05 noy 18:24aktual

Klubda və millidə paralel çalışmaq nə vəd edir?

Klubda və millidə paralel çalışmaq nə vəd edir?
Təcrübə Qurbanovun uğurlu olacağını deyir
Nəhayət, AFFA çoxdan gözlənilən təyinatı gerçəkləşdirdi. Yığmanın baş məşqçisi vəzifəsi Qurban Qurbanova həvalə olundu. Özü də “Qarabağ”da qalmaq şərti ilə. Mütəxəssisin millini çalışdırmasını arzulayanların əksəriyyəti də bunu istəyirdi. Yəni klubdakı fəaliyyətini davam etdirməklə yanaşı, əsas komandanı çalışdırmasını. Ancaq Qurbanovun yığmaya gəlişini istəməyənlər də vardı. Onların iki dəlili var: birincisi, Qurbanov “Qarabağ”da illərdi topladığı müsbət imici potensialı olmayan (onlara görə) millidə “xərcləyəcək”, ikincisi, bir əldə iki qarpız tutmaq mümkün olmayacaq və baş məşqçi Əli aşından da olacaq, Vəli aşından da. Biz də bu yazıda məhz həmin məsələni incələməyə çalışacağıq. Görəsən, Qurban bəy həm yığmada, həm də “Qarabağ”da işini paralel şəkildə yüksək səviyyədə davam etdirə biləcəkmi?
Türkiyənin məşhur futbol ekspertlərindən biri Mehmet Dəmirkolun fikrincə, Fatih Terim Türkiyə yığmasıyla paralel “Qalatasaray”ı çalışdırsaydı, “ay-ulduzlular”la uğurlu nəticəyə imza atardı. Həmkarımız daim işlək vəziyyətdə olacağı halda təcrübəli mütəxəssisin faydalı iş əmsalının artacağını düşünürdü. Hərçənd bu məsələdə əks fikri müdafiə edənlər çoxluq təşkil edir. Yəni bir insanın beyni iki işlə yüklənsə, minimum ikisindən birini yola vermək məcburiyyətində qalacaq. İnsan fizikasının buna imkan vermədiyini düşünənlər çoxluq təşkil edir.
Biz də bu məsələylə bağlı dünya praktikasına nəzər salmaq qərarına gəldik. Görəsən, eyni vaxtda klub və yığma çalışdıran baş məşqçilər uğur qazana bilibmi? Getdik…
Valeri Lobanovski
Bu mövzuda ilk ağla gələn şəxs SSRİ-nin dahi mütəxəssisi Valeri Lobanovskidi. Ukraynalı məşqçi 1986-cı ildən 1990-dək İttifaq yığmasının “sükanı arxasında” əyləşib. Düzdü, buna qədər də iki dəfə əsas komandanı çalışdırıb. Amma sonuncu dəfə yığmanın başına keçəndə Kiyev “Dinamo”sundakı işini də davam etdirib. Həmin 5 ildə kiyevlilər 2 dəfə SSRİ çempionu olub, bir o qədər ölkə kubokunu başı üzərinə qaldırıb. Daha iki dəfə SSRİ superkubokuna sahib çıxıb. Həmin illərdə “Dinamo” avrokuboklarda da uğurlu çıxış edib. 1986-da UEFA kubokuna sahib çıxan Kiyev klubu növbəti il Çempionlar Kubokunun yarımfinalına kimi irəliləyib. Bəs yığma bu illər ərzində hansı qrafiklə hərəkət edib? 1986-da dünya çempionatında qrupdan çıxan imperiya komandası 1/8 finalda Belçikaya uduzub – 3:4. Əvəzində iki il sonra Avropa çempionatının finalına kimi irəliləyib. Yalnız həlledici görüşdə hollandlar 2 cavabsız qolla titula qovuşub. Göründüyü kimi, əfsanəvi çalışdırıcının SSRİ-nin son illərinə təsadüf edən paralel fəaliyyəti məhsuldar alınıb.
Fransisko Maturana
Bu mütəxəssis 1987-90-cı illərdə həm Kolumbiya yığmasını, həm də yerli “Nasyonal”ı çalışdırıb. İki işdə çalışması Maturanaya əngəl törətməyib. “Nasyonal” 1989-da Amerika qitəsinin Çempionlar Liqası sayılan Libertadores kubokuna sahib çıxıb. Bir il sonra kolumbiyalılar bu mütəxəssisin rəhbərliyi altında dünya çempionatına qatılıb. Qrup səddini uğurla keçən “sarı-göylər” 1/8 finalda həmin mundialın sürpriz yığması sayılan Kamerunla bacarmayıb – 1:2. Maturananın bundan sonra İspaniya klublarında məşqçilik bacarığını nümayiş etdirdiyini də vurğulayaq.
