29 mar 23:35aktual, manset

AFFA təşkilatçılıqla bağlı nöqsanlara aydınlıq gətirdi

AFFA təşkilatçılıqla bağlı nöqsanlara aydınlıq gətirdi
Nərimanoğlu: “Assosiasiya maliyyə məsələlərində heç nəyi gizlətmir”

Azarkeş auditoriyası stadionun tutumundan daha geniş olan Azərbaycan – Almaniya matçında (1:4) təşkilatçıların üzərinə böyük yük düşürdü. 30 mindən çox azarkeş tutumuna malik Tofiq Bəhramov adına Respublika stadionunda anşlaq yaşanacağı da gözlənilirdi. Bilet satışına bir neçə ay öncədən start verilməsinin də səbəbi matçın statusunun nəzərə alınmasından irəli gəlirdi. Təsadüfi deyil ki, oyuna 2 gün qalmış bütün biletlər satılmışdı. Bir sözlə, AFFA-nın həm azarkeşlərin rahatlığı, həm də UEFA-dan gələn nümayəndələrin neqativ halları raportunda qeyd etməməsi üçün qarşılaşmaya maksimum hazırlaşdığı şübhə doğurmurdu. Ancaq bəzi mənfi hallar qaçılmaz oldu.

“Qara bazar”
Düzdü, “qara bazar”ın qarşısını almaq üçün AFFA bilet satışı zamanı müəyyən qaydalar tətbiq etmişdi. Məsələn, bir ələ 5-dən artıq bilet satılmırdı. Bundan başqa, onlayn satışın tətbiq olunması, satış məntəqələrinin sayının çoxluğu da bu baxımdan müsbət addım idi. Bununla belə, “qara bazar”ın qarşısını tam almaq mümkün olmamışdı. Oyundan bir neçə saat öncə “Gənclik” metrosunun yaxınlığında olan əməkdaşımız 2-3 nəfərin əlaltdan, xəlvəti bilet satdığını müşahidə edib. Həmin fürsətcillər 2 manatlıq biletləri 20-25 manata təklif edirmiş. Maraqlıdı ki, bu mənada almanları əməlli-başlı hərifləyirmişlər. Belə ki, 2 manatlıq bilet üçün 40 manatından keçən qonaqlar da olub. Görəsən, “qara bazar”ın əl-qolunu tam bağlamaq niyə mümkün olmayıb? AFFA-nın Mətbuat və İctimaiyyətlə Əlaqələr Departamentinin rəhbəri Mikayıl Nərimanoğlunu dinləyək: “Heç kimə kütləvi bilet satılmamışdı. Düzdü, bizə də məlumat daxil oldu ki, orda kimsə əldə bir-iki bilet satıb. Onların da qarşısı alındı. Ancaq deyim ki, orda kütləvi “qara bazar” olmayıb. Bəli, 2-3 nəfər olub və bu haqda bizə informasiya çatdırıldı. Polis də onlara qarşı lazımi tədbir görüb. Çünki bu məsələ oyundan öncə keçirilən görüşdə də ciddi şəkildə vurğulanmışdı”.

