17 avq 19:46aktual

Azarkeşlər bu dəfə sona qədər tribunaları boşaltmadı

Azarkeşlər bu dəfə sona qədər tribunaları boşaltmadı
Azərbaycanlı azarkeş bu himni stadionda canlı eşitmək üçün nə az, nə çox - düz 25 il gözləməli oldu. Keçmiş SSRİ-nin “şinelindən çıxan” respublikaların 4-də - Rusiya, Ukrayna, Belarus və Qazaxıstanda – futbolsevərlər bu xoşbəxt dəqiqələri yaşamağın həzzini dadmışdısa, “Qarabağ”ın sayəsində srağagün bizlərdə 1992- ci ildə Kralin Filormoniya Orkestri tərəfindən bəstələnmiş və Martin Akademiyasinin xoru tərəfindən oxunan o gözəl musiqini eşitdik, kövrəldik, keçmişi yada saldıq, gələcəyi düşündük... Heç şübhəsiz, hər kəs – premyer-liqada hansı komandaya azarkeşlik etməsindən asılı olmayaraq - çərşənbə axşamı 3 dəqiqəlik himni “Tofiq Bəhramov”da səsləndirdiyinə görə “köhlən atlar”a aşkarda, gizlində təşəkkür etdi. İlklər həmişə yadda qalan, əziz olur.
Stadion qarşısında yaşanan izdiham, bilet alveri
Tarixində ilk dəfə Çempionlar Liqasının pley-off oyununa qucaq açan Respublika stadionunun qarşısı oyuna saatlar qalmış artıq futbolsevərlər tərəfindən mühasirəyə alınmışdı. Bu günə kimi İngiltərə kraliçasının xüsusi mükafatına sahib çıxmış ünlü hakimin adını daşıyan arena bir çox tarixi oyunlara evsahibliyi etmişdi. Ancaq çərşənbə axşamı stadion ətrafında xüsusi ab-hava yaşanırdı desək, yanılmarıq. Lakin bu futbol bayramının üstünə kölgə salan məqamlarda az deyildi. Belə ki, əksər beynəlxalq oyunlarda olduğu kimi, bu dəfə də “qara bazar” öz işindəydi. Matçın start ftinə saat yarımqalmış arenanın ətrafındaydıq. Sanki təqvimdə 2017-ci il yox, ötən əsrin 90-cı illərinin əvvəlləri, Azərbaycanda “tolkuçkalar”ın bərkgedən vaxtları idi. “Qonaq sektora bilet”, “matçı VİP lojada izləmək istəyənlərə bilet”, “çox yaxşı yerlərə münasib qiymətlərə bilet” sözlərini addımbaşı eşitmək mümkün idi. Görünür, “Qarabağ” rəhbərliyinin inadkarlğına baxmayaraq, işbazlar yenə də hansısa yolla istəyinə çataraq qarşılaşmadan əvvəl satış üçün biletlər əldə etmiş, oyun ərəfəsində “qaz vurub, qazan doldurmaq” imkanı qazanmışdılar. Qurban Qurbanovun komandasının oyununu izləmək üçün Şəmkirdən Bakıya gələn 3 nəfərlə ayaqüstü söhbət zamanı məlum oldu ki, onlar dəllallardan 6-cı sektora bilet əldə ediblər. 2 manatlıq biletləri 4 manatdan alan şəmkirlilər buna görə məyus olmasalar da, elektron bilet satışının olmamasından gileyləndilər. Onlar ölkə futbolunun liderinin tarixi oyununu izləmək üçün istənilən məbləğdən keçməyə hazır idi. Ancaq internet üzərindən bilet satışının olmasının tərəfdarıdılar. Çünki bölgələrdə “Qarabağ”ın oyununa bilet almaq istəyən yetərincə azarkeş var. Lakin vaxt azlığından paytaxta gələ bilmirlər. Ən pisi isə odu ki, oyun günü satışda holoqramsız biletlər də olub. Sosisal şəbəkələrdəki paylaşımlarda həmin biletlərin şəkli də yayılıb. Qeyri-qanuni biletlərin ortaya çıxması isə heç şübhəsiz, “Qarabağ”ın imicinə ağır zərbədi. Belə çıxır ki, rəsmilər ya durumu idarə edə bilməyiblər və bundan istifadə edənlər satışa holoqramsız biletlərlər çıxarıblar, ya da klubda çalışanlar artıq qazanc əldə etmək üçün bu üsuldan yararlanıblar. Yəqin ki, bu və biletlərin “qara bazar”a necə çıxması rəhbərlik tərəfindən araşdılacaq, günahkarlar layiqli cəzasını alacaq.
