17 avq 18:21aktual

“Kopenhagen”in məşqçisi “Qarabağ”ı favorit göstərdi

“Kopenhagen”in məşqçisi “Qarabağ”ı favorit göstərdi
Qurban Qurbanov: “ÇL-in himnini eşidəndə duyğulandım”
Oyunsonrası mətbuat konfransına əvvəlcə “Kopenhagen”in baş məşqçisi Stole Solbakken qatıldı. O, ənənədən kənara çıxdı: matçla bağlı fikirlərini söyləməyib, birbaşa sualların ünvanlanmasını istədi.
- Nəticə öz yerində, başqa nədən narazı qaldız?
- Son 30 dəqiqədən narazı qaldım. Sonluq ürəyimcə olmadı.
- "Qarabağ"dan bu cür oyun gözləyirdiz?
- Təxminən belə oyun gözləyirdim. İlk 60 dəqiqədə bərabər oyun getdi. Bizim də imkanlarımız var idi. Ancaq son yarımsaat “Qarabağ”ın ərazi üstünlüyü şəraitində keçdi, rəqib meydanda daha çox güc qoydu. Qapıçımız bir neçə qurtarışla yadda qaldı.
- Bu maçdan sonra şansları necə dəyərləndirirsiz?
- Deyərdim ki, "Qarabağ" cüzi üstünlük qazanıb. Rəqib Danimarkada qol vursa, tam favorit olacaq. Ancaq hesabı biz açsaq, üstünlüyə sahib olacağıq.
- Futbolçularınız da, özünüz də aqressiv görünürdüz...
- Elə düşünmürəm. Mən aqressiv deyildim.
- “Kopenhagen”dən fərqli, Azərbaycan klubu ilk dəfə Çempionlar Liqasının pley-off mərhələsində iştirak edir. Necə düşünürsüz, azarkeşlər bunun haqqını verdimi?
- Böyük oyun idi. Bu, hiss olunurdu. Azarkeşlər də öz komandalarını yaxşı dəstəklədilər. Qeydə alınan nəticədə də bu rol oynadı.
Qonağın ardınca “Qarabağ”ın baş məşqçisi Qurban Qurbanov kameralar qarşısına keçdi. Təcrübəli mütəxəssis həm yetirmələrinin çıxışını, həm də azarkeşlərin dəstəyini “möhtəşəm” təyini ilə ifadə etdi.
- Həm futbolçularımız, həm də azarkeşlərimiz bu gün alqışalayiq idi. Hər şey möhtəşəm idi. Ehtimal etdiyimiz kimi, ağır oyun oldu. Belə komandalarla oyunda çox güc sərf edirsən. Bu gün də bunun şahidi olduq. Futbolçularım səhvsiz oynamağa çalışdılar. Nəticə yaxşı oldu. Amma hesab arasındakı fərqi artıra da bilərdik. Səfərdə bizi daha ağır matç gözləyir. “Kopenhagen” öz meydanında çox yaxşı futbol göstərir. Rəqibi bu gün daha yaxından tanıdıq. Cavab görüşündə daha diqqətli və səhvsiz oynamağa çalışacağıq. Bizi çox ağır 90 dəqiqə gözləyir. Buna baxmayaraq, uğurlu nəticə əldə etməyə çalışacağıq.
- Oyun ərzində cəmi bir əvəzetmə etdiz. Bu nə ilə bağlı idi?
- Məncə, oyun pis getmirdi. Son dəqiqələr də düşündüyümüz kimi alındı. Matçın axarı onu göstərdi ki, əvəzetməyə ehtiyac yoxdu. Buna görə də yalnız bir dəyişiklikdən istifadə etdim. Hər şey yolunda gedərkən, xüsusilə hücum xəttində edilən dəyişiklik bəzən əks effekt verir. Futbolçu meydana təzyiq altında çıxır, fikirləşir ki, səhv edər və üstünlük əldən verilər. Həm də biz ikinci hissənin sonlarında da təhlükəli hücumlar qurur, qol imkanları yarada bilirdik. Belədə dəyişikliyə ehtiyac görmədim.
- Rəqibin baş məşqçisi cavab oyunu ərəfəsində “Qarabağ”ı favorit sayır. Onun fikri ilə razısızmı?
- “Kopenhagen” bu hesaba hazır komandadı. “Vardar”a da səfərdə 0:1 hesabı ilə uduzmuşdular. Amma öz meydanlarında 4:1 hesablı qələbə qazandılar. Bununla belə, mən də evdəki matçda qol buraxmamağa böyük önəm verirəm. 1:0, hətta 0:0 yaxşı nəticədi.
- Cavab görüşündə Federiko Santanderə qarşı xüsusi tədbir görəcəksizmi?