Bileti olanlar kənarda qalıb?
Əslində oyundan iki saat öncə qapılar açılır. Azarkeşlər daha tez stadiona təşrif buyursa, tribunaya daxil olmaqda problem yaşamaz. Ancaq bizdə hələ ki bu məqam problemdi. Belə ki, azarkeşlərin əsas hissəsi matça yarım saat qalmış özünü giriş qapısına yetirir. Bu isə stadiona daxil olarkən problem və qarışıqlıq yaradır. Bizə çatan bilgiyə görə, hətta bileti olanlardan bəziləri arenaya daxil ola bilməyib. Əvəzində bəziləri biletsiz olaraq özünü içəri ata bilib. Ümumiyyətlə, yerləşmə ilə bağlı da müəyyən çatışmazlıq diqqəti çəkirdi. Belə ki, hətta pilləkənlərin yuxarı hissəsindən matçı izləyənlər də var idi. Bütün bunlarla bağlı Nərimanoğlunun fikirlərini öyrəndik: “Stadionda bəzi boş yerlər də var idi. Əvvəla, 30 min azarkeşi yarım saat ərzində yoxlayıb, içəri buraxmaq qeyri-mümkündü. Ona görə də bütün dünyada yazılmamış qanun var, hamı da buna əməl edir. Biletin də arxasına yazılır ki, “xahiş edirik, iki saat öncədən stadiona təşrif buyurun”. Qapılar da 2 saat əvvəl açılır. Oyuna baxmaq üçün bilet alan dostlarım var idi. Hamısından xahiş etmişdim ki, ən geci 18.30-da orda olun. Çünki hər bir adam yoxlanılmalı, turniketdən keçməlidi. Biletsiz gələnlər var idi ki, girişdə toplaşmışdılar. Onlar isə bileti olanlara da problem yaradırdı. Ancaq içəri biletsiz girənlərin olub-olmadığını deyə bilmərəm. Bileti biz yoxlamırdıq. Onu yoxlayanlar var idi və kimisə buraxıblarsa, bu artıq onların məsuliyyətidi”.

Təhlükəsizlik
Oyundan sonra bir neçə azarkeş meydana daxil olub, alman futbolçulardan forma istədilər. Bu isə həmin an təhlükəsizliyin lazımi səviyyədə təşkil olunmaması anlamına gəlir. Deyək ki, həmin azarkeşlərdən biri futbolçuya xətər yetirsəydi, onda necə olacaqdı? Ümumiyyətlə, buna görə UEFA hansısa şəkildə cəza verə bilər? Məsələ ilə bağlı Mikayıl bəy bunları dedi: “Cəzalandırıb-cəzlandırmamaqla bağlı sual UEFA-ya aiddi. Təbii, təhlükəsizliyə AFFA nəzarət edirdi. Həmin vaxt mətbuat konfransının təşkili ilə məşğul idim. Mənə bildirdirlər ki, 2-3 azarkeş meydana daxil olub. Bu artıq UEFA nümayəndəsinin qərarından, raportundan asılı olan məsələdi”.

AFFA-nın qazancı nə qədər oldu?
Yadınızdadısa, İtaliya ilə oyundan sonra AFFA bilet satışından əldə edilən gəlirini açıqlamışdı. Görəsən, bu dəfə də qurum eyni addımı atacaq? Nərimanoğlu bu haqda qısa danışdı: “AFFA maliyyə məsələlərində heç nəyi gizlətmir. Lazım olsa, açıqlanacaq”.

