02 noy 20:50aktual

“Qarabağ”ın pley-off şansı: reallıqlar və arzular

“Qarabağ”ın pley-off şansı: reallıqlar və arzular
Ötən mövsüm çempion olan “Qarabağ”ın əsas vəzifəsi Çempionlar Liqasının qrup mərhələsinə vəsiqə qazanmaq idi. Artıq komanda Avroliqa ilə kifayətlənməməliydi. Qurban Qurbanovun komandası bu tapşırığın öhdəsindən gəldi. Beləcə, ölkəmiz ilk dəfə ən güclülərin mübarizə apardığı yarışda təmsil olundu. Əlbəttə, “köhlən atlar”ın qitənin ən nüfuzlu klub turnirində qələbələr qazanması, pley-offa yüksəlməsi inandırıcı deyildi. Düzdü, azarkeşlər məhz uğurlu nəticələr arzulayır və buna ümid edir. Lakin reallıqdan danışırıqsa, qrupu uğurla dəf etmək asan məsələ deyil. Özü də “Qarabağ”ın qrupunda “Çelsi”, “Atletiko” və “Roma” kimi nəhənglər yer alıbsa. Odu ki, “köhlən atlar”ın qrupdakı hədəfi qol və ən azı 1 xal olacaqdı. Təbii, istər reytinq xalı, istərsə də klubun maddi baxımdan qazancı da öz yerində. Hər heç-heçə və qələbə ölkəmizin topladığı əmsala təsir edəcək, “Qarabağ”ın büdcəsinə müəyyən vəsait daxil olacaqdı.
Əslində “Qarabağ” qrupda mübarizəyə yaxşı start verməmişdi. Səfərdə “Çelsi”yə böyük hesabla uduzandan (0:6) sonra “köhlən atlar”ın qrupu xalsız və qolsuz başa vuracağı ilə bağlı bədbin proqnozlara rast gəlmək də mümkün idi. Bəzilərinin hətta “bizə ÇL lazım deyil” kimi absurd fikirlər səsləndirməsinə də rast gəlmək olardı. Halbuki bu yarışdakı təcrübə, qazanc hər kəsə bəllidi. Klubun adının “Qarabağ” olması isə təbliğat baxımından əvəzolunmaz faktdı. Axı Avropanın ən güclü 32 komandasının yarışdığı turnirə təkcə qitədə yox, dünyada da maraq yetərincə böyükdü. Zaman da göstərdi ki, müsbət bir nəticə hansı effekti verir. Hələ “Roma” ilə evdəki görüşdə heç-heçəyə layiq olan “Qarabağ” ÇL-də ilk qolunu vurdu. Həmin matçdakı oyun onu göstərdi ki, komanda yavaş-yavaş bu yarışın ab-havasına uyğunlaşır, həyəcan get-gedə azalır. Bu isə xal arzusunun da tezliklə gerçəkləşəcəyindən xəbər verirdi. “Atletiko” ilə evdəki görüşdə ən güclülərin turnirində ilk xalını qazanan “Qarabağ” səfərdə də bu komandadan 1 xal qopardı. Hər iki oyunda “köhlən atlar”ın qırmızı vərəqə ilə azlıqda qalması, qol vəziyyətlərinin dəyərləndirilməməsi kimi məqamları bir tərəfə qoyaq. Fakt budu ki, 4 tur geridə qalsa da, ağdamlılar pley-off şansını saxlayır. Halbuki “Qarabağ”dan daha təcrübəli, bu turnirdə artıq bir neçə dəfə iştirak edən klublar var ki, 1/8 finala adlamayacağı dəqiqləşib. Odu ki, qalan 2 turun nəticəsindən asılı olaraq qrupdakı vəziyyətin necə dəyişəcəyi ilə bağlı müəyyən variantları nəzərdən keçirmək olar.
