31 iy 12:29olke

Zaur Həşimov Rəşad Sadıqovun təyinatını gözləyirmiş


“Zəng vurmuşdu, elə bir şey soruşmadı, ümumi söhbətimiz oldu”
Zaur Həşimov “Zirə”dən ayrılandan bir gün sonra onunla əlaqə saxlayıb bəzi suallara cavab verməsini xahiş edəndə, bir qədər gözləməyi məsləhət görmüşdü. Başadüşülən idi. Adam işindən ayrılmışdı, o yaşda hər adama qismət olmayan baş məşqçilik şansı əldən çıxmışdı. Odu ki, bir müddət gözləməyi qərara aldım ki, ara sakitləşsin, danışaq.
Üstündən təxminən üç həftə keçəndən sonra yenidən aradım. Bu dəfə bir-iki gün “sürüşdürsə” də, sonda danışmağa razılıq verdi. Zəngləşib danışdıq, amma mətbuat konfranslarındakı açıqlamaları zamanı suyu üfürə-üfürə içən adam təsiri bağışlayan Həşimov bu dəfə də eyni mövqeyi tutdu. Adam nə “Zirə”dən ayrılmasının konkret səbəbini dilə gətirdi, nə də başqa suallara düz-əməlli, ətraflı cavab verdi. Düzdü, bu tip müsahibələr siz oxuculara heç nə vermir. Di gəl ki, heç olmamaqdansa, “buna da şükür” deyib keçək.
- “Zirə”dən ayrılandan sonra nə edirsiz, başınızı nə ilə qatırsız?
- Heç, evdəyəm. Görüləsi iş də yoxdu.
- Yəqin “Zirə”nin rəhbərliyiniz altında keçirdiyi oyunlarını izləyirsiz, müəyyən nəticələr çıxarmağa çalışırsız.
- Futbollara baxıram, amma keçmişdə baş tutan qarşılaşmaları izləmirəm.
- “Zirə”nin ötən mövsümdəki matçlarının təkrarına baxmaq maraqlı gəlmir sizə?
- Bildiyiniz kimi, çempionat martın əvvəlində dayandırıldı. O vaxtdan bu yana kifayət qədər asudə vaxtımız var idi. Həmin dönəmdə dediyiniz oyunlara baxırdım. Çünki çempionatın bərpa olunacağı gözlənilirdi.
- Lap yaxşı. Bundan sonra nə etmək fikriniz var?
- Məşqçi işləmək istəyirəm. Bunun üçün isə təklif olmalıdı. Oturub, təklif gözləyəcəm.
- Premyer-liqadan?
- Bu dəqiqə premyer-liqadan baş məşqçilik təklifi gözləmək mənasızdı. Bütün komandaların baş məşqçisi var, üstəlik, mövsüm hələ başlamayıb.
- Hələ “Zirə”dən ayrıldığınız zaman müsahibə istəyim qarşısında “bir az gözləyək” demişdiz. Üstündən xeyli vaxt keçdiyini nəzərə alsaq, yəqin ki, “Zaur Həşimov “Zirə”dən niyə ayrıldı” sualına cavab verə bilərsiz.
- Klubla müqaviləmin müddəti mövsümün sonuna qədər nəzərdə tutulmuşdu. Çempionat başa çatandan sonra yeni anlaşma şərtləri ilə bağlı rəhbərliklə söhbətimiz oldu. Müzakirələrdən sonra yolların ayrılmasına qərar verdik. Açığı, burda qeyri-adi bir şey yoxdu. Fikirlərimiz üst-üstə düşmədi və ayrıldıq.
- Fikir ayrılığı nəyə görə idi? Keçmişlə bağlıydı, yoxsa gələcəklə?
- Keçmişlə bağlı deyəndə, “Zirə”də uzun müddət işləmək imkanım olmadı ki, nəyisə müzakirə edək. Belə deyim, ötən mövsüm qeydə alınan nəticələrə görə narazılıq olmadı. Gələcək adına açıqlamaq istəmədiyim bəzi məqamlar var idi ki, həmin nöqtələrdə fikir ayrılığı yarandı.
- Bildiyimizə görə, büdcə azaldılıb. Bu da rol oynadımı?
- Xeyr, büdcəlik bir şey yox idi.
- Gedişiniz ötən mövsümdəki uğursuzluqla bağlı deyil, büdcənin azalması da rol oynamayıb. Başqa nə ola bilər axı?
- Rəhbərliyin gələcək planlarında müəyyən fikirlər var idi ki, həmin məqamda razılaşmadıq.
- Əvəzində Rəşad Sadıqov işləməyə razılıq verdi...
