14 may 15:02aktual

“Turan Tovuz”a “qırmızı”, “Səbail”ə “yaşıl işıq”

“Turan Tovuz”a “qırmızı”, “Səbail”ə “yaşıl işıq”
“Analoqsuz inkişaf”: premyer-liqada yenə 8 komanda olacaq

Dünən AFFA-nın Lisenziya Komissiyasının iclası keçirilib. Toplantıda 2017/18 mövsümündə avrokuboklarda və premyer-liqada iştirak üçün müraciət edən klubların sənədlərinə baxılıb. Adı çəkilən komissiya klubların lisenziyalaşdırılması üzrə qaydaların 8-ci maddəsinə əsaslanan müzakirələrdən sonra qərara alıb:
1. UEFA-nın klub yarışlarında iştirak üçün aşağıdakı klublara lisenziya verilsin: “İnter”, "Qarabağ", "Qəbələ", "Neftçi", “Sumqayıt”, “Zirə”.
2. Premyer-liqada iştirak üçün aşağıdakı klublara lisenziya verilsin:
“Kəpəz”, “Səbail”.
3. Premyer-liqada iştirak üçün aşağıdakı klublara lisenziya verilməsin:
AZAL, “Mil-Muğan”, MOİK, “Turan Tovuz”, “Qaradağ-Lökbatan”, “Zaqatala”, "Şəmkir".
Lisenziya iddiaçısı lisenziya ilə bağlı imtina barədə verilmiş bildiriş tarixindən etibarən 10 gün müddətində AFFA-nın Lisenziyalaşdırma üzrə Apellyasiya Komitəsinə şikayət verə bilər. O da qeyd olunub ki, 2017/18 mövsümündə avrokuboklarda iştirak üçün lisenziya almış klublar avtomatik eyni “futbol ili” üçün premyer-liqaya lisenziya almış olur. “Zirə”nin müraciətinə baxılarkən, UEFA-nın bu klubla bağlı bir müddət öncə çıxardığı müvafiq qərar Lisenziya Komissiyası tərəfindən nəzərə alınıb.
Beləcə növbəti dəfə ölkə futbolunda idman prinsipləri pozuldu. Yenə də birinci divizionun qalibi olan komanda premyer-liqaya yüksəlmədi. Hər gün “inkişaf, inkişaf” deyə sinəsini irəli verən futbol rəhbərliyi komanda sayının artmasına nail ola bilmədi. Halbuki söz vermişdilər. Düz bir il öncə. Ötən mövsüm 8 klubun iştirak edəcəyi dəqiqləşəndə AFFA prezidenti Rövnəq Abdullayev açıqlama verərək, bunun müvəqqəti olduğunu dönə-dönə vurğulamışdı. Növbəti mövsümdən ən azı 10, hətta 12 komandalı çempionatdan dəm vurmuşdu. Təbii, assoasiasiya özünə bəraət qazandırmaq üçün “nə edə bilərik, lisenziya tələblərinə cavab vermirlər” kimi bəhanələrin arxasına sığına bilər. Ancaq Abdullayev 4 komandanın elitaya hazırlanması üçün göstəriş vermişdi axı. Hanı o 4 komanda? Belə çıxır, AFFA prezidentinin verdiyi tapşırıq yerinə yetirilməyib? Hər gün “azarkeş məsələsi bizi qayğılandırır” deyə özünü cəfakeş göstərən qurum başbilənləri bölgə klublarına “yaşıl işıq yandırmamaqla” həmin istəyin boğazdan yuxarı söylənildiyini etiraf etmiş olur. Deyəcəklər ki, “Səbail” tələblərə cavab verdi. Məgər bu klub sizin deyil? AFFA istəsəydi, “Turan Tovuz”u gətirərdi elitaya. Sadəcə, “özümünkü olsun, gözümün qabağında olsun” prinsipi əsas götürülüb, vəssalam. Zaqatala, Tovuz, İmişli, Ağsu və başqa bölgələrdəki bu idman növünün fanatları isə böyük futbola həsrət qaldı. İnkişaf 8 komandalı çempionatdısa, inkişaf bir qayda olaraq, çempion olan klubun elitaya yüksələ bilməməsidisə, inkişaf nəzərdə tutulan hədəfə çatmamaqdısa, onda belə inkişafa “əhsən” düşür. Hə, kiçik bir xatırlatma da edək. Son 7 mövsümdə cəmi bir dəfə birinci divizionun qalibi olan klub premyer-liqaya yüksəlib. Başqa sözlə, “Turan Tovuz” da “Abşeron”, “Qaradağ Lökbatan”, “Ağsu” və iki dəfə aşağı dəstədə qalib olan və dağılan “Neftçala”nın taleyini yaşadı.
