13 noy 23:23aktual

“Bakı”nın bazası keçmiş günlərini xatırlatdı

“Bakı”nın bazası keçmiş günlərini xatırlatdı
Aqil Məmmədov: “Mən daha hərəkətli, topla daha yaxşı davranan komanda görmək istəyirəm”
Şənbə günü birinci divizionda 8-ci tura start verildi. İlk oyun günündə iki qarşılaşma nəzərdə tutulmuşldu ki, onlardan biri “Bakı”nın təlim-məşq bazasında keçirildi. MOİK aşağı dəstənin debütantı “Sabah”ı qonaq edirdi.
Keçmiş günlərini xatırladan baza
Srağagün Biləcəridəki arenada həyat qaynayırdı. Təbii örtüklü meydanda iki elita təmsilçisi - “Qəbələ” və “Zirə” yoldaşlıq oyununda üz-üzə gəlirdisə, tribunalara toplaşanlar süni örtükdə “hərbçilər”lə “tələbələr”in çempionat oyununa tamaşa edə bilərdilər. Bu qarşılaşmalardan öncə isə U-15 liqasında “İsgəndər Cavadov Bakı Futbol akademiyası”nın komandası “Viləş”lə qarşılaşmışdı. Bu üzdən çoxdan bu qədər azarkeşə, media nümayəndəsinə həsrət qalan baza sanki, türklər demişkən, əski günlərinə qayıtmışdı. O günlərə ki, bazanın darvazasından içəri girəndə sanki başqa aləmə düşürdün. Bir tərəfdə aşağı yaş qruplarının məşqləri, başqa tərəfdə legionerlərlə bol əsas komandanın hazırlığı... Adam bilmirdi hansı meydana baxsın, hansı komandanın məşqini izləsin. Texniki personalda çalışanların sayını da bəlkə heç rəhbərlik dəqiq bilmirdi. Stadionun nəzdində fəaliyyət göstərən kafe isə futbol ictimaiyyətinin bir çox tanınmış simalarının toplaşdığı məkan idi. Məlum olaylara görə az qala dağılmaq təhlükəsi ilə üz-üzə qalan baza, deyəsən, yenidən ölkənin futbol ailəsinə dönmək üzrədi.
İkinci hissədə coşan “hərbçilər”
Aqil Məmmədovun rəhbərliyi altında 3-cü görüşü keçirən MOİK çempionluq uğrunda mübarizəni davam etdirmək üçün “Sabah”la görüşə də qələbə əzmi ilə çıxmışdı. Ancaq “hərbçilər”i asan sınaq gözlədiyini də söyləmək olmazdı. Arif Əsədovun baş məşqçisi olduğu komandanın heyətində yetərincə premyer-liqa təcrübəsi olan futbolçuların olması oyunun maraqlı idman mübarizəsi şəraitində keçəcəyindən xəbər verirdi. Elə gözləntilər də özünü doğrultdu. Yeri gəlmişkən, oyun saat 14.30-da başlamalı olsa da, 15 dəqiqə gecikdi. Buna səbəb isə U-15 liqası çərçivəsində keçirilən matçın gec başa çatması oldu. Hər iki komanda “ən yaxşı müdafiə hücumdu” prinsipinə əsaslanaraq ilk dəqiqələrdən xoşbəxtliyi rəqib qapısı önündə axtarmağa başladı. Qarşılıqlı hücumlar şəraitində keçən 10 dəqiqədən sonra “tələbələr” müəyyən oyun üstünlüyünə yiyələndilər. Əsədovun yetirmələrinin həmlələri daha kəsərli alınır, hücumlar qapıya zərbə ilə yekunlaşırdı. Rəqibi əks-hücumda yaxalamağa çalışan meydan sahibləri də ara-sıra irəli atılsalar da, bu o qədər effektli alınmırdı. Buna baxmayaraq, 36-cı dəqiqədə sevinən tərəf “hərbçilər” oldu. Orxan Həsənov komandasının ilk qolunun müəllifi oldu. Lakin Məmmədovun komandası kapitanın qoluna doyunca sevinə bilmədi. Bir dəqiqə sonra cərimə meydançası daxilində yaranan qarışıqlıqdan yararlanan Bayram Nurizadə tarazlığı bərpa etdi. Komandalar fasiləyə elə bu hesabla yollandılar.
