17 apr 20:44aktual, manset

AFFA “Rəvan”ın apellyasiya şikayətinə baxmır

AFFA “Rəvan”ın apellyasiya şikayətinə baxmır
İlqar Axundov: “Şahdağ”ın, MOİK-in, “Bakılı”nın, “Səbail”in də “danışılmış oyunlarda” adı var”
Məlum olduğu kimi, martın 16-da ölkə futbolunda ilk yaşandı. Belə ki, AFFA İntizam Komitəsinin iclasında çıxarılan qərarlar aydın səmada şimşək effekti verdi. Komitə UEFA-dan daxil olan “danışılmış oyunlarla” bağlı hesabatlara və AFFA-nın İcraiyyə Komitəsinin bununla bağlı tövsiyyələrinə əsaslanıb, adı “danışılmış oyunlarda” ən çox hallanan “Rəvan”la “Şərurspor”un birinci diviziondan kənarlaşdırılması haqda qərar çıxardı.
“Şərurspor”dan fərqli, “Rəvan” qərardan apellyasiya şikayəti verdi. Hələ ötən həftə həmin şikayətə baxılacağı deyilsə də, səs-səmir çıxmadı. Dünən “Rəvan”ın vitse-prezidenti İlqar Axundovla əlaqə saxlayıb, məsələnin nə yerdə olduğunu soruşduq: “Apellyasiya şikayəti vermişik və cavab gözləyirik. Bizim vəkilimiz var, bütün işləri araşdırır. Belə deyim, İntizam Komitəsinin qərarını hüquqşünasa vermişəm, o baxır. Vəkil prosedur pozuntuları aşkarlayıb. Düzdü, demişdim ki, hələ ötən həftə apellyasiyadan cavab gözləyirik. Ancaq belə başa düşürəm ki, onlar hazırlaşırlar. Çünki mən ilkin olaraq komitə ilə danışanda bildirdilər ki, şikayəti verin, biz də sənədləri hazırlayaq. Düşünürəm ki, olmayan şeylərə hazırlaşırlar. Sübut, fakt yoxdu, videolar olmalıdı. Bir çox şeylər olmalıydı ki, yoxdu. Bizə rəsmi məlumat, açıqlama verməyiblər. Yalnız AFFA-nın saytında qərar göstərilib. Ancaq belə olmur. Qərar da nəyəsə əsaslanmalıdı. Düzdü, qərarda yazılıb ki, “UEFA-nın hesabatına görə”, lakin bunlar tövsiyyə xarakterli hesabatdı, fakt, sübut, dəlil deyil. Həm apellyasiya şikayəti vermişik, həm də sorğu göndərmişik ki, niyə kluba vaxtında məlumat təqdim olunmayıb? Dəvət olunmamışıq, bizə sübutlar göstərilməyib. Tez-tələsik qərar çıxarılıb. Bunlar hamısı hüquq pozuntularıdı. Biz cavab gözləyirik. Yəqin onların əlində bir sübut-dəlil yoxdu ki, qalıblar belə. Bilmirlər nə versinlər, nə göstərsinlər. Mən belə düşünürəm. Təbii, müntəzəm əlaqə saxlayırıq. Məktub verilib ümumi şöbəyə. Ora zəng olunur, öyrənilir. Deyirlər ki, vaxtını bildirəcəyik. Apellyasiyada həm mən, həm də vəkilimiz iştirak edəcək. Belə qalmayacaq. Bu məsələlərdə konkret vaxt olmur. Öncədən bizə məlumat verirlər ki, filan tarixdə olacaq. Yəqin ki, hələ konkret vaxt yoxdu. Qalib gəlsək, bütün mənəvi və maddi hüquqlarımızı bərpa edəcəklər. Bu hüquqi müstəvidə həll olunmalıdı. Ola bilər, siz və mən bu cür dərinlikləri bilmirik, ancaq vəkilimiz deyir ki, axıra kimi gedəcəyik. Mənəvi, maddi – nə lazımdısa, bərpa olunmalıdı. Burda bir şey olmasa, yolumuz Avropaya, FİFA-ya açıqdı. Belə haqsızlıq olmaz. Mən demişəm ki, axıra kimi gedəcəm. Bildiyiniz kimi, bu qərar veriləndə futbolçular azad agent statusu aldılar. Eşitmişəm ki, Tagim Novruzov “Zaqatala”dadı. Başqa bir-iki nəfər də müxtəlif klublara keçib. Getsinlər, oynasınlar. Onlar idmançıdı, formada qalmalıdılar. Mənim onlara heç bir etirazım yoxdu. Oturub prosesi gözləməməli deyillər. İdmançı məşq eləməlidi, oynamalıdı. Burda heç bir qəbahət yoxdu. Əksinə, onları dəstəkləyirəm”.