- Onun qarşısını əlimizdə olan futbolçularla almalıyıq. Hava mübarizəsində uduzsaq da, təkbətək epizodlarda məğlub olmadıq. Qapıçımız da bu gün çıxışlarda dəqiq oynadı. Səfərdə bugünkündən daha çox hava ötürmələri verə bilərlər. Biz buna hazır olacağıq. Bu gün nəyi düşünürdüksə, onun da şahidi olduq. Rəqibi daha yaxından tanıdıq.
- Hakimin idarəçiliyi necəydi?
- Mən hakimlərin idarəçiliyindən həmişə razı qalmışam. Hakimlik ən ağır peşədi. Çünki neçə insanın haqqı var. Mən bütün referilərə rahat oyun idarə etməyi arzulayıram.
- Xüsusilə ilk hissədə Şehiç oyuna daha çox qoşulurdu. Bu, sizin tapşırığınız idi?
- Buna hazırlaşmışdıq. Çünki rəqib 2 hücumçu ilə oynayırdı. Buna görə də Şehiçdən “joker” kimi istifadə edirdik. Ümumən pis alınmadı. Bu, bizim üçün vacib tapşırıq idi.
- Matçın əvvəlində Dino Ndlovu zədələndi və siz əvəzetməyə hazırlaşırdız. “B planı”nız necəydi?
- Təbii ki, müəyyən variant üzərində düşünürdük, ancaq bunu deməsəm, daha yaxşı olar.
- Ndlovunu bu həftə çempionatda oyununda ehtiyatda saxlayıb, cavab görüşünə qorumağı düşünürsüz?
- Ehtimal olsa ki, kiçik zədəsi var, onu qoruyacağıq. Sabah komandanın durumu ilə yaxından tanış olacam. Bu gün çox güc sərf etdilər.
- Künc zərbələri zamanı ucaboy Donald Gerye cərimə meydanında yox, daha çox topun arxasında olurdu. Bu nə ilə bağlı idi?
- Donaldın boyu 180-181 santimetrdi. Yəni o qədər də uzun deyil və ötürmələri yaxşıdı. Buna görə də, standart vəziyyətləri ona tapşırmışdım.
- “Qarabağ” Skandinaviya komandalarının qəniminə çevrilib...
- Futbolçu özünü hazırlayanda, konsentrasiyası olanda istənilən rəqibə qalb gəlməyə qadirdi. Rəqibin kim olmasının önəmi yoxdu. Futbolçularımız “böyüyüblər”, artıq avrokubokda böyük təcrübəyə malikdilər.
- Çempionlar Liqasının himnini eşitmək Qurban Qurbanov üçün necə hissdi?
- Özümdən çox, sizlərin bu himni eşitməsini istəyirdim. Mən də duyğulandım. Bu gün Çempionlar Liqasında mübarizə apardığımızı tam hiss etdik. Şad oldum ki, həmin himni Azərbaycanda eşitdilər, bütün azarkeşlər oyundan həzz aldılar.
- Matçın sonlarında ehtiyat oyunçuların geydiyi tərlikdən istifadə etdiz. Soyuq idi?
- Dördüncü hakim belə istədi. Komanda ilə oxşar geyimdə olduğumu bildirdi. Ona geyimimin göy rəngdə olduğunu desəm də, fikrini dəyişmədi. Buna görə o qədər də xoşlamasam da, “tərlik” geyməli oldum.
- "Qarabağ"ın matçını izləmək istəyən bütün insanlar stadiona gələ bilmədi. Bilet yetmədi. Gələcəkdə Olimpiya stadionundan istifadə etmək fikriniz yoxdu?
- Biz bu stadiona öyrəşmişik. Amma dəqiq bir söz deyə bilmərəm. Bunu gələcək göstərəcək.
- Cavab oyunu üçün penalti seriyasına hazırlaşacaqsız?
- Yox. Biz oyuna hazırlaşacağıq. Çünki penalti vurmağı məşq edəndə futbolçu istər-istəməz ikinci variant üzərində düşünməyə başlayır. Belədə motivasiya zəifləyir.
- Transferlərlə bağlı çalışmalar nə yerdədi?
- Axtarışlar davam edir. Bir neçə futbolçunun klubuna transfer parası da təklif etmişik. Təəssüf ki, hələ alınmır.
- Cavab matçından öncə çempionat görüşünə çıxmaq komandanızda konsentrasiya problemi yaratmayacaq?
- Xeyr. Neçə ildi bu rejimdə oynayırıq. Düşünürəm ki, bu məqam bizə mane olmayacaq. Çempionat matçını təxirə salmaq haqda düşünmürük.
