26 may 18:23aktual

Səmədağa Şıxlarov işdən çıxarılmasının səbəbini bilmir

Səmədağa Şıxlarov işdən çıxarılmasının səbəbini bilmir
“Kadrlar şöbəsindən çağırıb yeni müqavilənin imzalanmayacağını dedilər”

“Neftçi”də növbəti ixtisar dalğasının yaşandığını ötən sayımızda xəbər vermişdik. 10-a yaxın işçiyə qapını göstərən rəhbərlik illərini ağ-qara rənglərə vermiş Səmədağa Şıxlarovu da lazımsız bilib. 1973-cü ildə, yəni 18 yaşında “Neftçi”yə gələn ötənlərin məşhur futbolçusu ayrı-ayrı vaxtlarda 150-yə yaxın oyunda meydana çıxmaqla 20-dən çox qola imza atıb. 1982-də SSRİ-nin gənclər millisində iki görüşdə forma geymək şansı qazanıb. 2012-də Nazim Süleymanovun köməkçisi kimi yenidən “Neftçi”yə qayıdan mütəxəssis son 5 ili klubda seleksiyaçı kimi çalışıb. Yəni qarşısında duran vəzifə aşağı yaş qruplarından ibarət komandalara həm nəzarət etmək, həm də yeni futbolçuların cəlb olunmasına töhfə vermək idi. Əsas komandaya bağlılığı yoxdu deyə, belə vəziyyətdə işdən azad olunması çox təəccüblü görünür. Buna səbəb nə olub? Rəhbərlik səbəb kimi nə göstərib? İxtisara düşməli şəxs mütləq Səmədağa bəy olmalıydı? Bu və başqa suallara aydınlıq gətirmək üçün səbəbkarın özüylə danışdıq.
- “Neftçi”yə lazım olmadığınız haqda oxuculara xəbər vermişik. Səhv yazmamışıq?
- Deyəsən, elə olacaq. Hələ gözləyirəm.
- Ərizə yazmısız? Ya da yazdırıblar?
- İyunun 14-nə kimi vaxtım var. Bir ay əvvəldən deyirlər ki, özümüzə iş tapaq.
- Nə dedilər?
- Rəhbərlikdən mənə heç kim heç nə deməyib. Kadrlar şöbəsindən çağırıb yeni müqavilənin imzalanmayacağını dedilər. Başqa heç bir söhbət olmadı.
- Niyə uzadılmayacaq?
- Səbəbini demədilər. Onlar da heç nə bilmir. Rəhbərliyin qərarı belədi.
- Səbəbi sizə maraqlı deyil?
- Əlbəttə, maraqlıdı, həm də çox.
- Belədisə, niyə dərinə getmirsiz?
- Onsuz da indi heç kim yoxdu. Rəhbərlik gələndən sonra mütləq danışacam. Görüm nə məsələdi, niyə belə qərar qəbul olunub? Mən iş davası eləmirəm, elə şeyi də xoşlamıram. Sadəcə, səbəbini desinlər, bilim.
- Eşitdiyimizə görə, göndərilməyiniz sırf ixtisarlara görədi. Yəni “qara siyahı”ya düşüb adınız.
- İxtisar ola bilər, normaldı. Onsuz da bu dəqiqə bütün sahələrdə ixtisarlar aparılır. Amma nəyisə ləğv edəndə də düşünmək lazımdı. Futbol klubunda seleksiya şöbəsi heç vaxt ixtisara düşə bilməz. Bu mümkün deyil. Seleksiya futbolun tərkib hissəsidi, klubun həssas nöqtəsidi. Gələcəyi düşünürüksə, bu sahənin ixtisarı mümkünsüzdü.
- Bəlkə iş fəaliyyətinizdə hansısa cəhət rəhbərliyin xoşuna gəlməyib.
- Həyatda hər şey ola bilər. İnsanıq, işçiyik, hamı hər adamı bəyənə bilməz ki. Bəlkə yaşım qane eləmir. Nə bilim, vallah.
- Yaşınıza nə olub ki? 61 yaş futbolda heç nədi. Arsen Vengerin 67 yaşı var, “Arsenal”ın başındadı. Fatih Terim 64 yaşında Türkiyə millisinə rəhbərlik edir.
- Onlarda elədi də.
- Sabir Əliyevin 70-ə yaxın yaşı var, “Sumqayıt”ın futbol akademiyasında əlaqələndirici işləyir, təcrübə toplamaq üçün Zaqreb “Dinamo“sunun düşərgəsinə baş çəkir.