Maraqlıdı, klubun aşağı yaş qrupları fəaliyyətini davam etdirəcəkmi? Ümumiyyətlə, klubun taleyi necə olacaq? Axundovu dinləyək: “Bizim aşağı yaş qrupları fəaliyyət göstərib, göstərir və göstərəcək. Hazırda U-13 komandamız finaldadı, birinciliyə iddialıdı. “Rəvan”ın qızlardan ibarət komandası da finala çıxıb. Uşaq futbolunu hər zaman maddi və mənəvi baxımdan dəstəkləmişik. Nə üçün futboldan çəkilməliyik? Kimsə bizə haqsızlıq edirsə, inciyib çıxıb getməliyik? Axıra kimi mübarizə aparacağıq. Uşaq futbolunu əsas komandanın üzləşdiyi problemə görə məhv etmək fikrimiz yoxdu. Yuxarıda qeyd etdiyim nəticələr aşağı yaş qruplarının fəaliyyətinin göstəricidi. “Rəvan”ın U-19 komandası Çempionlar Liqasında mübarizə aparıb. Aşağı yaş qruplarımız fəaliyyətini davam etdirir. Yaxşı məşqçilərimiz var. Klub rəhbərliyi uşaq futboluna daim diqqət ayırır. Yenə deyirəm, bizə insafsızlıqla, haqsızlıqla damğa vururlar. Amma qeyd etmirlər ki, biz bu 10 ildə ölkə futboluna nə cür yatırım etmişik. Həmin qərarla bağlı fikirləşirəm ki, düşünülməmiş addım olub. Haqq-ədalət öz yerini tapacaq. Yəqin Apellyasiya Məhkəməsində baxıb görərlər ki, düzgün addım atmayıblar. Hələ Cəmşid Məhərrəmovla Elvin Əliyevin də günahı sübuta yetirilməyib. Sübuta yetirilsəydi, ömürlük kənarlaşdırılardılar. Deməzdilər ki, mövsümün sonuna kimi uzaqlaşdırılır. Hər ikisi etiraz ərizəsi də yazıblar, biz də onların arxasındayıq. Bilirsiz, burda çox haqsızlıqlar var. Hüquqşünasımız hazırda bu işin bütün detallarını incələyir. Adi prosedur qaydaları pozulub. Qərar verilib, kluba rəsmi məktub göndərilməyib. Bir gecənin içində verilən qərardı. Bunu bütün idman camiəsi bilir. UEFA-dan 5 sənəd gəlib, heç biri mənə təqdim olunmayıb. Mən zəng edirəm, Elxan müəllim deyir ki, 5 dənə sənəd var. Soruşuram mənə niyə təqdim olunmayıb, qalır belə. 10 gün öncə deyiblər ki, gəlin götürün, getmişəm. İndi apellyasiyada da çıxış edib, hər şeyi deyəcəm. Bu cür sənədlər bütün divizion klublarına gəlib. “Şahdağ”ın, MOİK-in, “Bakılı”nın, “Səbail”in də “danışılmış oyunlarda” adı var. Elə UEFA-dan “Səbail”in “Rəvan”la “danışılmış oyun”u gəlib. Niyə “Rəvan”ın adı çəkilir, “Səbail”in yox? Biz danışmışıqsa, onlarla danışmışıq. Belə bir şey varsa, onlar bizimlə əlbir olublar. Olmazdılar, AFFA-ya deyərdilər “Rəvan” bizə “danışılmış” oyun təklif edir, sizə şikayət edirik”. Amma etməyiblər axı. Həqiqətdisə, deməli, onlar da suçludu. Çox şey var, ancaq hələ apellyasiyanı gözləyirəm. Bu damğanı üzərimizdən götürənə qədər mübarizəni davam etdirəcəyik”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 21:17 Təcrübəlilərdən Yaşar Vahabzadənin yekun siyahısına kimlər düşəcək? Dünən, 21:16 Klublar bonus nəzərdə tutmayıb Dünən, 21:15 AFFA-nın UEFA-dan qonaqları var Dünən, 21:14 Abdulbari Gözəlin açıqlaması azarkeşləri məyus edib Dünən, 21:12 “Trabzonspor”un baş məşqçisi “Qəbələ”nin futbolçusunu bəyənib Dünən, 21:00 Fərhad