02 dek 16:25aktual

“Qarabağ”ın həllini gözləyən problemləri


Qurban Qurbanov radikal qərarlar verməlidi
“Qarabağ”ın qrupda qalması bu dəfə daha geniş müzakirələrə səbəb oldu. Əslində səbəb bəllidi: qrupdakı rəqiblərin səviyyəsi gözləntilərin böyük olmasına əsas yaradırdı. “Sevilya”nı bir kənara qoysaq, başqaları ilə nəinki oynaya bilərdik, hətta favorit də sayılırdıq. Bunun üçün əlimizdə əsaslar da var. Təmsilçimizin təcrübəsi, ardıcıl avrokubokların qrup mərhələsində olmağımız və sair kimi amillər gözləntilərin əsas səbəbidi. Əslində gözləntilər heç də komandanı “yükləmək” deyil. Ölkə futbolu üçün inanılması çətin olan uğurlar qazanan bir komandadan APOEL-i, “Dudelanj”ı üstələməyi gözləməyə haqqımız var. Bu haqqı da “Qarabağ”ı özü yaradıb. Məhz “Qarabağ” bizi illərdi adını eşitdiyimiz nəhənglərlə yaxından tanış edib, televizordan elə tükləri biz-biz edən o məşhur himni qulağımızın yanında səsləndirib. Bunlar əsla şablon yanaşma deyil. Təmiz, hisslərdən uzaq, soyuqqanlı düşünə bilən hər adamın gəldiyi qənaətdi. Ancaq nə edəsən ki, hər şeydə olduğu kimi, futbolda da dünən yoxdu. Sənin dünən Avropanın böyük komandaları ilə necə oynamağın, bataqlıq ölkə futbolunda açan tək çiçək olmağın bir anda unudulur. Və sən bu gün məşhur mahnıda da deyildiyi kimi, dərdlərinlə baş-başa qalırsan.
Əslində biz bütün işlərə lap əvvəldən səhv yanaşırıq. Məsələn, dünənə kimi “Qarabağ”ın baş məşqçisinə QURBAN olanlar bu gün onu QURBAN edirlər. Əslində isə nə quban olmaq, nə də qurban etmək lazımdı. İki oyunda dağ başına qoyulan adam üçüncü oyunda həmin yüksəklikdən aşağı atılmaz. Təbii ki, Qurban bəy iki oyuna görə dağ başına qoyulmamışdı. Ancaq hazırda o yüksəlikdən aşağı atılır. Axı ona “qurtarıcı hoca” adını siz vermişdiz. Bəs indi nə oldu? Təbii ki, söhbət sizin onu tənqid etməyinizdən getmir. Bir anda tək problemin Qurbanov olduğuna işarə verməyinizdən gedir. Yenə deyirəm, Qurban bəyi tənqid etmək olar. Az sonra mən özüm də tənqid edəcəm. Siz də görəcəksiz ki, nəyi, necə tənqid edirlər. Hələlik başqa məsələlər var. Bu gün sosial şəbəkələrdə israrla Qriqorçukun, Böyükağa Hacıyevin şəkillərini paylaşıb harasa göndərmələr edirlər. “Müəllimlər”, Qriqorçuk da, Hacıyev də ölkədə çalışmış ən yaxşılardan idi. Heç kim onların əziyyətini yerə vura bilməz. Ancaq siz hələ də başa düşməmisiz ki, onlar Qurbanovun gördüyü işin 30 faizini görməyiblər. Bunu bilməcəyək qədər futbol cahilisizsə, sözüm sizə deyil. Ancaq bilərəkdən ürək bulandırırsızsa, milçək olduğunuzu demək istəyirəm. Əslində sözüm azarkeşlərə deyil. Axı onlar hər şeyə hissləri ilə yanaşa bilərlər. Ancaq idman adamlarının bəzi paylaşımları adamı dəhşətə gətirir. Onlar bəlkə də Qurban Qurbanovun inanclı biri olduğunu bildikləri üçün belə edirlər. Belə ki, dində Musa peyğəmbərin dənizi yardığı, İsanın ölüləri diriltdiyi kimi, Qurbanovun da həmişə möcüzə edə biləcəyini düşünürlər.
