19 apr 19:57aktual

“Qarabağ”: çempionluğun anatomiyası

“Qarabağ”: çempionluğun anatomiyası
Çempionatın sonuna 2 tur qalmış əsas suala aydınlıq gəldi. Belə ki, “Qarabağ” ardıcıl 4-cü dəfə ən güclü oldu. Bununla da Qurban Qurbanovun komandası rekorda imza atdı. İndiyədək heç bir komanda premyer-liqada ard-arda 4 dəfə qızıl medala yiyələnə bilməmişdi. Bu isə o deməkdi ki, qarşıdakı avrokubok mövsümündə ölkəmizi Çempionlar Liqasında yenə də “köhlən atlar” təmsil edəcək. Təbii, futbol ictimaiyyəti ağdamlıların, nəhayət, sindroma son qoyub qitənin ən nüfuzlu klub turnirinin qrupuna vəsiqə qazanmasını arzulayır. Ancaq buna qədər “Qarabağ”ın çempionluq yoluna nəzər salmaq yerinə düşər. “Qızıl”ı əldə etmək üçün müəyyən səbəblər həlledici rol oynadı.

Geniş və...
Dəfələrlə “Qarabağ”ın komandalar arasında ən geniş heyətə malik olduğunu qeyd etmişik. Düzdü, başqa klublara üz tutub “sizdə niyə belə deyil” sualını ünvanlamaq yersizdi. Çünki maliyyə sıxıntılarından başı ayazımayan, yaxud da sponsorların məhdud büdcə ilə yaşamasına qərar verdiyi premyer-liqa iştirakçılarının durumu hamıya bəllidi. Ancaq maddi baxımdan işləri qaydasında gedən iki klubdan biri məhz “Qarabağ”dı. Özü də dəfələrlə rəhbərliyin dilindən transferlərlə bağlı suala “Qurban müəllim istəsə, alacağıq” kimi açıqlamalar, cavablar eşitmişik. Doğrudu, bu o anlama gəlmir ki, Qurbanov 5-6 milyonluq futbolçunu gözaltı edərsə, sponsorlar “buyur, al” deyəcək. Hər halda, belə məsələlərdə müəyyən çərçivənin olduğu şübhə doğurmur. Ancaq fakt budu ki, üzdə olan hansısa yerli futbolçunun, yaxud da səviyyəli legionerin alınması zamanı “Qarabağ”da problem yaşanmır. Bir sözlə, uzun marafona çıxan komandanın heyəti geniş, bir mövqeyə ən azı iki futbolçusu olmalıdı. Bu isə Ağdam təmsilçisində var. Xatırladaq ki, “köhlən atlar” qış fasiləsindən sonra Dani Kintana kimi önəmli oyunçusunu itirdi. Zaman-zaman Bədavi Hüseynov, Maksim Medvedev, Rəşad Sadıqov, Əfran İsmayılov, Riçard Almeyda və başqaları da komandasına kömək edə bilmədi. Ancaq Qurbanovun əlinin altında olan “material” həmin çətinliyi unutdurmağa imkan verdi. Başqa bir məqamı yada salaq. “Neftçi” ilə kubokda yarımfinalın ilk oyununda “Qarabağ”ın 6-7 əsas heyət üzvü yox idi. Bununla belə, məhz həmin görüşdə “köhlən atlar” finala vəsiqəni böyük ölçüdə təmin etdi. Yəni təkcə heyətin geniş olması ilə iş bitmir. Kəmiyyətlə keyfiyyət bir-birini tamamlamalıdı ki, “Qarabağ”da məhz belədi.

...“oturuşmuş” heyət
Əslində önəmli məsələlərdən biri futbolçuların vahid sistemə uyğunlaşması, bir-birini gözüyumulu başa düşməsidi. Heç şübhəsiz, “Qarabağ”ın çempion olmasında “oturuşmuş” heyətin böyük rolu var. Komandanın bünövrəsini təşkil edən futbolçular artıq neçə ildi birlikdədi. Sabit heyət isə uğurun əsas açarlarından biri sayılır. Düzdü, zaman-zaman bəzi yeni futbolçular komandaya cəlb olunur, yaxud da kimlərsə yola salınır. Elə bu qış fasiləsində uzun müddət “köhlən atlar”ın uğurları üçün tər tökən Reynaldonun gedişini, Ağabala Ramazanovun alınmasını qeyd edə bilərik. Ancaq bütün bunlar heyətdə kosmetik dəyişiklikdən başqa bir şey deyil. Halbuki cari mövsüm “qızıl” uğrunda “Qarabağ”la kəllə-kəlləyə gələn “Qəbələ”də vurğuladığımız nüanslarla bağlı problemlər diqqəti çəkir. Bu üzdən “köhlən atlar”ın uğurunda sabit, “oturuşmuş” heyətin olmasını əsas səbəblərdən biri kimi ön plana çıxarmalıyıq.

