06 yan 19:40aktual, liqa

“Neftçi” dayanmaq bilmir

“Neftçi” dayanmaq bilmir
Çingiz Abdullayevin vədi heç yada düşmür

Qış hazırlığı prosesində ən fəal olanb klub “Neftçi”di. Bu da anlaşılandı. Beş futbolçunu - Krşevan Santini, Dario Melnyak, Vançe Şikov, Katalin Tira və Denilson Pereyranı hələ mövsümün gedişində yola salan baş məşqçi Elxan Abdullayev çempionatın birinci yarısı başa çatan kimi Jonas Pesallinin getmək istəyinə “hə” dedi. Çox keçmədən Eltun Yaqublunun karyerasını “Səbail”də, Elşən Abdullayevin isə “Qarabağ”da davam etdirəcəyi məlum oldu. Bu azmış kimi, komandanın kapitanı, yəni aparıcı oyunçusu Araz Abdullayev də ağ-qara formanı geymək istəyində olmadığını deyib, “Qəbələ” ilə müqavilə bağladı. Bir sözlə, altısı legioner olmaqla 9 nəfər “Neftçi”ni tərk etdi. 2016-nın son gününə qədər yalnız üçünün boşluğu aradan qaldırılmışdı. Namiq Ələsgərovu “Qarabağ”dan “qoparan” ağ-qaralar” Gürcüstan yığmasının üzvü Georgi Novalovskinin keçidini də həll etdi. Ardınca “Slovan”dan Zdenek Folprext icarəyə götürüldü. Lakin bu son deyil. Transfer çalışmaları ildırım sürəti ilə davam edir.
Errera və...
Yanvarın 3-də daha bir futbolçunun keçidi rəsmiləşdi. Bu, çilili hücumçu İqnasio Erreradı. 1987-ci ildə doğulan futbolçunun ilk peşəkar klubu 20 yaşında formasını geydiyi “Reyncers” olub. 21 yaşında ispan skautların diqqətini çəkib və Avropaya gəlib. Lakin “Betis”dəki günləri çox sürməyib. B komandasında çıxış edən Errera cəmi 7 oyunda forma geyəndən sonra yenidən Çiliyə qayıdıb. Növbə ilə “Huaçipato”, “Maqalyanes”, “Kobreloa” və “Deportes İkike”nin şərəfini qoruyub. Bu ilin əvvəlində yenidən okeanın o tayını tərk edərək, Avropanın ən ucqar ölkəsi Qazaxıstana yollanıb və azərbaycanlı agent Kamil Məmmədovun köməyi sayəsində “İrtış”la anlaşıb. Qazaxıstanda olduğu müddətdə 31 oyuna çıxan forvard heç cür əsas heyət oyunçusuna çevrilə bilməyib. Yalnız 6 qarşılaşmada 90 dəqiqə meydanda olmaq imkanı qazanıb ki, əlavə şərhə ehtiyac qalmır. Vurduğu qolların sayı isə üçdən artıq olmayıb. Ümumiyyətlə, həm hücumçu, həm də vinger kimi çıxış edən İqnasionun məhsuldarlığı olduqca aşağıdı. Təsəvvür edin ki, 2007-ci ildən bu yana formasını geydiyi 7 komandada 150-dən çox oyunda vur-tut 19 dəfə fərqlənib. Belə birinin “Neftçi”nin hücum xəttindəki problemi necə və hansı bacarıqla aradan qaldıracağı böyük sual doğurur. Çilili hücumçu Qazaxıstan mətbuatına “Neftçi”yə keçidi ilə bağlı açıqlamasında bunları deyib: “İrtış” məni saxlamaq istəmədi. Yeni mövsüm üçün heç bir təklif etmədilər. “Neftçi” yaxşı şərtlərlə sərfəli təklif irəli sürdü, mən də razılaşdım. Yanvarın 8-də yeni komandama qoşulacam”.
Xatırladaq ki, “Neftçi” İqnasio ilə birillik müqavilə bağlayıb.