- Bu artıq yeni səhifədi. Rəşad Sadıqova və “Zirə”yə növbəti çempionatda uğurlar arzulayıram. İnşallah, yaxşı nəticələr olar.
- Sizin qarşınıza qoyulan tələblər Rəşad Sadıqova da aid idi, yoxsa ona tam başqa şərtlər təklif olundu?
- Bu haqda nəsə deyə bilmərəm. Çünki tərəflərin danışığında iştirak etməmişəm.
- Rəşad Sadıqovun baş məşqçi kimi təqdim olunduğunu görəndə təəccübləndiz, yoxsa gözləyirdiz?
- Xeyr, təəccüblənmədim. Əvvəl-axır Rəşad da başlamalıydı. Təəccüblü olmadı.
- Yeni baş məşqçi nəsə soruşmaq, maraqlanmaq üçün sizinlə əlaqə saxlayıb?
- Bəli, zəng vurmuşdu, elə bir şey soruşmadı, ümumi söhbətimiz oldu.
- Halallıq məsələsi?
- Rəşadla münasibətimiz yaxşıdı, vaxtilə bir yerdə futbol oynamışıq. Həmişəki zənglərdən biri idi, o mənə uğurlar arzuladı, mən də ona. Xüsusi bir şey deyildi.
- Ağabala Ramazanov, Davit Volkov, Ali Sisey, Emil Balayev – bunlar sizin dönəmdə komandaya cəlb olunan futbolçular idi. Rəhbərlik sizinlə söhbətdə bu futbolçuların transferini qarşınıza fakt kimi qoymadı ki?
- Nə mənada?
- Ki, istədiyiniz futbolçuları almışdıq, nəticə verə bilmədiz. Belə deyək, xərclənən pulların havaya sovrulmasının hesabatı.
- Kubokda yarımfinala yüksəlmişdik, premyer-liqada da “Sumqayıt”la xallarımız eyni idi. Halbuki mən komandanı götürəndə 5-ci pillədəydi və 4-cü yerdəki rəqiblə arada 4 xal fərq vardı. Hətta ilk məşqə 12 futbolçu ilə çıxdığımızı da yaxşı xatırlayıram. Zədəlilərin sayı hədsiz çox idi. Qışa qədər hər şey yaxşı idi, fasilədən sonra da pis deyildik. Sonradan müəyyən eniş oldu, ardınca çempionat dayandı. Fikrimcə, mövsüm başa çatdırılsaydı, sonluq fərqli olacaqdı. Adını çəkdiyiniz futbolçuların hər biri bacarıqlıdı. Düzdü, Emil getdi, amma qalan üç nəfərin “Zirə”yə fayda verəcəyini düşünürəm.
- Komanda Avroliqaya vəsiqə qazansaydı, bu gün yenə kənarda qalacaqdız?
- Avrokuboklara vəsiqə ən böyük istəyim idi. Həm məşqçi kimi öz adım, həm də klub üçün. Ancaq hədəfə çatacağımız təqdirdə vəziyyət necə olacaqdı, bunu deyə bilmərəm. Ola bilsin, Avroliqada çıxış etsəydik belə, rəhbərlik gələcək üçün həmin şərtləri irəli sürərdi, fikir ayrılığı yaşanardı. Və ya tam əksi, başqa planlar olardı. Ona görə də bu mövzuda dəqiq nəsə demək çətindi.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
2-08-2020, 11:54 “Federasiya pandemiya olmayanda heç bir iş görmürdü, o ki qalıb indi” 2-08-2020, 11:47 Dörd kluba ümumilikdə 2 milyon 500 min manat ayrıldı 2-08-2020, 11:39 Əmir Ağayev “Sumqayıt”a mesaj göndərdi 2-08-2020, 11:36 UEFA klublarımızı xəbərdar edib 2-08-2020, 11:32 “Energetik”in prezidenti İlham Əliyevə məktub yazıb 2-08-2020, 11:27 Kənar qüvvələr “Şahdağ”ı parçalayır 2-08-2020, 10:56 “Hər bir futbolçunun xarakteristikasını yazıb baş məşqçiyə göndərdim” 2-08-2020, 10:25 “Qarabağ”ın azarkeşləri Matiçi qınayanlarla razı deyil 2-08-2020, 10:23 Yağış imkan vermədi... 