Qərarlar açıqlanandan sonra Lisenziyalaşdırma Qrupunun rəhbəri Elçin Məmmədovla danışdıq: “Klubların hansı tələblərə cavab vermədiyini onların özlərinə bildirəcəyik, mətbuata yox. Bu gün yazılı şəkildə onlara məlumat veriləcək. Təbii, klublar tələblərdən hansını yerinə yetirmədiklərini açıqlaya bilər. Hazırda qərarları hazırlayırıq. Orda 15 klubun adı var, sənədləşmə işlərini aparırıq, protokol imzalanır. Qərarları AFFA-nın saytına qoymuşuq, amma rəsmi şəkildə imtina səbəbləri göstərilməklə sənədlər gün ərzində klublara göndəriləcək. Qeyd olunduğu kimi, qərarla razılaşmayanlar 10 gün ərzində apellyasiya şikayəti verə bilər. Əlbəttə, əsas problem maliyyə ilə bağlıdı. Bizim sırf işimiz nədi? Əmin olmalıyıq ki, klub növbəti mövsüm fəaliyyətini yarımçıq dayandırmasın, pulu oslun ki, iştirakını sona qədər davam etdirsin. Klubun da işi bu məsələdə bizi əmin etməkdi. Lisenziya ala bilməyən klublar bizi əmin edə bilmədilər. “Səbail” tələblərə tam cavab verib. Onların maliyyə dəstəyi yoxlanılıb və növbəti mövsüm premyer-liqada mübarizə aparmaq üçün lisenziya alıblar”.
Görəsən, yaxın 10 gün ərzində klubların problemi aradan qaldırmaq imkanı nə dərəcədə realdı? Elçin bəyi dinləyək: “Çətin sualdı. Klublar maliyyə mənbəyi tapacaqlarsa, problemi həll edə bilərlər. Digər tərəfdən də onların kifayət qədər vaxtı var idi. Ancaq həmin müddətdə maliyyə mənbəyini tapa bilmədilər. Elə birinci divizionun bir neçə klubunun rəsmiləri mətbuata açıqlama vermişdilər ki, axtarışdayıq, sponsor axtarırıq. Gördüyünüz kimi, axtarışlar nəticəsiz qalıb. Hər halda, 10 gün vaxtları var, görək necə olacaq”.
Hazırda daha bir məsələ müzakirə olunur. Bəziləri düşünür ki, ardıcıl ikinci mövsüm çempionatda 8 komandanın iştirakı avrokuboklarda ölkəmizə ayrılan vəsiqə sayının azalmasına səbəb ola bilər. Məmmədov həmin məsələni belə izah etdi: “Komanda sayının buna aidiyyatı yoxdu. Orda ölkənin reytinqi nəzərdə tutulur. Bizim də reytinqimiz 4 vəsiqəyə kifayət edir. UEFA tərəfindən heç bir minimal tələb yoxdu. Düzdü, tövsiyə var ki, minimum 8 iştirakçı olsun. Ancaq baxırıq ki, Avropada hətta klub sayı 8-dən də az olan ölkələr var. Onların avrokuboklardakı yerlərinə bunun heç bir təsiri yoxdu. Odu ki, söz-söhbətin nəyə əsaslandığını bilmirəm”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 23:16 AÇ üçün heyət açıqlandı Dünən, 23:15 Ölkə çempionatı başa çatdı Dünən, 23:14 Ukrayna ilə bacarmadıq Dünən, 23:13 Nağı Səfərova yenə etimad göstərildi Dünən, 23:12 Bakıda “Red Bull”dan əzələ nümayişi Dünən, 23:10 Kamran Şahsuvarlı finalda Dünən, 23:08 Əliyar Ağayev “Rusenborq”un oyununa təyinat aldı Dünən, 23:07 UEFA-nın MDB üzrə əlaqələndiricisi “Futbol+”ə danışdı Dünən, 23:05 “Zirə”nin oyununda təcrübəsiz qazax Dünən, 22:56 “Qarabağ” oyuna çıxır, “Samtredia” hücumçuyla gücləndi Dünən, 