...Petrov gəldi
Gürcü, çex və çilili legionerlərdən sonra dördüncü əcnəbi ukraynalı oldu. Söhbət Kirill Petrovdan gedir. Ukraynalı müdafiəçi “ağ-qaralar”la dünən axşam ilyarımlıq müqaviləyə imza atıb. Mərkəz müdafiəçisi olan Petrov vaxtilə boyük perspektiv vəd edirmiş. Ukrayna U-19 və U-21-nin aparıcı simalarından olsa da, əsas millidə debüt etmək ona qismət olmayıb. Vaxtilə U-21-in kapitan sarğısını daşıyıb, 2009-cu ildə gənclər arasında Avropa çempionatında ən yaxşı oyunçu adına sahib olub. 1990-cı ildə anadan olan müdafiəçi ilk dəfə 16 yaşında, yəni 2006-da “Dinamo-2”nin formasını geyib. Daha sonra əsas komandaya cəlb olunsa da, bir il ərzində cəmi 1 rəsmi oyunda çıxış edib. Ardınca “Krivbass”a icarəyə verilib və 3 ildə 56 görüşün həyəcanını yaşayıb. 2013-cü ildə iki klubun - “Qoverla” ilə “Arsenal”ın heyətində meydana çıxmaq imkanı qazanıb. Üst-üstə 18 qarşılaşmada forma geyib. Növbəti ili Polşa “Korona”sında keçirib ki, orda da baş məşqçinin etimadını 20 oyunda qazanıb. 2015-də Qazaxıstana yollanıb və “Ordabası”da 27 matçda iştirak edəndən sonra vətəninə qayıdıb. Bu dəfə 1 il ərzində Donetsk “Olimpik”ində 22 matçda iştirak edib. Elə son klubu da “Olimpik” olub. “Neftçi”yə keçidi isə pulsuz başa gəlib. Yəni azad agent statusuna sahib olub. Müqavilənin rəsmiləşməsini futbolçunun agenti Aleksandr Pankov “instaqram” səhifəsində paylaşıb.
Yeri gəlmişkən, Pankov bundan öncə Ukrayna mətbuatına verdiyi müsahibədə müştərisi haqda bunları deyib: “Petrov növbəti iki gün ərzində yeni komandasıyla müqavilə imzalayacaq. Klubla razılığa gəlmişik, amma rəsmiləşməyib. Asiya, Azərbaycan və Yunanıstandan təkliflər var idi. Yunanıstan klubu yüksək liqada mübarizə aparır. Azərbaycan komandasının isə böyük nüfuzu , tarixi və adı var. Bu üç təklifi nəzərdən keçirmişik. Petrov yayda Yunanıstana gedə bilərdi, amma son anda alınmamışdı. Son qərarımızı 2 gün ərzində verəcəyik”.
Yetirmələrini “Neftçi”dən qaçaq salan rəhbərlik
Yeni gələnlərin gedənlərdən nə dərəcədə üstün olacağını zaman göstərəcək. Ümid edək ki, hər şey klub rəhbərliyinin və baş məşqçinin istədiyi kimi olsun, əvvəlki əzəmətini qaytaran “ağ-qaralar” avrokubok mübarizəsinə qoşulsun. Bunun üçün isə komandada “köhnələr”in də nəfəsi hiss olunmaqdadı. İtirə-itirə gedən “Neftçi” daha bir yetirməsinin gedişinə şərait yaratdı. Yox, Araz Abdullayevin əvəzolunmaz futbolçu olduğunu iddia etmirik. İmkanlarından xeyli aşağı səviyyədə çıxış edirdi və qolunda daşıdığı kapitan sarğısının tələblərinə qətiyyən cavab vermirdi. Amma onu buna vadar edən səbəbləri axtarmalı olan rəhbrəlik və məşqçilər heyəti “getmək istəyirəm” deyən futbolçuya “xoş getdin” cavabını verib qapını