Jurnalistlər üçün ayrılan otaqda qarışıqlıq
Həmişəki kimi, AFFA bu dəfə də jurnalistləri nəzərə almışdı. Media nümayəndələri üçün fasilədə qəlyanaltı süfrəsi açılmışdı. Ancaq media otağında dərəbəylik hökm sürürdü. Xüsusən AFFA-nın əməkdaşı Törə Əhmədovanın Az.TV-nin əməkdaşlarından narazılığı qeyd edilməlidi. Həmin durumla bağlı Törə xanımın fikirlərini öyrəndik: “Televiziya işçiləri üçün keytrinq sifariş etmirik. Çünki qeydiyyatdan keçən çox idi. Ancaq boynunda sarı rəngdə TV akkreditasiyası olanları ora buraxırdıq. İki dəqiqə sekuritinin olmaması, yaxud da könüllülərin boşluğa yol verməsi nəticəsində yoldan keçən başqa adamlar da ora girmişdi. Təkcə Az.TV-dən söhbət getmir. Ola bilər, dövlət televiziyasının orda 10-15 nəfər adamı olsun. Amma ümumi götürəndə başqaları da var idi. Həmin otaq akkreditasiyadan keçən jurnalistlər üçün nəzərdə tutulmuşdu. Əks halda, bütün stadion gəlib bir otağa girər. Bu düzgün deyil axı. Mən də məcbur qalıb, onları çıxarmalı oldum”.
Məlum olduğu kimi, “Qarabağ”ın Respublika stadionundakı oyunları zamanı kənar şəxslərin media sektoruna daxil olması mümkün deyil. Belə ki, jurnalistlərə şəkilli akkreditasiyalar verilir və media sektorunda da hər kəsin şəkli olur. Belədə kiminsə başqasının yerini zəbt etməsi, yaxud da kənar şəxsin həmin tribunaya girməsi mümkünsüz olur. Almaniya ilə oyunda isə həmkarlarımızdan bəziləri yer tapmaqda çətinlik çəkirdi. Əhmədova durumu belə izah etdi: “Bilirsiz, akkreditasiyaların hazırlanmasına, şəkilsiz və ya şəkilli olmasına biz qərar vermirik. UEFA deyir ki, bu formada olmalıdı. Ola bilər, klubların oyununda başqa qayda-qanun var. Ancaq millinin oyunlarında başqa qaydalardı. Mən də istəyərdim ki, şəkilli, nömrəli olsun. Yəqin ki, gələcək oyunlarda biz bu məsələyə baxacağıq. Çünki hər matçdan sonra özümüz iclaslar keçiririk, oturub əyər-əskikləri, müsbət və mənfi məqamları gözdən keçiririk. Harda yaxşı işləmişik və ya harda boşluq buraxmışıq - bu kimi amilləri gözdən keçiririk. Ancaq bir şeyi də qeyd edim ki, mən mətbuatdan çox narazıyam, özü də həddən artıq. Bir nümunə deyim. Orda iki nəfər var idi, ad açıqlamaq istəmirəm, həmişə qeydiyyatdan keçənlərdi. Onların əlinə Lövlə müsahibə götürmək şansı düşüb. Gəlin açıq danışaq. Bəlkə də belə fürsət heç vaxt əllərinə düşməyəcəkdi. Mən də onlar üçün şərait yaratmışam, Löv gəlib ordan keçəndə saxlatdırmışam ki, gəlin, danışın. Onlar nə edir? Löv elə bilir, ondan müsahibə götürəcəklər, dayanıb gözləyir. Biri təsbeh fırladır, digəri selfi çəkir. Löv də gördü ki, bunların işi sanki uşaq oyuncağıdı, çıxıb getdi, müsahibə də vermədi. Bax, bizim jurnalistika budu... Media sektoruna tez-tez çıxıb baxırdım, orda elə bir poroblem görmədim. Düzdü, nömrələnməmişdi və bu çətinliyi başa düşürəm. Ancaq kiminsə ayaqüstə qaldığını görmədim”.
FARİZ
