15 yan 15:00aktual

Bir nömrə iddiasında olan Mahir Şükürov

Bir nömrə iddiasında olan Mahir Şükürov
Sən cibini düşünəndə, Rəşad Sadıqov Mənsimovun milyonluq təklifinə “yox” demişdi
Vaxtilə efirlərdə görməyə alışdığımız “Sportdaycest”, “Futbol saatı”, “Qol” kimi verilişlər Azərbaycan futbolu ilə yaxından maraqlanan izləyiciləri darıxmağa qoymazdı. Lakin bu gün adları çəkilən verilişlərin heç biri yayınlanmır. Əvəzində “CBC Sport”da ekrana daşınan və təcrübəli həmkarımız Elnur Məmmədovun aparıcısı olduğu “Üçüncü hissə” verilişi sözün əsl mənasında “damara işləyir”. Təxminən iki ay əvvəl Elnurun qonağı Rəşad Sadıqov olmuşdu. Müstəqillik tarixinin ən güclü futbolçusu hesab olunan Sadıqov xüsusilə yığma mövzusunda danışarkən, bir çox qaranlıq məqamlara aydınlıq gətirmiş, “Zirə” ilə “Qarabağ”ın qardaşlığı haqda deyilənlərə münasibət bildirmişdi. Və həmin açıqlamalar gündəmi zəbt etmişdi.
Srağagün Elnur Məmmədovun qonağı Mahir Şükürov idi. Yayda futbolçu karyerasını “Neftçi”də başa vuraraq, elə həmin klubda məşqçiliyə başlayan sabiq “4 nömrə” xeyli vaxt idi kölgəyə çəkilmişdi. Stadionlarda gözə dəyməyən, imkan düşəndə şəxsi biznesi ilə bağlı İstanbula uçan Şükürovun açıqlamaları da, insaf naminə, heç də pis deyildi. Bacardıqca səmimi olmağa çalışsa da, bəzi fikirləri ilə razılaşmaq olmur.
“Neftçi”də məşqçi işləməkdən özüm imtina etdim, heç kim məni ordan uzaqlaşdırmayıb. İşlərimlə bağlı sıx qrafiklə çalışırdım deyə, məşqlərə gedə bilmirdim. Həm də 14 yaşlı uşaqlarla işləmək çətindi. Üzdə olan futbolçuların hər biri məşqçilik karyerasına böyük yaş qruplarında başlamaq istəyər. Ona görə də 14 yaşlılarla işləmək istəmədim. İqor Ponomaryov İsveçin hansısa klubunda 14 yaşlılarla işləyə bilər, normaldı. Çünki ordakı şəraitlə burdakı eyni deyil. Qaraçuxırda, “Rəvan”ın bazasında süni örtük ayırıblar ki, get işlə. Orda uşaqlara nə məşq keçəcəksən? Komandanın məşqi qurtarandan sonra kənardan gəlib orda pulla həvəskar futbol oynayırlar. Belədə örtükdə örtüklük qalar? Sabah uşaq gəlib deyəcək ki, belim ağrıyır, ayağım ağrayır, dizim ağrıyır. Qısası, böyük yaş qrupu versəydilər, işləyərdim. 14 yaşlılarla çalışmaq istəmədim”.
Mahirin dediklərində su damcısı qədər də həqiqət yoxdu. Əvvəla ona görə ki, U-14-də işləmək təklif olunanda, özü buna razılıq vermişdi. Heç kim qolundan tutub gətirməmişdi. O başqa məsələ ki, daim üzdə olmağı sevən, əli yüzminlərlə oynayan Şükürov azyaşlılarla işlədikcə kölgəyə çəkiləcəyini anladı. Ya da tanınan məşqçilərdən biri olmaq üçün illərə ehtiyac duyduğunu dərk etdi. Qısa desəm, əziyyətə qatlaşmaq istəmədi. Futbolda elə bir qanun-qayda yoxdu ki, parlaq karyerasını bitirən futbolçu mütləq əvəzedicilərin, yaxud əsas komandanın başına keçməlidi. Öncə sənə şans yaradılır, gördüyün işə nəzər yetirilir, ondan sonra qərar verilir. Bəlkə sənin xarakterin və məşqçilik bacarığın heç U-14-də çalışmağa imkan vermir. Belədə kimdi sənə U-19-u, ya da əvəzediciləri tapşıran? Digər sual: Mahir Şükürov Rəşad Abdullayev kimi Bəhram Şahquliyevin köməkçisi işləməyə razılıq verərdi? Əsla! Sadəcə, rəhbərlik Şükürovu sınamaq qərarına gəldi, o da üzüağ çıxa bilmədi.
