10 yan 23:15aktual

Futboldan uzaqlaşdırılanlar gözləyir

Futboldan uzaqlaşdırılanlar gözləyir
“Evdəyəm, qızımla oynayıram, cizgi filmlərinə baxıram”
Dekabrın əvvəlində oyunların futbol nəticələrinin manipulyasiyasında təqsirləndirilərək futboldan ömürlük uzaqlaşdırılan Mirhüseyn Seyidovla Nizami Hacıyevə “İnter”lə “Neftçi”də işləmiş metodist-məşqçi Ağakişi Mehdizadə də qoşuldu. Araşdırmalar nəticəsində hələ ki adları çəkilənlərin günahı sübuta yetirilsə də, Qurban Qurbanovun yığma mövzusundakı mətbuat konfransında AFFA-nın baş katibi Elxan Məmmədov açıqlamasında dalğanın davamının gözlənildiyini gizlətməmişdi. Lakin hələ bu üç nəfərdən başqa günahkar tapılmayıb.
Hər üçünə apellyasiya şikayəti vermək imkanı yaradılmışdı ki, günahkarlar bu hüquqdan istifadə etdi. Yəni özlərini müdafiə edəcək qeydlərini, ya da bağışlanmaları üçün xahişlərini ağ vərəqə həkk etdilər. Üstündən bir aya yaxın vaxt keçsə də, hələ ki bir xəbər yoxdu. Cəzalarının yüngülləşdirilib-yüngülləşdirilməyəcəyi bilinmir. Şanslar az görünsə də, yox deyil.
Maraqlıdı, futbol üzünə həsrət qalanlar nə edir? Başlarını nə ilə qatırlar? Nəyə ümid edirlər? Apellyasiya şikayətlərindən səs-soraq olmadığını görüb, yenidən AFFA-nın inzibati binasına üz tutmaq niyyətləri var?
Nizami Hacıyevlə danışmaq mümkün olmadı. Daha doğrusu, daim əlaqə saxladığımız nömrəsinə artıq neçə vaxtdı zəng çatmır. Yaxınlarından əldə etdiyimiz məlumata görə, Hacıyev ümidini Allaha və AFFA-dakıların insafına bağlayıb. Vaxtını ailəsi və dost-tanışı ilə keçirir, bəzən yığışıb həvəskar səviyyədə futbol oynayırlar. Bağışlanacağına ümidi az olsa da, futboldan əlini üzməyib.
Mirhüseyn Seyidov da davamlı zənglərimizi cavabsız qoydu. Əvəzində göndərdiyi mesajla müəyyən məlumat vermiş oldu: “Bakıda deyiləm, bir az uzaqdayam. Ona görə zəngə cavab verə bilmədim. Hələ ki xəbər-ətər yoxdu. Mən də hamı kimi oturub gözləyirəm. Gözləyirəm, inşallah, yaxşı olar. Qərarla bağlı hansısa yenilik olsa, hamının xəbəri olacaq”.
Futbol ictimaiyyətinin “Bobo” kimi tanıdığı Ağakişi Mehdizadə isə hələ də özünə gələ bilmir. Ürəyi doludu, sadəcə, qulaq asıb, başa düşəni yoxdu: “Evdəyəm, qızımla oynayıram, cizgi filmlərinə baxıram. Başqa nə edəcəm? Hərdən məşq edib başımı qatıram. Apellyasiya şikayətinə yanvarda cavab verəcəklərini demişdilər. Hələ ki səs-soraq yoxdu. Oturub gözləməkdən başqa çarəm yoxdu. Futboldan ömürlük uzaqlaşdırılmışam. Ola bilsin, qərar isti başla verilib. Mən oyun almamışam, satmamışam. Yeganə səhvim nəyisə bilib deməməyim olub. Buna görə bu cür cəzaya layiq görülməyim ağır deyilmi? Cəzalanmalıyam, mütləqdi. Amma ömürlük cəza çox ağırdı. Sanki bir nəfəri öldürənlə hadisəni kənardan izləyən hal şahidinə eyni cəza verilir. Bir aydan çoxdu kənarda qalmışam. Evdə işsiz oturub gözləyirəm. Futbolçuların videoroliklərini düzəldirəm, ordan 3-5 manat qazanıram. O da daimi gəlir yeri deyil. Heç olmasa, cəzamın müddətini azaltsınlar, bir az təskinlik tapım. Apellyasiya şikayətinə cavab verməsələr, yaxın günlərdə özüm AFFA-ya baş çəkəcəm. Görsəm ki, bağışlamırlar, yeganə əlacım ölkəni tərk etmək olacaq. Gedib başqa yerdə bir iş tapıb işləyərəm. Yeganə ümidim cəza müddətinin azaldılmasınadı. Ailəni çörəksiz qoymuşam. Razıyam, lap 5-6 ay pulsuz işləyim, amma hansısa işlə məşğul olum. Evdə otururam, ürəyim partlayır. İndiyə qədər çalışdığım klublarda rəhbərliyin, məşqçilərin, futbolçuların işimlə bağlı narazılığı olmayıb. Sadəcə, bir dəfə lazım olmayan yerə başımı soxdum, sonu da belə oldu. İnşallah, yaşımı, ailə vəziyyətimi və işə olan sevgimi nəzərə alıb, cəzamı yüngülləşdirərlər. Allahdan istəyim budu”.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-01-2018, 20:34 Şəhriyar Karuanaya necə qalib gəlib? 