14 may 14:42aktual

AZAL başqa adla zühur etdi

AZAL başqa adla zühur etdi
Klubun birinci divizionda mübarizə aparacağı təsdiqləndi

Mayın 3-də AZAL fəaliyyətini dayandırması ilə bağlı bəyanat yaydı. Əslində bu, çoxları üçün gözlənilməz oldu. Təkcə bəyanatda yer alan qeyri-adi cümlələri, detalların olmamasını nəzərdə tutmuruq. Sadəcə, klubun fəaliyyətini birdəfəlik dayandıracağını heç kim proqnozlaşdırmırdı. Əksinə, birinci divizion klublarının lisenziya tələblərinə cavab verməməsi üzündən “təyyarəçilər”in elitada qalacağı ilə bağlı söz-söhbət gəzirdi. Ancaq birdən-birə belə bir qərarın verilməsi müxtəlif suallara yol açdı. Ən maraqlısı isə klubun bazasının “Zirə”yə veriləcəyinin bəyanatda qeyd olunmasıydı. Bu baxımdan hər iki tərəfin sponsorlarının hansı şərtlərlə razılığa gəldiyi də məlum deyildi. Bununla belə, həftənin ilk günü AFFA-nın baş katibi Elxan Məmmədov jurnalistlərə açıqlamasında “AZAL yaşayacaq və 1-ci divizionda çıxış edəcək. Komandanın imkanları var, aşağı dəstədə çıxış etmək üçün böyük vəsait tələb olunmur. Bu, onlar üçün problem olmayacaq” demişdi.
Assosiasiya rəsmisi bu cür açıqlama verirsə, deməli, AZAL-ın yaşayacağına şübhə etməyə dəyməzdi. Çox keçmədən baş katibin dedikləri təsdiqini tapdı. Klub dünən saytında yeni bəyanat yaydı: “AZAL-ın ləğv edilməsi ilə bağlı 2017-ci il 3 may tarixli bəyanat klub azarkeşlərinin, fanklub üzvlərinin, xüsusilə Şüvəlan və Binə qəsəbələrində yaşayan azarkeşlərin narahatlığına səbəb olub və bununla bağlı çoxsaylı müraciətlər edilib. Bu müraciətlərə baxıldıqdan sonra sponsor və tərəfdaşlarla təkrar məsləhətləşmələr aparılıb, keçmiş klubun daha çox Şüvəlan qəsəbəsində azarkeş kütləsinə malik olması və həmin qəsəbədə müasir təlim-məşq bazası və stadionun mövcudluğu nəzərə alınaraq, yeni mövsümdən AZAL-ın məhz qəsəbənin adını daşıyan “Şüvəlan” adı ilə fəaliyyətinə davam etməsi qərara alınıb. “Şüvəlan” yeni mövsümdə birinci divizionda təmsil olunacaq. Yeni klub yaxın dövr ərzində yüksək nailiyyətlər əldə edərək, ölkə futbolunun inkişafı naminə və azarkeşlərin etimadını doğrultmaq üçün əlindən gələni əsirgəməyəcək. Şüvəlan qəsəbəsində inşa edilən təlim-məşq bazası müasir infrastruktura və geniş potensiala malikdi. İnanırıq ki, bu qərarın əsasında Azərbaycan futbolunun inkişafı, ölkəmizi beynəlxalq turnirlərdə layiqli təmsil etmək naminə yüksək nailiyyətlər əldə ediləcək”.
Təbii, yenə də baza ilə ölkə futbolunun inkişafının calaq edilməsi ayrıca söhbət mövzusudu. Həmin bəyanatı araya-ərsəyə gətirənlərin bu cür cümlələri seçməsinin səbəbi də məlum deyil. Ancaq azarkeşlərin və fanklub üzvlərinin çoxsaylı müraciətlərinin sponsorların qərarına təsir etdiyini söyləmək absurddu. Aydın məsələdi ki, problem “yuxarılar” səviyyəsində müzakirə olunub və klubun yaşaması ilə bağlı göstəriş verilib. Adi bir faktı qeyd edək. AZAL-ın cari mövsüm 14 ev oyununda 5130 azarkeş olub. Bu da hər matça orta hesabla 366 nəfər deməkdi. Ancaq nəzərə alaq ki, qonaq azarkeşlər də bu sayda böyük pay sahibidi. Bundan başqa, “təyyarəçilər”in hansısa fanklubunun olduğunu da xatırlamaq çətindi. Bu üzdən “azarkeşlərin narahatlığı və müraciəti” söhbəti heç inandırıcı deyil. Görünür, “yuxarılar” klubun yaşamasını məsləhət bilib, vəssalam.