göstərdi. Klubdakı, komandadakı problemin kökünü axtarmalı olan şəxslər “Neftçi”nin yetirmələrini qovmaqla məşğuldu. Ya özləri soyudur, ya da soyuyanlara qapı göstərirlər. Müşahidə Şurası yeni yaranan vaxtlarda Elvin Yunuszadə ilə Mirhüseyn Seyidov komandadan qovuldu. Klubun çörəyi hesabına böyüyüb, vaxtilə Avroliqanın qrup mərhələsində çıxış edən gənc futbolçular idi. Amma heç kimə lazım deyilmiş kimi küçəyə atıldılar. Eyni damğanı Mirabdulla Abbasova da vurub öncə Latviyaya, sonra da “Sumqayıt”a uğurladılar. Daha sonra növbə Ruslan Qurbanova çatdı. Ötən mövsüm komandada ən çox qol vuran futbolçu adını qazanan, yığmaya müntəzəm dəvət alan, “Neftçi”nin Avroliqaya vəsiqə qazanmasında və mərhələ adlamasında böyük pay sahibi olan Qurbanovla ortaq məxrəcə gəlinmədi. Lazımsız legionerləri komandaya cəlb edən rəhbrəlik yararsız Vançe Şikova verdiyi illik maaşın yarısını Ruslana qıymayınca hücumçu “Qəbələ”ni seçməli oldu. Perspektivli Elşən Abdullayev “Qarabağ”a üz tutdu. İndi də Araz Abdullayev nümunəsi. Şübhə yoxdu ki, Araz “Neftçi”dən getməsini şəxsən özü istəyib. Yəni indiki rəhbərlik və baş məşqçi ilə irəli getməyin mümkünsüz olduğunu anlayandan sonra karyerasını daha münasib yerdə davam etdirməyi qərara aldı. Halbuki Elxan Abdullayev bəndənizə verdiyi müsahibədə Arazın “Neftçi”ylə ilyarımlıq müqaviləsinin olduğunu deməklə yanaşı, əminliklə heç bir yerli futbolçunun komandanı tərk etməyəcəyini dilə gətirmişdi… Budu, “bəh-bəh”lə yaradılan Müşahidə Şurasının gördüyü iş, yürütdüyü siyasət. Yeni yaranan vaxtlarda “Neftçi”ni dünyaya brend kimi tanıtmaqdan, klubda gənc futbolçuları üzə çıxarmaqdan dəm vuran şura sədri Çingiz Abdullayev artıq gözə dəymir. Çünki dediyi sözlərin havaya uçduğunun fərqindədi. “Neftçi” indi autsayder brendi kimi tanınmaqdadı. Klubun gəncləri başqa komandaların uğurları üçün tər tökür, rəqibləri gücləndirir. “Neftçi”dəki başlar isə transfer çalışmalarına qarışıb. Hər dəfə “transfer pəncərəsi” açılanda bir vaqon futbolçu gəlir, bir vaqon gedir. Bunun nəyə hesablandığını, şalvarın hansı hissəsinə xidmət etdiyini isə uşaqdan-böyüyə hər kəs bilir. “Neftçi” dağıdılır, talanır, kimlərsə qaz vurub qazan doldurur. Ortalıqda isə heç nə yoxdu.
Folprext “8”iseçdi
Haqqında söz açdığımız “Neftçi” artıq hazırlığa start verib. Yanvarın 4-də Bakını tərk edən komanda üzvləri həmin gün Antalyaya çatıb. “Bellis” otelində məskunlaşan yerli futbolçular arasında iki yeni transfer - Georgi Novalovski ilə Zdenek Folprext də var. Kirill Petrov dünən düşərgəyə gəlib. İqnasio Errera isə bu gün kollektivə qoşulmalıdı. Bu arada onu da nəzərinizə çatdıraq ki, Folprext yeni komandasında Elşən Abdullayevin boşaltdığı nömrəni - “8”i geyəcək.