19-01-2018, 20:32 Tofiq Heydərov AAAF-ın bu il üçün hədəflərini açıqladı 19-01-2018, 20:17 Ruslan Abışov ateist olduğuna görə Dreksayla danışmırmış 19-01-2018, 20:15 Fazil Mustafa yığmanın Kosovo ilə oynamasında problem görmür 19-01-2018, 20:14 Ruslar “Qarabağ”a tərif yağdırdı 19-01-2018, 20:12 Ndlovu “Qarabağ”dakından üç dəfə çox qazanacaq 19-01-2018, 19:27 Samir Əliyev yetirmələrinin “Sumqayıt” üzərində qələbəyə sevinməsini normal sayır 19-01-2018, 19:16 Samirlərin duelindən Əliyev qalib ayrıldı 19-01-2018, 19:03 Əsgər Abdullayev: “Adda hərfin dəyişməsi qorxulu deyil...” 19-01-2018, 18:57 Sloveniyada hədəf 1/4 finala yüksəlmək olacaq 19-01-2018, 18:55 Liderdən böyükhesablı qələbə 19-01-2018, 18:53 Xəzər Babazadə vahid liderdi 19-01-2018, 18:51 Həsənzadə sertifikat payladı 19-01-2018, 18:46 “Qəbələ”nin futbolçularından Bakıya gələn də var, Antalyada qalan da 19-01-2018, 18:45 Moldova millimizlə oyun üçün heyəti açıqladı 19-01-2018, 18:43 Hakimlər Maksimova qaydaları öyrətdi 19-01-2018, 18:41 “Sabah” Qvanzavı transfer etdi 19-01-2018, 18:39 Vaqif Əliyev “Simurq”lu günlər üçün darıxır 19-01-2018, 18:32 Ərtoğrul Sağlam “Traktorsazi”nin baş məşqçisi olacaq 19-01-2018, 18:28 Şeydayevlə Mədətov U-21-də 19-01-2018, 18:27 Araz yenə sözünü deyib 19-01-2018, 18:23 “Qarabağ”ın qələbəsi idman uğurudu, amma bizə torpaqları qaytarmaq lazımdı” 18-01-2018, 22:38 “Lokomotiv” Yunanıstandan əliboş dönür 18-01-2018, 22:30 Şəhriyar Karuananı udub, liderlər qrupuna yüksəldi 18-01-2018, 22:23 “Rəhbərlikdə təmsil olunanlar özləri belə yayda klubun taleyinin necə olacağını bilmirlər” 18-01-2018, 22:20 “Neftçi” Antalyaya 18 futbolçuyla uçdu 18-01-2018, 22:17 Yığma İranda turnirə qatılacaq 18-01-2018, 19:08 Şehiç “Qarabağ”dan getmək istəmir 18-01-2018, 19:07 "Qarabağ" penaltini yana vurmaq ənənəsini davam etdirdi 18-01-2018, 19:06 "Qarabağ"ın əsas devizi intizam və peşəkarlıqdı" 18-01-2018, 19:04 “Qəbələ” ilk mərhələni məğlubiyyətlə bitirdi 18-01-2018, 19:01 “Kəpəz” daha üçüylə müqavilə bağladı, növbədə braziliyalılardı 18-01-2018, 19:00 Arif Əsədov Yunis Hüseynovdan narazıdı 18-01-2018, 18:58 Mustafa Dənizli “TRT Spor”la müqavilə üzündən “Traktorsazi”yə gəlmədi 18-01-2018, 18:57 Moldova yığmamıza qarşı tam heyətlə oynamayacaq 18-01-2018, 18:55 Yarım mövsümün rəqəmli tablosu 18-01-2018, 18:53 Yığma bu gündən “Bayıl Arena”ya köçür 18-01-2018, 18:51 Ndlovu “Qarabağ”dan daha sərfəli müqavilə gözləyirmiş 18-01-2018, 18:50 U-16 Avropa çempionatında Ermənistanla qarşılaşacaq 18-01-2018, 18:49 Məkan və saat dəqiqləşdi 18-01-2018, 18:48 Ozancan “Velveyk”i seçməsinin səbəbini açıqladı 18-01-2018, 18:47 Elbrus Məmmədovun komandasının rəqibləri bəllidi 18-01-2018, 18:45 Rəşad Sadıqovlu U-21-dən uğurlu başlanğıc 18-01-2018, 18:43 Məşqçilər Komitəsinin üzvləri də Antalyaya yollanacaq 18-01-2018, 18:42 Ruslan Abışov atasının sözünə görə saqqalını qırxıb 18-01-2018, 18:37 "Keşlə"də daha bir ukraynalı 18-01-2018, 18:36 U-17 “Antalyaspor”u darmadağın etdi 17-01-2018, 18:57 Yeni vitse-prezident güləşçilərlə görüşdü 17-01-2018, 18:53 Yunis Hüseynov baxışda olan yerlilərin hamısını yola saldı 17-01-2018, 18:52 Topaz premyer-liqası 17 pillə gerilədi 17-01-2018, 18:51 Elxan Məmmədovla Qurban Qurbanov Lozannaya gedəcək 17-01-2018, 18:48 Seqoviya haqq yoluna gəlir 17-01-2018, 18:46 Ozobiç üçün ən önəmli qol “Lill”ə vurduğu topdu 17-01-2018, 18:45 “Nə vaxt mediada görünürəm, işlərim tərsinə gedir” 17-01-2018, 18:43 Samir Abasov gecə Rəşad Sadıqova zəng vurub 17-01-2018, 18:41 “Sumqayıt” divizionun liderinə acımadı 17-01-2018, 18:36 “Neftçi” və “Keşlə” penaltiyə həsrət qalıb Bütün xəbərlər
Ən çox oxunanlar