03 apr 13:53aktual, manset

Urvatsız yubileyiniz mübarək!

Urvatsız yubileyiniz mübarək!
Gizli saxlanılan tədbirdən ilginc məqamlar

“Neftçi”nin 80 illiyinə həsr olunmuş növbəti tədbir, məlum olduğu kimi, Bakı Əyləncə Mərkəzində baş tutdu. Martın 30-da saat 14.00-da başlayan məclisdə jurnalistlərin iştirak etmədiyini bilirsiz. Daha dəqiq desək, klub rəhbərliyi buna ehtiyac duymamışdı. Ki, mətbuat olan yerdə məclisin dadı-duzu olmur. Ki, qonaqların istirahət etməsinə imkan vermərik. Ki, gözlənilən xoşagəlməz halları işıqlandırıb, ictimaiyyətin diqqətinə çatdırarıq. Sanki restoranın içərisinə daxil olmadan heç bir məlumat ala bilməyəcəkdik, hər şey gizli saxlanılacaqdı. Mətbuatın hansı bacarığa sahib olduğunu dərk etməyənlər bu dəfə də başlarını içəri soxub quyruqlarını çöldə qoydu. Nikolay Boqdanovla, yaxud Yuri Romenski ilə görüşüb söhbətləşmək, tarixi vərəqləmək, gənc nəsli keçmiş xatirələrdən xəbərdar etmək arzumuz gözümüzdə qaldı. Təm-təraqlı tədbir keçirmək istəyənlərin arzusu gözündə qalan kimi.
Əvvəla ondan başlayaq ki, ölkə futbolunun, lap elə idmanının üzdə olan simaları, yəni rəhbərləri yığıncaqda iştirak etmədi. Nə AFFA-nın prezidenti Rövnəq Abdullayev, nə baş katib Elxan Məmmədov, nə vitse-prezident Elşad Nəsirov, nə gənclər və idman naziri Azad Rəhimov, nə də PFL başqanı Ramin Musayev. Adı çəkilən vəzifə sahiblərinin hər biri ayrı-ayrılıqda yığıncağa dəvətli idi. Amma aralarında bir nəfər də olsun, ayağını BƏM-in qapısından içəri basmadı. Biri ayağının ağrıdığını dedi, bir başqası ölkə xaricində olduğunu, kimisi də işlərinin çoxluğunu əsas gətirdi. Adama deyərlər, iş günü iş saatında tədbir olar? Jurnalistlərin restoranda görünməsini istəməyənlərin qarşısını kəsən də bu idi. Yəni Rövnəq Abdullayev, Azad Rəhimov, Elşad Nəsirov olan məclisdə qələm əhli boş dayanmaz, hərəsi əlinə bir diktofon alıb düşər “yekələr”in canına. Bu da onların xoşuna gəlməz. Nəticə nə oldu? Yubileyi özləri üçün etdilər. 30-40 futbol veteranı və hazırda klubda çalışanlar. Yeyib-içib, deyib-gülüb, əyləndilər. Adi günlərdə necə, bu dəfə də elə. Sadəcə, məkanın adı bu dəfə cəlbedici idi.
Tədbiri urvatsız edən tək bu fakt olsa, nə dərd? İştirak etməyənlər təkcə nazir, yaxud qurum rəhbərləri olmayıb. Belə ki, “Neftçi”nin keçmiş prezidentlərinin hər birinə - Aydın İbrahimov, Əkbər Hacıyev və Sadıq Sadıqova da dəvətnamə göndərilibmiş. Lakin onlar da yubileydə görünməyib. Hacıyevlə İbrahimovun dövrünü o qədər də uğurlu adlandırmaq olmaz. Həm də heç biri ilə əlaqə saxlamaq imkanımız olmadı. Amma söhbət Sadıq Sadıqovdan, yəni son illərdə qazanılan uğurların – ardıcıl üç çempionluq, iki ölkə kuboku və Avroliqanın qrup mərhələsinə vəsiqə - memarından gedirsə, bu özlüyündə kifayət qədər maraqlı məqamdı. Həmin Sadıq Sadıqov ki, Müşahidə Şurası yaradılandan sonra şurada üzv kimi görünmüş, lakin çox keçmədən Cüdo Federasiyasına vitse-prezident təyin olunmuşdu. Görünür, Sadıqov da min bir əziyyətlə uğurlara daşıdığı klubun, komandanın hazırki durumu ilə barışa bilmir. Tədbirdə iştirak etməməsi də küskünlük əlaməti imiş. Amma yox. Dünən özü ilə danışmaq cəhdimiz boşa çıxsa da (dəstəyi qaldırmadı), Cüdo Federasiyasının mətbuat katibi, həm də vaxtilə “Neftçi”də Sadıq Sadıqovun müşaviri kimi çalışmış Elnur Əşrəfoğlu ilə söhbətdə əsl səbəbi öyrənə bildik: “Tədbirdən bir gün əvvəl – martın 29-da federasiyaya Sadıq Sadıqovun adına dəvətnamə göndərilmişdi. Lakin Sadıqov artıq həmin vaxt ölkədə deyildi. Bildiyiniz kimi, Tiflisdə cüdo üzrə beynəlxalq “Qran-pri” keçirilir. Artıq bu gün (dünən) turnirə start verilib. Komanda üzvləri Gürcüstana bir neçə gün öncədən yollanmışdı, o cümlədən Sadıq Sadıqov. İslam Həmrəyliyi Oyunları ilə əlaqədar təqvim planı olduqca sıxdı. Odu ki, vitse-prezident hazırda kifayət qədər məşğuldu. Hətta bununla bağlı “Neftçi” rəsmilərinə öncədən məlumat vermişdim”.