Ümumiyyətlə, futbolda bütün komandaların eniş deyilən dövrü olur. Bundan hətta yüzmilyonlarla büdcəsi olan nəhəng klublar da qaça bilmirlər. Bəzən onların aldığı nəticələr dünya gündəmini zəbt edir. Ancaq bu gün ədalətli yanaşsaq, “Qarabağ”da enişindən söhbət gedə bilərmi? Bu komanda hər il olan uğurunu bu mövsüm də təkrarladı. Bəli, inkişaf yoxdu. Bu həqiqətdi. Çünki inkişaf irəli gedəndə deyə biləcəyimiz bir sözdü. Yerində qalmaqla inkişaf olmur. Yerində qalmaq deyəndə, söhbət ölkə çempionluğundan getmir, təbii ki, avrokuboklardakı nəticəni nəzərdə tuturam. Əslində hər gün geriyə addımlayan ölkə futbolunda hər il öz uğurunu təkrarlayıb avrokuboklara vəsiqə qazanmağın özü belə inkişafdı. Həm də çox böyük inkişaf! Ancaq yenə də bizim buna belə yanaşmağımız doğru olmaz. Maraqlı olan “Qarabağ”ın hər dəfə belə amansızca asılıb-kəsilməsidi. Bu, yalnız indi olmur. Əvvəlki illərdə də bu hal baş verib. Bir dəfə komanda ÇL-in pley-off oyunundakı nəticəsinə görə çox sərt tənqid olunurdu. Kənardan baxıb anlamağa çalışsam da, heç cür başa düşmürdüm. Çünki həmin vaxt pley-offun ilk oyunu uduzulmuşdu. Hələ qarşıda cavab oyunu olmasına baxmayaraq, hamı “köhlən atlar”ı “asıb-kəsirdi”. Hələ o zaman ağlıma gəlmişdi ki, Allah eləməmiş, sabah “Qarabağ”, ümumiyyətlə, qrupa düşə bilməsə, görəsən, nə olar? İnanın ki, dünyanı klubun başına yıxarlar. Yaxşı, nə qədər haqlıdılar? Əsas məsələ də budu.
Hazırda dünyanın ən yaxşı komandası “Liverpul”du. Yəqin ki, hamı mənimlə eyni fikirdə olar. Ancaq “qırmızlar” 2014/15 mövsümdə zar-zor vəsiqə qazandığı ÇL-in qrupundan çıxa bilməmişdi. Özü də baxın hansı qrupdan: “Real”, “Bazel” və “Ludoqorets”. Görürsüz? Bu gün bu komandaların heç biri “Liverpul”a rəqib ola bilməz. Ancaq nə edəsən ki, eniş qaçılmazdı. “Qarabağ” da bu gün qrupdan çıxa bilmədiyinə görə əsl hücuma məruz qalıb. Təsəvvür edin ki, bu komanda gələn il avrokuboklara vəsiqə qazana bilməsə, necə olacaq? Yəqin ki, bügunkü “hücumçular” o zaman da klubun bağlanmasını tələb edəcəklər. Çünki qeyri-futbol adamlarından nə desən, gözləmək olar.