“Qarabağ” lazımsız yerə xal itirmir
Yadınızdadısa, ötən saylarımızdan birində “Qəbələ”nin çempionluğuna mane olan səbəbləri göstərmişdik. Bunlardan biri lazımsız yerə itirilən xallardı. Ancaq “Qarabağ”da əksinədi. Bir müqayisəyə nəzər yetirək. “Qəbələ” ilk “3-lük”də qərarlaşan rəqiblərindən – yəni “Qarabağ”la “İnter”dən 12 xal götürüb. Hələ Zaur Svanadzenin komandası ilə bir oyunu qalır və mümkündü ki, “qırmızı-qaralar” həmin matçda da xal qazansın. “Köhlən atlar”ın isə “Qəbələ” və “İnter”lə matçlardan qazancı 8 xal olub, bu iki rəqiblə oyunları bitib. Göründüyü kimi, “qırmızı-qaralar” əsas rəqiblərinə gücünü göstərdiyi halda, digər komandalarla duellərdə lazımsız xal itkiləri ilə üzləşib. “Qarabağ” isə AZAL-ı, “Sumqayıt”ı bütün oyunlarda məğlub edib. “Kəpəz”lə “Zirə”nin hərəsindən 4 dueldə 10 xal qoparıb. Belə deyək, Qurbanovun yetirmələri yersiz xal itkisinə maksimum şəkildə imkan verməyib. Orta və zəif rəqiblərlə mübarizədə uğurlu olmaq çempionluğu gətirən səbəblərdən biridi.