50-ci dəqiqədə stadiona girən azarkeş, nəzakətli polis
Oyunun İtaliyadan olan baş hakimi start fitini saat 20.00-da səsləndirsə də, ilk hissənın və ikinci yarının əvvəlində tribunalara axışan azarkeşləri görmək mümkün idi. Onların bu qədər yubanmasının səbəbi isə stadiona girişdə ciddi yoxlamanın olması idi. Təsəvvür edin, arenaya daxil olmaq istəyən hər kəs 4 mərhələli yoxlamadan keçməli idi. Əvəvlcə əlində bilet olan tamaşaçı könüllülər tərəfindən sorğu-suala çəkilirdi. İkinci mərhələdə polislər biletlə yanaşı, xüsusi avadanlıqla əl çantalarını və üst-başı nəzarətdən keçirirdi. Turniketdən keçənlər stadion ərzisində yenidən polisə biletini göstərməliydi. Sonuncu mərhələ isə tribunaya giriş önündə idi. Hətta plastmas su qablarını içəri keçirməyə icazə verməyən asayiş keşikçiləri iradlara baxmayaraq, belə tapşırıq aldıqlarını bildirirdilər. Bütün bu yoxlamaları və bizim azarkeşlərin oyunun startına dəqiqələr qalmış arenaya gəlməsi vərdişini nəzərə aldıqda bəzilərinin öz yerlərini gec tutması səbəbini başa düşmək olar. Yaxşı olardı ki, həmin şəxslər biletin üzərində göstərildiyi kimi stadiona iki saat əvvəldən təşrif buyursunlar. Belədə nə onlar, nə də polis əziyyət çəkər. Yeri gəlmişkən, bu dəfə asayiş keşikçiləri də azarkeşlərə münasibətdə daha mədəni davranışla seçildi. Stadiona girişdə polislərdən birinin yoxlama cihazı xarab olduğundan onun yoldaşı çox nəzakətlə növbəsini gözləyən azarkeşləri başqa istiqamətə yönəltməklə yanaşı, basırığın olmaması üçün əlindən gələni edirdi. Adını öyrənməyə çalışdığımız çavuş buna ehtiyac olmadığını və vəzifə borcunu yerinə yetirdiyini söylədi.
Adsız satış məntəqələri
ÇL-in özünəxas sərt qaydalarının olduğunu hələ ötən saylarımızın birində yazmışdıq. Onu da bildirmişdik ki, matç zamanı stadion ərazisində fəaliyyət göstərən kafe və satış mərkəzlərinin adları UEFA-nın tələblərinə uyğun qapalı olacaq. Hər şey gözlənildiyi kimi də oldu. İstər sərinləşdirici içkilərin satıldığı nöqtələr, istərsə də kafe və fast-fud məntəqləri adsız fəaliyyət göstərirdi. Yeganə adlı çalışan məntəqə yalnız “Qarabağ”ın fan-şopunun filialı idi. Kluba məxsus müxtəlif atributları əldə etmək istəyən istənilən şəxs çətinlik çəkmədən köşkə yaxınlaşıb istədiyini ala bilirdi.