Əksəriyyət qrupu ilk iki yerdə “Çelsi” ilə “Atletiko”nun başa vuracağını proqnozlaşdırsa da, hazırda “Roma” liderdi. 1 xal geri qalan ingilislər 2-ci, cəmi 3 xalı olan ispanlar 3-cü, “Qarabağ” isə “Atletiko”dan qoprdığı 2 xalla sonuncudu. Növbəti turda “köhlən atlar” “Çelsi”ni, “hindular” “Roma”nı qəbul edəcək. Bu oyunlar noyabrın 22-də keçiriləcək. İtalyanlar Madrid səfərindən 1 xalla dönsə belə, 1/8 finala vəsiqəni təmin edəcək. Ancaq “Atletiko” var qüvvəsini ortaya qoyub, həmin matçda 3 xal qazanmağa çalışacaq. Əks halda “Qarabağ” – “Çelsi” oyununun heç-heçə bitməsi Madrid təmsilçisinin pley-off arzularını “dəfn edəcək”. Təbii, bizə “Roma”nın həmin səfərdən qələbə ilə dönməsi sərf edir. Belədə “canavarlar” üçün son ev oyunu – “Qarabağ”la qarşılaşma formal xarakter daşıyacaq. Onda Qurbanovun komandasının Romadan əlidolu dönmək şansı artır. “Atletiko”nun növbəti turdakı məğlubiyyəti ağdamlıları 3-cü pilləyə daşıya bilər. Bunun üçün “Çelsi” ilə evdəki görüşdə 1 xal lazımdı. Məlum olduğu kimi, ÇL-də xallar eyni olanda şəxsi görüşlər əsas götürülür. Bu baxımdan da “Qarabağ” “Atletiko”dan öndədi. Bundan başqa, son turda “hindular” çətin London səfərinə yollanacaq. Deməli, qrupda 3-cü yeri tutmağımız üçün ən xoş və mümkünsüz görünməyən axar belədi: “Roma” növbəti tur “Atletiko”nu məğlub edər, “köhlən atlar” “Çelsi”dən 1 xal alar. Son turda isə “zadəganlar” ispanlara uduzmaz və “Qarabağ” İtaliya səfərindən 1 xalla dönər. Ən önəmlisi noyabrın 22-də “Atletiko”nun qələbə qazanmamasıdı. Bu baş versə, qalanı “Qarabağ”ın özündən asılı olacaq. Məlum olduğu kimi, üçüncülük Avroliqanın 1/16 final mərhələsinə adlamaq deməkdi.
Hə, yuxarıda qeyd etdiyimiz kimi, “Qarabağ”ın ÇL-in pley-offuna vəsiqə qazanmaq şansı da qalır. Bunun üçün “köhlən atlar” “Çelsi”ni evdə, “Roma”nı səfərdə məğlub etməlidi. “Atletiko” isə qalan 2 oyundan 1-də qələbə qazanmamalıdı. Madridlilərin son iki turdan birində xal itirməsi real görünsə də, “Qarabağ”ın hər iki görüşdə qalib gələcəyi haqda eyni sözləri demək çətindi.
FARİZ
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
6-12-2019, 18:16 Elita klubları “birincilər”i kubokdan qovdu 6-12-2019, 12:34 Sopiç Ponomaryovla görüşə ehtiyac duymayıb 6-12-2019, 12:28 İbrahim Uzunca “Şahdağ”dan ayrıldı 6-12-2019, 12:26 “Alyans”ı dayandıran tapıldı 6-12-2019, 12:23 Aftandil Hacıyevin “Səbail”ə qoşulan legionerdən xəbəri yoxdu 6-12-2019, 12:19 Əliyar Ağayev “Sabah”ın penaltisini “yedi” 6-12-2019, 12:18 Mahmud Qurbanov hakimi təhqir etdiyinə görə cəzalandı 5-12-2019, 12:40 “Futbol+” Prosineçkini Zaqrebdə tapdı 5-12-2019, 12:33 Elçin Məmmədov “Mehdi Hüseynzadə”yə gəldi, aləm qarışdı 5-12-2019, 12:31 Aftandil Hacıyev: “Bu gün heç kim nə Qurbanın adına ləkə yaxa bilər, nə də mənim” 5-12-2019, 12:25 “Neftçi”ni büdrət, sonuncu pilləyə düş... 5-12-2019, 12:22 “Qəbələ” “Zirə”ni göydən yerə endirdi 5-12-2019, 12:17 “Sumqayıt” “ASCO Arena”da fürsəti qaçırdı 5-12-2019, 12:12 Dünən Avroliqada, bu gün sonuncu pillədə... 