2-08-2020, 10:20 “Kəpəz”in 17 yaşlı qapıçısı karyerasını bitirdi 2-08-2020, 10:17 “Gözümü yumdum, açdım ağzımı, ermənilərə döşədim” 31-07-2020, 12:29 Zaur Həşimov Rəşad Sadıqovun təyinatını gözləyirmiş 31-07-2020, 12:24 Ramil Şeydayev “Sabah”da qaldı 31-07-2020, 12:23 Hakimlərin toplanışı olacaqmı? 31-07-2020, 12:18 Yeni mövsüm üçün büdcəsi təsdiq olunmayan “Sumqayıt”... 31-07-2020, 12:16 “Neftçi”nin Türkiyəyə səfəri gözlənilir 31-07-2020, 12:14 Meza Kollinin “Keşlə”yə kömək edəcəyi inandırıcı görünmür 31-07-2020, 12:05 Əli Babayev İsrail çempionu olub 31-07-2020, 12:01 Şəhriyar Raufu yığmanın ən dəyərli oyunçusu sayır 31-07-2020, 11:55 Rauf Məmmədovun onlayn partiyalarının sayı milyona yaxınlaşır 31-07-2020, 11:36 “Sumqayıt”ın Azad dayısı dünyasını dəyişdi 31-07-2020, 11:35 Rafiq Mirzəyev Vaqif Cavadovun məktəbində işləyəcək 31-07-2020, 11:33 Sadıqov üçün serb müdafiəçi 31-07-2020, 11:31 Əvvəl start tarixi, sonra “transfer pəncərəsi”nin vaxtı müəyyənləşəcək 31-07-2020, 11:28 “Sumqayıt”ın bombardiri ilə maraqlanan yoxdu 31-07-2020, 11:24 31 iyul: Qəbələdə əzəli rəqiblərin dueli 31-07-2020, 11:22 “Neftçi” müqavilə yenilədi və azarkeşlərinə səsləndi 31-07-2020, 11:19 Yeni mövsüm avqustda başlayacaq: 14-ü, yoxsa 21-i? 31-07-2020, 11:17 Həm martda, həm də iyulda doğulan Əsgər... 29-07-2020, 22:06 Əsgər Abdullayev yubileyini Bakıda ailəsi ilə qeyd edib 29-07-2020, 22:04 “Keşlə” rəqibini “ASK Arena”da qəbul edə biləcək 29-07-2020, 22:03 AFFA-nın İşçi Qrupunda beş nəfər yer alıb 29-07-2020, 22:00 Əmrəliyə “Rapid”, “Levski” və “Ferentsvaroş”dan təkliflər olub 29-07-2020, 21:06 “Qəbələ” “Zirə” ilə qolsuz “sülh”ə razılaşdı 29-07-2020, 21:04 Əfran İsmayılov hələ də gözləyir 29-07-2020, 17:56 U-19-un üzvü 20 yaşında “xərçəng”dən dünyasını dəyişdi 29-07-2020, 17:54 Vidadi Rzayev futbolun durumundan yana-yana danışdı 28-07-2020, 15:07 “İdman TV”nin əməkdaşları evdə müalicə olunurlar 28-07-2020, 15:01 Mütəxəssislər “Hatayspor”un təklifini dəyərləndirdi 28-07-2020, 14:59 Vüqar Əsgərov “Dauqavpils”dən ayrıldı 28-07-2020, 14:56 Aftandil Hacıyev gələcəyə ümidlə baxır 28-07-2020, 14:52 “Ağsu Siti” divizionda oynamaq üçün Elxan Məmmədova müraciət edib 28-07-2020, 14:45 Şəhriyar “Zirə”ni Rəşad Sadıqova görə seçib 28-07-2020, 14:41 Meza Kolli iyulun sonunda gəlməlidi 28-07-2020, 13:59 Səhhəti Nazim Əliyevə məşqçi işləməyə imkan vermir 27-07-2020, 12:21 Essyen yenidən "Çelsi"də? - İDDİA 26-07-2020, 15:39 “Dedim, yox, iynə gücünə də olsa, meydana çıxacam” 26-07-2020, 15:37 Atanur Cəfərli Azərbaycan Azarkeşlər Birliyini yaratdı 26-07-2020, 15:35 Cavid Hüseynov “Qəbələ”yə döndü 26-07-2020, 14:34 “Öz səhvlərimizə görə Avroliqadan kənarda qaldıq” 26-07-2020, 14:30 “Qarabağ”ın potensial rəqibləri: 15-i bilinir, qaldı biri 26-07-2020, 14:27 “Keşlə” Bakıya qayıtdı… 26-07-2020, 14:24 “Səbail” Əmirquliyevi saxladı 26-07-2020, 14:18 AFFA yığmanın məşqçilərini Qəbələyə ezam etdi 26-07-2020, 14:16 “Neftçi TV” yeni layihələr təqdim edəcək 26-07-2020, 14:09 "Sumqayıt" “səpələnməmişlər” sırasında olacaq 26-07-2020, 13:59 “Bakı” Lənkərana bir avtobus mühafizəçi aparıb Bütün xəbərlər
Ən çox oxunanlar