29 iy 22:00aktual

Əmrəliyə “Rapid”, “Levski” və “Ferentsvaroş”dan təkliflər olub


Ramil Adıgözəlov: “Balayev özü ABŞ-a yollanmaqda maraqlı idi”
Azərbaycanlı futbolçular ölkə xaricində top qovmamalarının səbəbi kimi hər imkanda agentlərin səriştəsizliyini göstərirlər. Ki, bunlar yaxşı oynayır, amma əllərindən tutub Avropaya aparan yoxdu. Halbuki indiyə qədər Vaqif Cavadovdan tutmuş Kamran Ağayevə, Mahir Şükürovdan tutmuş Ruslan Qurbanova, Elnur Cəfərova, nə bilim, Budaq Nəsirova qədər çoxlarına xaricdə top dalınca qaçmaq qismət olub. Lakin heç biri duruş gətirə bilməyib. Yəni dərd agentlərin zəifliyi deyil.
Agent demişkən, sən demə, azərbaycanlı menecerlərdən biri də Moldovada yaşayır. Rusiya, Türkiyə, hətta Azərbaycanla da əlaqələri olan bu şəxs Ramil Adıgözəlovdu. Atası qarabağlı olan Ramil 90-cı illərin əvvəllərində valideynləri ilə birgə Moldovaya köçüb və elə o vaxtdan orda yaşayır. Universititetin turizm fakültəsini bitirən, sonradan bu sahədə çalışan həmyerlimizin futbola gəlişi isə gözlənilməz olub. Mark Ryut adlı rusiyalı futbolçunun Moldova “Olimpiya”sına keçidinə kömək edib və o vaxtdan vasitəçilik həvəsi yaranıb.
Ramil Rusiyada çalışan Anar İbrahimov adlı həmkarımıza geniş müsahibə verib. Bir çox məqamlardan, İtaliyada başına gələnlərdən, Andrey Çernışevlə işbirliyindən, Rusiya klublarının Nuri Şahindən imtinasından, qısası, şox şeydən danışıb.
İki azərbaycanlının söhbətində Azərbaycan futbolundan və azərbaycanlı futbolçulardan söz düşməməsi mümkünsüz olardı. Ramil ad çəkməsə də, bir azərbaycalı oyunçunun Maldiv adalarında top qovacağını deyib, Mahir Əmrəli mövzusunda bilmədiklərimizi dilə gətirib.
- İndicə ekzotik transferim yadıma düşdü. Yaxınlarda azərbaycanlı futbolçunun Maldiv adalarının təmsilçisi ilə müqavilə bağlamasına vasitəçilik etmişəm.
- Adı nədi?
- Hələ ki ad çəkə bilməyəcəm.
- Neçə yaşı var?
- 25.
- Maaşı?
- Maaşı haqda da məlumat verməyim doğru olmaz. Amma orda bonuslar var. Onu deyim ki, Azərbaycanın ortabab komandalarının verdiklərindən çoxdu. Öz aramızdı, Maldiv adalarında yaşamaq da ucuz başa gəlmir axı.
- Maldiv adalarının klub rəsmiləri sənə hardan çıxdılar?
- Maldivdə dincələndə çempionat oyununa getmişdim. Orda futbol adamları ilə tanış olmuşdum. Bax, beləcə.
- Başqa hansı azərbaycanlı futbolçularla işbirliyində olmusan?
- İlyarım əvvəl Avropadan olan həmkarlarım mənimlə əlaqə saxlayıb, Azərbaycana uçmağı və Mahir Əmrəli mövzusunda danışıq aparmağı xahiş etmişdilər. AFFA-nın köməyi sayəsində futbolçunun agenti ilə əlaqə saxlaya bildim. Zəngləşdik, şərtlərdən danışdıq. Yeri gəlmişkən, Mahirin iki agenti var. Danışıqlar zamanı da Əmrəlinin özü iştirak etmədi. Açığı, Mahir barədə bir şey anlaya bilmədim, ondan sonra maraq öldü. Düzü, onun nə vaxtsa Azərbaycanı tərk edəcəyinə inanmıram. Artıq 23 yaşı var, yaxşı çempionata yollanmaq üçün bir ili qalıb. Yaxşı futbolçudu, xaricə yollanmalıdı.
- İndiyə qədər Mahiri istəyən klublar olub?
