09 yan 19:42aktual

Amit Yunanıstana, Vaqif Rusiyaya

Amit Yunanıstana, Vaqif Rusiyaya
Tarixində ilk dəfə qış fasiləsinə 4-cü pillədə yollanan “Sumqayıt”ın uğuru, deyəsən, ölkə xaricində də marağa səbəb olub. Belə olmasaydı, “kimyaçılar”ın dayaq yarımmüdafiəçisi Amit Quluzadə Yunanıstan superliqasında mübarizə aparan “Larissa”nın məşqçilər koprusunun maraq dairəsinə düşməzdi. Qış “transfer pəncərəsi”ndən yararlanan yunanlar “ağ-göylər”in 24 yaşlı yarımmüdafiəçisinə təklif göndərib. Amit isə çox düşünmədən hazırda Yunanıstan çempionatında 13-cü pillədə qərarlaşan komandanın təklifini qəbul edərək Elllada torpağına yollanıb. Srağagün tibbi baxışdan keçən futbolçumuzla böyük ehtimalla, bu gün və ya sabah müqavilə imzalanacaq.
Əldə etdiyimiz məlumata görə, bu günə kimi Portuqaliya və Türkiyənin aşağı dəstəsində legioner həyatı yaşamağa imkan tapmış Quluzadənin “köhnə qitə”nin cənubuna yollanmasında əməkdaşlıq etdiyi əcnəbi agentin xüsusi rolu var. Mənbəmiz onun adını bizə bildirsə də, danışmaq istəyimiz alınmadı. Dünən istirahət günü olduğundan onun telefonu söndürülmüşdü. Bizə ötürülən bilgiyə görə, yunanlar Amitə 3 illik müqavilə təklif ediblər. Lakin yarımmüdafiəçi deyilən müddətin çox olduğunu, “6 ay+1 il” şərtiylə anlaşmaya imza atmağa hazır olduğunu bildirib. Qarşı tərəf də onunla razılaşıb. “Gənclik şəhəri” təmsilçisində 1000 manat maaşa top qovan yarımmüdafiəçinin yeni komandasında müxtəlif bonusları çıxmaq şərti ilə ayda 2000 avro əməkhaqqı alacağı da söylənilir.
Hər zaman futbolçularımızın legioner həyatı yaşamasını arzulamışıq. Istəmişik ki, bizim də oyunçularımızın səs-sorağı “köhnə qitə”nin müxtəlif nöqtələrindən gəlsin. Yavaş-yavaş bu istəyimiz gerçəkləşmək üzrədi. Ancaq bu məsələdə də müəyyən əmmalar var. Onlardan biri də futbolçusunu ölkə xaricinə yola salan klublarımızın bu keçiddən pul qazanmamasıdı. Müasir futbolun ən böyük tələbi, heç şübhəsiz, klubun özü-özünü saxlamasıdı. Yəni futbol klubu böyük şirkət kimi özünü maliyyələşdirməli, müxtəlif sahələrdən (bilet satışı, futbolçu satışı, teleyayından gələn gəlir) əldə olunan vəsait hesabına ayaqüstə qalmağı bacarmalıdı. Bəs görəsən, Amit Yunanıstan klubu ilə müqavilə imzalayacağı halda, “Sumqayıt” bundan hansısa xeyir götürəcək, yoxsa rəhbərlik həmişəki kimi “məqsədimiz ölkə futboluna xeyir verməkdi” tezisinə əməl edərək, transferdən pul ummayacaq? Bu suala cavab tapmaq üçün “kimyaçılar”ın baş meneceri, bugünlərdə A kateqoriyasına sahib çıxan Ceyhun Sultanovun fikirlərini öyrəndik: “Bu suala Amit “Larissa” ilə müqavilə bağlayandan sonra cavab verəcəm. Hələlik zamanı qabaqlayıb, nəsə demək istəmirəm”. Yeri gəlmişkən, onu da qeyd edək ki, hazırda “Larissa”nın heyətində top qovan bir futbolçu bizlərə tanışdı. Söhbət 5 il “Qəbələ”nin şərəfini qorumuş, bir ara kapitan sarğısını belə daşımış Dododan gedir. Amitin 2013/14 mövsümündə “qırmızı-qaralar”ın şərəfini qoruduğunu və braziliyalı ilə tanış olduğunu nəzərə alsaq, yeni klubunda darıxmayacağını da söyləmək olar.
“Kimyaçılar”ın daha bir futbolçusunun, bir neçə gün əvvəl qarşılıqlı razılıq əsasında komandanı tərk edən Vaqif Cavadovun da, deyəsən, işsiz günləri çox çəkməyəcək. Mətbuatda yayılan xəbərlərə görə, Vaqif bundan sonra karyerasını Rusiya premyer-liqasında çıxış edən “Orenburq”da davam etdirəcək. Tərəflərin artıq böyük ölçüdə ortaq məxrəcə gəldiyi də gəzən söz-söhbət arasındadı. Yeri gəlmişkən, Cavdovun Rusiya premyer-liqasında oyun təcrübəsi var. O, 2011/12 mövsümündə “Volqa”da çıxış edib. Deyilənlərə aydınlıq gətirmək üçün Vaqiflə danışmaq istədik. Ancaq o və atası Füzuli Cavadov zənglərimizi cavabsız qoydu. Görünür, cavadovlar artıq Azərbaycanda missiyalarının başa çatdığını düşünürlər və yerli mətbuata açıqlma verməyi özlərinə sığışdırmırlar. Belə olmasaydı, daim bizimlə böyük həvəslə danışan, oğlu ilə bağlı hər xırda detala münasibət bildirmək üçün redaksiyayla əlaqə saxlayan Füzuli bəy zənglərimizə cavab verərdi. Yaxşı olardı ki, heç kim (söhbət burda tək cavadovlardan getmir) ataların “örkən nə qədər uzun olsa, yenə doğanaqdan keçir” məsəlini unutmasın.
Maraqlıdı ki, istər “Orenburq”un rəsmi saytında, istərsə də Rusiya mətbuatında bu keçidlə bağlı heç bir xəbərə rast gəlmədik.
RƏŞAD
You saved me a lot of haslse just now.

Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Olimpiya çempionu güləşçimizi təriflədi 13:10“Marafon”a basqını Aynar Məmmədov təşkil edib? 13:08Yığmamız “Novruz” turnirində niyə NTD-nin formasında oynayıb? 13:04“Qəbələ” üçün “Şüvəlan sindromu” davam edir 19:15“Kəpəz” yenidən Avroliqa mübarizəsinə qoşuldu 19:12“Rəvan” Elxan Məmmədovla Apellyasiya və Ekspert Komitəsinə məktub göndərib 19:01Yığma üzvləri penaltiləri boşa vermədi 18:56“Qaradağ Lökbatan” üçüncü pilləyə yüksəldi 18:55“Neftçi” yubiley məclisində jurnalistləri görmək istəmir! 18:52Ölkə kubokunun finalı Naxçıvanda keçiriləcək 18:50Azarkeşlər almanlara qarşı birləşdi 18:48“Neftçi”dən “Neftçi”yə yubiley hədiyyəsi 13:30İzləyiciləri büdrədi, lider “taxtını bərkitdi” 13:28Bayrama bayram qatanlar 13:24“Qarabağ” fürsəti qaçırdı 13:23Almanlar “Hilton”da məskunlaşacaq 13:18“Məğlub olmasaq, Azərbaycan yaxşı mənada partlayacaq” 13:16Məşqçilər yenə Rəsul Çunayevlə Həsən Əliyev arasında seçim edəcək 13:13İslam Həmrəyliyi Oyunlarının biletləri satışa çıxarıldı 13:10“Marafon”da idmançılar dalaşıb 13:05“Formula-1” üçün “İdman Azərbaycan”dan 400 min avro tələb olunub 13:03"Neftçi" yubiley tədbirində jurnalistləri görmək istəmir! 23:22“80 yox, 100 yaşı da olsa, mənim gözümdə uşaq kimi qalacaq” 14:54“Zirə”lilər “Qarabağ”la oyuna adi yanaşır 14:50“Kəpəz” azarkeşlərə Novruz hədiyyəsi etmək istəyir 14:48Superkubok da “Şəfəq”in oldu 14:46“Xəmsə” yeni loqosunu təqdim etdi 14:40“Zirə”dən İslam Həmrəyliyi Oyunlarına dəstək 14:39Kamerun vətəndaşlarının meyidləri ölkələrinə göndərildi 14:37“Futbolda mümkünsüz heç nə yoxdu” 15:05Azərbaycanlı qapıçı Qırğızıstan klubunda 15:02“Zaqatala” iki qolla ikinci yerə qalxdı 14:59Almanlarla oyuna 19 min bilet satılıb 14:47“Sektor 11” ilə “Milli dəstə” ayrı-ayrı sektorlarda olacaq 14:44Avropanın nəhəng klublarının üzvləri ölkəmizə səfər edəcək 14:41Robert Prosineçkinin 26 nəfərlik fəlsəfəsi 14:38Almaniya: son 10 ildə iki dəfə 14:34Azadlığa çıxan Sərdar Bağırov Rövnəq Abdullayevin ətrafını “topa tutdu” 14:18Olimpiya stadionu UEFA-nın qərarını gözləyir 14:12“Lokomotiv”in borclarını AVF ödədi 14:07Hakim haqsızlığı “klassiklər”i kubokdan məhrum etdi 14:02Sumqayıtda voleybol klubu yaradıla bilər 13:55Baraban çalmaqdan vitse-prezidentliyə gedən yol 11:51"Səbail" büdrədi, Kvaratsxeliya üzüldü 11:43AFFA-nın Konfransından geriyə qalanlar... 11:32“Neftçi” mühafizə məsələsində rəqiblərlə razılığa gəlir 11:24UEFA İcraiyyə Komitəsinə can atan Elxan Məmmədovun seçki platforması 11:20AFFA “Şərurspor”la “Rəvan”ın “başını kəsdi” 11:12Futbolçular İK-nın qərarını ədalətsiz sayır 11:09“Rəvan”la “Şərurspor” AFFA-nın qərarı ilə barışmır 11:05“Böyük Dəbilqə”nin qəhrəmanı uğurunu davam etdirmək əzmindədi 11:00“Klassiklər”dən Dünya Kubokuna uğurlu start 10:55Oleq Stepko da Azərbaycanı tərk etdi 10:49“Zirə” Zirədə məktəblilərlə görüşdü 10:35Sərdar Bağırov azadlığa çıxan kimi "Futbol+"ə danışdı 00:50“Turan Tovuz” bəyanat yaydı 13:35Atletlər “Fəcr kuboku”na üç “bürünc”lə başladı 13:33 Bütün xəbərlər
Ən çox oxunanlar