“Mil-Muğan”la oyunda olduğu kimi, bu dəfə də MOİK ikinci yarıda coşdu. İlk hissədə o qədər də xoş təsir bağışlamayan “hərbçilər” paltardəyişmə otağından qayıtdıqdan sonra daha sürətli oyun nümayiş etdirməklə rəqibi öz qapısına doğru sıxışdırmağı bacardı. Bunun da bəhrəsini çox çəkmədən gördülər. 59-cu dəqiqədə sol cinahdan qurulan hücumdan sonra “Sabah”ın müdafiəçiləri topu uzaqlaşdırmaq istəyərkən “mərmi” İsmayıl İbrahimlinin qarşısına düşdü. “20 nömrə” isə təxminən 22 metrdən topu “doqquzluğ”a sancdı. Hesabda önə çıxmasına baxmayaraq, meydan sahiblərinin növbəti qol axtarışı davam edirdi. 75-ci dəqiqədə Bilal Abbaszadə hesab arasındakı fərqi iki topa çatdırınca, “hərbçilər”in qələbə qazanacağına heç kim şübhə etmədi. Son dəqiqələrdə Bəhruz Teymurov yaxaladığı iki real qol şansından yararlana bilsəydi, fərq daha böyük ola bilərdi. Onun bir zərbəsi dirəkdən döndüsə, birini də qapıçı dəf etdi və matç meydan sahiblərinin 3:1 hesablı qələbəsi ilə yekunlaşdı.
Oyundan sonra “hərbçilər”in baş məşqçisi Aqil Məmmədova yaxınlaşıb, oyunla bağlı fikirlərini öyrəndik: “Artıq 3-cü oyundu komanda rəhbərliyim altında meydana çıxır. “Ağsu” ilə oyunda da qələbəyə yaxın idik. Lakin son dəqiqədə qapımızda qol görməklə 3 xalı əldən verdik. Qələbəmizlə yekunlaşan son iki qarşılaşmada nəticənin istədiymiz kimi olmasına baxmayaraq, hələ ki komanda sırf mən istədiyim oyunu sərgiləmir. Mən daha hərəkətli, topla daha yaxşı davranan komanda görmək istəyirəm. İnanıram ki, oyundan-oyuna futbolçular istədiyimi göstərə biləcəklər”.
MOİK-in rəisi, polkovnik-leytenant Rəşad Quliyev isə açıqlama vermək istəmədi. O bunun üçün Müdafiə Nazirliyinin mətbuat xidmətindən icazə almalı olduğumuzu bildirdi.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
2-08-2020, 11:54 “Federasiya pandemiya olmayanda heç bir iş görmürdü, o ki qalıb indi” 2-08-2020, 11:47 Dörd kluba ümumilikdə 2 milyon 500 min manat ayrıldı 2-08-2020, 11:39 Əmir Ağayev “Sumqayıt”a mesaj göndərdi 2-08-2020, 11:36 UEFA klublarımızı xəbərdar edib 2-08-2020, 11:32 “Energetik”in prezidenti İlham Əliyevə məktub yazıb 2-08-2020, 11:27 Kənar qüvvələr “Şahdağ”ı parçalayır 2-08-2020, 10:56 “Hər bir futbolçunun xarakteristikasını yazıb baş məşqçiyə göndərdim” 2-08-2020, 10:25 “Qarabağ”ın azarkeşləri Matiçi qınayanlarla razı deyil 2-08-2020, 10:23 Yağış imkan vermədi... 2-08-2020, 10:20 “Kəpəz”in 17 yaşlı qapıçısı karyerasını bitirdi 2-08-2020, 10:17 “Gözümü yumdum, açdım ağzımı, ermənilərə döşədim” 31-07-2020, 12:29 Zaur Həşimov Rəşad Sadıqovun təyinatını gözləyirmiş 31-07-2020, 12:24 Ramil Şeydayev “Sabah”da qaldı 31-07-2020, 12:23 Hakimlərin toplanışı olacaqmı? 31-07-2020, 12:18 Yeni mövsüm üçün büdcəsi təsdiq olunmayan “Sumqayıt”... 