- Həmin vaxt Avstriya “Rapid”i maraqlanırdı. Həmçinin Polşadan “Levski” rəsmiləri birbaşa mənimlə əlaqə saxlamışdılar. Amma... Agentinin sitatını olduğu kimi deyirəm: “Qarabağ”dan “Levski”yə keçmək – bu, biabırçılıq olar”. Hə, yadıma düşdü, “Ferentsvaroş”dan da təklif var idi.
- Sən mənə MLS-dən olan təkliflərdən danışmışdın. Məgər amerikalılar Azərbaycan çempionatını izləyir? Bir də ki, Mahir türklərə maraqlıdı?
- Amerikalılar konkret Azərbaycan çempionatını izləmirlər. Onlar əsasən yığmaların oyunlarına baxırlar. Əmrəli millidə özünü yaxşı tərəfdən göstərmişdi. Üstəlik Mahirin Çempionlar Liqası və Avroliqa təcrübəsi var. Türklər? Amsterdamda forum keçirilirdi, həmin mərasimdə “Fənərbaxça” və “Beşiktaş” rəsmiləri ilə söhbətim olmuşdu. Onlar Mahir Əmrəlini yaxşı tanıyır. Adı “şort-list”dədi (qısa siyahı), ondan artıq yox. Belə başa düşdüm ki, türklər hətta Azərbaycanın top-klubundan belə, futbolçu almağa risk etmirlər. Elə bir futbolçu lazımdı ki, həmin pəncərəni sındırsın.
- Yaxşı, MLS-dən hansı klublar maraqlanırdı?
- Adları çəkim? “Çikaqo”, “Kolambus”, “Orlando”, “Nyu-York Red Bulls”, “Neşvill”, “San-Xose”, “Los-Anceles”... Hər biri birbaşa transferdə maraqlı idi. Pandemiyaya qədər mandat aldıq. Pandemiyadan sonra isə vəziyyət gərginləşdi, çünki danışıq aparmaq mümkünsüzə çevrilmişdi, sabah nə olacağını heç kim bilmirdi. Təsəvvür edin, adi suallara konkret cavab ala bilmirdik. Halbuki Mahir özü ABŞ-a yollanmaqda maraqlı idi. O axmaq deyil, bir neçə dildə danışır, o cümlədən ingiliscə. Ona həmçinin Qərbi Avropa da maraqlıdı.
- Azərbaycandakı agentləri necə, Mahirin xarici kluba keçidində maraqlıdı?
- Açığı, onlar da maraqlıdılar. Amma başqa insanlar ona kömək etmədilər. Subyektiv fikrimdi: xaricə yollanmaq üçün ən yaxşı vaxtlar geridə qaldı. Çempionlar Liqasının qrupunda oynayandan sonra getməliydi. 21 yaşı var idi onda.
- Mahir məsələsində sənin rolun nədi?
- Mən vasitəçiyəm. Sadəcə, öz həmkarımı təmsil edirdim.
- Danışıqları birbaşa özün niyə aparmırdın?
- Düşündüm ki, bir azərbaycanlı kimi kənarda dayanmağım məsləhətdi.
- Maraqlı mövqeyin var...
- Mən orda qeyri-peşəkarlıq görürəm. AFFA-da rəsmi şəkildə üç agent qeydiyyatdan keçib. Və ən maraqlısı onlardan heç birinin Azərbaycanın daxili bazarında işləməməsidi. Hələ əcnəbilər də var. Təsəvvür edin, futbolçunun agenti yoxdu və sən əlindəki təkliflə mandat üçün gəlirsən. Ancaq sənə onu vermirlər. Hətta təklif göndərən klubun rəsmi sənədi ilə də müraciət etsən, yenə mandat verilmir. İş ciddiyə çatanda futbolçunun qohumları, başqa agentlər və vaxtilə ona məşqçilik etmiş şəxslər çıxır ortaya. Və sənin başının üstündən həmin kluba çıxmaq istəyirlər. Ona görə də bu kimi işlər yoluna qoyulmalıdı.
- Düzünü de, marağın pul qazanmaqdı, yoxsa gənc azərbaycanlıların ölkə xaricinə yollanmasına kömək etmək?