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-09-2018, 23:17 Tomaş Ayan EOC-dan narazıdı 21-09-2018, 23:14 "Arsenal"la oyuna maraq böyükdü 21-09-2018, 23:13 U-17 yenə darmadağın oldu 21-09-2018, 23:10 Stadiona 9-cu mərtəbədən baxış, portəgiz jurnalistin təəccübü və 27 azarkeş... 21-09-2018, 23:07 Yenilgidə hakim izi olmadı 21-09-2018, 23:06 Üzücü başlanğıc 21-09-2018, 23:04 Vitali Borisovun imtinası absurd faktı üzə çıxardı: liqa peşəkardı, futzalçılar yox! 21-09-2018, 23:02 Baba Rzayev Mingəçeviri futbolsuz qoydu 21-09-2018, 23:01 AFFA 10 min manata görə özünü hörmətdən salır 21-09-2018, 22:52 Sabiqlər yerli sədrin tərafdarıdı 21-09-2018, 22:50 Babək Quliyev Vüsal Əliyevi nişan verdi 21-09-2018, 22:48 “Sumqayıt-2” zirvəyə darmadağınla yüksəldi 21-09-2018, 22:46 “Turan” adının yaradıcısı dünyasını dəyişdi 21-09-2018, 22:44 Dünya çempionatına yaxşı başlamadıq 21-09-2018, 22:42 “Sumqayıt”ın “qırmızı” problemi 21-09-2018, 22:39 Adil Məmmədov 60-ı geridə qoydu 21-09-2018, 22:24 İsgəndər Cavadov doğum günündə tarixi vərəqlədi 21-09-2018, 22:23 İkinci tur 2 günə sığacaq 21-09-2018, 22:21 Mik Benet təqdim olundu 21-09-2018, 22:20 Qurban Qurbanov gözləmədiyi sualı eşitdi 20-09-2018, 22:07 “Bayıl Arena”da Əliyar Ağayevin də səhvi olub 20-09-2018, 22:05 Stuxlik Xaqani Məmmədovun otağında oturur 20-09-2018, 22:04 Emin Ağayev yığmada potensial görür 20-09-2018, 22:02 “CBC Sport” DÇ-ni yayınlamaq istəyir 20-09-2018, 22:01 Cüdo yığmamızda məcburi dəyişiklik 20-09-2018, 22:00 Dünya çempionatının püşkü atıldı 20-09-2018, 21:56 “1982-ci il” ilə Lissabona 7 saatlıq səfər 20-09-2018, 21:54 Uğurun bünövrəsi Lissabonda qoyulsun! 20-09-2018, 21:52 "Arsenal"la oyunun biletləri satışda 20-09-2018, 21:24 Vaqner "Qarabağ"ı portəgizlərə təriflədi 20-09-2018, 21:22 Qurban Qurbanov: “Rəşad oynamayacaq, Miçelin meydana çıxıb-çıxmayacağı sabah bilinəcək” 20-09-2018, 21:04 Alesio yığmanın heyətini açıqladı 20-09-2018, 21:03 “Xəzər Cənub” qalmaqal yaratdı, klubun rəhbəri Zaur Axundovdan üzr istədi 20-09-2018, 21:00 Mundialda üzümüzü kim(lər) güldürəcək? 20-09-2018, 20:58 Məmmədyarova “qaralar”la xal qazana bilmir 20-09-2018, 20:55 Sənan Qurbanov “Qəbələ”nin problemlərini açıqladı 20-09-2018, 20:53 “Kəpəz” ilk qol və ilk xal axtarışında 20-09-2018, 20:52 Anar Salmanovun reaksiyası gecikmədi 20-09-2018, 20:51 Azarkeşlər ÇL oyunları zamanı çətinliklə üzləşir 20-09-2018, 00:29 Almaniyada Ömər Paşayevin səhhətində ciddi problem aşkarlanmayıb 20-09-2018, 00:27 Heç bir klub mətbuat katibinə protokol doldurmağı tapşırmır 20-09-2018, 00:26 Xaqani Məmmədovun düşmənləri sosial şəbəkədə “at oynadır” 20-09-2018, 00:23 Voleybolçular dünya çempionatına inamlı yollanır 20-09-2018, 00:21 Alesio yığmanın heyətini bu gün açıqlayacaq 20-09-2018, 00:19 “Sportinq” qrup mübarizəsinə uğursuz başlayır 20-09-2018, 00:05 Turun oyunçusu 20-09-2018, 00:04 TURUN SİTATI 20-09-2018, 00:02 Məhsuldarlıq rekord vurdu 20-09-2018, 00:01 Turun statistikası 19-09-2018, 23:59 TURUN MƏŞQÇİSİ 19-09-2018, 23:58 Turdan məqamlar 19-09-2018, 23:56 16 medalın izi ilə... 19-09-2018, 23:54 Xala və qola həsrət “Kəpəz”in baş məşqçisi məmnundu 19-09-2018, 23:53 İntizam Komitəsi “Zirə”yə texniki məğlubiyyət verdi 19-09-2018, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi Bütün xəbərlər
Ən çox oxunanlar