Hələ bu harasıdı?! “Neftçi” rəhbərlərinin yubileydə iştirakına məsləhət görmədiyi Eduard Markarov da yad edilib. Belə ki, söhbət 1966-cı ildəki “bürünc”dən düşəndə ağla gələn soyad Markarov olub. Onun Bakıya dəvət olunmaması ölkə xaricində yaşayan veteranlar tərəfindən xoş qarşılanmayıb. “Kaş Eduard da yanımızda olaydı” deyib təəssüflənən ağsaqqallar əsəblərini sakitləşdirmək yolunu erməninin sağlığına badə qaldırmaqda tapıb. Masadakılar Markarovun şəninə bir-bir xoş sözlər səsləndirəndən sonra onunla telefon bağlantısı qurmağa cəhd olunub. Yubileyə dəvət olunmamasından xəbər tutan Markarov da öz növbəsində dəstəyi qaldırmayıb. Və beləcə erməninin səsinin BƏM-in zalını bürüməsi arzu olaraq ürəklərdə qalıb.
“Neftçi” rəsmilərinin də dediyi kimi, yubiley tədbirləri davam edəcək. Çox güman, bundan sonra da hansısa ideyalar olacaq, təkliflər həyata keçiriləcək. Amma 80 yaşlı kluba rəhbərlik edənlər, əsas söz sahibi olanlar bəzi detallara xüsusi diqqət yetirməlidi. Məsələn, hansısa yığıncaq üçün dəvətnamə bir gün yox, bir həftə əvvəldən paylanır. Yəni camaat işini ona görə qursun, çətin vəziyyətdə vaxt məhdudiyyətini bəhanə edə bilməsin. Göndərilən məktubda icraçı direktor Orxan Hüseynzadənin yox, Çingiz Abdullayevin adı yazılmalıdı. Ola bilər, klubda əsas söz sahibi Hüseynzadədi, Abdullayev, sadəcə, müşahidə etməklə məşğuldu. Amma belə məsələlərdə ad-san, sanbal əsas tutulur. Öz aramızdı, Orxan Hüseynzadə hara, Çingiz Abdullayev hara? Jurnalistləri məclisə dəvət etməmək öz işləridi, heç dünəndən çağırmasınlar. Amma Bakıya gələn Nikolay Boqdanov, Yuri Romenski, Nikolay Smolnikov, Vitali Şevçenko, Rafiq Əlizadə kimi korifeylərin mətbuatla, dolayı yolla həm də ictimaiyyətlə ünsiyyətdə olması olduqca vacibdi. Stadionda içkili vəziyyətdə yox, ayıq başla hansısa çay masası arxasında. Yoxsa veteranların Bakıya dəvət olunması indiki rəhbərliyin özünüreklam planı idi? Hər halda, kənardan belə görünür. Başqa cür olsaydı, “Neftçi”nin tarixində iz qoyanları restorana aparıb, ordan da kefi kök halda stadiona gətirməzdilər. Klub saytında bəytərifi tipli açıqlamalar yerləşdirməklə iş bitmir, cənablar. O veteranlar sizin deyil, o veteranlar xalqındı. Zəhmət çəkib mətbuat nümayəndələri ilə görüşdürməli, tarixi vərəqləmələrinə şərait yaratmalıydız. Yubileydən xatirə həmin müsahibələr, onların dedikləri qalmalıydı, tədbirdə boşalan araq şüşələri yox. Biz təklif etməkdən yorulduq. Bir dəfə də siz ağlınızı işlədin. Məsələn, tədbirdən bir saat əvvəl həmin veteranlarla jurnalistləri görüşdürmək olardı. Kafe-restoran lazım deyil, bazada, lap elə küçənin ortasında. Məclisdə söz demək imkanımız olmasa da, qəzet vasitəsiylə təbrik edə bilirik: urvatsız yubileyiniz mübarək!
