14 dek 13:15aktual

“APOEL-lə ikinci oyundan sonra sanki mövsüm bitmişdi”


Qurban Qurbanov “Qarabağ”ın və ölkə futbolunun problemlərini açdı
Oyunsonrası mətbuat konfransına əvvəlcə qonaqların baş məşqçisi Bertran Krasson təşrif buyurdu. Belçikalı mütəxəssis matçla bağlı fikir söyləməyi lazım bilmədi və birbaşa sualların verilməsini istədi.
- Nəticəyə görə hansı hissləri keçirdiz?
- Açığı, nəticəyə görə çox təəssüflənirəm. 90 dəqiqənin yekunu məni məyus etdi. Amma oyundan razıyam. Üstünlüyümüz açıq-aydın görünürdü. Rəqibin meydanında oynayanda həmişə 0:1 geridə başlayırsan. Nəticədən narazı, oyundan razıyam.
- Evdə uduzandan sonra səfərdə heç-heçə edən komandanın baş məşqçisi niyə məyusdu?
- “Qarabağ” kimi güclü komandaya qarşı belə oynadığımıza görə fəxr edirik. Amma son dəqiqələrə qədər öndə olub, qələbəni əldən verməyimiz mənə pis təsir etdi. Üstəlik rəqib 10 nəfərlə oynayırdı. Belə durumda üstünlüyü qoruya bilmədiyimizə görə məyus olduq.
- Oyun zamanı tribunadan texniki zona ilə necə əlaqə saxlayırdız?
- Bunu müzakirə etmişdik. Telefon vasitəsilə əlaqə saxlayırdıq. Komanda üzərinə düşəni etdi. Oyundan-oyuna futbolçuların məsuliyyəti artır. İnkişafımızı görməmək mümkün deyil. Komandamın böyük potensialı var.
- Qeydə alınmayan qolla bağlı nə düşünürsüz?
- Təəssüf ki, belə hadisələr tez-tez olur. Videoyazıya baxa bilməmişik. Qolumuz sayılmadığına görə təəssüflənirik.
- Lüksemburqdakı ilk görüşdə xoşagəlməz hadisə baş vermişdi. Bakıdakı qonaqpərvərlikdən razı qaldız?
- Hamımız çox razıyıq. İnsanlardan, burdakı şəraitdən, ümumi ab-havadan məmnun qaldıq. Sözün düzü, bir daha böyük məmnuniyyətlə Bakıya gəlmək istərdim.
“Qarabağ”ın baş məşqçisi Qurban Qurbanov həmkarından fərqli əvvəlcə oyunla bağlı fikirlərini bölüşdü:
- Bizim üçün o qədər də yaxşı olmayan nəticə qeydə alındı. Ancaq hamımız bir yerdə olduq. Bütün azarkeşlərə təşəkkür edirəm. Maraqlı oyun oldu. Meydanda hər şeyi gördük. Həm qol oldu, həm də qırmızı vərəqə. Futbolçulara təşəkkür edirəm ki, sona kimi nəticəni dəyişmək üçün mübarizə apardılar. Şükürlər olsun, matçı ən azı bərabərliklə bitirə bildik. Çətin də olsa, məğlub olmadıq.
- Qol buraxandan sonra “Qarabağ” daha istəkli oldu. Əvvəldən niyə belə həvəs yox idi?
- Rəqib fərqli sistemdə oynayırdı. Hansısa komanda pressinq etmək istəyirsə, bu ilk hissədə daha yaxşı alınır. Fasilədən sonra pis başlamadıq. Ancaq düşünmədiyimiz qırmızı vərəqə oldu. Fikrimcə, komanda meydana heç də istəksiz çıxmamışdı. Ancaq ümumilikdə komandada belə ab-hava var idi ki, APOEL-lə ikinci oyundan sonra sanki mövsüm bitmişdi. Belədə onları oyunlara kökləmək asan deyildi. Bu gün komanda ilk dəqiqələrdən istəkli idi. Ancaq rəqibi də nəzərə almaq lazımdı. Qol buraxanda da 10 nəfərlə idik. Bundan sonra başqa çıxış yolumuz yox idi, risk etməliydik. Əks-hücumlarda tutula bilərdik. Oyunun dəyişməsinin səbəbi risk etməyimiz oldu.
- “Qarabağ”ın qrupdan çıxmaq şansının olmadığı bəlli idi. Sizcə, sınma anı APOEL-lə burdakı oyun oldu, yoxsa səfərdəki?