- Robin Qud kimi görünmək istəmirəm. Bir şeyi bilirəm, heç bir agent gənc azərbaycanlının keçidindən yaxşı pul qazana bilməz. Əsas istəyim gənc azərbaycanlıların legioner həyatı yaşayıb özlərini göstərmələridi. “Azərbaycandan yaxşı futbolçu çıxmır” mifini dağıtmaq lazımdı.
- Yeri gəlmişkən, Emil Balayevin MLS məsələsi nə idi elə?
- Balayev özü ABŞ-a yollanmaqda maraqlı idi. Amerika ona çox maraqlı gəlir. Açığı, onunla Belçika və Polşa klubları maraqlanırdı. Hətta bir həmkarımla Emilin mandatını da almışdıq. Di gəl ki... Yenə pul məsələsi! Balayevin Qazaxıstanda və “Qarabağ”da aldığı pulları Avropada heç kim ona verməyəcək. Bilirəm, səviyyəsi ilə istənilən çempionatda oynaya bilər. Amma avropalıların təklif etdiyi pulla Azərbaycanla Qazaxıstanda verilən maaş arasında az qala ikiqat fərq var.
- Balayev ABŞ-a istəyirdi. Heç olmasa, MLS-də onu gözləyən vardı?
- Qulağıma bəzi sözlər çatmışdı. Ancaq onun keçidi üçün başqa bir azərbaycanlı agent çalışırdı, mən yox.
- Dediklərinlə Azərbaycan futbolunu məhv edirsən.
- Deməzdim. AFFA-nın gördüyü işləri qeyd etmək lazımdı. Onlar çox yaxşı işləyirlər. Azərbaycan futbolu əvvəlki illərə nisbətən xeyli təmizlənib. Artıq premyer-liqada danışılmış, yekun nəticəsi razılaşdırılmış oyunlar yoxdu. Birinci divizionda ola bilər. Ancaq yenə də əvvəlki qədər deyil. Bunu Moldovada da etmək lazımdı. Oyunların 80 faizi danışılmış olur. AFFA-nın yığma üçün etdikləri də alqışlanmalıdı. “Milliləşdirmə” siyasəti, xaricdəki azərbaycanlıların cəlb olunması və s. Dadaşov nümunəsi bəs edir. İndi də Dortmund “Borussiya”sında 15 yaşlı azərbaycanlının dalınca düşüblər. Lakin o uşaq Azərbaycan millisində oynamaq istəmədiyini deyir.
- Sən özün hansını seçərdin: Moldova, yoxsa Azərbaycan yığmasını?
- Təbii ki, Azərbaycanı. Mən azərbaycanlıyam, vətənimi sevirəm.
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 11:40 Yurçeviç klublardan aldığı təklifi geri çevirib Dünən, 11:22 “Səbail” ayağını yorğanına görə uzadır Dünən, 11:19 Mümkün biabırçılıq Ayxan Abbasovu qorxutmur 6-08-2020, 15:40 PFL prezidenti onlayn formatda seçilə bilər 6-08-2020, 15:38 Vaqif Sadıqov futbola güzəşt olunacağını düşünür 6-08-2020, 15:35 Yardım almayanlar AFFA-ya müraciət etməyib 6-08-2020, 15:29 De Byazidən mesaj və bayram təbriki 6-08-2020, 15:25 Yığmanın italyan məşqçilərinin dosyesi 6-08-2020, 15:18 Mirhüseyn Seyidov koronavirusa yoluxub 6-08-2020, 15:13 “Qəbələ” satdıqlarını icarəyə götürdü 6-08-2020, 15:12 Azərbaycan futbolu ilə bağlı film çəkilsə... 