22:55 “Neftçi” rəsmisi gördüyü işdən danışmaq istəmədi Dünən, 22:44 “Zirə”də yayın məsələsində qeyri-müəyyənlikdi Dünən, 22:43 “Dalğa Arena” avrokubok oyunlarına hazırdı Dünən, 22:42 Patrik Klyuvert “Vətən”ə təşəkkür edib Dünən, 22:37 Sloveniyada AÇ-yə gerisayım başlayır Dünən, 22:36 Fransa millisinin sabiq yarımmüdafiəçisi “Qəbələ”də Dünən, 22:34 Futzal millimiz yenə braziliyalıya tapşırılacaq Dünən, 22:33 Yığmamız qrupda qaldı Dünən, 22:31 BOK prezidenti MOK-a məktub göndərdi Dünən, 22:30 Ayxan Abbasov “Zirə”ni Avroliqaya hazır sayır Dünən, 22:27 "Zirə" rumın müdafiəçi transfer etdi Dünən, 22:09 TRANSFER DOSYESİ Dünən, 22:07 Zirə azarkeşləri oyunun Mərdəkanda keçirilməsindən razıdı Dünən, 22:06 “Sumqayıt” jurnalistlər üçün iftar süfrəsi açdı Dünən, 22:03 “Zirə”nin legionerləri Türkiyədə ləngidi 23-06-2017, 20:23 Avropa Yay Olimpiya Festivalına lisenziya qazandılar 23-06-2017, 20:22 Otellərin sayı artsa, Bakıya daha çox “Formula-1” azarkeşi gələcək 23-06-2017, 20:20 Ronaldoya millinin forması hədiyyə olundu 23-06-2017, 20:17 Emil Balayev “Səbail”ə keçərkən Qurban Qurbanovla danışmayıb 23-06-2017, 20:14 “Zirə” biletlərin qiymətini açıqladı 23-06-2017, 20:12 Əliyar FİFA karyerasına sıfırdan başlayır... 23-06-2017, 20:09 “Samtredia” ilə ilk oyunun başlama vaxtı dəqiqləşdi 23-06-2017, 20:08 “İnter”in rəqibi son çempionu məğlub etdi 23-06-2017, 20:06 Avroliqanın debütantı mübarizəyə hazırdı 23-06-2017, 20:00 Sumqayıtda mükafatlandırma 23-06-2017, 19:56 Yığmanın baş məşqçisi Ermənistanla oyundan danışdı 23-06-2017, 19:55 Avroliqada ikinci dövrə başlayır 23-06-2017, 19:52 Divizionda çıxış edəcək “Binə”nin büdcəsi 150 min manatdı 23-06-2017, 19:47 Stamenkoviç “Mladost”un bəxtinin gətirmədiyini düşünür 23-06-2017, 19:44 Fanklub rəhbərləri “Milan” azarkeşlərinə haqq qazandırdı 23-06-2017, 19:42 “Fənərbaxça”nın baş məşqçisi Antalya kampından danışdı 23-06-2017, 19:40 Millinin heyəti açıqlandı 22-06-2017, 19:21 Subaşiç “Mladost” haqda gizli heç nə qoymadı 22-06-2017, 19:18 “İnter” “Mladost”u “Dalğa Arena”da sınağa çəkəcək 22-06-2017, 19:17 Zaur Axundov Azərbaycana söz verdi 22-06-2017, 19:15 “Axmat” “Qarabağ”ı da bir qolla üstələdi 22-06-2017, 19:13 “Zirə” vətənə məğlub döndü 22-06-2017, 19:11 “İnter” və “Zirə” siyahını açıqladı 22-06-2017, 19:10 Vyana “Qarabağ”ının Bakıda fanklubu olacaq 22-06-2017, 19:08 “Mladost”la oyunu böyük ümidlərlə gözləyirik” 22-06-2017, 19:06 “Bursa BB”də qaldı 22-06-2017, 19:05 Erməni baş məşqçidən etiraf 22-06-2017, 19:03 Əsgərlərə açıq məktub yazdılar 22-06-2017, 19:00 Çimərlik futbolu yığması Belarusa gedir 22-06-2017, 18:58 Hakimlərimizdən videotəkrara fərqli yanaşma 22-06-2017, 18:57 “Səbail” Emil Balayevi saxladı 22-06-2017, 18:55 Elnur Cəfərov da “Neftçi”ylə müqavilə bağladı Bütün xəbərlər
Ən çox oxunanlar