“Neftçi”nin dörd yoxlama görüşü keçirəcəyini xəbər vermişdik. İlk belə oyun yanvarın 8-də “Sivasspor”a qarşı baş tutacaq.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 23:44 Azərbaycan DÇ-də üç jurnalistlə təmsil olunacaq Dünən, 23:41 PFL kubokun finalıyla bağlı “Kəpəz”ə müraciət etməyib Dünən, 23:38 PFL yığmaya görə təqvimi dəyişdi Dünən, 23:29 “Neftçi”nin bazası 2019-un sonunda hazır olacaq Dünən, 23:24 Ceyhun Sultanov da “Sumqayıt”ı “Neftçi”yə dəyişdi Dünən, 23:17 Vaqif Ömərov “Sumqayıt”a müvəqqəti prezident təyin olundu Dünən, 23:14 “Neftçi” Mujekdən də qurtuldu Dünən, 23:11 Fanklublar da Qəbələ variantına etiraz etmir Dünən, 23:02 “Darmadağınçı” qonaqlar Dünən, 22:59 İntizam Komitəsi “Qəbələ” ilə “Zirə”ni 16 min cərimələdi Dünən, 22:56 “Qəbələ” apellyasiya şikayəti verməyəcək Dünən, 22:48 Natalya Məmmədova rəqabətsizlikdən narazıdı Dünən, 22:45 Ən güclü yeniyetmə “klassiklər” müəyyənləşdi Dünən, 22:42 Ölkə çempionatı başladı Dünən, 22:39 Rauf Məmmədovdan uğursuz başlanğıc Dünən, 22:37 Cənubi Kipr mətbuatından Araza yüksək qiymət Dünən, 22:30 Meydanda huşunu itirən iranlı yenidən qayıtdı Dünən, 22:23 “Ekol” 8 dəqiqəyə çökdü Dünən, 22:18 “Traktorsazi” ərəblərlə bacarmır Dünən, 22:16 Bədavi Almaniyada müalicə alır 21-02-2018, 15:00 Şəhriyar xatirə turnirində iştirak edəcək 21-02-2018, 14:58 Milli Belarusa yollandı 21-02-2018, 14:57 Braxner diqqətini slaloma ayırıbmış... 21-02-2018, 14:56 Soydaşımızın şərəfinə Rusiyada yarış keçirilib 21-02-2018, 14:54 Yığmanın baş məşqçisi tennisin problemlərindən danışdı 21-02-2018, 14:52 “Forza Neftçi”nin Kamran Quliyevdən bir istəyi var 21-02-2018, 14:51 Ramil Şeydayevin ehtiyatda “çürüməsi” futbolumuza ziyandı 21-02-2018, 14:50 Klublar Komitəsi “Sumqayıt”ın prezidentini gözləyir 21-02-2018, 14:49 Yarımfinalçılar Qəbələ variantına etiraz etmir 21-02-2018, 14:48 PFL Gəncədən imtina etdi 21-02-2018, 14:47 AFFA-da Region Liqası klublarının nümayəndələri ilə görüş 21-02-2018, 14:45 Namiq Ələsgərov futbolçu xanımla ailə qurdu 21-02-2018, 14:43 Araz Abdullayev dirəyi nişan almaqda Messi ilə yarışa bilər 21-02-2018, 14:41 Ağabala ötən tur lideri, bu dəfə izləyicisini çökdürdü 21-02-2018, 14:40 Hallidey “Qəbələ”yə görə hələ də özünü qınayır 21-02-2018, 14:39 “Hakimlər axırda məni dəli edib, çöllərə salacaqlar” 21-02-2018, 14:38 Ruslan Qurbanov söyüş söyməsinin səbəbini açıqladı 21-02-2018, 14:31 Turun statistikası 21-02-2018, 14:29 Turun məşqçisi 21-02-2018, 14:28 HAKİMLƏRİN MÜHAKİMƏSİ 21-02-2018, 14:26 Turun oyunçusu 21-02-2018, 14:25 Turun sitatı 21-02-2018, 14:24 TURDAN MƏQAMLAR 21-02-2018, 14:03 Bakıda türkmənlər sevindi 21-02-2018, 14:02 Polina “Fənər”in qələbəsinə 24 xalla töhfə verdi 21-02-2018, 14:02 Çempionatda sürpriz lider 21-02-2018, 13:59 VİP intriqanı ölməyə qoymadı 21-02-2018, 13:58 Elçin Məmmədov yenidən iş başında 20-02-2018, 00:52 Ölkə çempionatı başladı 20-02-2018, 00:50 Titula iddialılar qalib gəldi 20-02-2018, 00:48 Rafael Ağayev sözünü Dubayda dedi 20-02-2018, 00:46 Cüdo yığmamız Avstriyada birinci oldu 20-02-2018, 00:45 Stadnik yenə yaponla bacarmadı 20-02-2018, 00:43 Məmmədova sevindi, Poznyak üzüldü 20-02-2018, 00:42 Olimpiyaçımız böyük slalomda yarışmadı 20-02-2018, 00:41 Yeniyetmələr sensasiyaya imza atdı 20-02-2018, 00:40 “Aeroflot Open”də üç şahmatçımız yarışacaq Bütün xəbərlər
Ən çox oxunanlar