Rəşad Sadıqovun U-19 nümunəsi? Əziz və hörmətli Mahir, sən “Karşıyaka”dan ayrılıb dostlarınla istirahət edəndə, Rəşad kateqoriyaya sahib olmaq üçün gecəsini gündüzünə qatıb oxuyurdu, çalışırdı, zəhmət çəkirdi. Sən “Neftçi”yə sonuncu qayıdışında artıq çəkini atıb yenidən futbol oynamağı planlaşdıranda, Sadıqov PRO-ya sahib olmaq üçün tər tökürdü. Odu ki, özünü Rəşad Sadıqovla bir tutub, birbaşa U-19-da işləmək sevdasına düşməyin gərəksizdi. Dünən karyeranı başa vur, B kateqoriyasına sahib olmaq üçün kurslara qatılmağa arxa çevir, sonra da de ki, mənə 14 yaşlıları tapşırdılar. Yaxşı ki, Tərlan Əhmədovun yerinə gətirilməli olduğunu demədin.
“Neçə il futbol oynamışamsa, həmişə özümü yaxşı saymışam. Can-başla oynamışam, heç vaxt məndən narazılıq olmayıb. Olubsa da, bəlkə də 4 oyundan biri. İstər legioner həyatı yaşayanda, istərsə də Azərbaycanda öz səviyyəmdən üstün oynamışam. Rəşad Sadıqov ölkənin bir nömrəsidi? Hərə öz mövqeyində yaxşı olub. Rəşad sağ cinahda mənim effektimi verə bilməz, mən də müdafiənin mərkəzində onun kimi oynaya bilmərəm. Götürək müstəqillik dönəminin ən yaxşı qapıçısı Kamran Ağayevi, lap elə Vaqif Cavadovu. Oynadığım mövqedə ən güclü özümü saymışam”.
Mahir, Rəşadla sənin başlıca fərqin nədədi, bilirsən? Yəni ölkənin bir nömrəsi kimi niyə sənin yox, onun qəbul olunduğundan xəbərin var? Görünür, bilmirsən. Futbolçunun ən yaxşı olması təkcə meydanda irəli-geri qaçıb, arada cərimə meydançasına dəqiq asma etməsi ilə ölçülmür. Yaxşı futbolçu meydanda nümunəvi adam deməkdi. Əzmkar, döyüşkən, xarakter sahibi, ən çətin anda komanda yoldaşlarını toparlamağı bacaran, “mənəm-mənəm”likdən uzaq olan, jurnalistlərlə ünsiyyət qurmağı bacaran, ağzından çıxan sözün mənasını dərk edən, 5 manat artıq pula görə komandasını yarıyolda qoyub qaçmayan. Uzağa getmirəm, elə həmin “Üçüncü hissə”də xəbərçi sözünün yerinə “suka” deyən sən Mahir deyildinmi? “Anji”də Roberto Karlos dönəmi başlayandan sonra əsas heyətə düşməkdə işinin çətin olacağını bilib, sağlığına qismət, yaxşı pula “Qəbələ”yə qaçan sən olmamışdınmı? Sən təkcə Azərbaycanda 7 fərqli komandanın – “Gənclərbirliyi”, “Karvan”, “Neftçi”, “İnter”, “Xəzər Lənkəran”, “Olimpik”, “Qəbələ”nin şərəfini qoruduğun halda, bir nömrə hesab etmədiyin Rəşad Sadıqov yalnız “Neftçi”ylə “Qarabağ”ın uğurları üçün tər töküb. Bir komandada 2 ildən artıq duruş gətirə bilmədiyin halda, Rəşad son 7 ilini “Qarabağ”a həsr edib. Və bu mövzuya nöqtə qoyacaq əsas fakt: sən hər imkanda cibini düşündüyün halda, Rəşad “Neftçi”də oynayanda Mübariz Mənsimovun illik 1 milyon maaşına “yox” demişdi. Dostum, futbolçu həm də bu əməllərinə görə sevilir, seçilir. Sənin futbolçu olmadığını iddia edən yoxdu. Sadəcə, Sadıqovla müqayisədə bir addım geridəsən.