5-12-2019, 12:10 "Qarabağ" həsrətə Masazırda son qoydu 2-12-2019, 16:25 “Qarabağ”ın həllini gözləyən problemləri 2-12-2019, 16:19 Mütəxəssislər “Qarabağ”ın tarixi şansı qaçırdığını düşünürlər 2-12-2019, 16:16 Geye “Qarabağ”da qalmaq istəyir 2-12-2019, 11:40 Tarixi şəhəri siz də yaxından tanıyın 2-12-2019, 11:38 Əcnəbi gəlməsin, gəlirsə, Prosineçki gəlsin! 2-12-2019, 11:37 Parlament də özünü buraxır, Elxan Məmmədov tərpənmir 2-12-2019, 11:34 “CBC Sport”dan “Qarabağ”a atmaca 29-11-2019, 12:39 “Sabah” Sopiçə tapşırıldı, Ponomaryov komanda ilə vidalaşdı 29-11-2019, 12:37 “Getsinlər, qoyunları qovsunlar, futbollarını oynasınlar” 29-11-2019, 12:35 “Sülhsevənlər” ənənəyə sadiq qaldılar 29-11-2019, 12:29 Nazarov medianın mümkün basqısını nəzərə alıbmış 29-11-2019, 12:28 Elxan Məmmədovun yığma üzvlərini qınamasının əsası varmı? 29-11-2019, 12:25 AFFA azərbaycanlıları yığmadan bezdirib 29-11-2019, 12:22 Prosineçki yenə gəlir? 29-11-2019, 12:20 Aclıq Dadaşlinskinin Əzizini taqətdən salıb 26-11-2019, 17:31 “Keşlə”nin “ASK Arena”ya qayıdacağı tarix dəqiqləşməyib 26-11-2019, 17:30 İcraiyyə Komitəsinin üzvləri yığmanın çıxışını dəyərləndirdi 26-11-2019, 17:29 Vidadi Rzayev 14 il öncə səhv etdiyimizi düşünür 26-11-2019, 17:26 “F91 Düdelanj” stadion problem ilə üzləşib 26-11-2019, 17:24 Elxan Məmmədov özündən başqa hamını günahkar bilir 26-11-2019, 17:03 Tura darmadağınlarla yekun vuruldu 26-11-2019, 16:59 Slovakiyalı mütəxəssis yığmamızı aşağıladı 26-11-2019, 16:58 Nazarov qələbəyə qolla töhfə verdi 26-11-2019, 16:56 Paytaxt zonasında ikihakimiyyətlikdi 26-11-2019, 16:55 Emil Balayev mövsümün ən yaxşı qapıçısıdı 26-11-2019, 16:53 Qurban Qurbanov məğlubiyyəti gözləyirmiş 26-11-2019, 16:51 “Sumqayıt”dan Sumqayıtın yubileyinə hədiyyə: qələbə! 26-11-2019, 16:49 Dadaşlinskinin Əzizi baş katib üçün şüar qaldırdı 26-11-2019, 16:45 Tuayev kimi yaşamaqdan ölmək yaxşıdı! 22-11-2019, 12:52 Millət vəkilləri AFFA-nın məsuliyyət daşıdığını dedilər 22-11-2019, 12:47 “Baş katiblə aramızda heç bir narazılıq yoxdu” 22-11-2019, 12:43 Ağdamda “İmarət”in yubileyi qeyd olunub 21-11-2019, 21:57 Yurçeviç yenə itkiləri bəhanə gətirdi 21-11-2019, 21:55 Rüsvayçı oyun, biabırçı sonluq 21-11-2019, 21:52 U-17 xalsız qaldı 21-11-2019, 21:51 U-21 azlıqda qalan rəqibi üstələyə bilmədi 21-11-2019, 21:29 Haşımov Boykonun oyunun öhdəsindən gəldiyini düşünür 21-11-2019, 21:27 Nazim Süleymanov və tərəfdarları Rövnəq Abdullayevə müraciət etdi 21-11-2019, 21:25 “İrəvan” ilk qələbəsini qazandı 21-11-2019, 21:22 “Keşlə”ni uğura aparan yolun sirri... 21-11-2019, 21:20 Eddinin “özünü pis hiss etməsinin” səbəbi aydın oldu 21-11-2019, 21:18 AFFA rəhbərliyi üçün xatırlatma Bütün xəbərlər
Ən çox oxunanlar