Danimarkalılara basqı
19.20-də həmkarımız, daim “Qarabağ”ın oyununda azarkeşləri ruhalandırmağa çalışan Sənan Şəfizadə meydanın kənarında göründü. Həmişəki kimi rənagarəng şüarlarla fanatları yerindən oynadan Şəfizadə əlindən gələni edirdi ki, tribunalara toplaşanlar səssiz qalmasın. 19.40-da isə 25 və 26-cə sektorda yer alanların səsi bütün arenanı başına götürdü. Buna səbəb “Kopenhagen” azarkeşlərinin qonaqlara ayrılan sektorda yerini tutması oldu. Fanatlar qonaq azarkeşləri fitlə qarşılayır, onlar isə buna müxtəlif əl hərəkətləri ilə cavab verirdilər. İki sektor arasında “qarşıdırma” 90 dəqiqə boyunca davam etdi. “Köhlən atlar”ın bütün fanklubları matçboyu fəallığı ilə seçildi. Ancaq “İmarət”i ayrıca qeyd etmək lazımdı. Daim görməyə adət etdiyimiz 2-ci sektorda yer alan “İmarət”çilər bütün oyunu dayanmadan sevimlilərinin şəninə şüarlar səsləndirməklə yadda qaldı. 9-cu sektorda yer alan fanatlar isə xüsusi işıq effektindən istifadə edərək komandanın adını başlarının üstünə qaldırdılar. Bundan başqa, zaman-zaman tamaşaçılar mobil telefonların işığından istifadə etməklə tribunalarda xoş mənzərə yaradırdılar.
Stadionu tərk etməyən tamaşaçı və adət etmədiyimiz mənzərə
Azərbaycanlı azarkeşlərin səbirsiz olduğu heç kimə sirr deyil. Demək olar ki, əksər matçlarda tərəfdar oyunun son dəqiqələrini izləmədən stadionu tərk etməyə çalışır. Ancaq bu dəfə tam fərqli səhnəyə şahidlik etdik. Hətta hakimin əsas vaxta əlavə etdiyi dəqiqələrdə belə tribunlarda boş yer yox idi. Hamı həyəcanla oyunun necə qurtaracağını gözləyirdi. Buna görə azarkeşlərə xüsusi təşəkkür düşür.
“Qarabağ”ın hər uğurlu oyunundan sonra klub rəhbərliyinin paltardəyişmə otağına girib futbolçuları təbrik etməsinə dəfələrlə şahidlik etmişik. Lakin nədənsə bu dəfə nə “Qarabağ”ın prezidenti Abdulbari Gözəl, nə də vitse-prezident Tahir Gözəl gözə dəydi. “Köhlən atlar”ın hər uğurunu öz uğuru kimi qəbul edən AFFA prezidenti Rövnəq Abdullayev də xətrini çox istədiyi Qurban Qurbanovu və komandasını təbrik edənlər arasında yox idi.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 23:25 Faiq Cabbarovun məhkəməsi təxirə salınıb Dünən, 23:23 BOS-a iynələr vasitəsilə süni qazon əkilir Dünən, 23:21 “Qəbələ”də də maaşlar gecikir Dünən, 23:19 Vüqar məlum uğura görə Qurban Qurbanova zəng edib Dünən, 23:15 Nazarov qələbəyə sevindi Dünən, 23:14 “Araz” daha bir braziliyalı transfer etdi Dünən, 23:09 “Binə” iki qolla sevindi Dünən, 23:07 Elçin Məmmədov “Mançester Yunayted”in oyununda Dünən, 23:06 AFFA rəsmisi Göyçayda uşaqları sevindirdi Dünən, 23:05 Azərbaycanlı səfir “Atletiko”nun prezidenti ilə görüşdü Dünən, 22:57 “Rəhmətlik həmin vaxt ağır xəstə idi, çətinliklə danışırdı” Dünən, 22:46 “Qarabağ” cəmi 17 dəqiqəyə “Sumqayıt”a yerini göstərdi 23-09-2017, 00:46 Alı Alıyev “İnter”i çətin vəziyyətdən çıxara bilər 23-09-2017, 00:43 “Sumqayıt” Nicata vəkil tutmayıb 23-09-2017, 00:42 “İnter”də maaşlar ödənildi! 