Bəli, Qurbanovu da tənqid etmək olar. Yuxarıda dediyim kimi, mən də edəcəm. Əslində mən “Qarabağ”ın oyun anlayışını indi yox, son iki-üç ildi bəyənmirəm. Çünki ağdamlılar hələ də uğurların təməli qoyulan əvvəlki illərdəki kimi oynayır. Müasir futbol necə meydanda sürətlə oynanılırsa, o cür də dəyişir. Ancaq biz “Qarabağ”ın dəyişdiyini görmürük. “Köhlən atlar” hələ də Miçel, Qara, Almeyda “üçlüy”ünün ümidində qalıb. Burda problem adlarını çəkdiyim oyunçularda deyil. Onların ifasındakı oyun tərzindədi. Hələ də qısa ötürmələr, səbrli davranmaq və topa sahib olmağa üstünlük verən bir oyun tərzi. Bu, Qvardiola üslübudu. Ancaq həmin illər artıq çox geridə qaldı. “Qafqazın “Barselona”sı” ləqəbi olan komandamız həmin oyun tərzindən imtina etməlidi. Oyun üslubu mütləq dəyişməlidi. Müasir futbolda artıq müdafiəçi belə hücuma dəstək verir. Artıq bir komandanın ən böyük yükü cinah oyunçularındadı. Sürətli, dinamik və mütləq pressinq tətbiq edən bir komanda formalaşdırmaq lazımdı. Daha doğrusu, indiyə qədər lazım idi. Çünki artıq kifayət qədər vaxt keçib. Sanki bir ara Qurbanov buna cəhd etdi. Ancaq alındıra bilmədi deyə, Almeydayla Reynaldonu qaytarıb yenidən köhnə illərə döndü. Üstünə bir də Arazı əlavə etdi. Bax, əsl tənqid olunacaq məqam burasıdı. Niyə israr edilmədi? Dəyişən futbola ayaq uydurmaq lazım idi. Düzdü, buna müəyyən vaxt lazımdı. Ancaq mütləq edilməlidi. Biz illərdi eyni müdafiə xətti ilə oynaya bilmərik. Bunu futbol qəbul etmir. Artıq gedən getməli, qalanlarla da dəyişmək zamanıdı. Dəyişmiriksə, “şanssızlıq”, “top bizi sevmədi” kimi əcaib fikirlərlə özümüzü aldadacağıq. Bəli, bu məsələlər Qurban bəyin ayağına yazılır. Ancaq “asıb-kəsmək”, haqsızlıq etmək, yanıqlı qalıb pusquda gözləmək iş deyil. Çünki Qurbanov bunları bacara biləcək və bacaracaq bir mütəxəssisdi.
Və növbəti illər üçün ümid məsələsi. Qrupdan çıxa bilmədik və hamımız bir də belə şansın olmayacağını, artıq son ümidin də öldüyünü deyirik. Əsla belə deyil. Məgər “İnter”ə vurduğumuz, amma sayılmayan qolun ertəsi günü bu komandanın ÇL-də oynayacağına ümid var idi? Bəlkə ardıcıl 6 il avrokubokların qrup mərhələsinə qatılacağına inanırdıq? Heç ağlımıza belə gəlməzdi. Bu üzdən ağlınızı belə şeylərlə yormayın. Sizə təsəlli yox, ümid verirəm. Çünki təsəlli faciələrdən sonra olur. Ortada isə faciəvi heç nə yoxdu.
HƏSƏN
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 12:20 Çay və ya qəhvə içmək zamanı Bu gün, 12:18 Nazim Süleymanov HİK-dən cavab gözləyir Bu gün, 12:17 “F91 Düdelanj” beş jurnalistlə gəlir Bu gün, 12:15 AFFA ağacəkmə kampaniyasını saymadı Bu gün, 12:08 Elmar Baxşıyevin dəyişdirdiyi komanda Bu gün, 12:06 Renat “yatır”, komandası toparlana bilmir 10-12-2019, 16:39 Xanbaba Daşdı İbrahim Uzuncanın dedikləri ilə razılaşmadı 10-12-2019, 16:26 Yurçeviç AFFA rəhbərliyini toya dəvət etməyib 10-12-2019, 16:05 “Uğur qazanmaq istəyiriksə, futbola baxışımızı dəyişməliyik” 10-12-2019, 15:56 Yeganə ümid yeri Millətlər Liqasıdı! 