6-08-2020, 13:43 “Qarabağ”a yeni legionerlər qoşulacaq 6-08-2020, 13:36 Beqoviç Matiçə “Qarabağ”a keçməyi məsləhət görüb 6-08-2020, 13:32 Yenilənmiş “Qarabağ”la “Neftçi”ni yaxından tanıyaq 6-08-2020, 13:21 Rəşad Sadıqov Hacıağanı “Qarabağ”dan “qopardı” 6-08-2020, 13:19 Elvin Məmmədov bədbinliyə qapılmağa əsas görmür 6-08-2020, 13:18 Vüqar dubl etdi, Nicat zədələndi 6-08-2020, 13:09 “Təəssüf ki, başda Blatter olmaqla FİFA sizin Bakıya başıuca dönməyinizi istəmədi” 2-08-2020, 11:54 “Federasiya pandemiya olmayanda heç bir iş görmürdü, o ki qalıb indi” 2-08-2020, 11:47 Dörd kluba ümumilikdə 2 milyon 500 min manat ayrıldı 2-08-2020, 11:39 Əmir Ağayev “Sumqayıt”a mesaj göndərdi 2-08-2020, 11:36 UEFA klublarımızı xəbərdar edib 2-08-2020, 11:32 “Energetik”in prezidenti İlham Əliyevə məktub yazıb 2-08-2020, 11:27 Kənar qüvvələr “Şahdağ”ı parçalayır 2-08-2020, 10:56 “Hər bir futbolçunun xarakteristikasını yazıb baş məşqçiyə göndərdim” 2-08-2020, 10:25 “Qarabağ”ın azarkeşləri Matiçi qınayanlarla razı deyil 2-08-2020, 10:23 Yağış imkan vermədi... 2-08-2020, 10:20 “Kəpəz”in 17 yaşlı qapıçısı karyerasını bitirdi 2-08-2020, 10:17 “Gözümü yumdum, açdım ağzımı, ermənilərə döşədim” 31-07-2020, 12:29 Zaur Həşimov Rəşad Sadıqovun təyinatını gözləyirmiş 31-07-2020, 12:24 Ramil Şeydayev “Sabah”da qaldı 31-07-2020, 12:23 Hakimlərin toplanışı olacaqmı? 31-07-2020, 12:18 Yeni mövsüm üçün büdcəsi təsdiq olunmayan “Sumqayıt”... 31-07-2020, 12:16 “Neftçi”nin Türkiyəyə səfəri gözlənilir 31-07-2020, 12:14 Meza Kollinin “Keşlə”yə kömək edəcəyi inandırıcı görünmür 31-07-2020, 12:05 Əli Babayev İsrail çempionu olub 31-07-2020, 12:01 Şəhriyar Raufu yığmanın ən dəyərli oyunçusu sayır 31-07-2020, 11:55 Rauf Məmmədovun onlayn partiyalarının sayı milyona yaxınlaşır 31-07-2020, 11:36 “Sumqayıt”ın Azad dayısı dünyasını dəyişdi 31-07-2020, 11:35 Rafiq Mirzəyev Vaqif Cavadovun məktəbində işləyəcək 31-07-2020, 11:33 Sadıqov üçün serb müdafiəçi 31-07-2020, 11:31 Əvvəl start tarixi, sonra “transfer pəncərəsi”nin vaxtı müəyyənləşəcək 31-07-2020, 11:28 “Sumqayıt”ın bombardiri ilə maraqlanan yoxdu 31-07-2020, 11:24 31 iyul: Qəbələdə əzəli rəqiblərin dueli 31-07-2020, 11:22 “Neftçi” müqavilə yenilədi və azarkeşlərinə səsləndi 31-07-2020, 11:19 Yeni mövsüm avqustda başlayacaq: 14-ü, yoxsa 21-i? 31-07-2020, 11:17 Həm martda, həm də iyulda doğulan Əsgər... 29-07-2020, 22:06 Əsgər Abdullayev yubileyini Bakıda ailəsi ilə qeyd edib 29-07-2020, 22:04 “Keşlə” rəqibini “ASK Arena”da qəbul edə biləcək 29-07-2020, 22:03 AFFA-nın İşçi Qrupunda beş nəfər yer alıb 29-07-2020, 22:00 Əmrəliyə “Rapid”, “Levski” və “Ferentsvaroş”dan təkliflər olub 29-07-2020, 21:06 “Qəbələ” “Zirə” ilə qolsuz “sülh”ə razılaşdı 29-07-2020, 21:04 Əfran İsmayılov hələ də gözləyir 29-07-2020, 17:56 U-19-un üzvü 20 yaşında “xərçəng”dən dünyasını dəyişdi 29-07-2020, 17:54 Vidadi Rzayev futbolun durumundan yana-yana danışdı 28-07-2020, 15:07 “İdman TV”nin əməkdaşları evdə müalicə olunurlar 28-07-2020, 15:01 Mütəxəssislər “Hatayspor”un təklifini dəyərləndirdi Bütün xəbərlər
Ən çox oxunanlar