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 14:11 Şəhriyar Parisdə beşinci oldu Bu gün, 14:09 Kamran “gümüş”lə kifayətləndi Bu gün, 14:08 Məğlubiyyət və “sülh” Bu gün, 14:06 Voleybol millimiz qələbəyə həsrət qaldı Bu gün, 14:05 Nəfəskəsən mübarizədən Rikkyardo qalib ayrıldı Bu gün, 14:02 Yığmada ikinci Alesio dönəmi başlayır Bu gün, 14:01 Fanklublar “Zirə” ilə “İnter”i dəstəkləməyəcək Bu gün, 13:59 Vaqif Sadıqov Məşqçilər Komitəsinin planlarını açıqladı Bu gün, 13:58 “Neftçi” bu gün başlayır Bu gün, 13:57 “İnter”də nə müqavilələr yenilənib, nə də maaşlar verilib Bu gün, 13:54 “Milli Dəstə” iş başında olmayacaq Bu gün, 13:52 “Qarabağ” ÇSKA-dan 5 qol “yedi” Bu gün, 13:49 Şeydayev darmadağına sevindi Bu gün, 13:22 David Manqa “Zirə”ni və Bakını təriflədi Bu gün, 13:19 “Zirə” rumın müdafiəçi ilə münasibətləri rəsmiləşdirdi Bu gün, 13:18 “Ayntraxt”ın məşqçisi Renatın üstün cəhətlərindən danışdı Bu gün, 13:16 AFFA-dan maliyyələşən klublara mayın maaşı verilməyib Bu gün, 13:14 “Ölüm sükutu var idi, heç kim ürək edib nəsə demək istəmirdi” Bu gün, 13:11 “Qəbələ”dən növbəti transfer Bu gün, 13:09 “İstəyirik ki, cəlb edəcəyimiz hücumçu nəinki “Qəbələ”nin, həm də çempionatımızın siması olsun” 25-06-2017, 23:16 AÇ üçün heyət açıqlandı 25-06-2017, 23:15 Ölkə çempionatı başa çatdı 25-06-2017, 23:14 Ukrayna ilə bacarmadıq 25-06-2017, 23:13 Nağı Səfərova yenə etimad göstərildi 25-06-2017, 23:12 Bakıda “Red Bull”dan əzələ nümayişi 25-06-2017, 23:10 Kamran Şahsuvarlı finalda 25-06-2017, 23:08 Əliyar Ağayev “Rusenborq”un oyununa təyinat aldı 25-06-2017, 23:07 UEFA-nın MDB üzrə əlaqələndiricisi “Futbol+”ə danışdı 25-06-2017, 23:05 “Zirə”nin oyununda təcrübəsiz qazax 25-06-2017, 22:56 “Qarabağ” oyuna çıxır, “Samtredia” hücumçuyla gücləndi 25-06-2017, 22:55 “Neftçi” rəsmisi gördüyü işdən danışmaq istəmədi 25-06-2017, 22:44 “Zirə”də yayın məsələsində qeyri-müəyyənlikdi 25-06-2017, 22:43 “Dalğa Arena” avrokubok oyunlarına hazırdı 25-06-2017, 22:42 Patrik Klyuvert “Vətən”ə təşəkkür edib 25-06-2017, 22:37 Sloveniyada AÇ-yə gerisayım başlayır 25-06-2017, 22:36 Fransa millisinin sabiq yarımmüdafiəçisi “Qəbələ”də 25-06-2017, 22:34 Futzal millimiz yenə braziliyalıya tapşırılacaq 25-06-2017, 22:33 Yığmamız qrupda qaldı 25-06-2017, 22:31 BOK prezidenti MOK-a məktub göndərdi 25-06-2017, 22:30 Ayxan Abbasov “Zirə”ni Avroliqaya hazır sayır 25-06-2017, 22:27 "Zirə" rumın müdafiəçi transfer etdi 25-06-2017, 22:09 TRANSFER DOSYESİ 25-06-2017, 22:07 Zirə azarkeşləri oyunun Mərdəkanda keçirilməsindən razıdı 25-06-2017, 22:06 “Sumqayıt” jurnalistlər üçün iftar süfrəsi açdı 25-06-2017, 22:03 “Zirə”nin legionerləri Türkiyədə ləngidi 23-06-2017, 20:23 Avropa Yay Olimpiya Festivalına lisenziya qazandılar 23-06-2017, 20:22 Otellərin sayı artsa, Bakıya daha çox “Formula-1” azarkeşi gələcək 23-06-2017, 20:20 Ronaldoya millinin forması hədiyyə olundu 23-06-2017, 20:17 Emil Balayev “Səbail”ə keçərkən Qurban Qurbanovla danışmayıb 23-06-2017, 20:14 “Zirə” biletlərin qiymətini açıqladı 23-06-2017, 20:12 Əliyar FİFA karyerasına sıfırdan başlayır... 23-06-2017, 20:09 “Samtredia” ilə ilk oyunun başlama vaxtı dəqiqləşdi 23-06-2017, 20:08 “İnter”in rəqibi son çempionu məğlub etdi 23-06-2017, 20:06 Avroliqanın debütantı mübarizəyə hazırdı 23-06-2017, 20:00 Sumqayıtda mükafatlandırma 23-06-2017, 19:56 Yığmanın baş məşqçisi Ermənistanla oyundan danışdı 23-06-2017, 19:55 Avroliqada ikinci dövrə başlayır Bütün xəbərlər
Ən çox oxunanlar