Dünən klubun meneceri Eldəniz Yusifovla əlaqə saxlayıb, ümumi durum haqda bilgi əldə etməyə çalışdıq: “Klub bu gün bəyanat yayıb və “Şüvəlan” adı ilə birinci divizionda çıxış edəcək. Ayın 3-də verilən bəyanatdan sonra AZAL fəaliyyətini dayandırmışdı. Klubda çalışanlar da həmin qərara uyğun olaraq işlərini itirmişdilər. İndi bərpa olunub, ancaq premyer-liqada çıxış edən klubun işçi ştatı divizionla müqayisədə fərqli olur. Yəqin ki, burda müəyyən dəyişiklik olacaq. Bütün bunlara gələn həftə aydınlıq gəlməlidi. Təklif olsa, qalmağımı istəsələr, qərarımı verəcəm. Dəyişiklik istənilən halda olacaq. Rəhbərlikdə kimlərin qalıb, kimlərin gedəcəyini bilmədiyimdən, şərh vermək istəməzdim. Bəyanat bu gün yayılıb və yəqin ki, qarşıdakı günlərdə rəhbərlik kimlərin klubda fəaliyyətini davam etdirəcəyi ilə bağlı qərar verəcək. Bundan sonra klub fəaliyyətini davam etdirəcək”.
Klubun adı dəyişdirilib “Şüvəlan” edilibsə, belə çıxır, AZAL Hava Yolları sponsorluqdan çəkilir. Bəlkə də bu klubu da AFFA “qanadaları altına alacaq”. Əks halda, ad dəyişikliyinə nə ehtiyac var idi? Yusifovu dinləyək: “Düzü, bu haqda məndə tam məlumat yoxdu. Ancaq klubun adı dəyişibsə, sponsor məsələsində də hansısa dəyişikliyin olacağı istisna deyil. Yenə deyirəm, məsələnin təfsilatını bilmirəm. Bununla belə, ad dəyişibsə, nizamnamə, sənədlər dəyişəcək, səhmdarların payı məsələsi var. Ad dəyişikliyi sənədlərlə bağlı yenilik deməkdi. Rəsmi sənədlərdə dəyişiklik gözlənilir. Ona görə də himayədarla bağlı qərar da yəqin orda əksini tapacaq. Çox güman, növbəti həftə bütün suallara aydınlıq gələcək”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 20:04 AFFA hakimə kəllə atan “Laçın”ın məşqçisini cəzalandıracaq Bu gün, 20:03 Mirheydər Səfiyevin istədiyi məbləğ AFFA-nı heyrətləndirib Bu gün, 20:01 Çempion və mükafatçı qələbəylə başladı Bu gün, 19:52 Qurban Qurbanovun “cırtdan”a qarşı gedişləri Bu gün, 19:50 Qələbəyə mane olan səbəblər Bu gün, 19:48 Mahirə çıxış yolları göstərdilər... Bu gün, 19:45 Maltalılar bayram edir Bu gün, 19:39 "Sektor 11" BOS-da niyə varlığını göstərmədi? Bu gün, 19:37 Vaxtilə məhbus həyatı yaşayanlar Kokorinlə Mamayevdən danışdı Bu gün, 19:34 Erkin İbrahimov Skandinaviyaya aparmaq üçün futbolçu axtarır Bu gün, 19:30 AÇ-2020 ilə bağlı tədbir 16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü 14-10-2018, 16:02 Vaqif Sadıqovla Şakir Qəribov U-21-i tək qoymadı 14-10-2018, 16:00 “Araz” “Liman”a “bərk çırpıldı” 14-10-2018, 15:57 “Həmişə milliyə dəvət alıb, oynamağı düşünürdüm” 14-10-2018, 15:54 Üçgünlük səfər, hər gün üçün bir qol 14-10-2018, 15:51 Mütəxəssislər oyunu yox, nəticəni qabartdı 14-10-2018, 15:47 Kiril Petrov ilk dövrədən razıdı 12-10-2018, 22:56 Vüqar Əsgərli U-19-un çıxışını dəyərləndirdi 12-10-2018, 22:54 “Uğur” Region Kubokunda zəif heyətlə oynayıb 12-10-2018, 22:53 Atilla Türkiyədə keçirdiyi 7 mövsümü itirilmiş sayır 12-10-2018, 22:51 “Sumqayıt” Orxan Əliyevlə gücləndi 12-10-2018, 22:50 Kobaxidze bərpa dövrü keçir, Vasin isə meydana çıxmağa can atır 12-10-2018, 22:48 Çəlikəl akademiyanın məşqçiləri ilə nələri müzakirə edib? 12-10-2018, 22:27 Rusiyalı hakimlər obyektivlikdən kənara çıxmadı 12-10-2018, 22:25 Bebek 5-ci dəfə Bakıya gəlir 12-10-2018, 22:25 Maltanın baş məşqçisi və qapıçısı nikbindi 12-10-2018, 21:51 Yığma üzvlərinin qiymətləndirməsi Bütün xəbərlər
Ən çox oxunanlar