“Sabir Əliyev sağ olsun, futbolçu kimi məni yetişdirib. Mən də əvəzində onun payını (hədiyyəsini) vermişəm. Sumqayıtda o qədər futbolçu yetişdirib, onların arasında təkcə mən ona nələrisə hədiyyə etmişəm. Başqa futbolçular keçmişini yaddan çıxarırlar”
Bir nömrə hesab olunmamağının bir başqa bariz nümunəsi. Əminəm ki, əyləncəyə, avtomobillərə ayırdığın puldan başqa yeganə dəyərli hədiyyə verdiyin adam məhz Sabir Əliyev olub. Bildiyimə görə, uşaqlıq məşqçinə maşın hədiyyə etmisən. Amma bunu kameralar qarşısında deməyin mənası nədi? Etmisən, lap yaxşı, Allah görür. Bəlkə Sabir Əliyev kimlərinsə bu haqda bilməsini istəmir. Başa düşürəm, çətin dönəmdi, futboldan uzaq düşmüsən. Məqsədin özünü həm də xeyriyyəçi, keçmişini unutmayan biri kimi göstərməkdi. Amma bu heç də yaxşı xüsusiyyət deyil. Qurban Qurbanovu demirəm, təkcə Rəşad Sadıqovun xeyriyyə məqsədi ilə xərclədiyi pulları saysaq, inan ki, sənin“Anji”dəki illik qazancından çox olar.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 14:55 “Sumqayıt”dan ayrılan məşçinin cəzası və cəriməsi yarıbayarı azaldıldı Bu gün, 14:53 Mirheydər Səfiyev “nala-mıxa vurdu” Bu gün, 14:49 Hakimin burnunu sındıran baş məşqçi cəzalandı Bu gün, 14:46 Sənan Qurbanov “Neftçi”ylə oyuna dönüş nöqtəsi kimi baxır Bu gün, 14:24 Qurban Qurbanova yönələn iradlar haqlıdımı? Bu gün, 14:17 “Qarabağ”ın yığma ilə bağlı paylaşımı birmənalı qarşılanmayıb Bu gün, 14:14 Mahir sosial şəbəkələrdən istifadə etmir Bu gün, 14:12 Rüfət Dadaşov Prosineçkinin addımını axmaqlıq sayır Bu gün, 14:02 Futbolçu “Kəpəz”in baş məşqçisini döyüb? Bu gün, 14:00 “Böyüklər” yekun vuracaq, “birincilər” başlayacaq Bu gün, 13:58 “Neftçi” 1 qolla zirvəyə yüksəldi Bu gün, 13:56 Emin Mahmudov "Qəbələ"ni təhlükəli rəqib sayır Bu gün, 13:55 AFFA 4 xalı 40 min manatla mükafatlandırıb? Bu gün, 13:53 U-21 tsikli səfər xalı ilə bitirdi Bu gün, 13:51 “Qarabağ”ın oyununa cəmi 7000 bilet satılıb Bu gün, 13:50 Bolqar hakim yaxşı qiymət alıb Dünən, 20:04 AFFA hakimə kəllə atan “Laçın”ın məşqçisini cəzalandıracaq Dünən, 20:03 Mirheydər Səfiyevin istədiyi məbləğ AFFA-nı heyrətləndirib Dünən, 20:01 Çempion və mükafatçı qələbəylə başladı Dünən, 19:52 Qurban Qurbanovun “cırtdan”a qarşı gedişləri Dünən, 19:50 Qələbəyə mane olan səbəblər Dünən, 19:48 Mahirə çıxış yolları göstərdilər... Dünən, 19:45 Maltalılar bayram edir Dünən, 19:39 "Sektor 11" BOS-da niyə varlığını göstərmədi? Dünən, 19:37 Vaxtilə məhbus həyatı yaşayanlar Kokorinlə Mamayevdən danışdı Dünən, 19:34 Erkin İbrahimov Skandinaviyaya aparmaq üçün futbolçu axtarır Dünən, 19:30 AÇ-2020 ilə bağlı tədbir 16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü Bütün xəbərlər
Ən çox oxunanlar