23-09-2017, 00:41 İsgəndər Cavadov Futbol Akademiyası yaratdı 23-09-2017, 00:39 “Kəpəz” Adil Məmmədovun ad günündə “Xəmsə”ni yendi 23-09-2017, 00:38 UEFA-nın qərarı ciddi müzakirələrə səbəb oldu 23-09-2017, 00:37 AMADA yalnız “Zirə”nin düşərgəsində problemlə üzləşib 23-09-2017, 00:35 PFL oyunların yerini dəyişdi, klubları razı saldı 23-09-2017, 00:34 “Vətən” Ruslan Tağızadə ilə maliyyədə anlaşa bilmədi 23-09-2017, 00:33 “Roma” Bakıya 500 nəfərlik “ordu” ilə gəlir 23-09-2017, 00:31 “Araz”dan əzmkar qələbə 23-09-2017, 00:28 Mikayıl Cabbarov AQF-yə yeni zal bağılşayıb 23-09-2017, 00:26 Ehiosun yenidən “Qəbələ”də 23-09-2017, 00:24 Tərlan Əhmədov ünsiyyətdən qaçır 23-09-2017, 00:23 PFL Apellyasiya Komissiyasının cavabını gözləyir 23-09-2017, 00:22 Dəniz Yılmaz dubl etdi 23-09-2017, 00:21 “Futbol+”: 20 yaşa bir ay qalmış... 22-09-2017, 23:59 Şahin Diniyev Coşquna görə “Terek”i ataraq Bakıya qayıdıb 22-09-2017, 23:56 “Qran-pri” üçün heyət açıqlandı 22-09-2017, 23:55 Yeni prezident fransız oldu 22-09-2017, 23:54 Nazir Belarusa yollandı 21-09-2017, 20:42 FİFA Aqolliyə görə “Qarabağ”a təzminat ödəməlidi 21-09-2017, 20:41 UEFA Avroliqanın finalını Bakıya verdi! 21-09-2017, 20:38 “Araz” təbrizlilərə rəhm etmədi 21-09-2017, 20:36 Bu gün Faiq Cabbarovun məhkəməsi olacaq 21-09-2017, 20:35 “Qaradağ Lökbatan”ın baş məşqçisi Kanadaya getmək istəyir 21-09-2017, 20:33 “Binə”dən heç-heçə və iki müqavilə 21-09-2017, 19:33 Qılıncoynatma Federasiyasında Nazim İbrahimov erası başa çatdı 21-09-2017, 19:31 Kamranın ayağı düşərli oldu 21-09-2017, 19:29 Emin Mahmudov qələbəyə köklənib 21-09-2017, 19:28 Rakitiç Prosineçki olmaq istəyirmiş 21-09-2017, 19:27 “Sumqayıt” Ağamusa Bağırovun yubileyini qeyd etdi 21-09-2017, 19:21 “İnter” “Zirə” ilə oyuna çıxmaya bilər 21-09-2017, 19:19 Ölkəni tərk edən məşqçilər bu gün qayıdır 21-09-2017, 19:16 Çempion turnir cədvəlini baş-ayaq salıb 21-09-2017, 19:14 "Səbail" bir kasetə 400 manat ödəyəcək 21-09-2017, 19:13 “CBC Sport” rəsmisi Türkiyə superliqasını nə vaxt yayınlayacaqlarını bilmir 21-09-2017, 19:11 “Şüvəlan”dan növbəti qələbə 21-09-2017, 19:04 Nicat Muxtarov 3 aylıq həbs olundu 20-09-2017, 17:44 "Qəbələ" sürprizə imkan vermədi 19-09-2017, 16:04 “Cəhənnəm”də “sülh” 19-09-2017, 15:59 “Neftçi” ümid verib, uduzdu 19-09-2017, 15:50 "Kəpəz"dən başqa hamı qol vurdu 19-09-2017, 15:49 Superliqanın “CBC Sport”da yayını gecikir 19-09-2017, 15:46 Coşqun yenə atasını məyus etdi Bütün xəbərlər
Ən çox oxunanlar