31-07-2020, 12:16 “Neftçi”nin Türkiyəyə səfəri gözlənilir 31-07-2020, 12:14 Meza Kollinin “Keşlə”yə kömək edəcəyi inandırıcı görünmür 31-07-2020, 12:05 Əli Babayev İsrail çempionu olub 31-07-2020, 12:01 Şəhriyar Raufu yığmanın ən dəyərli oyunçusu sayır 31-07-2020, 11:55 Rauf Məmmədovun onlayn partiyalarının sayı milyona yaxınlaşır 31-07-2020, 11:36 “Sumqayıt”ın Azad dayısı dünyasını dəyişdi 31-07-2020, 11:35 Rafiq Mirzəyev Vaqif Cavadovun məktəbində işləyəcək 31-07-2020, 11:33 Sadıqov üçün serb müdafiəçi 31-07-2020, 11:31 Əvvəl start tarixi, sonra “transfer pəncərəsi”nin vaxtı müəyyənləşəcək 31-07-2020, 11:28 “Sumqayıt”ın bombardiri ilə maraqlanan yoxdu 31-07-2020, 11:24 31 iyul: Qəbələdə əzəli rəqiblərin dueli 31-07-2020, 11:22 “Neftçi” müqavilə yenilədi və azarkeşlərinə səsləndi 31-07-2020, 11:19 Yeni mövsüm avqustda başlayacaq: 14-ü, yoxsa 21-i? 31-07-2020, 11:17 Həm martda, həm də iyulda doğulan Əsgər... 29-07-2020, 22:06 Əsgər Abdullayev yubileyini Bakıda ailəsi ilə qeyd edib 29-07-2020, 22:04 “Keşlə” rəqibini “ASK Arena”da qəbul edə biləcək 29-07-2020, 22:03 AFFA-nın İşçi Qrupunda beş nəfər yer alıb 29-07-2020, 22:00 Əmrəliyə “Rapid”, “Levski” və “Ferentsvaroş”dan təkliflər olub 29-07-2020, 21:06 “Qəbələ” “Zirə” ilə qolsuz “sülh”ə razılaşdı 29-07-2020, 21:04 Əfran İsmayılov hələ də gözləyir 29-07-2020, 17:56 U-19-un üzvü 20 yaşında “xərçəng”dən dünyasını dəyişdi 29-07-2020, 17:54 Vidadi Rzayev futbolun durumundan yana-yana danışdı 28-07-2020, 15:07 “İdman TV”nin əməkdaşları evdə müalicə olunurlar 28-07-2020, 15:01 Mütəxəssislər “Hatayspor”un təklifini dəyərləndirdi 28-07-2020, 14:59 Vüqar Əsgərov “Dauqavpils”dən ayrıldı 28-07-2020, 14:56 Aftandil Hacıyev gələcəyə ümidlə baxır 28-07-2020, 14:52 “Ağsu Siti” divizionda oynamaq üçün Elxan Məmmədova müraciət edib 28-07-2020, 14:45 Şəhriyar “Zirə”ni Rəşad Sadıqova görə seçib 28-07-2020, 14:41 Meza Kolli iyulun sonunda gəlməlidi 28-07-2020, 13:59 Səhhəti Nazim Əliyevə məşqçi işləməyə imkan vermir 27-07-2020, 12:21 Essyen yenidən "Çelsi"də? - İDDİA 26-07-2020, 15:39 “Dedim, yox, iynə gücünə də olsa, meydana çıxacam” 26-07-2020, 15:37 Atanur Cəfərli Azərbaycan Azarkeşlər Birliyini yaratdı 26-07-2020, 15:35 Cavid Hüseynov “Qəbələ”yə döndü 26-07-2020, 14:34 “Öz səhvlərimizə görə Avroliqadan kənarda qaldıq” 26-07-2020, 14:30 “Qarabağ”ın potensial rəqibləri: 15-i bilinir, qaldı biri 26-07-2020, 14:27 “Keşlə” Bakıya qayıtdı… 26-07-2020, 14:24 “Səbail” Əmirquliyevi saxladı 26-07-2020, 14:18 AFFA yığmanın məşqçilərini Qəbələyə ezam etdi 26-07-2020, 14:16 “Neftçi TV” yeni layihələr təqdim edəcək 26-07-2020, 14:09 "Sumqayıt" “səpələnməmişlər” sırasında olacaq 26-07-2020, 13:59 “Bakı” Lənkərana bir avtobus mühafizəçi aparıb Bütün xəbərlər
Ən çox oxunanlar