Fənər”in qələbəsinə 24 xalla töhfə verdi 21-02-2018, 14:02 Çempionatda sürpriz lider 21-02-2018, 13:59 VİP intriqanı ölməyə qoymadı 21-02-2018, 13:58 Elçin Məmmədov yenidən iş başında 20-02-2018, 00:52 Ölkə çempionatı başladı 20-02-2018, 00:50 Titula iddialılar qalib gəldi 20-02-2018, 00:48 Rafael Ağayev sözünü Dubayda dedi 20-02-2018, 00:46 Cüdo yığmamız Avstriyada birinci oldu 20-02-2018, 00:45 Stadnik yenə yaponla bacarmadı 20-02-2018, 00:43 Məmmədova sevindi, Poznyak üzüldü 20-02-2018, 00:42 Olimpiyaçımız böyük slalomda yarışmadı 20-02-2018, 00:41 Yeniyetmələr sensasiyaya imza atdı 20-02-2018, 00:40 “Aeroflot Open”də üç şahmatçımız yarışacaq Bütün xəbərlər
Ən çox oxunanlar