Soyuqqanlılıq, təcrübə, lider
Qızıl medalların qazanılmasında təcrübə və soyuqqanlılıq da böyük rol oynadı. “Qəbələ” 13-cü turda hakim səhvindən sonra “Qarabağ”a uduzdu və orda yaşananlar hər kəsin yadındadı. “Qırmızı-qaralar” sanki çempionluğu əldən vermiş kimi davrandılar. Halbuki növbəti turda “Qarabağ” xal itirdi, bölgə təmsilçisi qələbə qazanıb həmin məğlubiyyətdəki xal itkisini kompensasiya etdi. Yaxud da “Kəpəz”lə Gəncədəki 3-cü dövrə matçının fasiləsində baş verən olaylar yersiz idi. Verilən cəzaların klubdaxili və komandadaxili ab-havaya təsiri şübhəsiz idi. İstər-istəməz belə durumda gərginlik yaranır və oyunlara köklənmək çətinləşir. Ancaq “Qarabağ”da belə bir durumun şahidi olmamışıq. Hansı ki, çempionatın ilk yarısında bir ara Qurbanovun yetirmələri “Qəbələ”dən xeyli geridə idi. Ancaq “köhlən atlar” bunu faciəyə çevirmədi, soyuqqanlılıq nümayiş etdirib toparlana bildi və bunun bəhrəsini də gördü. Onu da qeyd edək ki, Qurban bəy istər çempionatın, istərsə də rəqiblərin sirlərinə necə lazımdı, bələddi. Komandasının həlledici mərhələdə itkisiz irəliləməsi də belə düşünməyə əsas verir. Həm də “Qəbələ”dən fərqli, “Qarabağ”ın çempionluq təcrübəsi var. Üç dəfə əldə etdiyin istənilən bir uğuru 4-cü dəfə qazanmaq daha asandı, nəinki bunu ilk dəfə edəsən. Heyətdə Rəşad Sadıqov kimi liderin olması da ayrıca üstünlükdü. İstənilən baş məşqçi komandanı arxasınca apara bilən belə liderin olmasını arzulayar. Və belə biri olmadan çempionluğu bayram etmək çətin məsələdi.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-07-2017, 16:56 Tahir Baxşıyev yorğunluqdan gileyləndi 19-07-2017, 16:53 Nazim Babayev yenə Avropa çempionu oldu 19-07-2017, 16:51 Qadınlar Astarada toplanış keçir 19-07-2017, 16:48 Ölkə kubokunun qalibləri müəyyənləşdi 19-07-2017, 16:42 Dünya çempionu xanıma əl qaldırıb? 19-07-2017, 16:42 Eltac Səfərli dünya ulduzları arasında 19-07-2017, 16:35 Yığmada dağıstanlı futzalçı 19-07-2017, 16:33 AFFA hakimlərin Bolqarıstan toplanışını ləğv etdi 19-07-2017, 16:32 “Fola” – “İnter” matçı 29 yaşlı hakimə tapşırıldı 19-07-2017, 16:31 “Qarabağ” Nikaraqua millisinin üzvünə 400 min təklif edib 19-07-2017, 16:26 “Qəbələ” Polşada dəstəksiz qalmayacaq 19-07-2017, 16:24 Yığma üzvü “Zirə”nin potensial rəqibini seçdi 19-07-2017, 16:23 Dəniz Yılmaz “Bursaspor”da qaldı 19-07-2017, 16:21 Yordanesku Abbasovu qabaqlayacaq 19-07-2017, 16:14 Şəfizadə Braziliyada gördüklərini “Futbol+”lə bölüşdü 19-07-2017, 16:11 “Sumqayıt” Bolu toplanışına məğlubiyyətlə başladı 19-07-2017, 16:06 Orxan Hüseynzadə “Neftçi” haqda gizli heç nə saxlamadı 19-07-2017, 16:02 “Kəpəz”in legionerləri gəldi 19-07-2017, 16:00 Göyçə mahalı divizionda təmsil olunacaq 19-07-2017, 15:59 “Forza Neftçi” rəhbərliyi və məşqçilər korpusunu istefaya səslədi 17-07-2017, 23:43 Rəsul Çunayev yenidən dünya lideridi 17-07-2017, 23:42 BŞH beş könüllünü İtaliyaya göndərəcək 17-07-2017, 23:40 Teymur Rəcəbov Cenevrədə “partladı” 17-07-2017, 23:38 Millimizdə yeni braziliyalı 17-07-2017, 23:37 “Kəpəz” Türkiyədədi, yeni transferi Bakıda 17-07-2017, 23:29 Finalın hakimi “Qarabağ”ın oyununda 17-07-2017, 23:27 Tərlan Əhmədov diviziondan aldığı üç təklifi geri çevirib 17-07-2017, 23:25 Tiflisdə “Qarabağ”ın oyununa maraq azdı 17-07-2017, 23:24 “Sumqayıt” superliqa təmsilçisinə qarşı 17-07-2017, 23:22 “Qəbələ” artıq Polşadadı 17-07-2017, 23:21 Fanatları “Qarabağ”a Tiflisdə möhtəşəm dəstək vəd etdi 17-07-2017, 23:19 “Zirə” – “Astra” matçı üçün 6400 bilet 17-07-2017, 23:17 “Qarabağ” kubokla erkən vidalaşdı 17-07-2017, 22:31 “Səbail” meydana çıxa bilmədi 17-07-2017, 22:30 “Qarabağ”lılar “Ayaks”da və “Qalatasaray”da 17-07-2017, 22:28 TRANSFER DOSYESİ 17-07-2017, 22:26 Oqtay Dərəlioglu “qızıl oyun”u yada saldı 17-07-2017, 22:25 Vüqar Latviyada dubl etdi, Renat isə ABŞ-da fərqləndi 17-07-2017, 22:23 “Qaradağ Lökbatan” beş yoxlama oyunu keçirəcək 17-07-2017, 22:22 Antonov “Çernomorets”ə qayıtdı 17-07-2017, 22:20 “Ölkəmdən imtina edənlərdən ikisi də biz olduq” 17-07-2017, 22:16 “Neftçi” “Binə”yə bir qol vurdu 16-07-2017, 16:56 Elməddin Məmmədov Qırğızıstandan “Səbail”ə baxışa gəlməyə razı olmayıb 16-07-2017, 16:53 Gürcüstan mətbuatı: “Kalkulyatorun hesablaya bilmədiyi nəticə - 0:5” 16-07-2017, 16:51 Təmsilçilərimiz növbəti mərhələdəki rəqiblərini tanıyır 16-07-2017, 16:49 BFL-in təsisçisi həyəcan vəd edir 16-07-2017, 16:48 “İnter”dən yubiley qələbəsi və rekord 16-07-2017, 16:38 Heç-heçə Fariz Nəcəfovu təəccübləndirməyib 16-07-2017, 16:36 Teymur yenidən vahid lider oldu 16-07-2017, 16:35 “Zirə” ikinci yarıda çökdü 16-07-2017, 16:32 “Bakcell Arena”da “Neftçi”nin loqosu örtüldü 16-07-2017, 16:30 Reynaldo Türkiyəni İsveçrəyə dəyişir 16-07-2017, 16:28 Reaksiyalar 16-07-2017, 16:25 “Qəbələ”dən təhlükəli start 16-07-2017, 16:23 Qriqorçuk cavab görüşündə yaxşı oynayacaqlarına ümid edir 16-07-2017, 16:20 Mamrot şansları bərabər sayır 16-07-2017, 15:20 “Kəpəz”ə məğlubiyyət Elxan Abdullayevi narahat etməyib Bütün xəbərlər
Ən çox oxunanlar