Məmmədov cüdoçulara qadağa qoyub Dünən, 20:59 Şəhriyar dünya çempionunu da diz çökdürdü Dünən, 20:58 Çempion kim olacaq: “Qarabağ”, yoxsa “Qəbələ”? Dünən, 20:56 PFL əvəzediciləri “Bakcell Arena”da mükafatlandıracaq Dünən, 20:55 “Neftçi” “Qəbələ”nin müdafiəçisinə göz dikib Dünən, 20:54 Namiq Məstanov Azərbaycan futbolunun xilas yolunu göstərdi Dünən, 20:50 “Gümüş” “Səbail”in, “bürünc” “Ağsu”nun oldu Dünən, 20:47 Kubokda sensasiya: “Araz”la “Ekol” mübarizəni dayandırdı Dünən, 20:46 U-17 Podqoritsada xala və qola həsrətdi Dünən, 20:37 Xaqani Məmmədovun finalı Ömər Paşayevə tapşırmaq istəyi narazılıq doğurub Dünən, 20:36 “Qəbələ” fanklublarını Naxçıvana aparacaq Dünən, 20:35 “Sumqayıt”da köklü dəyişikliklər olacaq Dünən, 20:33 “CBC Sport” 25 dəqiqəlik icmalla kifayətlənib Dünən, 19:59 Babək Quliyev Qazaxıstanda hakimlik edir Dünən, 19:57 Adı siyahıda olmayan sabiq prezident medal alıb Dünən, 19:56 AFFA Zaur Axundovu “İnter”in Müşahidə Şurasının sədri təyin etdi Dünən, 19:54 AMADA-nın binası istifadəyə verildi Dünən, 19:53 İslamiada xəbərləri Dünən, 19:51 Uesli Sonun anası da ölkəmizə gəlib Dünən, 19:46 Şəmkirlilər evdə qələbə qazandı Dünən, 19:45 “Mauqli” sükuta Türkiyədə son qoyacaq Dünən, 19:44 Millimiz Sloveniyaya yollandı Dünən, 19:42 AÇ üçün heyətlər açıqlandı 27-04-2017, 17:52 İslamiada xəbərləri 27-04-2017, 17:51 Şəhriyar liderliyini davam etdirir 27-04-2017, 17:49 Yaşar Vahabzadə yekun qərarını 29-dan sonraya saxladı 27-04-2017, 17:48 Misir Əbilovun komandası Mingəçevirdə qoçuluq edib 27-04-2017, 17:47 Şimali İrlandiya ilə “Tofiq Bəhramov”da qarşılaşacağıq 27-04-2017, 17:38 PFL “İnter”ə “Qarabağ” və “Qəbələ”dən az medal verdi 27-04-2017, 17:35 Premyer-liqanın bombardiri kim olacaq? 27-04-2017, 15:59 İlk oyunda məğlubiyyət 27-04-2017, 15:58 Mövsümün ən az qol vurulan turu 27-04-2017, 15:49 İlk altı çempionatla bağlı əcaib mənzərə 27-04-2017, 15:47 “Qəbələ” Tiflisdə 6-cı oldu 27-04-2017, 15:45 FİFA referiləri İslamiadada! 27-04-2017, 15:39 “Gümüş”lə “bürünc”ün taleyi qərbdə həll olunur 27-04-2017, 15:38 İntizam Komitəsi “Neftçi”nin məğlubiyyətini rəsmiləşdirdi 27-04-2017, 15:36 TURUN MƏŞQÇİSİ 27-04-2017, 15:35 TURUN SİTATI 27-04-2017, 15:33 TURUN OYUNÇUSU 27-04-2017, 15:32 HAKİMLƏRİN MÜHAKİMƏSİ 27-04-2017, 15:31 Xaqani Məmmədovun köməkçisi qovuldu 27-04-2017, 15:29 Maşallah Əhmədovla bağlı DGK-ya sorğu göndərilib 27-04-2017, 15:28 “İnter”lilər mayın 10-na qədər gözləyəcək 27-04-2017, 15:27 “Neftçi”yə yeni rəis gəlir 27-04-2017, 15:25 “Neftçi” rəhbərliyi məşqçilər korpusunu cərimələdi 27-04-2017, 15:23 “Forza Neftçi” qərarını verdi 27-04-2017, 15:20 Teymur Rəcəbov Olimpiadadakı uğursuzluqdan danışdı 27-04-2017, 15:18 Şəhriyar Məmmədyarov Rusiya klubuna keçib 27-04-2017, 15:16 Yunanıstana geniş heyətlə 27-04-2017, 15:12 Pevtsov iki pillə irəlilədi 27-04-2017, 15:11 Ən güclü boksçular müəyyənləşdi Bütün xəbərlər
Ən çox oxunanlar