- Görünən odu ki, cavab oyunu. Daha dəqiq desəm, səfər qarşılaşmasının son 15-20 dəqiqəsi. Düzdü, hər şey bitməmişdi, ancaq rəqib artıq önə keçmişdi. Bakıdakı görüşdən sonra 2-ci pillədə idik. Bəlkə də orda 3:0 qalib gəlməliydik. Həmin məğlubiyyət bizim üçün böyük zərbə oldu. O görüşdən sonra futbolçular həddən artıq məyus oldular. Ancaq bu bizim işimizdi. Hər turnirdə ən yaxşısını etməyə çalışırıq. Nə qədər alındığını sonda görürük.
- Sizin üçün bu oyun daha vacib idi, yoxsa 3 gündən sonra keçiriləcək “Keşlə” ilə ölkə kubokunun qarşılaşması?
- Bu gün bu oyunu fikirləşirdik. Ən azı 3-cü yeri qorumaq istəyirdik.
- “Qarabağ” qrupda gücünə uyğun pillədə qərarlaşdı?
- Hər oyun ən yaxşısını edib, nəticə qazanmaq istəyirik. Bir neçə dəfə demişik ki, bəxtimiz gətirmədi, şanslardan yararlana bilmədik. Bir neçə gün əvvəl qrupda keçirdiyimiz oyunları bir daha özüm üçün təhlil etdim, videoyazıları izlədim. İndiyə kimi APOEL-lə görüşlərdəki qədər qol epizodu yaratdığımız rəqib olmayıb. Ancaq bu o demək deyil ki, onlar 2-ci yerə layiq deyillər. Bu, bəhanə olmamalıdı. Deməli, daha çox qol vəziyyəti yaratmaq lazımdı. İndi bununla razılaşmalıyıq. APOEL bizdən üstün oldu. Ancaq yenə onlara qarşı oynasaq, çəkinməyəcəyik və qalib gəlməyə çalışacağıq.
- Sanki bizim azarkeşlər üçün artıq qrup mərhələsi adiləşib. Bu fikirlə razısız?
- Qrup mərhələsi heç də asan deyil. Avropada orta səviyyəli çempionatlar da inkişaf etməyə başlayıb. Hər oyun istənilən məşqçi fərqli sistem tətbiq edə bilər. Əvvəllər bəzi komandalara qarşı oynamaq daha asan idi, nəinki indi. Şükürlər olsun, çox yerdə “Qarabağ”ın fərqli oyun göstərdiyini eşidirik. Bizə qarşı həddən artıq ciddi hazırlaşırlar. Biz istəyirik ki, hər il bir addım da irəli gedək. Ancaq bəzən hansısa uğuru əldə etmək o qədər də asan olmur. Bu il alınmadı, çalışmalıyıq ki, gələn il buna nail olaq. Əlimizi yanımıza salmaq düzgün olmaz. Mən “Qarabağ”a gələndə uzun illər komanda çempion ola bilmirdi. O vaxt klublar daha güclü idi, futbolda daha böyük maliyyə var idi. Onlardan çəkinmədik, üstünə getdik, çempion olduq, sonra qrupa düşdük və s. İdmanda prinsiplərə əməl etməliyik. Məğlub ola bilərik, amma sınmamalı, qorxmamalı, çəkinməməliyik. İnamla hazırlaşmalı, Avropa futbolundan qorxmamalıyıq. Rəhbərlik səviyyəsində də nə qədər gücümüz varsa, bundan istifadə etməyə, bir addım da irəli getməyə çalışırıq. Nə qədər edə biləcəyimizi zaman göstərəcək.
- 2019-cu ili “Qarabağ” üçün uğurlu saymaq olar?
- Uğursuz oldu desəm, o qədər də düzgün çıxmaz. Bir qədər əvvəl xeyli məlumat verdim. Bu il çempion olmuşuq, hazırda 1-ci yerdəyik, kubokda oyunlarımız qalır. Buna görə də ili uğursuz saymaq olmaz. Yaxşı oyun göstərib, titul qazanmaya bilərik, qrupdan çıxmamağımız mümkündü, ancaq ən azı Azərbaycan futbolu yenə qrup mərhələsində təmsil olundu. Hamımız İspaniyanın böyük komandalarından birini gördük, böyük futbolun nə olduğunu hiss etdik. İlə uğursuz deməyək. Onsuz da futbolumuza sevgi azdı, uğursuz olduğunu desək, bu daha da azala bilər. Daha ürəkli olmalı, sona kimi mübarizə aparmalıyıq. Uğursuz olduğumuzu desək, futbolumuz hara qədər gedəcək? Onsuz da klublar bir-bir sıradan çıxır. Avropanın nəhəng komandaları bura gəlirsə, çıxışımızı uğursuz adlandırmamalıyıq.