MİRAĞA
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 20:43 “CBC Sport” Olimpiada ilə bağlı film təqdim edəcək Bu gün, 20:34 “Qəbələ”dən daha bir statistika Bu gün, 20:23 Barselona qəhrəmanı kövrəldi... Bu gün, 20:20 Saxtakar dünya çempionu... Bu gün, 20:18 Yığma üzvü karantindən evə buraxıldı Bu gün, 20:14 Robbenin xanımı koronavirusdan qurtuldu Bu gün, 20:08 AÇ-nin ev sahibləri dəyişəcəkmi? Bu gün, 20:04 Klopp Maneni ilk görüşdə kimə bənzədib? Bu gün, 12:27 Karantin Ruslanın “başına oyun açıb” Bu gün, 12:11 AİJF Baş nazirə müraciət etdi Bu gün, 12:06 “9 aydan sonra doğuş sayında inanılmaz artım yaşansa, təəccüblənmərəm” Dünən, 21:12 Teymur Rəcəbov 100 min dollar ziyana düşüb Dünən, 21:09 Fərid Qayıbov payızı nişan verdi Dünən, 20:59 Yaşar Vahabzadəni bu gün hamıdan tez nəvəsi təbrik edib Dünən, 16:03 Mourinyo və oyunçular parkda məşq etdi Dünən, 15:59 Terim koronavirusdan qurtuldu! 7-04-2020, 22:15 Belarus çempionatında futbolçular nə qədər qazanır? 7-04-2020, 21:54 Koronavirus Qvardiolanın anasını öldürdü 7-04-2020, 21:50 Rusiya və Qətər mundialı pulla alıb? 7-04-2020, 21:40 “Düzdü, stadiondakı effekti vermir, ancaq özümü yora bilirəm” 7-04-2020, 21:28 “Qarabağ” boş dayanmır 7-04-2020, 21:19 “Doğulduğum Təbrizdə də vəziyyət ürəkaçan deyil” 7-04-2020, 21:07 Kimdi günahkar? 7-04-2020, 20:51 Evdə qal, yemək bişir! 7-04-2020, 15:17 Arif Rəhimov dəqiqliyin tərəfdarıdı 7-04-2020, 15:11 Klublarda qeyri-müəyyənlik davam edir 7-04-2020, 15:07 Azarkeş qrupları imkansızları sevindirməkdə davam edir 7-04-2020, 15:02 “Zaqatala”dan örnək addım 6-04-2020, 17:24 AGİN yığmalar üçün toplanış təşkil etməyi düşünür 6-04-2020, 17:14 Obradoviçlə Velebit gedib, Lippert Bakıdadı 6-04-2020, 16:53 FİFA yaş limitini artırmağı zəruri sayır 6-04-2020, 16:43 UEFA: milli çempionatlar sona çatdırılmalıdı! 6-04-2020, 16:40 “Barselona”ya qayıdıb yeni səhifə açmaq istəyirəm” 6-04-2020, 16:30 Karius FIFA-ya şikayət etdi 6-04-2020, 16:25 “Heç kim hadisələrin necə inkişaf edəcəyini bilmir” 6-04-2020, 16:20 Tramp da videokonfrans keçirdi 6-04-2020, 16:13 Xabib – Toni dueli 5-ci cəhddə də baş tutmadı 6-04-2020, 16:09 Türkiyəyə futbol nə vaxt “qayıdacaq”? 6-04-2020, 14:49 "Qəbələ" tarixindəki 78 penaltidən 61-ni qola çevirib 6-04-2020, 14:46 "Qəbələ": 546 oyun, 41 kapitan 5-04-2020, 11:22 Fonda daha hansı klub pul köçürəcək? 5-04-2020, 11:01 Koronavirusun öyrətdiyi ...onlayn məşqlər 3-04-2020, 21:40 “Ağsu Siti” də kampaniyaya qoşuldu 3-04-2020, 21:36 Bir daha Çingiz İsmayılova ayrılan yardım haqda 3-04-2020, 21:30 Riad Rəfiyev “asan yol” arzulamır 3-04-2020, 21:21 “Sumqayıt” 40 həmvətənimizi himayəyə götürdü 3-04-2020, 20:55 Avanürist ideya: yarımfinal bir oyundan ibarət olsun! 3-04-2020, 20:35 “Old Wolf”u üç futbolçu təbrik edib 3-04-2020, 20:32 Elvin Bakıdadı, Fərid Çexiyada məşq edir 1-04-2020, 19:25 Altay Əliyev və övladları Prezidentin çağırışına qoşuldu 1-04-2020, 19:09 "Sabah"dan sabahımız üçün jest 30-03-2020, 13:43 "Neftçi" ikinci doğma evim, Azərbaycan ikinci vətənimdi" 30-03-2020, 13:28 “Keşlə” maaşları tam ödəyəcək 30-03-2020, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib Bütün xəbərlər
Ən çox oxunanlar