Qus Hiddink
Daha bir tanınmış məşqçi yığma - klub tandemini uğurla qurub. Hollandiyalı mütəxəssis 2002-06-cı illərdə PSV-ni çalışdırıb. Son iki ildə həm də Avstraliya yığmasının baş məşqçisi olub. 2005/06 mövsümündə çalışdırdığı klubla ölkəsinin çempionu olan Hiddink həm də “kenqurular”ı DÇ-2006-ya çıxarıb. Avstraliya qrup mərhələsini uğurla adlayıb. 1/8 finalda oyuna əlavə olunmuş 5-ci dəqiqədə İtaliyanın lehinə verilən haqsız penalti avstraliyalıları mundialdan kənarda qoysa da, bu komanda neytral azarkeşlərin böyük rəğbətini qazanıb. Hiddink “iki işi eyni vaxtda görmək olmaz” ehkamını 2006-10-cu illərdə Rusiyanı çalışdırarkən də dağıdıb. 2008-də bu ölkəni Avropa çempionatının yarımfinalına çıxaran təcrübəli mütəxəssis bir il sonra “Çelsi” ilə ÇL-in finalına çıxmağa çox yaxın olub. Ancaq yenə hakimlik hollandiyalı çalışdırıcının yolunu kəsib. Yarımfinalda “Barselona” ilə Londondakı cavab oyununda bərbad idarəçilik fonunda “zadəganlar” finala çıxa bilməyib.
Aleksandr Starkov
Bu mütəxəssisin xəmiri sanki “Skonto” və Latviya yığmasıyla birgə yoğrulub. Məşqçilik karyerasının böyük hissəsini bu klubla ölkəsinin əsas komandasına rəhbərlik etməsi tutub. “Skonto”ya dəfələrlə çempionluq və Latviya kuboku qazandıran Starkov 3 dəfə komandasını “Birlik kuboku”nun finalına da yüksəldib. Avropanın heç ortabablarından belə sayılmayan yığmasını isə 2004-də Avropa çempionatına daşımaqla hamını təəccübləndirib. Hərçənd onun həm yığmada, həm də “Bakı”da ortaq fəaliyyəti uğurlu alınmayıb. Bu üzdən paytaxt klubunun rəhbərliyi ona 2011/12 mövsümünün ikinci dövrəsində şans verdikdən sonra istefaya göndərib.
Yekun nəticə
Siyahını uzatmaq olar. Oleq Romantsev, Valeri Qazzayev və başqa bir çox məşqçilər qısa müddətə də olsa, həm klub, həm də yığmada söz sahibi olub. Bacaranı da olub, bacarmayanı da. Araşdırmalarımızın yekunu olaraq deyə bilərik ki, Qurban Qurbanov bacaracaq. Son 10 ildə məşqçi kimi tam püxtələşən, uğurlu oyun modelinə sahib mütəxəssis üçün “Qarabağ” və yığmanı eyni vaxtda idarə etmək ciddi maneə olmayacaq. Çünki təcrübə göstərir ki, yerli klubu və yığmanı çalışdıranlar hər hansı problemlə üzləşmir. Ancaq bu zaman əsas komandanın bazası daha çox baş məşqçinin çalışdırdığı klubun futbolçularından qurulur. Necə ki, Lobanovski SSRİ yığmasında olarkən əsas heyətin 9 üzvü “Dinamo”dan idi. Belədə istər-istəməz yığmanın oyun modeli də klubla eynilik təşkil edir. İndiki şəraitdə kim istəməz ki, millimiz “Qarabağ” kimi oynasın. Topa sahibolma, qısa ötürmələr, baxımlı, texnikalı oyun… Bir çoxları “köhlən atlar”ın məhz legionerlərin hesabına böyük uğurlara imza atdığını və gözəl oyun sərgilədiyini iddia edir. Ancaq onların nəzərinə təkcə 2009/10 mövsümünü nümunə kimi çatdırmaq yetərlidi. Həmin “futbol ili”ndə heyətində avrokubok təcrübəsi olmayan Rauf Əliyev, Maksim Medvedev, Əfran İsmayılovlu “Qarabağ” sırf yerli futbolçulardan ibarət heyətlə pley-off mərhələsinə kimi irəliləməyi bacarmışdı. O zaman komandanı irəli daşıyan, hələ baş məşqçi kimi tam formalaşmayan Qurban Qurbanov idi. İndi isə yığma tarixinin ən məhsuldar siması başqa səviyyədədi. Deməli, ona inanmaq və şans vermək lazımdı.