- Sırf yaşla bağlı olduğunu iddia etmirəm. Sadəcə, ehtimal kimi dedim. Bəlkə yaşımın 60-ı keçdiyini nəzərə alıb lazımsız hesab ediblər. Rəhbərliyi gözləyirəm, gəlsinlər, görüşüb damışacam.
- Rəhbərlik deyəndə kimi nəzərdə tutursuz?
- İcraçı direktor Orxan Hüseynzadə ilə Müşahidə Şurasının sədri Çingiz Abdullayevi. Görüşüb səbəbini soruşum, bəlkə mənim bilmədiyim, ancaq rəhbərliyin haqlı olduğu məsələ var. Hər kəs işə öz baxış bucağı altında baxır. Bəlkə mənim düz bildiyim nəsə səhvdi, kənardan yanlış görünür.
- Bəlkə əsas komandanın məlum duruma düşməsinə görə kimlərinsə yanında rəhbərliyi qınamısız, bu da onların qulağına çatıb. Ola bilər?
- Bu barədə heç nə danışmaq istəmirəm. Hər şeyin vaxtı var.
- Adətən, ixtisarlar maliyyə sıxıntısına görə aparılır. Bəlkə yeni legionerlərin alınması üçün kadr islahatlarına əl atmağı vacib biliblər.
- Məni heç vaxt maaş maraqlandırmayıb. Heç vaxt pul davası etməmişəm. Aza da “sağ ol” demişəm, çoxa da. Bu günümüzə şükür. Pul dalınca qaçan adam deyiləm. Məni ancaq iş maraqlandırıb, bir də “Neftçi”nin xoş gələcəyi. Böyük pullar almıram ki, buna görə kluba zərbə dəysin.
- Sirr deyilsə, maaşınız nə qədərdi?
- Dediyim kimi, bu günümüzə şükür.
- 1000 manat var?
- 1000 manata kimidi, bəli.
- Heç 1000 manat da deyil?
- Elə o qədər var.
- Sponsoru neft şirkəti olan klub üçün ciddi məbləğ sayıla bilməz. Mütləq ki, söhbət maliyyə sıxıntısından getmir. Nəsə başqa səbəb var.

- Tutaq ki, məni göndərdilər, getdim. Həyatda əvəzedilməz adam yoxdu. Sadəcə, klubda seleksiya işini görən adam olmalıdı. O post ləğv oluna bilməz axı. Uşaq futbolunda axtarışlar, seçimlər mütləqdi.
- Bəlkə tanıdıqlarından birini gətirəcəklər, kimisə “gözaltı ediblər”?
- Hər şey ola bilər. Mənim heç nədən xəbərim yoxdu. Sadəcə, özümə yeni iş yeri tapmağı tövsiyə ediblər.
- Xəstəliyiniz yoxdu ki? İşə vaxtında gedib-gəlirsiz?
- Nə xəstəlik ola bilər? Heç bir xəstəliyim yoxdu. İstirahətsiz işləyən adamam. Adamlar şənbə və bazar istirahət etdiyi halda, bizdə oyunlar olur. Ona görə də istirahət imkanı olmur.
- Bundan sonra nə etmək fikrindəsiz?
- Bu gün (dünən) axşam Almaniyaya uçuram, oğlumun yanına. Gedib baş çəkim, görüm necədi, neynəyir? İki ildi gedə bilmirdim.
- İş tapıb oralarda qalmaq fikrinə düşərsiz birdən...