10-12-2019, 15:41 Sopiçin qarşısına hədəf qoyulmayıb 10-12-2019, 15:33 Rəhim Həsənov fitnes-testdən “kəsilib” 10-12-2019, 15:30 “Ağsu”dakı qəfil dəyişiklik: 4 oyuna 9 xal 10-12-2019, 15:27 FİFA referilərinin siyahısı açıqlandı 10-12-2019, 15:05 Klublar Komitəsi “qış yuxusuna gedib” 10-12-2019, 15:03 Samir Əliyev U-19-un çətin qrupda yer aldığını düşünür 10-12-2019, 15:01 Kubokdan kənarda qalanlar səbəbləri sadaladılar 6-12-2019, 18:16 Elita klubları “birincilər”i kubokdan qovdu 6-12-2019, 12:34 Sopiç Ponomaryovla görüşə ehtiyac duymayıb 6-12-2019, 12:28 İbrahim Uzunca “Şahdağ”dan ayrıldı 6-12-2019, 12:26 “Alyans”ı dayandıran tapıldı 6-12-2019, 12:23 Aftandil Hacıyevin “Səbail”ə qoşulan legionerdən xəbəri yoxdu 6-12-2019, 12:19 Əliyar Ağayev “Sabah”ın penaltisini “yedi” 6-12-2019, 12:18 Mahmud Qurbanov hakimi təhqir etdiyinə görə cəzalandı 5-12-2019, 12:40 “Futbol+” Prosineçkini Zaqrebdə tapdı 5-12-2019, 12:33 Elçin Məmmədov “Mehdi Hüseynzadə”yə gəldi, aləm qarışdı 5-12-2019, 12:31 Aftandil Hacıyev: “Bu gün heç kim nə Qurbanın adına ləkə yaxa bilər, nə də mənim” 5-12-2019, 12:25 “Neftçi”ni büdrət, sonuncu pilləyə düş... 5-12-2019, 12:22 “Qəbələ” “Zirə”ni göydən yerə endirdi 5-12-2019, 12:17 “Sumqayıt” “ASCO Arena”da fürsəti qaçırdı 5-12-2019, 12:12 Dünən Avroliqada, bu gün sonuncu pillədə... 5-12-2019, 12:10 "Qarabağ" həsrətə Masazırda son qoydu 2-12-2019, 16:25 “Qarabağ”ın həllini gözləyən problemləri 2-12-2019, 16:19 Mütəxəssislər “Qarabağ”ın tarixi şansı qaçırdığını düşünürlər 2-12-2019, 16:16 Geye “Qarabağ”da qalmaq istəyir 2-12-2019, 11:40 Tarixi şəhəri siz də yaxından tanıyın 2-12-2019, 11:38 Əcnəbi gəlməsin, gəlirsə, Prosineçki gəlsin! 2-12-2019, 11:37 Parlament də özünü buraxır, Elxan Məmmədov tərpənmir 2-12-2019, 11:34 “CBC Sport”dan “Qarabağ”a atmaca 29-11-2019, 12:39 “Sabah” Sopiçə tapşırıldı, Ponomaryov komanda ilə vidalaşdı 29-11-2019, 12:37 “Getsinlər, qoyunları qovsunlar, futbollarını oynasınlar” 29-11-2019, 12:35 “Sülhsevənlər” ənənəyə sadiq qaldılar 29-11-2019, 12:29 Nazarov medianın mümkün basqısını nəzərə alıbmış 29-11-2019, 12:28 Elxan Məmmədovun yığma üzvlərini qınamasının əsası varmı? 29-11-2019, 12:25 AFFA azərbaycanlıları yığmadan bezdirib 29-11-2019, 12:22 Prosineçki yenə gəlir? 29-11-2019, 12:20 Aclıq Dadaşlinskinin Əzizini taqətdən salıb 26-11-2019, 17:31 “Keşlə”nin “ASK Arena”ya qayıdacağı tarix dəqiqləşməyib 26-11-2019, 17:30 İcraiyyə Komitəsinin üzvləri yığmanın çıxışını dəyərləndirdi 26-11-2019, 17:29 Vidadi Rzayev 14 il öncə səhv etdiyimizi düşünür 26-11-2019, 17:26 “F91 Düdelanj” stadion problem ilə üzləşib 26-11-2019, 17:24 Elxan Məmmədov özündən başqa hamını günahkar bilir 26-11-2019, 17:03 Tura darmadağınlarla yekun vuruldu 26-11-2019, 16:59 Slovakiyalı mütəxəssis yığmamızı aşağıladı 26-11-2019, 16:58 Nazarov qələbəyə qolla töhfə verdi 26-11-2019, 16:56 Paytaxt zonasında ikihakimiyyətlikdi 26-11-2019, 16:55 Emil Balayev mövsümün ən yaxşı qapıçısıdı Bütün xəbərlər
Ən çox oxunanlar