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 02:04 Şahin Diniyevin oyunsonrası açıqlamalarının xronikası Dünən, 02:00 Turdan məqamlar Dünən, 01:55 İdman jurnalistlərinin vahid platforması yaradılıb Dünən, 01:50 "Qəbələ" fərqi artırdı Dünən, 01:47 Lökbatanda "6 xallıq" oyun Dünən, 01:43 Hakimlərin mühakiməsi Dünən, 01:38 “Çelsi”ni Bakıdan məyus yola salmaq olar Dünən, 01:34 “Kəpəz”də Yunis Hüseynov dönəmi başladı Dünən, 01:30 “Kəpəz”in Şəhriyarları günahı Diniyevdə yox, özlərində görür Dünən, 01:27 Vüqar yenə qol vursa da… Dünən, 01:25 “Traktorsazi” İsfahanda şok yaşadı Dünən, 01:21 Ruslan Qurbanov yazdı, “Neftçi” azarkeşləri coşdu Dünən, 01:16 İlham Əliyev FİFA-nın prezidentini qəbul etdi Dünən, 01:11 UEFA Azərbaycana 71 min avro göndərdi Dünən, 01:07 Yığma üzvləri Rusiyada sevindi Dünən, 01:05 “Lokomotiv” avrokubokda debüt oyununa çıxır Dünən, 01:01 Olimpiya çempionu Vladiqafqazda fərqləndi Dünən, 00:57 Çingiz Hüseynzadə vəzifəsində qaldı Dünən, 00:55 “Araz”dan çətin qələbə Dünən, 00:49 “Çelsi” də “Atletiko”nun taleyini yaşasın! 20-11-2017, 20:12 Mikayıl Nərimanoğlunun kadrı “Kəpəz”dən qovuldu 20-11-2017, 20:09 Şahin Diniyevin istefasını şərtləndirən səbəblər 20-11-2017, 20:01 "Səbail"in əvəzediciləri də "Kəpəz"ə qənim oldu 20-11-2017, 19:59 Polina Rəhimovanın komandası vahid lider oldu 20-11-2017, 19:58 Lider 3 xalı 1 qolla qazandı 20-11-2017, 19:57 “Qəbələ” bu dəfə də keçilməz oldu 20-11-2017, 19:55 “Neftçi”nin “fanşop”unda təsbeh də satılır 20-11-2017, 19:52 Rüfət Dadaşov 14-ə çatdı 20-11-2017, 19:50 Qısaömürlü, lakin unudulmaz futbol qəzeti 20-11-2017, 19:42 Ağr atletikada cəza müddəti 8 aya enə bilər 20-11-2017, 19:39 Ayxan Abbasov “Zirə”nin oyununda geriləmə görmür 20-11-2017, 19:37 1:1 seriyası bitdi, “Keşlə”nin məğlubiyyətləri yox 20-11-2017, 19:35 Cahangir Həsənzadə danışa bilmir 20-11-2017, 19:34 Konte “Qarabağ”la matçı mövsümün ən vacib oyunu sayır 20-11-2017, 19:32 Debütant önündə yenilgi Diniyevin sonu oldu 20-11-2017, 19:30 Liderlər xal itirmədi 20-11-2017, 19:28 “Qarabağ”ın fanklubları stadionda polis istəmir 19-11-2017, 15:39 U21 millimiz üçün biabırçı 3 ay - XRONOLOGİYA 19-11-2017, 14:59 "21 Oktyabrdan... 20 il sonra" filmi - TRAİLER 19-11-2017, 13:56 Dünya çempionu məşqlərə qatılmır 19-11-2017, 13:50 Tərlan Əhmədov: “Elnur Cəfərov 99 faiz “Neftçi”dən göndəriləcək” 19-11-2017, 13:49 Elnur Cəfərov müsahibədən boyun qaçırdı 19-11-2017, 13:45 Xaqani Məmmədov ofisiant işləyən hakimi yanına çağırdı 19-11-2017, 13:33 “Məsuliyyətdən yayınmaq üçün ictimaiyyətə yanlış fikirlər sırımaq istəyən şəxslə nə danışasan?” 19-11-2017, 13:30 U-21-in üzvləri köməkçi-məşqçilərdən şikayət edib? 19-11-2017, 13:26 Faiq Cabbarov növbəti həftəni gözləyir 19-11-2017, 13:14 Babək Alxasov U-21-dən ayrılmaqla centlmen kimi davrandığını düşünür 19-11-2017, 13:13 Elxan Məmmədov UEFA nümayəndələri ilə görüşdü 19-11-2017, 13:10 Aqil Nəbiyev İmişli stadionuna ziyan vurmadığını deyir 19-11-2017, 13:08 "Qarabağ" azlıqda da güclüdü 19-11-2017, 13:04 Mahmud Qurbanov ÇSKA-nın futbol akademiyasında olub 19-11-2017, 13:01 “Zaqatala” ilk qələbəni çempionla dueldə qazandı 17-11-2017, 22:35 SSRİ idman ustasını MGA-dan da qovdular 17-11-2017, 22:32 “Oyun alğı-satqısı ilə bağlı əsl bazar premyer-liqadadı” 17-11-2017, 22:30 “Kəpəz”in mühasibatlıq sənədləri və möhürü hələ də Bakıdadı 17-11-2017, 22:29 Azərbaycan DÇ-də kimə azarkeşlik edəcək? 17-11-2017, 22:25 Üç yığmaya 4 namizəd Bütün xəbərlər
Ən çox oxunanlar