- O da mümkündü, əla olar. Dil problemim var, ona görə neçə vaxtdı alınmır. Alman dilini öyrənmək lazımdı.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 13:43 Tarixi uğurun memarı hədəfini açıqladı Dünən, 13:40 “Neftçi”lilər “Səbail” azarkeşlərinə “erməni” deyib Dünən, 13:38 Nizami “Çərkəzköy 1911”dən ayrıldı Dünən, 13:36 Xanım referi bu dəfə Heydər Əliyev Fonduna müracət edib Dünən, 13:28 “Qarabağ”ın işçisi klubdan ayrıldı Dünən, 13:24 Tahir Süleymanov İK-nın qərarını gülünc sayır Dünən, 13:23 “Qəbələ”nin meneceri inzibatçını günahsız saydı Dünən, 13:21 Obradoviç təklifini bəzi klublar dəstəkləmədi Dünən, 13:20 “Arsenal” finala çıxsa, UEFA Mxitaryana görə ingilislərə dəstək verəcək Dünən, 12:58 Baş katib qayıtdı, “Kəpəz”in rəisi klubdan ayrıldı Dünən, 12:56 MOİK darmadağın oldu, "Sumqayıt-2" fərqi azaltdı Dünən, 12:50 Tahir Süleymanov “Ayaks”dan və “Futbol+”dən yazdı Dünən, 12:49 Alesio toplanışı dəyərləndirdi Dünən, 12:47 İkinci oyunda uduzdular Dünən, 12:43 İntizam Komitəsi Jozef-Monrozu bağışladı, Rıbkaya güzəşt etdi Dünən, 12:39 Essyen yenidən “Stemford Bric”də görünəcək Dünən, 12:36 “Qəbələ” üçün yarımfinal ərəfəsində üçüncülük şansı Dünən, 12:34 “Tobol”un səhifəsi Emili maraqlı paylaşımla təbrik etdi Dünən, 12:33 “Hələlik Aynur Sofiyeva 2-ci yerdədi” Dünən, 12:30 Mirabdulla Abbasov hərəkətinə aydınlıq gətirdi Dünən, 12:21 Yığma Ukraynaya uduzdu Dünən, 12:18 Projektor olmasa da, final istənilən halda Naxçıvanda keçiriləcək 17-04-2019, 16:52 Turun statistikası 17-04-2019, 16:50 Turun məşqçisi 17-04-2019, 16:49 Turdan məqamlar 17-04-2019, 16:46 “Neftçi”nin çempionluq şansını itirmədiyini düşünürlər... 17-04-2019, 16:44 “Səbail”in vaxtla bağlı etirazı gülməlidi 17-04-2019, 16:42 Turun oyunçusu 17-04-2019, 16:41 Turun sitatı 17-04-2019, 16:40 "Keşlə”yə baxışa fransız oyunçu gəlib 17-04-2019, 16:36 “Neftçi” üstünlüyü bu cür əldən verdi… 17-04-2019, 16:33 Fariz Nəcəfov Tale Heydərovla görüşmək üçün ölkəni tərk etdi 17-04-2019, 16:32 Fariz Nəcəfov “Zirə”ylə oyundan sonranı nişan verdi 17-04-2019, 16:28 Jozef-Monroz Azərbaycan xalqından üzr istədi 17-04-2019, 16:27 Erkin İbrahimov “Neftçi”nin maraqlandığı argentinalını bəyənməyib 17-04-2019, 16:25 Ötən həftə premyer-liqaya vəsiqə qazandı, sabah çempion ola bilər 17-04-2019, 16:24 Yığma bu gün Ukrayna ilə qarşılaşacaq 17-04-2019, 16:22 Hakimlərin mühakiməsi 17-04-2019, 16:21 İlham Allahverdiyev Türkiyəni Qusara dəyişdi 17-04-2019, 16:19 Eddidən məhsuldar ötürmə və "sarı" 17-04-2019, 16:17 Yığma serblərə qalib gəldi 17-04-2019, 16:14 Azər Bağırov AFFA-nın tələblərini yerinə yetirməkdə problem görmür 17-04-2019, 16:14 “Kəpəz”in icraçı direktoru postuna namizəd ittihamlara cavab verdi 17-04-2019, 16:12 “Neftçi”nin gələn mövsüm 1-5-ci yerlərdən birini tutacağına inanıram” 16-04-2019, 16:16 Kubok proqramı açıqlandı 16-04-2019, 16:15 “Qəbələ” bacıoğlunun, SOCAR-ın, yoxsa ərəblərin olacaq? 16-04-2019, 16:13 Niyazi Bayramovla görüşə bilməyən Elxan Məmmədov Tovuza baş çəkdi 16-04-2019, 16:11 Emil oynayır, “Tobol” qələbələri sıralayır 16-04-2019, 16:06 “Qarabağ”dan Qurbanova 3 xallı, 3 qollu təbrik 16-04-2019, 16:02 Vitali Borisov 2 metrin söhbətini edir... 16-04-2019, 16:00 Autsayder ADBTİA-nın önünə çıxmadı 16-04-2019, 15:59 Samir Abasov həmşəhərlilərini əliboş yola saldı 16-04-2019, 15:56 “Qəbələ” qələbəni Tale Heydərova həsr etdi 16-04-2019, 15:52 “Keşlə”dən ardıcıl 4-cü məğlubiyyət 16-04-2019, 15:49 Aftandil Hacıyev hakimliyə üsyan etdi 16-04-2019, 15:46 “Səbail” flaqmanı “taxtdan saldı” 16-04-2019, 15:43 Həftənin idman proqramı Bütün xəbərlər
Ən çox oxunanlar