- Siz 10-cu dəfə ölkədə ilin məşqçisi seçildiz. Bir məşqi buna nail olmaq üçün nə etməlidi?
- Jurnalistlərin tərəfində olmalıdı (gülür). Seçim sizlərindi. Bu, mənim üçün xoşbəxtlik və böyük məsuliyyətdi. Həmişə çalışmışam ki, işimə sadiq olum, vicdanla çalışım. “Qarabağ”ı çalışdırıram, rəhbərlik və azarkeşlərin mənə güvəni böyükdü. Bunları nəzərə alıb, daha da işgüzar olmağı düşünürəm. Bəzən həddən artıq məyus oluram. Mətbuatda gedən bəzi yazılar mənə təsir edir. Amma bilirəm ki, hansı işin başındayam. Çalışıram işimi vicdanla görüm və həvəsdən düşmürəm. Bu o demək deyil ki, qalan məşqçilər belə deyil. Son illərdə çempionluqlar, qrup mərhələsində çıxış etmək seçilməyimə səbəb olub.
- Bütün böyük klublar nə vaxtsa nəsil dəyişikliyi yaşayırlar. Sizcə bu gün “Qarabağ”da buna ehtiyac var? Varsa, bunu necə həyata keçirməyi düşünürsüz?
- Bir komanda ki, daim nəticə üçün oynayır, nəsil dəyişmək heç də asan deyil. Birdən-birə böyük dəyişiklik etmək risk olar. Bir çox matçlarda təcrübəli oyunçulara ehtiyacımız olur. Futbolçu əldə etmək asan deyil. Bu yerlilərə də, legionerlərə də aiddi. 4-5 il əvvəl futbolçu gətirmək daha asan idi. Fərqli səbəblər var. Məsələn, Türkiyədə limitin götürülməsi bizə böyük zərbədi. Digər tərəfdən çempionatda 8 komandanın olması ciddi təsir göstərir. İstənilən futbolçu çempionatla maraqlanır. Belədə biz həddən artıq böyük pul təklif etməliyik ki, həmin futbolçu heç nəyi düşünmədən gəlsin bura. Bunun da mənfi tərəfləri var. Ancaq siz də rahat olun ki, biz dayanmırıq. Daim axtarışdayıq, istəyirik ki, daha yaxşı olsun, gənc futbolçular səviyyələrini artırsınlar. Üzərimizdə məsuliyyət çox böyükdü. Azarkeşlərimiz üçün çempion olmağa, qrupa düşməyə, qrupdan çıxmağa çalışmalıyıq. Üstəlik komandanı daha yaxşı formalaşdırmaq lazımdı. Bu asan deyil. “Real”da da, “Barselona”da da, “Mançester Yunayted”də də belə problemlər olur. Bizi nəticə maraqlandırmasaydı, çoxlu dəyişikliklər edər, gəncləşdirməyə gedərdik. Ancaq bu böyük risk olar. İstənilən halda, hər il yenilik etməyə çalışırıq.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
22-01-2020, 12:17 Yanvarın 28-də seçki yox, təyinat olacaq! 22-01-2020, 12:15 Rövnəq Abdullayev 4-cü dəfə prezident olmaq istəyir 22-01-2020, 12:14 “Neftçi” Bordinə təzminat ödəyəcək 22-01-2020, 12:12 Rauf Əliyevin qanunlara “hörməti”: həm deputatdı, həm də biznesmen 22-01-2020, 12:09 “Forza Neftçi” Bordinin göndərilməsini gecikmiş qərar sayır 22-01-2020, 12:08 U-19-un düşərgəsində növbəti qalmaqal 22-01-2020, 11:58 “Qarabağ” sonda məğlubiyyətdən qaçdı 22-01-2020, 11:56 “Sabah” əzmkar qələbəyə sevindi 22-01-2020, 11:51 80 dəqiqəlik məşq 22-01-2020, 11:49 Fuad Əsədov Elxan Məmmədovun yalanını üzünə çırpdı 22-01-2020, 11:46 “Kəpəz” rəhbərliyi şəhidlərin yaxınlarından üzr istədi 22-01-2020, 11:44 “Qəbələ”nin yoxlama görüşü yarımçıq qaldı 22-01-2020, 11:37 Füzuli Məmmədov Bordinlə bağlı sualdan yayındı 22-01-2020, 11:34 İki flaqmanın duelini “Dinamo” qazandı 20-01-2020, 11:34 Vasif Talıbov Apeldorn uğursuzluğunun səbəblərini açıqladı 20-01-2020, 11:31 “İnşallah, bu il komandamız elitada oynayar və...” 20-01-2020, 11:30 “Ağsu” divizionda çıxışını dayandıra bilər 20-01-2020, 11:28 Əcnəbi klublar azərbaycanlı futbolçularla maraqlanır 20-01-2020, 11:26 Emin Abbasov Deviçin qayıdışına aydınlıq gətirdi 20-01-2020, 11:25 Tərlan Əhmədovu nəticə maraqlandırmır 20-01-2020, 11:23 “Keşlə” iki qapıçısını itirdi və …darmadağın oldu 20-01-2020, 11:20 “Çempionluq yoluna “Sumqayıt”ı udmaqla başlamaq lazımdı” 20-01-2020, 11:15 Fuad Musayev Samir Ələkbərovu kimin təklifi ilə qaytarıb? 20-01-2020, 11:13 “Sumqayıt”ın Futbol Akademiyasında şok olay 20-01-2020, 11:09 Faciənin yarımçıq qoyduğu səfər… 18-01-2020, 12:09 “Kəpəz” rəhbərliyi Mehman Allahverdiyevi yubileyində yada salmayıb 18-01-2020, 12:05 PFL Antalyaya böyük heyətlə gedib 18-01-2020, 12:00 Şok iddia: AFFA Qriqorçukla danışıq aparır 18-01-2020, 11:58 Niassenin məsələsində nöqtə qoyulmayıb 18-01-2020, 11:54 “Zirə” Antalyada qələbə həsrətinə son qoydu 18-01-2020, 11:46 Buzovna “Xəzri”si necə yaşayır? 18-01-2020, 11:20 "Modern Hospital"da məskunlaşan yığma natamam heyətlə hazırlaşır 18-01-2020, 11:16 "Viktoriya” Fərid Nəbiyevin transferini açıqladı 18-01-2020, 10:58 30 il əvvəl, məhz bu gün... 18-01-2020, 10:48 Deviç “Sabah”a döndü 17-01-2020, 12:30 Şəhriyar övladları ilə bir arada 17-01-2020, 12:28 Biletlərin 81 faizi xarici ölkə vətəndaşlarına satılıb 17-01-2020, 12:25 AFFA Azad Həmkarlar İttifaqı İlham Əliyevə müraciət hazırlayır 17-01-2020, 12:19 Yunis Hüseynov Antalyaya gedir 17-01-2020, 12:15 İcra başçısı ilə görüşün təşəbbüskarı şəmkirli məşqçilər olub 17-01-2020, 12:13 Dario Federiko yoxlama oyununda qol vurdu 17-01-2020, 12:11 “Sumqayıt” 7 qolun vurulduğu oyunu uduzdu 17-01-2020, 12:10 MTK gücünü “Qəbələ”yə göstərdi 17-01-2020, 12:07 Amit Quluzadə Albaniyaya qayıtmaq istəyib 17-01-2020, 12:05 “Turan Tovuz” rəhbərliyinə premyer-liqa ilə bağlı heç nə deyilməyib 17-01-2020, 12:04 U-19 hər ay toplanış keçəcək 17-01-2020, 12:02 Hakimlərimiz beynəlxalq arenada nəinki yerində sayır, hətta geri gedirlər 17-01-2020, 11:59 Bakı metrosunda əcaib irqçilik 17-01-2020, 11:56 Kintananın getmək qərarının arxasındakı sirr 8-01-2020, 11:16 Mirabdulla “Neftçi”yə qayıtdı, Rıbka da gedir 8-01-2020, 11:14 PFL kubokun finalının yeri ilə bağlı yekun qərar verməyib 8-01-2020, 11:09 “Neftçi”ylə “Zirə”nin 200 mini əlində qaldı 8-01-2020, 11:07 Bordinin taleyinə bu gün aydınlıq gəlməlidi 8-01-2020, 11:03 Almeydadan xəbər yoxdu 8-01-2020, 11:00 Güloğlan Cabbarov deputat olmaq istəyir… 8-01-2020, 10:54 “Ümid edirəm ki, “Səbail” futbolda özünəməxsus tarix yazacaq” 8-01-2020, 10:50 İl yeniləndi, dekadanın acıları unudulmadı Bütün xəbərlər
Ən çox oxunanlar